連續三場英超不勝，落後榜首阿仙奴 8 分。對於剛剛燃起爭冠希望嘅車迷黎講，呢個十二月嘅開局簡直係一盆冷水。作客般尼茅夫，原本以為大腦彭馬復出可以加強進攻力，點知換黎嘅係一場令人恰眼瞓、毫無火花嘅 0-0 悶局。
進攻便秘、傷兵魔咒重臨、加上前線後備兵源級數不足，今晚如果唔係 VAR 同山神嘅幾次神救，我哋連呢一分都拎唔走。所謂嘅「爭冠」，喺今場之後，似乎變成咗一種奢望。
比賽簡述
今場係一場由頭到尾都充滿滯澀感嘅比賽。
開波僅 4 分鐘，車路士防線就險些崩潰，Semenyo 接應傳中近門撞入，好彩 VAR 經過覆核後判定 Evanilson 越位在先，藍軍先至逃過一劫。
上半場車路士空有控球但老鼠拉龜，唯一似樣嘅攻勢要去到 21 分鐘，由尼圖右路傳中，古古後柱頭槌攻門高出。雪上加霜嘅係，正選中鋒戴納喺 32 分鐘因膊頭受傷退下火線，由古爾入替。
換邊後車仔稍有起色，等到 49 分鐘終於由尼圖作出全場第一腳中框射門。隨後加拿祖接應傳中頭槌中柱彈出，這已經係全場最接近入球嘅一刻。比賽尾段，般尼茅夫藉著主場之利反撲，Semenyo 幾次勁射都被狀態神勇嘅山齊士撲出。最終雙方互交白卷，車路士自開咧戰對水晶宮後，連續 14 場英超入球紀錄正式斷纜。
戰術深潛：14場入球紀錄告終，車路士輸在邊度？
排陣博弈：彭馬復出係解藥定毒藥？
彭馬自九月以來首次正選，原本係全村人嘅希望，但結果卻充滿矛盾。
無可否認，佢一復出即刻變番進攻核心，觸球數係前場球員之冠。 但問題正正出喺度：成也彭馬，敗也彭馬。 因為球權過度集中喺中路，導致之前幾場行之有效嘅「兩翼齊飛」戰術完全失效。
尼圖同加拿祖嘅參與度大減，球隊進攻失去咗寬度。加上般尼茅夫防守紀律極佳，一早封死中路，令車仔變咗「老鼠拉龜」。彭馬明顯狀態未足，幾次最後一傳都欠火候，令成個進攻體系由多點開花變番做單天保至尊，結果就係一潭死水。
數據之恥：零角球、零黃金機會的「虛假圍攻」
如果話 0-0 係悶局，咁背後嘅數據簡直係令人絕望。擁有 60.4% 控球率 換來嘅竟然係 0 個角球 同 0 個黃金機會。
相信有跟開我嘅讀者都會明，典型嘅無效控球比賽。雖然我哋嘅推進數據（xThreat 1.65）睇落唔差，證明個波係去到危險地帶，但一入到核心區域就腦閉塞。
全場 xG 只有 0.92，甚至低過對手嘅 1.42。更諷刺嘅係，對手雖然控球少，但喺我哋禁區內嘅射門（8次）竟然多過我哋圍攻緊佢哋（5次）。進攻貧血、缺乏滲透力，全場只係不斷重複毫無威脅嘅U型傳球，呢種便秘感令球迷睇到嘔血。
鋒線斷層：傷病與水貨的災難級接力
車路士今場嘅鋒線演繹咗咩叫一蟹不如一蟹。正選嘅 戴納雖然早段表現平平，但佢嘅受傷離場絕對係轉捩點，令球隊失去咗唯一嘅物理支點。賽前備受期待，話用佢好過用戴納嘅古爾勤力有餘，但級數明顯不足。
佢嘅逼搶係好，但明顯缺乏高空威脅同射門觸覺，今場俾人感覺頂盡係英冠級數。最令人失望嘅係下半場入替嘅 祖奧·柏度，馬蛇安排佢踢 10 號位係一大敗筆。佢喺場上表現得猶豫、懶散、拖泥帶水，完全起唔到串聯作用。成條鋒線即刻崩潰，完全冇人識入波。
防守唯一亮點：山神 vs 般茅的高強逼搶
要搞清楚一點，般尼茅夫今場並唔係一味死守，佢哋上半場嘅逼搶強度甚至高過我哋。如果唔係 山齊士再次「上身」，車路士今場好大機會要輸。
山齊士全場做出 5 次撲救，多過對方門將，特別係尾段擋出 Semenyo 嘅勁射，直接救番全家。今場嘅 Clean Sheet，好大程度係靠門將個人能力同埋 VAR 嘅眷顧（開賽 4 分鐘嘅越位詐糊），而唔係防守體系有幾穩陣。
迷信與現實：十二月魔咒定係「缺乏成年人」？
三場不勝，落後榜首 8 分，所謂嘅「爭冠」夢想似乎已經幻滅。每年去到十二月，車路士總係會遭遇崩盤式下滑，今次亦唔例外。
球迷歸咎於卡些度依賴症，無咗佢中場就冇咗硬度；但更深層嘅問題係陣容結構缺乏成熟球員。當天才球員如彭馬、二安失準，或者遇到逆境時，場上缺乏經驗豐富嘅領袖去穩定軍心。成隊波太嫩，順境就識踢，逆境就迷失。
山齊士 (Robert Sánchez)
全場最佳兼遮醜布，單天保至尊救返一分
今場波個標題應該改做《般尼茅夫 VS 山齊士》。喺進攻線便秘、防線上半場夢遊嘅情況下，係佢一個人頂住咗半邊天。全場 5 次撲救，其中 4 次黎自禁區內，應該無人會再怪責佢…
特別係上半場，當隊友喺場上發夢嗰陣，Semenyo 同 Scott 嘅射門幾乎必入，全靠山齊士神反應救出。第 80 分鐘再擋出 Semenyo 嗰腳勁射，更加係保住 0-0 嘅關鍵。經歷過對列斯聯嘅慘敗，今場佢用表現話俾大家知，雖然佢腳法有時會嚇死人，但講到撲救反應，佢依然係值得信賴嘅。今晚這一分，係佢用雙手執番黎嘅。
彭馬 (Cole Palmer)
復出的雙刃劍，球權黑洞令兩翼失勢
久疏戰陣嘅核心復出，結果係把雙刃劍。無可否認，佢嘅級數喺度，踢咗 58 分鐘就有 49 次觸球 同 13 次傳入進攻三區，即刻變番全隊核心。彭馬嘅復出令進攻重心過度集中於中路，反而令兩翼（Neto / Garnacho）失去咗之前嘅活力。
狀態上佢明顯唔順暢，幾次處理球都顯得拖泥帶水，射門亦欠缺力度，當然，我都唔否定，每次彭馬係禁區外拎波，多少都令球迷有期待…但同時，更值得商榷嘅係馬蛇嘅用法，將佢擺喺 10 號位甚至偏左，令佢失去咗最擅長嘅右路推大位射門威脅。般茅只要屯重兵喺中路，車仔就變成「老鼠拉龜」。佢需要時間操Fit，但球隊似乎未搵到佢同兩翼共存嘅說明書。
科芬拿 (Wesley Fofana)
進攻便秘下的定海神針，與細查組成最強盾牌
喺進攻線集體遊魂嘅夜晚，我諗無乜人會諗過科芬拿居然成為防線上唯一令人感到安心嘅存在。全場 11 次解圍 加上贏出全場最多嘅 11 次對抗，證明佢喺物理層面上完全頂住咗般茅嘅衝擊。
更重要嘅係，佢同細查嘅中堅組合再次證明係目前馬蛇手頭上最穩陣嘅配置（近 5 場拍檔 4 場零封）。經歷過對列斯聯嘅災難防守，科芬拿今場展示出應有嘅專注度，幾次關鍵嘅頭槌解圍同埋補位，係球隊能夠保持 Clean Sheet 嘅無名英雄。
雖然第 80 分鐘一度被 Semenyo 突破，但整體而言，佢係今場少數發揮正常嘅「成年人」。
總結：進攻便秘的一分，勉強接受的現實
14 場入球紀錄告終，爭冠夢碎，呢場悶和無疑令人失望。但客觀地睇，考慮到主力傷停（卡些度缺陣、戴納傷出）同埋球隊狀態嘅低迷，作客能夠力保不失，已經算係不幸中之大幸。
今場波再次提醒我哋，車路士距離真正嘅成熟體系仲有好遠。當天才球員失靈，當準備用嚟磨贏對手嘅 Plan B都失效。十二月嘅賽程只會更加難踢，馬蛇要盡快解決彭馬、卡些度依賴症同埋鋒線無力嘅問題，否則唔好話爭冠，「爭四」隨時都會變成危機。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
進攻便秘、傷兵魔咒重臨、加上前線後備兵源級數不足，今晚如果唔係 VAR 同山神嘅幾次神救，我哋連呢一分都拎唔走。所謂嘅「爭冠」，喺今場之後，似乎變成咗一種奢望。
比賽簡述
今場係一場由頭到尾都充滿滯澀感嘅比賽。
開波僅 4 分鐘，車路士防線就險些崩潰，Semenyo 接應傳中近門撞入，好彩 VAR 經過覆核後判定 Evanilson 越位在先，藍軍先至逃過一劫。
上半場車路士空有控球但老鼠拉龜，唯一似樣嘅攻勢要去到 21 分鐘，由尼圖右路傳中，古古後柱頭槌攻門高出。雪上加霜嘅係，正選中鋒戴納喺 32 分鐘因膊頭受傷退下火線，由古爾入替。
換邊後車仔稍有起色，等到 49 分鐘終於由尼圖作出全場第一腳中框射門。隨後加拿祖接應傳中頭槌中柱彈出，這已經係全場最接近入球嘅一刻。比賽尾段，般尼茅夫藉著主場之利反撲，Semenyo 幾次勁射都被狀態神勇嘅山齊士撲出。最終雙方互交白卷，車路士自開咧戰對水晶宮後，連續 14 場英超入球紀錄正式斷纜。
戰術深潛：14場入球紀錄告終，車路士輸在邊度？
排陣博弈：彭馬復出係解藥定毒藥？
彭馬自九月以來首次正選，原本係全村人嘅希望，但結果卻充滿矛盾。
無可否認，佢一復出即刻變番進攻核心，觸球數係前場球員之冠。 但問題正正出喺度：成也彭馬，敗也彭馬。 因為球權過度集中喺中路，導致之前幾場行之有效嘅「兩翼齊飛」戰術完全失效。
尼圖同加拿祖嘅參與度大減，球隊進攻失去咗寬度。加上般尼茅夫防守紀律極佳，一早封死中路，令車仔變咗「老鼠拉龜」。彭馬明顯狀態未足，幾次最後一傳都欠火候，令成個進攻體系由多點開花變番做單天保至尊，結果就係一潭死水。
數據之恥：零角球、零黃金機會的「虛假圍攻」
如果話 0-0 係悶局，咁背後嘅數據簡直係令人絕望。擁有 60.4% 控球率 換來嘅竟然係 0 個角球 同 0 個黃金機會。
相信有跟開我嘅讀者都會明，典型嘅無效控球比賽。雖然我哋嘅推進數據（xThreat 1.65）睇落唔差，證明個波係去到危險地帶，但一入到核心區域就腦閉塞。
全場 xG 只有 0.92，甚至低過對手嘅 1.42。更諷刺嘅係，對手雖然控球少，但喺我哋禁區內嘅射門（8次）竟然多過我哋圍攻緊佢哋（5次）。進攻貧血、缺乏滲透力，全場只係不斷重複毫無威脅嘅U型傳球，呢種便秘感令球迷睇到嘔血。
鋒線斷層：傷病與水貨的災難級接力
車路士今場嘅鋒線演繹咗咩叫一蟹不如一蟹。正選嘅 戴納雖然早段表現平平，但佢嘅受傷離場絕對係轉捩點，令球隊失去咗唯一嘅物理支點。賽前備受期待，話用佢好過用戴納嘅古爾勤力有餘，但級數明顯不足。
佢嘅逼搶係好，但明顯缺乏高空威脅同射門觸覺，今場俾人感覺頂盡係英冠級數。最令人失望嘅係下半場入替嘅 祖奧·柏度，馬蛇安排佢踢 10 號位係一大敗筆。佢喺場上表現得猶豫、懶散、拖泥帶水，完全起唔到串聯作用。成條鋒線即刻崩潰，完全冇人識入波。
防守唯一亮點：山神 vs 般茅的高強逼搶
要搞清楚一點，般尼茅夫今場並唔係一味死守，佢哋上半場嘅逼搶強度甚至高過我哋。如果唔係 山齊士再次「上身」，車路士今場好大機會要輸。
山齊士全場做出 5 次撲救，多過對方門將，特別係尾段擋出 Semenyo 嘅勁射，直接救番全家。今場嘅 Clean Sheet，好大程度係靠門將個人能力同埋 VAR 嘅眷顧（開賽 4 分鐘嘅越位詐糊），而唔係防守體系有幾穩陣。
迷信與現實：十二月魔咒定係「缺乏成年人」？
三場不勝，落後榜首 8 分，所謂嘅「爭冠」夢想似乎已經幻滅。每年去到十二月，車路士總係會遭遇崩盤式下滑，今次亦唔例外。
球迷歸咎於卡些度依賴症，無咗佢中場就冇咗硬度；但更深層嘅問題係陣容結構缺乏成熟球員。當天才球員如彭馬、二安失準，或者遇到逆境時，場上缺乏經驗豐富嘅領袖去穩定軍心。成隊波太嫩，順境就識踢，逆境就迷失。
山齊士 (Robert Sánchez)
全場最佳兼遮醜布，單天保至尊救返一分
今場波個標題應該改做《般尼茅夫 VS 山齊士》。喺進攻線便秘、防線上半場夢遊嘅情況下，係佢一個人頂住咗半邊天。全場 5 次撲救，其中 4 次黎自禁區內，應該無人會再怪責佢…
特別係上半場，當隊友喺場上發夢嗰陣，Semenyo 同 Scott 嘅射門幾乎必入，全靠山齊士神反應救出。第 80 分鐘再擋出 Semenyo 嗰腳勁射，更加係保住 0-0 嘅關鍵。經歷過對列斯聯嘅慘敗，今場佢用表現話俾大家知，雖然佢腳法有時會嚇死人，但講到撲救反應，佢依然係值得信賴嘅。今晚這一分，係佢用雙手執番黎嘅。
彭馬 (Cole Palmer)
復出的雙刃劍，球權黑洞令兩翼失勢
久疏戰陣嘅核心復出，結果係把雙刃劍。無可否認，佢嘅級數喺度，踢咗 58 分鐘就有 49 次觸球 同 13 次傳入進攻三區，即刻變番全隊核心。彭馬嘅復出令進攻重心過度集中於中路，反而令兩翼（Neto / Garnacho）失去咗之前嘅活力。
狀態上佢明顯唔順暢，幾次處理球都顯得拖泥帶水，射門亦欠缺力度，當然，我都唔否定，每次彭馬係禁區外拎波，多少都令球迷有期待…但同時，更值得商榷嘅係馬蛇嘅用法，將佢擺喺 10 號位甚至偏左，令佢失去咗最擅長嘅右路推大位射門威脅。般茅只要屯重兵喺中路，車仔就變成「老鼠拉龜」。佢需要時間操Fit，但球隊似乎未搵到佢同兩翼共存嘅說明書。
科芬拿 (Wesley Fofana)
進攻便秘下的定海神針，與細查組成最強盾牌
喺進攻線集體遊魂嘅夜晚，我諗無乜人會諗過科芬拿居然成為防線上唯一令人感到安心嘅存在。全場 11 次解圍 加上贏出全場最多嘅 11 次對抗，證明佢喺物理層面上完全頂住咗般茅嘅衝擊。
更重要嘅係，佢同細查嘅中堅組合再次證明係目前馬蛇手頭上最穩陣嘅配置（近 5 場拍檔 4 場零封）。經歷過對列斯聯嘅災難防守，科芬拿今場展示出應有嘅專注度，幾次關鍵嘅頭槌解圍同埋補位，係球隊能夠保持 Clean Sheet 嘅無名英雄。
雖然第 80 分鐘一度被 Semenyo 突破，但整體而言，佢係今場少數發揮正常嘅「成年人」。
總結：進攻便秘的一分，勉強接受的現實
14 場入球紀錄告終，爭冠夢碎，呢場悶和無疑令人失望。但客觀地睇，考慮到主力傷停（卡些度缺陣、戴納傷出）同埋球隊狀態嘅低迷，作客能夠力保不失，已經算係不幸中之大幸。
今場波再次提醒我哋，車路士距離真正嘅成熟體系仲有好遠。當天才球員失靈，當準備用嚟磨贏對手嘅 Plan B都失效。十二月嘅賽程只會更加難踢，馬蛇要盡快解決彭馬、卡些度依賴症同埋鋒線無力嘅問題，否則唔好話爭冠，「爭四」隨時都會變成危機。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊