琴晚史丹福橋，車路士 2-0 贏咗愛華頓。彭馬打破入球荒、古斯圖一入波一助攻，終止咗球隊四場不勝嘅頹勢。正常嚟講，領隊賽後應該笑容滿面，讚下球員、講下戰術。但馬蛇選擇咗做「新聞主角」。佢喺記者會無端端爆咗一句令全場記者都 O 嘴嘅說話：
"Since I joined the club, the last 48 hours have been the worst because many people didn't support us."(自從我加盟球會以嚟，過去這 48 小時係最難捱嘅，因為好多人唔支持我哋。)
佢澄清咗「好多人」唔係指球迷。咁即係邊個？根據 Ben Jacobs 嘅爆料，呢句說話嘅矛頭，直指球會內部高層同埋某啲輿論風向。呢篇車迷觀點，我哋就嚟一齊睇下發生咩事同做下通靈王估下點解。
導火線：消失的「大老闆」
馬蛇話輸俾阿特蘭大之後感到「缺乏支持」，而對愛華頓果晚就係爆發點。點解？因為發生咗一件極不尋常嘅事。
根據 Lloyd Canfield 報導，車路士最有實權嘅班主代表 Behdad Eghbali，琴晚罕有地不在英國，缺席咗呢場比賽。要知道，Eghbali 平時係車仔主場「座上客」，而且賽後習慣同馬蛇以及總監們開 De-brief (匯報會)。
但今次，喺馬蛇被千夫所指（歐聯輸波）、最需要高層安撫同支持嘅時候，最有權力嗰個竟然玩失蹤？連賽後匯報都無埋？這種關鍵時刻嘅「權力真空」，好難令人唔諗就係Eghbali令馬蛇覺得被冷落嘅主因。
核心冤屈：輪換係國策，點解要我食死貓？
咁到底馬蛇同高層嘈緊乜？Ben Jacobs 俾咗個好關鍵嘅答案：輪換。
今季自從要多主線作戰，車迷同傳媒都一直鬧馬蛇亂變陣，當然主要原因之一係歐聯同英超都唔輸得，下下都要主要踢晒，但同時又要考慮到體力同上陣時間問題，成日換正選陣容搞到輸俾列斯聯同阿特蘭大。但歸根究底，大幅輪換係球會嘅核心策略，高層都指令要輪換，目的係為了爭奪更多盃賽、鍛煉新人、同埋幫年青球員升值。
馬蛇嘅冤屈就喺度： 大佬呀，我跟高層柯打做嘢，贏波你哋就領功話多線發展成功；到輪換出事輸波，傳媒鬧我亂排陣嗰陣，有無高層出嚟幫口解釋呢個係公司政策？
高層選擇潛水，由得馬蛇一個人食晒隻死貓，做替死鬼。做就跟足指引做，鑊就自己一個人揹，換轉係你，都應該會屌出聲。
底氣與籌碼：我有貨交，唔係阿四
馬蛇今次敢公開學口交部「亮劍」，因為佢知自己有嘢渣手。
佢唔係普捷天奴嗰種四大皆空。佢接手第一季，就幫車路士贏咗世冠盃同 歐協聯，聯賽亦穩住前四同歐聯資格。喺今季傷兵滿營（Palmer, Colwill 長期缺陣）嘅情況下，仲保得住前四，呢張成績表絕對係超額完成。
佢今次嘅爆發，其實係向高層發出最後通牒：「我有功績喺手，你哋唔好當我係用完即棄嘅阿四。如果要我繼續食死貓，Sorry，我唔撈啦。」
結局預測：夏天的「雙向審判」
咁呢場「宮鬥」會點落幕？目前消息指，高層反應係 "Remain Calm"，話覺得馬蛇適應得幾好，但預告夏天同樣會好似上年咁有一個評估。
但同之前唔同，今次記者特別講咗係「雙向評估」。唔止係球會審馬蛇，亦係馬蛇審球會。呢次係馬蛇今季第二次公開暗示內部不和，裂痕已經開始加深。如果 1 月轉會窗高層無表示（例如買人），或者 Eghbali 繼續「失聯」，咁呢個夏天，好可能就係雙方分手之時。
總結：請高層行出嚟
作為車迷，至少我覺得而家換帥未係時候。馬蛇未必完美，但佢肯用年輕人、有戰術諗法、而且有盃捧。(先唔好理係咪米奇老鼠盃先) 如果輪換真係球會嘅國策，咁麻煩高層（無論係總監定老闆）有擔當少少，行出嚟面對傳媒，講清楚呢個係集體決定。
唔好再將個領隊推出去做擋箭牌。車路士已經經唔起再一次嘅動盪喇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
"Since I joined the club, the last 48 hours have been the worst because many people didn't support us."(自從我加盟球會以嚟，過去這 48 小時係最難捱嘅，因為好多人唔支持我哋。)
佢澄清咗「好多人」唔係指球迷。咁即係邊個？根據 Ben Jacobs 嘅爆料，呢句說話嘅矛頭，直指球會內部高層同埋某啲輿論風向。呢篇車迷觀點，我哋就嚟一齊睇下發生咩事同做下通靈王估下點解。
導火線：消失的「大老闆」
馬蛇話輸俾阿特蘭大之後感到「缺乏支持」，而對愛華頓果晚就係爆發點。點解？因為發生咗一件極不尋常嘅事。
根據 Lloyd Canfield 報導，車路士最有實權嘅班主代表 Behdad Eghbali，琴晚罕有地不在英國，缺席咗呢場比賽。要知道，Eghbali 平時係車仔主場「座上客」，而且賽後習慣同馬蛇以及總監們開 De-brief (匯報會)。
但今次，喺馬蛇被千夫所指（歐聯輸波）、最需要高層安撫同支持嘅時候，最有權力嗰個竟然玩失蹤？連賽後匯報都無埋？這種關鍵時刻嘅「權力真空」，好難令人唔諗就係Eghbali令馬蛇覺得被冷落嘅主因。
核心冤屈：輪換係國策，點解要我食死貓？
咁到底馬蛇同高層嘈緊乜？Ben Jacobs 俾咗個好關鍵嘅答案：輪換。
今季自從要多主線作戰，車迷同傳媒都一直鬧馬蛇亂變陣，當然主要原因之一係歐聯同英超都唔輸得，下下都要主要踢晒，但同時又要考慮到體力同上陣時間問題，成日換正選陣容搞到輸俾列斯聯同阿特蘭大。但歸根究底，大幅輪換係球會嘅核心策略，高層都指令要輪換，目的係為了爭奪更多盃賽、鍛煉新人、同埋幫年青球員升值。
馬蛇嘅冤屈就喺度： 大佬呀，我跟高層柯打做嘢，贏波你哋就領功話多線發展成功；到輪換出事輸波，傳媒鬧我亂排陣嗰陣，有無高層出嚟幫口解釋呢個係公司政策？
高層選擇潛水，由得馬蛇一個人食晒隻死貓，做替死鬼。做就跟足指引做，鑊就自己一個人揹，換轉係你，都應該會屌出聲。
底氣與籌碼：我有貨交，唔係阿四
馬蛇今次敢公開學口交部「亮劍」，因為佢知自己有嘢渣手。
佢唔係普捷天奴嗰種四大皆空。佢接手第一季，就幫車路士贏咗世冠盃同 歐協聯，聯賽亦穩住前四同歐聯資格。喺今季傷兵滿營（Palmer, Colwill 長期缺陣）嘅情況下，仲保得住前四，呢張成績表絕對係超額完成。
佢今次嘅爆發，其實係向高層發出最後通牒：「我有功績喺手，你哋唔好當我係用完即棄嘅阿四。如果要我繼續食死貓，Sorry，我唔撈啦。」
結局預測：夏天的「雙向審判」
咁呢場「宮鬥」會點落幕？目前消息指，高層反應係 "Remain Calm"，話覺得馬蛇適應得幾好，但預告夏天同樣會好似上年咁有一個評估。
但同之前唔同，今次記者特別講咗係「雙向評估」。唔止係球會審馬蛇，亦係馬蛇審球會。呢次係馬蛇今季第二次公開暗示內部不和，裂痕已經開始加深。如果 1 月轉會窗高層無表示（例如買人），或者 Eghbali 繼續「失聯」，咁呢個夏天，好可能就係雙方分手之時。
總結：請高層行出嚟
作為車迷，至少我覺得而家換帥未係時候。馬蛇未必完美，但佢肯用年輕人、有戰術諗法、而且有盃捧。(先唔好理係咪米奇老鼠盃先) 如果輪換真係球會嘅國策，咁麻煩高層（無論係總監定老闆）有擔當少少，行出嚟面對傳媒，講清楚呢個係集體決定。
唔好再將個領隊推出去做擋箭牌。車路士已經經唔起再一次嘅動盪喇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊