上一篇我哋講完今季嘅「德甲水貨四俠」，即刻就有網友喺下面問：「車仔多年一直都有德甲水貨，傳統嚟啦。反而想知有邊幾個德甲過嚟而大家一齊拍爛手掌呀？」。
的確，感覺上，德甲稅特別鍾意向我哋車仔收？唔講仲以為我哋嘅球探部門，喺德國買人方面有本專業炒車指南。而為咗解答呢個問題，我哋就根據一份詳盡嘅22年研究報告，做一次「驗屍」。
不過戴返個頭盔先：我嘅盤點，係由油王時代到而家 22 年，德甲直接買入嘅主要球員，排除咗堆U21同買咗完全無用嘅現金卷嘅話，個樣本數其實唔算好大，充其量只係俾我哋圍內吹水討論用，唔可以當係咩嚴謹嘅學術研究，如果你由1905年開始計起，Sor，我認輸，你贏。
今次【車迷觀點】，我哋就嚟集齊呢班「德甲水貨Avengers」，睇下呢個炒車傳統，係咪真係咁源遠流長。
「德甲魔咒」研究報告
為咗解答網友嘅問題，我哋就用返份「德甲魔咒」研究報告，做一次殘酷嘅「驗屍」。報告盤點咗 2003 年油王入主以嚟，10單由德甲直接買入嘅主要轉會，再用一個評級系統去分類：
S (成功): 核心主力 + 贏到大盃
A (合格): 重要輪換 / 有關鍵貢獻 / 冇蝕本
B (失敗): 表現遠低於預期，折價離隊F (水貨): 完全唔掂，迅速被邊緣化
咁 22 年嚟，我哋嘅「戰績」係點？數據係壓倒性嘅：
S (成功)： 10% [得1個：波歷克 (Michael Ballack)]
A (合格)： 30% [3個：舒賀爾尼 (André Schürrle), 普列錫 (Christian Pulisic), 夏維斯 (Kai Havertz)]
B (失敗)： 20% [2個：雲拿 (Timo Werner), 安宮古 (Christopher Nkunku)]
F (水貨)： 40% [4個：保拉路斯 (Khalid Boulahrouz), 比沙路 (Claudio Pizarro), 馬高·馬連 (Marko Marin), 巴巴·拉曼 (Baba Rahman)]
冇錯，你冇睇錯。我哋高達 60% (B+F) 嘅德甲引援，都可以歸類為失望或者水貨。所以，球迷嘅負面印象，根本唔係印象流，而係有數據支持嘅客觀事實。
*2000年加盟嘅Sebastian Kneißl因為無參與過正式比賽，不在此列計算之中。
唯一的「神」與「合格」的凡人
既然車仔 60% 嘅德甲引援都係Fail，咁剩返嗰 40% 又係咩料？ 呢個就係解答網友問題嘅關鍵：「究竟有邊個值得我哋拍手掌？」
唯一的 S：波歷克 (Michael Ballack)
喺 22 年嘅歷史入面，真正做到 S 級、令所有球迷心服口服嘅德甲引援，原來只得一個：波叔，波歷克。
諷刺嘅係，波歷克嘅成功，唔係因為佢複製咗喺德甲嘅數據。相反，佢喺拜仁年代，場均 G/A 貢獻係 0.65；嚟到車仔，暴跌到得 0.28。
咁點解佢仲係神？因為佢肯轉型。佢加盟嗰陣已經近 30 歲，佢冇再當自己係德甲皇帝，而係轉型做一個更具紀律性嘅中場屏障，犧牲自己嘅進攻數據，去輔助當時如日中天嘅林柏特。佢嘅成功，係「戰術適應性」同「頂級心態」嘅勝利，呢個亦都係佢唯一嘅 S 例子。(會員限定文章絕對會再詳寫波叔，雖然未定日期…)
合格三人組：舒賀爾尼、普列錫、夏維斯
除咗波歷克，剩返嗰三個「A級」球員，其實都只係合格，而且個個都有啲爭議：
舒賀爾尼 (André Schürrle)： 佢算係一個稱職嘅超級後備，最重要嘅係，我哋 2013 年用 €22M 買佢，2015 年用 €32M 賣走佢。單係幫球會賺錢呢點，已經令佢合格有凸。
普列錫 (Christian Pulisic)： 呢單 €64M 嘅交易，可以話係「A級」入面最接近「B級」嘅一單，0.32 嘅場均 G/A 貢獻僅屬勉強，佢留係 A 級單純係我有私心幫佢加分。佢嘅車仔生涯，長期俾肌肉傷患困擾，最後折價 €20M 賣走，點計都係蝕本。
夏維斯 (Kai Havertz)： 呢個係最經典嘅爭議案例。如果齋睇佢喺聯賽嘅表現同 €80M 嘅身價，佢絕對係B級（失敗）。但衰在，佢包辦咗 2021 年歐聯決賽同 2022 年世冠盃決賽嘅唯一制勝入球。呢兩個「千金難買」嘅金球，就係佢嘅免死金牌，焗住要將佢升上A級。
水貨墳場：為何德甲精英總在車仔陣亡？
呢個部分，我哋就要集中鞭屍嗰堆被評為「B級（失敗）」同「F級（水貨）」嘅球員。
「B級」失敗者：雲拿 (Timo Werner) & 安宮古 (Nkunku)
呢兩個係最經典嘅案例，佢哋都係頂住「德甲MVP」級數嘅光環嚟，結果都係失敗告終。
添姆·雲拿 (Timo Werner)： 佢喺萊比錫嗰季 34 場入 28 球，嚟到車仔 89 場得 23 球（英超兩季夾埋得10球）。點解？報告分析有兩大原因：
戰術錯配： 佢喺德甲係踢雙前鋒，有 Yussuf Poulsen 幫佢拉開空間，等佢可以盡情用速度衝。嚟到車仔，林柏特夾硬要佢踢左翼，要佢背身拎波。一遇到英超球隊泊大巴，佢冇晒空間，技術粗糙嘅弱點就暴露無遺。
信心崩潰： 佢係一個需要被愛嘅球員。背住 €53M 嘅標價，加上不斷錯失機會，俾媒體同球迷鬧到「過度思考」，完全冇咗喺德甲嘅冷靜。
安宮古 (Christopher Nkunku)： 呢個就係「非戰之罪」。佢又係德甲MVP，點知未開季就重傷，成個 23/24 球季夾埋缺席 45 場。到佢 24/25 球季傷愈復出，馬蛇上任，點知佢最擅長嘅 10 號位，已經俾彭馬霸咗。馬蛇 10 月都公開承認：「佢個位有彭馬，對佢嚟講好困難。」 最終，呢個 €60M 嘅收購，因為傷病同「戰術冗餘」，焗住折價賣走。
「F級」水貨：被遺忘的 Avengers
除咗呢兩個大名鼎鼎嘅B級失敗者，我哋個墳場入面，仲有四件F級嘅極品水貨：
保拉路斯 (Khalid Boulahrouz)： 2006 年用 €13.2M 買返嚟，當年吹到佢係後防線「食人族」，結果 23 場波連泰利同卡華路嘅邊都掂唔到。
比沙路 (Claudio Pizarro)： 2007 年免費簽入嘅德甲入球機器，嚟到英超 32 場得 2 粒，完全適應唔到節奏。
馬高·馬連 (Marko Marin)： 2012 年加盟，一度被譽為「德國美斯」。佢 1 米 70 嘅身型，喺英超嘅身體對抗中被徹底摧毀，16 場入 1 球，然後就開始咗佢長達四年嘅外借兵生涯。
巴巴·拉曼 (Baba Rahman)： 呢個可能係最災難嘅一單。2015 年用 €20M+ 買入，本身係 14/15 球季嘅「德甲搶斷王」。點知 2017 年一次 ACL 重傷，就令佢玩完。佢份合約竟然持續咗 8 年，當中 7 年用咗嚟 7 次唔同嘅外借，最後免費走人。
魔咒的真相：戰術生態不相容
最後嘅最後，嚟做個簡單總結。我哋 60% 嘅高失敗率，並唔係因為德甲係次級聯賽，而係源於兩個聯賽之間，存在住深刻嘅「戰術生態不相容性」。
德甲嘅戰術，普遍係空間大、快上快落，非常依賴反搶之後嘅快速衝擊。呢個環境，好似係為雲拿、夏維斯、安宮古呢啲空間型攻擊手度身訂造一樣。
但英超嘅戰術生態完全唔同。大部份中下游球隊對住我哋，都會用低位防守應對。當呢班德甲球星嚟到英超，佢哋最擅長嘅空間消失咗，焗住要喺好窄嘅地方背身拎波、同人肉搏，佢哋嘅弱點就即刻暴露無遺。
所以，成件事嘅核心錯誤，就係我哋車仔嘅採購策略：買件貨，但冇買埋本說明書。
我哋淨係識得用天價，去買德甲數據最靚嘅成品，但完全冇諗過，呢啲數據係喺一個特定嘅戰術體系入面刷出嚟。
我哋錯誤咁期望呢班體系球員，可以喺一個完全唔同嘅英超環境（仲要係林柏特、杜曹、普捷天奴、馬蛇，幾年換幾套唔同嘅體系）入面，自動波咁複製佢哋嘅數據。呢種反戰術邏輯嘅買人策略，失敗率高根本係必然。
所以，唔該球探部門買人果時，記得叫對面俾埋本說明書…
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
的確，感覺上，德甲稅特別鍾意向我哋車仔收？唔講仲以為我哋嘅球探部門，喺德國買人方面有本專業炒車指南。而為咗解答呢個問題，我哋就根據一份詳盡嘅22年研究報告，做一次「驗屍」。
不過戴返個頭盔先：我嘅盤點，係由油王時代到而家 22 年，德甲直接買入嘅主要球員，排除咗堆U21同買咗完全無用嘅現金卷嘅話，個樣本數其實唔算好大，充其量只係俾我哋圍內吹水討論用，唔可以當係咩嚴謹嘅學術研究，如果你由1905年開始計起，Sor，我認輸，你贏。
今次【車迷觀點】，我哋就嚟集齊呢班「德甲水貨Avengers」，睇下呢個炒車傳統，係咪真係咁源遠流長。
「德甲魔咒」研究報告
為咗解答網友嘅問題，我哋就用返份「德甲魔咒」研究報告，做一次殘酷嘅「驗屍」。報告盤點咗 2003 年油王入主以嚟，10單由德甲直接買入嘅主要轉會，再用一個評級系統去分類：
S (成功): 核心主力 + 贏到大盃
A (合格): 重要輪換 / 有關鍵貢獻 / 冇蝕本
B (失敗): 表現遠低於預期，折價離隊F (水貨): 完全唔掂，迅速被邊緣化
咁 22 年嚟，我哋嘅「戰績」係點？數據係壓倒性嘅：
S (成功)： 10% [得1個：波歷克 (Michael Ballack)]
A (合格)： 30% [3個：舒賀爾尼 (André Schürrle), 普列錫 (Christian Pulisic), 夏維斯 (Kai Havertz)]
B (失敗)： 20% [2個：雲拿 (Timo Werner), 安宮古 (Christopher Nkunku)]
F (水貨)： 40% [4個：保拉路斯 (Khalid Boulahrouz), 比沙路 (Claudio Pizarro), 馬高·馬連 (Marko Marin), 巴巴·拉曼 (Baba Rahman)]
冇錯，你冇睇錯。我哋高達 60% (B+F) 嘅德甲引援，都可以歸類為失望或者水貨。所以，球迷嘅負面印象，根本唔係印象流，而係有數據支持嘅客觀事實。
*2000年加盟嘅Sebastian Kneißl因為無參與過正式比賽，不在此列計算之中。
唯一的「神」與「合格」的凡人
既然車仔 60% 嘅德甲引援都係Fail，咁剩返嗰 40% 又係咩料？ 呢個就係解答網友問題嘅關鍵：「究竟有邊個值得我哋拍手掌？」
唯一的 S：波歷克 (Michael Ballack)
喺 22 年嘅歷史入面，真正做到 S 級、令所有球迷心服口服嘅德甲引援，原來只得一個：波叔，波歷克。
諷刺嘅係，波歷克嘅成功，唔係因為佢複製咗喺德甲嘅數據。相反，佢喺拜仁年代，場均 G/A 貢獻係 0.65；嚟到車仔，暴跌到得 0.28。
咁點解佢仲係神？因為佢肯轉型。佢加盟嗰陣已經近 30 歲，佢冇再當自己係德甲皇帝，而係轉型做一個更具紀律性嘅中場屏障，犧牲自己嘅進攻數據，去輔助當時如日中天嘅林柏特。佢嘅成功，係「戰術適應性」同「頂級心態」嘅勝利，呢個亦都係佢唯一嘅 S 例子。(會員限定文章絕對會再詳寫波叔，雖然未定日期…)
合格三人組：舒賀爾尼、普列錫、夏維斯
除咗波歷克，剩返嗰三個「A級」球員，其實都只係合格，而且個個都有啲爭議：
舒賀爾尼 (André Schürrle)： 佢算係一個稱職嘅超級後備，最重要嘅係，我哋 2013 年用 €22M 買佢，2015 年用 €32M 賣走佢。單係幫球會賺錢呢點，已經令佢合格有凸。
普列錫 (Christian Pulisic)： 呢單 €64M 嘅交易，可以話係「A級」入面最接近「B級」嘅一單，0.32 嘅場均 G/A 貢獻僅屬勉強，佢留係 A 級單純係我有私心幫佢加分。佢嘅車仔生涯，長期俾肌肉傷患困擾，最後折價 €20M 賣走，點計都係蝕本。
夏維斯 (Kai Havertz)： 呢個係最經典嘅爭議案例。如果齋睇佢喺聯賽嘅表現同 €80M 嘅身價，佢絕對係B級（失敗）。但衰在，佢包辦咗 2021 年歐聯決賽同 2022 年世冠盃決賽嘅唯一制勝入球。呢兩個「千金難買」嘅金球，就係佢嘅免死金牌，焗住要將佢升上A級。
水貨墳場：為何德甲精英總在車仔陣亡？
呢個部分，我哋就要集中鞭屍嗰堆被評為「B級（失敗）」同「F級（水貨）」嘅球員。
「B級」失敗者：雲拿 (Timo Werner) & 安宮古 (Nkunku)
呢兩個係最經典嘅案例，佢哋都係頂住「德甲MVP」級數嘅光環嚟，結果都係失敗告終。
添姆·雲拿 (Timo Werner)： 佢喺萊比錫嗰季 34 場入 28 球，嚟到車仔 89 場得 23 球（英超兩季夾埋得10球）。點解？報告分析有兩大原因：
戰術錯配： 佢喺德甲係踢雙前鋒，有 Yussuf Poulsen 幫佢拉開空間，等佢可以盡情用速度衝。嚟到車仔，林柏特夾硬要佢踢左翼，要佢背身拎波。一遇到英超球隊泊大巴，佢冇晒空間，技術粗糙嘅弱點就暴露無遺。
信心崩潰： 佢係一個需要被愛嘅球員。背住 €53M 嘅標價，加上不斷錯失機會，俾媒體同球迷鬧到「過度思考」，完全冇咗喺德甲嘅冷靜。
安宮古 (Christopher Nkunku)： 呢個就係「非戰之罪」。佢又係德甲MVP，點知未開季就重傷，成個 23/24 球季夾埋缺席 45 場。到佢 24/25 球季傷愈復出，馬蛇上任，點知佢最擅長嘅 10 號位，已經俾彭馬霸咗。馬蛇 10 月都公開承認：「佢個位有彭馬，對佢嚟講好困難。」 最終，呢個 €60M 嘅收購，因為傷病同「戰術冗餘」，焗住折價賣走。
「F級」水貨：被遺忘的 Avengers
除咗呢兩個大名鼎鼎嘅B級失敗者，我哋個墳場入面，仲有四件F級嘅極品水貨：
保拉路斯 (Khalid Boulahrouz)： 2006 年用 €13.2M 買返嚟，當年吹到佢係後防線「食人族」，結果 23 場波連泰利同卡華路嘅邊都掂唔到。
比沙路 (Claudio Pizarro)： 2007 年免費簽入嘅德甲入球機器，嚟到英超 32 場得 2 粒，完全適應唔到節奏。
馬高·馬連 (Marko Marin)： 2012 年加盟，一度被譽為「德國美斯」。佢 1 米 70 嘅身型，喺英超嘅身體對抗中被徹底摧毀，16 場入 1 球，然後就開始咗佢長達四年嘅外借兵生涯。
巴巴·拉曼 (Baba Rahman)： 呢個可能係最災難嘅一單。2015 年用 €20M+ 買入，本身係 14/15 球季嘅「德甲搶斷王」。點知 2017 年一次 ACL 重傷，就令佢玩完。佢份合約竟然持續咗 8 年，當中 7 年用咗嚟 7 次唔同嘅外借，最後免費走人。
魔咒的真相：戰術生態不相容
最後嘅最後，嚟做個簡單總結。我哋 60% 嘅高失敗率，並唔係因為德甲係次級聯賽，而係源於兩個聯賽之間，存在住深刻嘅「戰術生態不相容性」。
德甲嘅戰術，普遍係空間大、快上快落，非常依賴反搶之後嘅快速衝擊。呢個環境，好似係為雲拿、夏維斯、安宮古呢啲空間型攻擊手度身訂造一樣。
但英超嘅戰術生態完全唔同。大部份中下游球隊對住我哋，都會用低位防守應對。當呢班德甲球星嚟到英超，佢哋最擅長嘅空間消失咗，焗住要喺好窄嘅地方背身拎波、同人肉搏，佢哋嘅弱點就即刻暴露無遺。
所以，成件事嘅核心錯誤，就係我哋車仔嘅採購策略：買件貨，但冇買埋本說明書。
我哋淨係識得用天價，去買德甲數據最靚嘅成品，但完全冇諗過，呢啲數據係喺一個特定嘅戰術體系入面刷出嚟。
我哋錯誤咁期望呢班體系球員，可以喺一個完全唔同嘅英超環境（仲要係林柏特、杜曹、普捷天奴、馬蛇，幾年換幾套唔同嘅體系）入面，自動波咁複製佢哋嘅數據。呢種反戰術邏輯嘅買人策略，失敗率高根本係必然。
所以，唔該球探部門買人果時，記得叫對面俾埋本說明書…
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊