作客 3：1 贏波，殺入聯賽盃 4 強，繼上場贏咗愛華頓之後再下一城，睇個 比分牌 似係例行公事？錯晒。呢場波對於馬蛇同所有捱夜睇波嘅車迷嚟講，其實係一場半夜驚魂。
呢場比賽最重要嘅啟示，唔係贏波，而係赤裸裸咁反映出 A 隊同 B 隊之間嗰條不可逾越嘅鴻溝。如果唔係下半場換入幾部F1引擎落場屈機，今場隨時炒車都未定……
比賽簡述
上半場車路士排出全副選陣容，搞到場面極度便秘，xG 只有 0.28，幾乎被卡迪夫城偷雞成功，半場互交白卷。下半場馬蛇果斷換入主力加拿祖同祖奧柏度，局面即刻反轉。加拿祖梅開二度，加上尼圖嘅入球，最終以 3-1 擊敗一度追平嘅卡迪夫城，有驚無險晉級。
戰術深潛 (Tactical Deep Dive)
換人係分水嶺，後備深度嘅勝利 今場波嘅勝負手好明顯：換人。馬雷斯卡喺半場同之後嘅調動，係兩隊之間最重要嘅區別。 上半場嗰隊車路士，好似一副生晒鏽嘅引擎，運轉極度遲緩；下半場換入加拿祖、祖奧柏度同尼圖之後，好似換咗跑車引擎咁，瞬間將比賽節奏、對抗性同銳利度提升去另一個層次。
加拿祖同尼圖包辦晒三個入球，球迷話「靠後備贏波」絕對無講錯。呢個就係英超豪門嘅屈機之處：當首發唔掂，我仲有成億幾兩億嘅後備核武可以屈死你。另一方面，車仔亦展現出把握對手失誤嘅能力，第一球就係源於 Lawlor 嘅「明顯失誤」，直接懲罰咗對手。
開賽排陣：B隊嘅集體迷失
馬蛇為咗應付聖誕快車，換晒11個正選，結果係點？兩個字：災難。
答案好明顯，開賽排陣並非成功關鍵，反而係上半場表現低迷同沉悶嘅主因。上半場車路士 xG 只有可憐嘅 0.28，甚至少過卡迪夫城。呢個反映出以基頓斯、古爾為首嘅攻擊線，缺乏決定性同質量。面對卡迪夫城緊密嘅防守陣型，B隊球員完全搵唔到空間，亦無足夠嘅緊迫感去撕破對手。
數據大爆炸：半場變身
再睇返數據，今場波嘅軌跡簡直係心電圖式嘅極端反差，完全印證咗「下半場先係真．車路士」。
上半場我哋嘅 xG 只有可憐嘅 0.28，同卡迪夫城嘅 0.21 根本係「海軍鬥水兵」，甚至連禁區內觸球都得個位數嘅 7 次。但一換邊，成件事即刻唔同晒，下半場 xG 直線飆升近 10 倍去到 2.29，禁區內觸球更加暴增至 25 次，創造咗 5 次 Big Chances。
更重要係態度上嘅轉變，地面對抗成功率由上半場輸俾英甲隊嘅 46%，下半場回升至壓倒性嘅 65%，證明換人唔單止帶黎技術，仲帶黎咗反勝必須嘅「鬥心」同「硬度」，令比賽由五五波變成單方面屠殺。
對手視角：卡迪夫城雖敗猶榮
要讚下卡迪夫城，佢哋唔係以前嗰隊只識長傳急攻嘅球隊。喺同樣師承哥帥嘅 Barry-Murphy 帶領下，佢哋夠膽踢傳控，展現出極高嘅位置紀律性。
上半場佢哋成功遏制車路士，戴維斯（Isaak Davies）喺左路亦製造咗唔少麻煩。但現實係殘酷嘅，面對英超頂級翼鋒嘅衝擊，加上後防線出現代價高昂嘅失誤，體力同質素嘅差距喺最後20分鐘崩盤係無可避免。
加拿祖 (Alejandro Garnacho)
用世界級終結能力話俾大家知：佢先係真主力。
如果你只睇精華，可能會話佢兩個入波都係「執雞」或者受惠於對手失誤。但作為長期睇波嘅球迷，你會見到加拿祖今場最值錢嘅係佢嘅無球跑動同把握力。上半場我哋左路基本上係死火嘅，但加拿祖一出場，就不斷喺對手防線身後搵空間，短短 45 分鐘就有 8 次禁區內觸球，證明佢幾咁活躍。
最驚人係佢嘅射門質量數據，佢本身獲得嘅機會質素只有 1.30 xG，但佢射出嚟嘅波，預期中目標值 (xGOT) 竟然高達 1.99，即係話，佢唔單止跑到個位，仲憑個人技術將啲半機會轉化成極難救嘅死角波。
兩個入波都處理得極度冷靜，網民話佢同正選嗰個翼鋒有好大級數差距，今場表現確實無得駁，佢係今場破局嘅絕對關鍵先生。
卡些度(Moisés Caicedo)
成隊 B 隊得佢一個踢緊 A 隊水準，攻守全能嘅定海神針。
換晒 11 個正選、默契欠奉嘅大輪換賭局入面，卡些度就係馬蛇唯一嘅保險。佢今場嘅表現話俾大家知，咩叫億萬身價嘅級數。當上半場全隊進攻便秘（xG 得 0.28）嗰陣，係佢喺中場不斷前插，交出全場最多嘅 4 次關鍵傳球，包括上半場俾古爾嗰腳手術刀單刀波。
防守方面佢簡直係統治級，全場 5 次鏟球、10 次重奪球權，地面對抗贏咗 7 次，完全無俾對手扭過。雖然上半場因為不滿球證判決諷刺拍手食咗張無謂黃牌，反映出佢作為隊長對球隊表現嘅焦急，但無可否認，如果無佢喺中場掃蕩同派牌，車路士嘅上半場可能會崩潰得更徹底。佢依家絕對係球隊不可或缺嘅核心。
山度士 (Andrey Santos)
默默耕耘嘅沉默英雄，關鍵助攻加上零被扭過，證明佢唔係黎湊數。
喺卡些度負責帶波推進、做全場焦點嗰陣，山度士就係旁邊做晒Dirty Work、我自己認為係最重要嘅工作。全場 6 次鏟球、7 次重奪球權，而且 90 分鐘內無一次俾人扭過，呢個防守數據硬淨到不得了，成功填補咗中場嘅防守真空。
佢唔單止防守穩，進攻亦有貢獻。下半場俾人追平 1-1 氣勢正盛嗰陣，係佢同尼圖配合，交出關鍵助攻射入反超前一球，直接救返馬蛇一命，避免要互射十二碼。
加上完場前係禁區冷靜攔截無輸十二碼，佢今場嘅表現絕對係一班輪換球員之中最出色嗰個，話俾大家知佢夠班踢英超。
哈圖 (Jorrel Hato)
久違嘅露面，進攻雖然隱形，但防守滴水不漏，平平穩穩過關。
因為古古列拿停賽，好耐冇見嘅哈圖終於有正選。雖然佢喺進攻端比較靜，全場只有 1 次禁區觸球同 0 次創造機會，完全俾唔到類似古古嗰種邊路支援；但係防守上佢交足功課。
喺一對中堅不時有驚嚇鏡頭、門將又鍾意打手槌嘅情況下，哈圖係後防線相對令人安心嗰個。全場 4 次解圍、地面對抗贏咗 80%，最重要係 0 次俾人扭過，紀律性極高。對於一個輪換球員黎講，冇俾網民點名批評，已經係一種肯定。
希望佢可以繼續進步，特別係進攻面可以做到更多，咁古古有咩三長兩短嘅嘅都仲有人踢…
總結：結果大於過程，A/B 隊警號已響
3-1，任務完成，車路士順利殺入聯賽盃四強，離自 2018 年以黎首個本土盃賽冠軍又近一步。馬蛇亦可以暫時放低嗰個「最差 48 小時」嘅包袱，重新出發。
不過，今場波亦無情地揭示咗球隊「正選」同「輪換」之間嘅巨大鴻溝。面對英甲球隊，B 隊踢得咁掙扎，最後要靠加拿祖、尼圖、祖奧柏度呢啲主力救亡先贏到，呢個所謂陣容深度係咪真係足以應付下半季嘅多線作戰？定係其實只係人多手腳亂？呢個係管理層同教練團必須正視嘅問題。好彩嘅係，90 分鐘內解決戰鬥，唔洗互射十二碼，總算慳返啲腳力應付嚟緊嘅聖誕快車。
加上今場係聯賽盃，大家最想知嘅重點球員（加拿祖、卡些度、山度士、哈圖）都已經喺上面講晒，所以今次就唔會有下集《球員雷達》喇。多謝大家體諒，我哋下場聯賽對紐卡素再傾！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
呢場比賽最重要嘅啟示，唔係贏波，而係赤裸裸咁反映出 A 隊同 B 隊之間嗰條不可逾越嘅鴻溝。如果唔係下半場換入幾部F1引擎落場屈機，今場隨時炒車都未定……
比賽簡述
上半場車路士排出全副選陣容，搞到場面極度便秘，xG 只有 0.28，幾乎被卡迪夫城偷雞成功，半場互交白卷。下半場馬蛇果斷換入主力加拿祖同祖奧柏度，局面即刻反轉。加拿祖梅開二度，加上尼圖嘅入球，最終以 3-1 擊敗一度追平嘅卡迪夫城，有驚無險晉級。
戰術深潛 (Tactical Deep Dive)
換人係分水嶺，後備深度嘅勝利 今場波嘅勝負手好明顯：換人。馬雷斯卡喺半場同之後嘅調動，係兩隊之間最重要嘅區別。 上半場嗰隊車路士，好似一副生晒鏽嘅引擎，運轉極度遲緩；下半場換入加拿祖、祖奧柏度同尼圖之後，好似換咗跑車引擎咁，瞬間將比賽節奏、對抗性同銳利度提升去另一個層次。
加拿祖同尼圖包辦晒三個入球，球迷話「靠後備贏波」絕對無講錯。呢個就係英超豪門嘅屈機之處：當首發唔掂，我仲有成億幾兩億嘅後備核武可以屈死你。另一方面，車仔亦展現出把握對手失誤嘅能力，第一球就係源於 Lawlor 嘅「明顯失誤」，直接懲罰咗對手。
開賽排陣：B隊嘅集體迷失
馬蛇為咗應付聖誕快車，換晒11個正選，結果係點？兩個字：災難。
答案好明顯，開賽排陣並非成功關鍵，反而係上半場表現低迷同沉悶嘅主因。上半場車路士 xG 只有可憐嘅 0.28，甚至少過卡迪夫城。呢個反映出以基頓斯、古爾為首嘅攻擊線，缺乏決定性同質量。面對卡迪夫城緊密嘅防守陣型，B隊球員完全搵唔到空間，亦無足夠嘅緊迫感去撕破對手。
數據大爆炸：半場變身
再睇返數據，今場波嘅軌跡簡直係心電圖式嘅極端反差，完全印證咗「下半場先係真．車路士」。
上半場我哋嘅 xG 只有可憐嘅 0.28，同卡迪夫城嘅 0.21 根本係「海軍鬥水兵」，甚至連禁區內觸球都得個位數嘅 7 次。但一換邊，成件事即刻唔同晒，下半場 xG 直線飆升近 10 倍去到 2.29，禁區內觸球更加暴增至 25 次，創造咗 5 次 Big Chances。
更重要係態度上嘅轉變，地面對抗成功率由上半場輸俾英甲隊嘅 46%，下半場回升至壓倒性嘅 65%，證明換人唔單止帶黎技術，仲帶黎咗反勝必須嘅「鬥心」同「硬度」，令比賽由五五波變成單方面屠殺。
對手視角：卡迪夫城雖敗猶榮
要讚下卡迪夫城，佢哋唔係以前嗰隊只識長傳急攻嘅球隊。喺同樣師承哥帥嘅 Barry-Murphy 帶領下，佢哋夠膽踢傳控，展現出極高嘅位置紀律性。
上半場佢哋成功遏制車路士，戴維斯（Isaak Davies）喺左路亦製造咗唔少麻煩。但現實係殘酷嘅，面對英超頂級翼鋒嘅衝擊，加上後防線出現代價高昂嘅失誤，體力同質素嘅差距喺最後20分鐘崩盤係無可避免。
加拿祖 (Alejandro Garnacho)
用世界級終結能力話俾大家知：佢先係真主力。
如果你只睇精華，可能會話佢兩個入波都係「執雞」或者受惠於對手失誤。但作為長期睇波嘅球迷，你會見到加拿祖今場最值錢嘅係佢嘅無球跑動同把握力。上半場我哋左路基本上係死火嘅，但加拿祖一出場，就不斷喺對手防線身後搵空間，短短 45 分鐘就有 8 次禁區內觸球，證明佢幾咁活躍。
最驚人係佢嘅射門質量數據，佢本身獲得嘅機會質素只有 1.30 xG，但佢射出嚟嘅波，預期中目標值 (xGOT) 竟然高達 1.99，即係話，佢唔單止跑到個位，仲憑個人技術將啲半機會轉化成極難救嘅死角波。
兩個入波都處理得極度冷靜，網民話佢同正選嗰個翼鋒有好大級數差距，今場表現確實無得駁，佢係今場破局嘅絕對關鍵先生。
卡些度(Moisés Caicedo)
成隊 B 隊得佢一個踢緊 A 隊水準，攻守全能嘅定海神針。
換晒 11 個正選、默契欠奉嘅大輪換賭局入面，卡些度就係馬蛇唯一嘅保險。佢今場嘅表現話俾大家知，咩叫億萬身價嘅級數。當上半場全隊進攻便秘（xG 得 0.28）嗰陣，係佢喺中場不斷前插，交出全場最多嘅 4 次關鍵傳球，包括上半場俾古爾嗰腳手術刀單刀波。
防守方面佢簡直係統治級，全場 5 次鏟球、10 次重奪球權，地面對抗贏咗 7 次，完全無俾對手扭過。雖然上半場因為不滿球證判決諷刺拍手食咗張無謂黃牌，反映出佢作為隊長對球隊表現嘅焦急，但無可否認，如果無佢喺中場掃蕩同派牌，車路士嘅上半場可能會崩潰得更徹底。佢依家絕對係球隊不可或缺嘅核心。
山度士 (Andrey Santos)
默默耕耘嘅沉默英雄，關鍵助攻加上零被扭過，證明佢唔係黎湊數。
喺卡些度負責帶波推進、做全場焦點嗰陣，山度士就係旁邊做晒Dirty Work、我自己認為係最重要嘅工作。全場 6 次鏟球、7 次重奪球權，而且 90 分鐘內無一次俾人扭過，呢個防守數據硬淨到不得了，成功填補咗中場嘅防守真空。
佢唔單止防守穩，進攻亦有貢獻。下半場俾人追平 1-1 氣勢正盛嗰陣，係佢同尼圖配合，交出關鍵助攻射入反超前一球，直接救返馬蛇一命，避免要互射十二碼。
加上完場前係禁區冷靜攔截無輸十二碼，佢今場嘅表現絕對係一班輪換球員之中最出色嗰個，話俾大家知佢夠班踢英超。
哈圖 (Jorrel Hato)
久違嘅露面，進攻雖然隱形，但防守滴水不漏，平平穩穩過關。
因為古古列拿停賽，好耐冇見嘅哈圖終於有正選。雖然佢喺進攻端比較靜，全場只有 1 次禁區觸球同 0 次創造機會，完全俾唔到類似古古嗰種邊路支援；但係防守上佢交足功課。
喺一對中堅不時有驚嚇鏡頭、門將又鍾意打手槌嘅情況下，哈圖係後防線相對令人安心嗰個。全場 4 次解圍、地面對抗贏咗 80%，最重要係 0 次俾人扭過，紀律性極高。對於一個輪換球員黎講，冇俾網民點名批評，已經係一種肯定。
希望佢可以繼續進步，特別係進攻面可以做到更多，咁古古有咩三長兩短嘅嘅都仲有人踢…
總結：結果大於過程，A/B 隊警號已響
3-1，任務完成，車路士順利殺入聯賽盃四強，離自 2018 年以黎首個本土盃賽冠軍又近一步。馬蛇亦可以暫時放低嗰個「最差 48 小時」嘅包袱，重新出發。
不過，今場波亦無情地揭示咗球隊「正選」同「輪換」之間嘅巨大鴻溝。面對英甲球隊，B 隊踢得咁掙扎，最後要靠加拿祖、尼圖、祖奧柏度呢啲主力救亡先贏到，呢個所謂陣容深度係咪真係足以應付下半季嘅多線作戰？定係其實只係人多手腳亂？呢個係管理層同教練團必須正視嘅問題。好彩嘅係，90 分鐘內解決戰鬥，唔洗互射十二碼，總算慳返啲腳力應付嚟緊嘅聖誕快車。
加上今場係聯賽盃，大家最想知嘅重點球員（加拿祖、卡些度、山度士、哈圖）都已經喺上面講晒，所以今次就唔會有下集《球員雷達》喇。多謝大家體諒，我哋下場聯賽對紐卡素再傾！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊