寫在前頭，我唔係想引起任何罵戰，呢篇文由頭到尾都係抱住「提出另一種觀點」嘅角度去寫。
因為最近見到坊間有篇文章狠批加拿祖，話佢去到車路士依然係個敗家仔，仲攞曼聯新援麥比奧莫 (Bryan Mbeumo) 嘅高效率嚟做對比，結論係「曼聯甩難，車仔接火棒」。
無可否認，睇完對愛華頓嗰場，加拿祖錯失 3 次黃金機會，我諗作為車迷見到佢射失都會嘆氣。但我自己有一個原則：只要你著起藍色波衫，你一日係車路士球員，你就係我哋嘅「自己人」，我就會全力撐你。
不過，撐唔代表「盲撐」，亦唔代表要貶低其他人。面對批評，最好嘅回應係攞出理據。今次我哋就嘗試放低成見，用數據同背景，去做一次理性討論：究竟加拿祖係咪真係一無是處？定係大家對佢嘅誤解太深？
態度大翻身？回帶睇返「五宗罪」
講到加拿祖，大家最擔心嘅往往唔係技術，而係性格。 坦白講，喺 3 個月前轉會傳聞最多嗰陣，我都曾經寫過篇文盤點佢嘅「五宗罪」，擔心佢得罪領隊、食電子煙、防守懶散等等。當時我同好多車迷一樣，係持懷疑態度嘅。
但事實勝於雄辯。加盟車路士幾個月，請問大家有無見過一單關於佢嘅負面新聞？ 無。零。
其實這裡有個現象好值得深思：好多球員效力曼聯嗰陣就新聞多多、是非不斷，但一離開咗奧脫福，就會突然變得低調乖巧。 呢個未必完全係曼聯球會嘅錯，而係英國傳媒生態本身就有一種「曼聯流量密碼」。任何小事發生喺曼聯球員身上，都會被傳媒同網絡無限放大炒作。離開咗呢個「風眼位」，無咗聚光燈嘅過度審視，球員反而可以專注返喺足球本身。
而根據《Mirror》同《GiveMeSport》最近嘅報導 (OKOK，我知，呢兩份嘢唔可信丫嘛，做參考Only，唔信都無問題)，加拿祖喺車仔訓練場嘅表現令教練團印象深刻。報導指佢訓練態度好，而且經常操練後留低加練射門同傳中。
曼聯迷口中嘅「更衣室毒瘤」，來到車路士突然就變成咗一個由安素帶住、肯學肯搏嘅乖仔。如果佢真係如傳聞中咁態度惡劣，以馬蛇出名嚴格嘅紀律標準，加拿祖一早已經被放入雪櫃，又點會有機會正選上陣？
數據拆解：由「獨食怪」變「推進器」
批評者話佢「無進步」，依然係以前嗰個獨食怪。呢個位，不妨用對方都鍾意嘅數據去講嘢，抽出佢喺 曼聯 (上季) 同 車路士 (今季) 嘅每 90 分鐘數據，你會發現佢其實靜靜起革命，做緊轉型。如果我放晒出嚟，我諗所有讀者去到一半就會按上一頁，所以我就抽重點講。
佢學識咗護波
我諗咁多樣數據入面，最令我驚訝嘅數據係被搶斷。
曼聯時期：2.02 次 / 90分鐘
車路士時期：0.59 次 / 90分鐘
跌幅高達 70%。呢樣證明佢唔再係以前嗰個攞波就死扭、然後俾人截走嘅小朋友。佢決策成熟咗，知道幾時要傳、幾時要護波。
變成創造者而非單純射手
射門次數 (Shots)：由 3.68 減至 2.72
預期助攻 (xAG)：由 0.20 升至 0.31
傳中入禁區 (Cross into PA)：由 0.17 激增至 0.59
數據顯示，佢犧牲咗自己嘅開火權 (或者係馬蛇根本無俾開火權佢)，換嚟更多嘅傳球同配合。 對愛華頓一役，雖然佢射失波，但正因為佢喺左路不斷縱向突破，拉散咗對方防線，古斯圖同彭馬喺中路先有咁多空間。佢依家係車路士嘅 Chaos Maker，作用係撕破缺口，而唔再係以前嗰個只顧自己入波嘅獨食翼鋒。
(如果想要全部數據，歡迎去我Facebook Page問我拎)
麥比奧莫 vs 加拿祖 ： 一場唔公平的競賽
至於坊間攞麥比奧莫嚟踩……同加拿祖比較，我認為呢個比較係有欠公允嘅，因為忽略咗兩個最關鍵嘅 Context：體能狀態 與 磨合期。
起跑線唔同
麥比奧莫： 7月21日加盟曼聯，有完整 Pre-season熱身，體能追得上曼聯而家嘅踢法，今季已經踢咗 1,359 分鐘。身體狀態 Fit 到漏油。
加拿祖： 8月30日先加盟，完全錯過季前備戰。加上之前喺曼聯被雪，體能儲備根本不足。今季只係踢咗 826 分鐘。
保護機制 vs 體能不足
好多人質疑點解馬蛇成日 60 分鐘就換走加拿祖，係咪表現差？ 其實更多係因為佢未有足夠體能。車路士嘅醫療團隊好小心控制佢嘅上陣時間，以免佢受傷。
攞一個滿血狀態嘅 26 歲全盛期成品 (麥比奧莫)，去同一個仲追緊體能、重新適應體系嘅 21 歲半成品比較，係 Apple to Orange…當然，果粉死口要話個橙係爛橙，嗯，咁你講得啱。
總結：給予耐性，靜待花開
平心而論，加拿祖係咪完美？絕對唔係。 數據顯示佢嘅 G-xG (入球轉化差值) 係 -0.01，雖然比曼聯時期 (-0.15) 叫做正常化咗，無咁敗家，但把握力依然係佢最大嘅短板。佢需要將嗰啲黃金機會轉化為入球，先可以真正躋身頂級。
但作為車迷，見到佢態度唔係如傳聞般差、防守肯跑、傳波多咗、失誤少咗，我哋有理由感到樂觀。
佢只係 21 歲。既然佢肯留低加操，既然馬蛇肯俾機會佢，我哋做球迷嘅，點解唔俾多啲耐性同支持？ 每一塊璞玉都需要打磨，只要佢肯努力，我哋絕對願意等佢發光發亮的一日。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
因為最近見到坊間有篇文章狠批加拿祖，話佢去到車路士依然係個敗家仔，仲攞曼聯新援麥比奧莫 (Bryan Mbeumo) 嘅高效率嚟做對比，結論係「曼聯甩難，車仔接火棒」。
無可否認，睇完對愛華頓嗰場，加拿祖錯失 3 次黃金機會，我諗作為車迷見到佢射失都會嘆氣。但我自己有一個原則：只要你著起藍色波衫，你一日係車路士球員，你就係我哋嘅「自己人」，我就會全力撐你。
不過，撐唔代表「盲撐」，亦唔代表要貶低其他人。面對批評，最好嘅回應係攞出理據。今次我哋就嘗試放低成見，用數據同背景，去做一次理性討論：究竟加拿祖係咪真係一無是處？定係大家對佢嘅誤解太深？
態度大翻身？回帶睇返「五宗罪」
講到加拿祖，大家最擔心嘅往往唔係技術，而係性格。 坦白講，喺 3 個月前轉會傳聞最多嗰陣，我都曾經寫過篇文盤點佢嘅「五宗罪」，擔心佢得罪領隊、食電子煙、防守懶散等等。當時我同好多車迷一樣，係持懷疑態度嘅。
但事實勝於雄辯。加盟車路士幾個月，請問大家有無見過一單關於佢嘅負面新聞？ 無。零。
其實這裡有個現象好值得深思：好多球員效力曼聯嗰陣就新聞多多、是非不斷，但一離開咗奧脫福，就會突然變得低調乖巧。 呢個未必完全係曼聯球會嘅錯，而係英國傳媒生態本身就有一種「曼聯流量密碼」。任何小事發生喺曼聯球員身上，都會被傳媒同網絡無限放大炒作。離開咗呢個「風眼位」，無咗聚光燈嘅過度審視，球員反而可以專注返喺足球本身。
而根據《Mirror》同《GiveMeSport》最近嘅報導 (OKOK，我知，呢兩份嘢唔可信丫嘛，做參考Only，唔信都無問題)，加拿祖喺車仔訓練場嘅表現令教練團印象深刻。報導指佢訓練態度好，而且經常操練後留低加練射門同傳中。
曼聯迷口中嘅「更衣室毒瘤」，來到車路士突然就變成咗一個由安素帶住、肯學肯搏嘅乖仔。如果佢真係如傳聞中咁態度惡劣，以馬蛇出名嚴格嘅紀律標準，加拿祖一早已經被放入雪櫃，又點會有機會正選上陣？
數據拆解：由「獨食怪」變「推進器」
批評者話佢「無進步」，依然係以前嗰個獨食怪。呢個位，不妨用對方都鍾意嘅數據去講嘢，抽出佢喺 曼聯 (上季) 同 車路士 (今季) 嘅每 90 分鐘數據，你會發現佢其實靜靜起革命，做緊轉型。如果我放晒出嚟，我諗所有讀者去到一半就會按上一頁，所以我就抽重點講。
佢學識咗護波
我諗咁多樣數據入面，最令我驚訝嘅數據係被搶斷。
曼聯時期：2.02 次 / 90分鐘
車路士時期：0.59 次 / 90分鐘
跌幅高達 70%。呢樣證明佢唔再係以前嗰個攞波就死扭、然後俾人截走嘅小朋友。佢決策成熟咗，知道幾時要傳、幾時要護波。
變成創造者而非單純射手
射門次數 (Shots)：由 3.68 減至 2.72
預期助攻 (xAG)：由 0.20 升至 0.31
傳中入禁區 (Cross into PA)：由 0.17 激增至 0.59
數據顯示，佢犧牲咗自己嘅開火權 (或者係馬蛇根本無俾開火權佢)，換嚟更多嘅傳球同配合。 對愛華頓一役，雖然佢射失波，但正因為佢喺左路不斷縱向突破，拉散咗對方防線，古斯圖同彭馬喺中路先有咁多空間。佢依家係車路士嘅 Chaos Maker，作用係撕破缺口，而唔再係以前嗰個只顧自己入波嘅獨食翼鋒。
(如果想要全部數據，歡迎去我Facebook Page問我拎)
麥比奧莫 vs 加拿祖 ： 一場唔公平的競賽
至於坊間攞麥比奧莫嚟踩……同加拿祖比較，我認為呢個比較係有欠公允嘅，因為忽略咗兩個最關鍵嘅 Context：體能狀態 與 磨合期。
起跑線唔同
麥比奧莫： 7月21日加盟曼聯，有完整 Pre-season熱身，體能追得上曼聯而家嘅踢法，今季已經踢咗 1,359 分鐘。身體狀態 Fit 到漏油。
加拿祖： 8月30日先加盟，完全錯過季前備戰。加上之前喺曼聯被雪，體能儲備根本不足。今季只係踢咗 826 分鐘。
保護機制 vs 體能不足
好多人質疑點解馬蛇成日 60 分鐘就換走加拿祖，係咪表現差？ 其實更多係因為佢未有足夠體能。車路士嘅醫療團隊好小心控制佢嘅上陣時間，以免佢受傷。
攞一個滿血狀態嘅 26 歲全盛期成品 (麥比奧莫)，去同一個仲追緊體能、重新適應體系嘅 21 歲半成品比較，係 Apple to Orange…當然，果粉死口要話個橙係爛橙，嗯，咁你講得啱。
總結：給予耐性，靜待花開
平心而論，加拿祖係咪完美？絕對唔係。 數據顯示佢嘅 G-xG (入球轉化差值) 係 -0.01，雖然比曼聯時期 (-0.15) 叫做正常化咗，無咁敗家，但把握力依然係佢最大嘅短板。佢需要將嗰啲黃金機會轉化為入球，先可以真正躋身頂級。
但作為車迷，見到佢態度唔係如傳聞般差、防守肯跑、傳波多咗、失誤少咗，我哋有理由感到樂觀。
佢只係 21 歲。既然佢肯留低加操，既然馬蛇肯俾機會佢，我哋做球迷嘅，點解唔俾多啲耐性同支持？ 每一塊璞玉都需要打磨，只要佢肯努力，我哋絕對願意等佢發光發亮的一日。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
請按此登錄後留言。未成為會員? 立即註冊