車仔球迷，成日都話自己球員好多傷，但我估其他球迷都會話：「挑，而家得你哋傷咩？」，的確，打橫嚟睇又的確好似隊隊都有傷咁。
但最近，保險業界權威 Howden Group 發布咗一份名為 《2024/25 歐洲足球傷病指數》 嘅重磅報告。Howden 係咩料？簡單講，佢哋係全球頂級嘅保險經紀集團，專門幫球會、聯賽同球員搞保險同風險管理。
即係話，當球員受傷涉及賠償或者計人工成本嗰陣，佢哋係最清楚條數點計嗰班人。佢哋出嘅報告，唔係一般幾十蚊一份嘅數據分析，而係真正涉及以億計算、有血有肉嘅財務賬單。
我特登去佢哋官網（link）下載咗呢份幾百頁嘅文件嚟睇。
但詳細睇完之後先發現，原來覺得車仔多傷並唔係風水唔好，而係一個由賽制同策略共同製造出嚟嘅「傷病地獄」。所以今次車迷觀點，就拎住呢份呈堂證供，逐點講下。(當然…你有興趣都可以睇晒嘅…)
世冠盃的代價，車路士全歐第一
好多人話：「世冠盃個個都踢啦，點解係得你有事？」 Howden 報告第 8 頁直接點名：「車路士 (世冠盃冠軍) 係全歐洲受傷病影響最嚴重嘅球隊。」
數據顯示，喺 2025 年 6 月至 10 月期間（即係世冠盃期間至季初），車路士錄得 23 次 傷病 。 最恐怖嘅係，呢個數字比上一季同期激增咗44% 。
呢樣就證明咗，個冠軍係用球員條命換返嚟嘅。馬蛇接手嘅唔係一支準備好嘅軍隊，而係一隊身心俱疲、隨時會斷嘅殘兵。(仲未計班球員自己燥底拎紅牌停賽，我哋仲排係上半版真係要劏雞還神…)
U21 青春風暴 = 玻璃風暴？
我哋高層最鍾意買妖人，古爾、二安、加拿祖全部都係 U21。 但報告揭示咗一個好反直覺嘅現象：原來後生仔喺英超係最易傷嘅。
數據指出，英超 U21 前鋒，平均每踢 120 分鐘 就會受傷一次 。 另外，自 2020/21 球季以嚟，U21 球員受傷後嘅平均缺陣時間整體趨勢係上升嘅 。
呢件事就代表住，青春風暴嘅代價係極高嘅折舊率。佢哋身體未發育完全，就俾人掉落去英超呢個碎肉機入面。馬蛇死都唔肯俾彭馬連續踢，甚至被人話佢固執，原來佢係睇住數據做人：因為再踢多 30 分鐘，佢可能就要瞓醫院。
曼城的延遲爆發與賽程殺人
有人會駁：「你班車狗食屎啦，曼城都有踢世冠盃，佢哋無事喎」。先唔講曼城開季就有少少阻滯，但報告同時發現咗一個叫「延遲性高峰」 嘅現象。
曼城喺世冠盃期間係 0 傷，但去到之後 3 個月（8月-10月），佢哋即刻爆發咗 22 次 傷病 。咁就證明世冠盃嘅毒性係有滯後嘅。車路士係即時死，曼城係慢慢死，但結果一樣：大家都被變態嘅賽程殺死咗。同時證明埋問題唔係出喺車路士嘅醫療團隊，而係整個賽制根本無俾球員回氣嘅空間。
贏咗 1.25 億獎金，蝕咗幾多人工？
最後一個數據，係最肉赤嘅會計題。 我哋贏世冠盃，應該唔少人記得車仔果筆高達 $1.25 億美元 (約 €1.18 億歐元) 嘅巨額獎金。聽落好爽？且慢。
Howden 報告計過一條數，車路士喺過去 5 個賽季，單單係支付俾受傷球員嘅人工（即係白受糧），總數高達 €1.59 億 。單係上季 (23/24)，我哋就燒咗 €5,222 萬養傷兵，全英超第二高 。
條數好簡單：我哋贏返嚟嗰筆世冠獎金，基本上大部分都用嚟填補返「養傷兵」蝕咗嘅人工。 可以話係一筆血的交易。表面上我哋贏咗冠軍同獎金，但實際上我哋犧牲咗球員嘅健康同成績，嗰筆獎金亦只係僅僅夠 Cover 番我哋因為賽程過密而導致嘅財政損失。
總結：馬蛇是在「保命」
睇完呢份報告，我哋應該要對馬蛇嘅極限輪換有多一份體諒。當佢喺歐聯換走半隊正選，當佢死都唔肯俾彭馬踢足，佢唔係玩野，佢係喺度保命，但唔係佢條命，而係保住球員嘅職業生涯，亦保住球會嘅資產。
喺呢個瘋狂嘅賽程下，能夠無穿無爛咁完季，可能比起戰術更重要。下次見到馬蛇輪換，唔好再鬧佢啦，佢可能係唯一一個睇得清現實又跟足醫療指示嘅人。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
但最近，保險業界權威 Howden Group 發布咗一份名為 《2024/25 歐洲足球傷病指數》 嘅重磅報告。Howden 係咩料？簡單講，佢哋係全球頂級嘅保險經紀集團，專門幫球會、聯賽同球員搞保險同風險管理。
即係話，當球員受傷涉及賠償或者計人工成本嗰陣，佢哋係最清楚條數點計嗰班人。佢哋出嘅報告，唔係一般幾十蚊一份嘅數據分析，而係真正涉及以億計算、有血有肉嘅財務賬單。
我特登去佢哋官網（link）下載咗呢份幾百頁嘅文件嚟睇。
但詳細睇完之後先發現，原來覺得車仔多傷並唔係風水唔好，而係一個由賽制同策略共同製造出嚟嘅「傷病地獄」。所以今次車迷觀點，就拎住呢份呈堂證供，逐點講下。(當然…你有興趣都可以睇晒嘅…)
世冠盃的代價，車路士全歐第一
好多人話：「世冠盃個個都踢啦，點解係得你有事？」 Howden 報告第 8 頁直接點名：「車路士 (世冠盃冠軍) 係全歐洲受傷病影響最嚴重嘅球隊。」
數據顯示，喺 2025 年 6 月至 10 月期間（即係世冠盃期間至季初），車路士錄得 23 次 傷病 。 最恐怖嘅係，呢個數字比上一季同期激增咗44% 。
呢樣就證明咗，個冠軍係用球員條命換返嚟嘅。馬蛇接手嘅唔係一支準備好嘅軍隊，而係一隊身心俱疲、隨時會斷嘅殘兵。(仲未計班球員自己燥底拎紅牌停賽，我哋仲排係上半版真係要劏雞還神…)
U21 青春風暴 = 玻璃風暴？
我哋高層最鍾意買妖人，古爾、二安、加拿祖全部都係 U21。 但報告揭示咗一個好反直覺嘅現象：原來後生仔喺英超係最易傷嘅。
數據指出，英超 U21 前鋒，平均每踢 120 分鐘 就會受傷一次 。 另外，自 2020/21 球季以嚟，U21 球員受傷後嘅平均缺陣時間整體趨勢係上升嘅 。
呢件事就代表住，青春風暴嘅代價係極高嘅折舊率。佢哋身體未發育完全，就俾人掉落去英超呢個碎肉機入面。馬蛇死都唔肯俾彭馬連續踢，甚至被人話佢固執，原來佢係睇住數據做人：因為再踢多 30 分鐘，佢可能就要瞓醫院。
曼城的延遲爆發與賽程殺人
有人會駁：「你班車狗食屎啦，曼城都有踢世冠盃，佢哋無事喎」。先唔講曼城開季就有少少阻滯，但報告同時發現咗一個叫「延遲性高峰」 嘅現象。
曼城喺世冠盃期間係 0 傷，但去到之後 3 個月（8月-10月），佢哋即刻爆發咗 22 次 傷病 。咁就證明世冠盃嘅毒性係有滯後嘅。車路士係即時死，曼城係慢慢死，但結果一樣：大家都被變態嘅賽程殺死咗。同時證明埋問題唔係出喺車路士嘅醫療團隊，而係整個賽制根本無俾球員回氣嘅空間。
贏咗 1.25 億獎金，蝕咗幾多人工？
最後一個數據，係最肉赤嘅會計題。 我哋贏世冠盃，應該唔少人記得車仔果筆高達 $1.25 億美元 (約 €1.18 億歐元) 嘅巨額獎金。聽落好爽？且慢。
Howden 報告計過一條數，車路士喺過去 5 個賽季，單單係支付俾受傷球員嘅人工（即係白受糧），總數高達 €1.59 億 。單係上季 (23/24)，我哋就燒咗 €5,222 萬養傷兵，全英超第二高 。
條數好簡單：我哋贏返嚟嗰筆世冠獎金，基本上大部分都用嚟填補返「養傷兵」蝕咗嘅人工。 可以話係一筆血的交易。表面上我哋贏咗冠軍同獎金，但實際上我哋犧牲咗球員嘅健康同成績，嗰筆獎金亦只係僅僅夠 Cover 番我哋因為賽程過密而導致嘅財政損失。
總結：馬蛇是在「保命」
睇完呢份報告，我哋應該要對馬蛇嘅極限輪換有多一份體諒。當佢喺歐聯換走半隊正選，當佢死都唔肯俾彭馬踢足，佢唔係玩野，佢係喺度保命，但唔係佢條命，而係保住球員嘅職業生涯，亦保住球會嘅資產。
喺呢個瘋狂嘅賽程下，能夠無穿無爛咁完季，可能比起戰術更重要。下次見到馬蛇輪換，唔好再鬧佢啦，佢可能係唯一一個睇得清現實又跟足醫療指示嘅人。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌ https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊