Fabrizio Romano 無啦啦喺 12 月閒日彈句 "Here We Go" 出嚟，熟車仔嘅諗下都知，轉會窗都未開，而家簽得嘅，肯定唔係即食球員，又係一件未來投資 (現金卷)。
今次HWG嘅主角叫 Muhammad Zongo，年僅 16 歲，嚟自西非國家：布基納法索 (Burkina Faso)。
咩話？你問我布基納法索喺邊？老老實實，我都係 Google map 完先知原來佢喺加納上面…同埋之前係大阪世博好似有行過佢個攤位…
雖然個國家名聽落好冷門，但呢個細路個朵就一啲都唔細。佢喺啱啱完咗嘅 U17 世少盃入面，交出咗令人 O 嘴嘅神級表現，甚至勁到令曼城同曼聯都想搶人。
究竟呢位俾 BlueCo 視為「藍鑽」嘅 Zongo 係咩料？又係邊個咁叻叻搵到佢返嚟？今次球探報告同大家詳細講下。
Zongo 檔案：來自窮鄉僻壤嘅球隊英雄
講起非洲新星，大家通常會諗起嗰啲名牌青訓學院，好似加納呀或者科特迪瓦呢啲國家。嗰啲學院出嚟嘅球員，通常戰術紀律好，基本功紮實。
但 Zongo 唔係。
佢來自一間叫 Sporting Football des Cascades 嘅小球會。聽個名都知唔係咩大富大貴嘅地方，資源匱乏，隊友實力亦都好有限。正正係因為呢種惡劣嘅成長環境，迫出咗 Zongo 最獨特嘅風格：「街頭足球」嘅野性。
喺佢嘅足球世界入面，冇得依賴隊友，冇得慢慢組織。佢習慣咗要單天保至尊，習慣咗喺混亂中靠個人能力解決問題。呢種野性同創造力，係嗰啲流水線生產出嚟嘅標準球員身上搵唔到嘅。
再睇埋佢個硬件：16 歲，身高已經 1.83 米，仲要係左腳球員。高大、有技術、有創造力，呢個 Profile 簡直就係現代足球嘅黃金標準。(當然，係咪真係16碎就…有待證實，你知非洲球員架啦)
數據解密：22 次創造機會嘅含金量
口講無憑，數據最誠實。不過講明，因為佢國家嘅聯賽數據少之又少，我哋只可以喺啱啱結束嘅 U17 世少盃中睇到虛實，而 Zongo 就交出咗一張統治級嘅成績表出嚟。
6 場比賽入面，創造咗驚人嘅 22 次得分機會（場均 3.7 次）。
你要知道，佢唔係喺小組賽刷魚腩刷出嚟。布基納法索呢屆係被編入死亡之組，佢面對嘅係德國（衛冕冠軍）、美國同意大利呢啲戰術根底極高嘅強隊。
球探報告形容佢係一個創造力怪物。因為球隊大部分時間都俾人撳住攻（例如對德國控球率得 26%），但只要個波去到 Zongo 腳下，佢就有本事由捱打變做反擊。
佢對德國嗰球入波更加係經典：前場搶斷，冷靜扣過對手中堅，左腳射入網。成個過程一氣呵成，完全睇唔出佢只係個 16 歲細路。雖然對意大利最後輸波出局，但佢兩次射門中柱，幾乎憑一己之力摧毀咗意大利條防線。
所以佢就係嗰種典型嘅「比數未必反映到佢有幾勁，但睇過場波你就知佢超班」嘅球員。
技術特點：左腳、高大、內切......彭馬 2.0？
講到呢度，大家試下幻想一個球員：1.83 米高，左腳球員，主力踢右翼鋒或者攻中，唔係靠死跑爛跑，而係鍾意由右路Cut-in 入中路起腳射門......
有無覺得熟口熟面？
冇錯，呢個 Profile 令好多球探直接聯想到我哋嘅彭彭。
雖然 Zongo 嚟自非洲，但佢唔係嗰種傳統靠身體素質屈速嘅邊鋒（當然佢唔慢，但唔係麥巴比嗰種火箭級數）。佢最強嘅係靈活性同埋重心控制。
佢嘅招牌動作就係喺右路接應，利用佢 1.83 米嘅身位食住對手，然後突然用左腳扣入大位，起腳射遠柱。球探報告形容佢嘅射門帶有強烈嘅弧線（Curve），同彭馬嗰種冷靜嘅射門處理好似。
如果你問我佢係咩類型，我會話佢係一隻「西非版高爾彭馬」。佢有彭馬嘅創造力同左腳，但多咗一份街頭足球嘅不可預測性。
幕後功臣：Seyi Olofinjana 嘅神操作
講到呢度，大家可能會問：曼城同曼聯都想要人，點解最後係我哋贏？呢度就要特別點名激讚我哋位非洲球探主管：Seyi Olofinjana。
自從佢 2024 年加盟以嚟，佢幫我哋重新建立咗成個非洲球探網絡。今次簽 Zongo，據聞係 Olofinjana 親自飛去卡塔爾督師。面對住曼城成個集團式嘅招攬，Olofinjana 憑藉佢喺非洲球壇嘅江湖地位，親自同球員家人建立信任，直接繞過嗰啲貪錢嘅中間人，用誠意打動咗 Zongo 一家。
能夠喺曼市雙雄口中搶食，呢位球探主管記一功。
下一站史特拉斯堡：唔係為咗借而借
至於點解又要去史特拉斯堡？大家對 BlueCo 套路都熟晒，我唔喺度長篇大論講策略嘢，但對 Zongo 嚟講，呢一步其實係最實際嘅選擇，原因得兩個：
同聲同氣：布基納法索係法語國家。將一個 16 歲細路直接掉去講英文嘅倫敦，風險太大；去法國踢波，生活同語言無縫對接，適應期由 100 變 50。
現實所限：最現實嘅原因係 勞工證 (GBE)。16 歲非洲球員基本上冇可能攞到英超證。去法甲儲分，係佢登陸英超嘅唯一途徑。
所以今次去史堡，唔係單純嘅「人球」操作，而係為佢度身訂造嘅最佳起步點。
總結：一粒需要打磨嘅藍鑽
最後，雖然 Zongo 嘅數據好靚，U17 世少盃亦都好勁，但我哋必須要保持理性：佢依然係一塊未經雕琢嘅璞玉，唔係一件成品。佢來自一個訓練設施相對落後嘅環境，佢嘅身體對抗性需要加強，佢過度痴波嘅「街頭習慣」亦需要透過職業聯賽去修正。特別係當地欠缺有系統嘅訓練，球感相信會比同年齡小妖差少少。
呢個亦都係 BlueCo 嘅長遠佈局。由之前嘅二安、今年昆達，去到之後嘅薩特帕耶夫，再到今次嘅 Zongo，你會見到車路士嘅策略好清晰：我哋唔介意等，我哋要嘅係壟斷未來 5-10 年全球最有天賦嘅年輕人。
預計 Zongo 會喺史特拉斯堡練級 2-3 年。如果發展順利，佢將會係我哋未來右路嘅答案，甚至係高爾彭馬嘅完美接班人。BlueCo 今次去非洲掘礦個如意算盤，打得非常響。至於粒鑽石磨唔磨得成，就要睇佢喺法甲嘅造化喇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
今次HWG嘅主角叫 Muhammad Zongo，年僅 16 歲，嚟自西非國家：布基納法索 (Burkina Faso)。
咩話？你問我布基納法索喺邊？老老實實，我都係 Google map 完先知原來佢喺加納上面…同埋之前係大阪世博好似有行過佢個攤位…
雖然個國家名聽落好冷門，但呢個細路個朵就一啲都唔細。佢喺啱啱完咗嘅 U17 世少盃入面，交出咗令人 O 嘴嘅神級表現，甚至勁到令曼城同曼聯都想搶人。
究竟呢位俾 BlueCo 視為「藍鑽」嘅 Zongo 係咩料？又係邊個咁叻叻搵到佢返嚟？今次球探報告同大家詳細講下。
Zongo 檔案：來自窮鄉僻壤嘅球隊英雄
講起非洲新星，大家通常會諗起嗰啲名牌青訓學院，好似加納呀或者科特迪瓦呢啲國家。嗰啲學院出嚟嘅球員，通常戰術紀律好，基本功紮實。
但 Zongo 唔係。
佢來自一間叫 Sporting Football des Cascades 嘅小球會。聽個名都知唔係咩大富大貴嘅地方，資源匱乏，隊友實力亦都好有限。正正係因為呢種惡劣嘅成長環境，迫出咗 Zongo 最獨特嘅風格：「街頭足球」嘅野性。
喺佢嘅足球世界入面，冇得依賴隊友，冇得慢慢組織。佢習慣咗要單天保至尊，習慣咗喺混亂中靠個人能力解決問題。呢種野性同創造力，係嗰啲流水線生產出嚟嘅標準球員身上搵唔到嘅。
再睇埋佢個硬件：16 歲，身高已經 1.83 米，仲要係左腳球員。高大、有技術、有創造力，呢個 Profile 簡直就係現代足球嘅黃金標準。(當然，係咪真係16碎就…有待證實，你知非洲球員架啦)
數據解密：22 次創造機會嘅含金量
口講無憑，數據最誠實。不過講明，因為佢國家嘅聯賽數據少之又少，我哋只可以喺啱啱結束嘅 U17 世少盃中睇到虛實，而 Zongo 就交出咗一張統治級嘅成績表出嚟。
6 場比賽入面，創造咗驚人嘅 22 次得分機會（場均 3.7 次）。
你要知道，佢唔係喺小組賽刷魚腩刷出嚟。布基納法索呢屆係被編入死亡之組，佢面對嘅係德國（衛冕冠軍）、美國同意大利呢啲戰術根底極高嘅強隊。
球探報告形容佢係一個創造力怪物。因為球隊大部分時間都俾人撳住攻（例如對德國控球率得 26%），但只要個波去到 Zongo 腳下，佢就有本事由捱打變做反擊。
佢對德國嗰球入波更加係經典：前場搶斷，冷靜扣過對手中堅，左腳射入網。成個過程一氣呵成，完全睇唔出佢只係個 16 歲細路。雖然對意大利最後輸波出局，但佢兩次射門中柱，幾乎憑一己之力摧毀咗意大利條防線。
所以佢就係嗰種典型嘅「比數未必反映到佢有幾勁，但睇過場波你就知佢超班」嘅球員。
技術特點：左腳、高大、內切......彭馬 2.0？
講到呢度，大家試下幻想一個球員：1.83 米高，左腳球員，主力踢右翼鋒或者攻中，唔係靠死跑爛跑，而係鍾意由右路Cut-in 入中路起腳射門......
有無覺得熟口熟面？
冇錯，呢個 Profile 令好多球探直接聯想到我哋嘅彭彭。
雖然 Zongo 嚟自非洲，但佢唔係嗰種傳統靠身體素質屈速嘅邊鋒（當然佢唔慢，但唔係麥巴比嗰種火箭級數）。佢最強嘅係靈活性同埋重心控制。
佢嘅招牌動作就係喺右路接應，利用佢 1.83 米嘅身位食住對手，然後突然用左腳扣入大位，起腳射遠柱。球探報告形容佢嘅射門帶有強烈嘅弧線（Curve），同彭馬嗰種冷靜嘅射門處理好似。
如果你問我佢係咩類型，我會話佢係一隻「西非版高爾彭馬」。佢有彭馬嘅創造力同左腳，但多咗一份街頭足球嘅不可預測性。
幕後功臣：Seyi Olofinjana 嘅神操作
講到呢度，大家可能會問：曼城同曼聯都想要人，點解最後係我哋贏？呢度就要特別點名激讚我哋位非洲球探主管：Seyi Olofinjana。
自從佢 2024 年加盟以嚟，佢幫我哋重新建立咗成個非洲球探網絡。今次簽 Zongo，據聞係 Olofinjana 親自飛去卡塔爾督師。面對住曼城成個集團式嘅招攬，Olofinjana 憑藉佢喺非洲球壇嘅江湖地位，親自同球員家人建立信任，直接繞過嗰啲貪錢嘅中間人，用誠意打動咗 Zongo 一家。
能夠喺曼市雙雄口中搶食，呢位球探主管記一功。
下一站史特拉斯堡：唔係為咗借而借
至於點解又要去史特拉斯堡？大家對 BlueCo 套路都熟晒，我唔喺度長篇大論講策略嘢，但對 Zongo 嚟講，呢一步其實係最實際嘅選擇，原因得兩個：
同聲同氣：布基納法索係法語國家。將一個 16 歲細路直接掉去講英文嘅倫敦，風險太大；去法國踢波，生活同語言無縫對接，適應期由 100 變 50。
現實所限：最現實嘅原因係 勞工證 (GBE)。16 歲非洲球員基本上冇可能攞到英超證。去法甲儲分，係佢登陸英超嘅唯一途徑。
所以今次去史堡，唔係單純嘅「人球」操作，而係為佢度身訂造嘅最佳起步點。
總結：一粒需要打磨嘅藍鑽
最後，雖然 Zongo 嘅數據好靚，U17 世少盃亦都好勁，但我哋必須要保持理性：佢依然係一塊未經雕琢嘅璞玉，唔係一件成品。佢來自一個訓練設施相對落後嘅環境，佢嘅身體對抗性需要加強，佢過度痴波嘅「街頭習慣」亦需要透過職業聯賽去修正。特別係當地欠缺有系統嘅訓練，球感相信會比同年齡小妖差少少。
呢個亦都係 BlueCo 嘅長遠佈局。由之前嘅二安、今年昆達，去到之後嘅薩特帕耶夫，再到今次嘅 Zongo，你會見到車路士嘅策略好清晰：我哋唔介意等，我哋要嘅係壟斷未來 5-10 年全球最有天賦嘅年輕人。
預計 Zongo 會喺史特拉斯堡練級 2-3 年。如果發展順利，佢將會係我哋未來右路嘅答案，甚至係高爾彭馬嘅完美接班人。BlueCo 今次去非洲掘礦個如意算盤，打得非常響。至於粒鑽石磨唔磨得成，就要睇佢喺法甲嘅造化喇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊