「般尼從來不易，這個你我早已知～♪」
國際賽期後作客般尼，本來就係一場難打嘅硬仗。點知賽前再嚟多個噩耗：彭馬疑似因為喺屋企「腳趾撞櫃門」而要休戰！再加埋領隊馬蛇決定要鐵人卡些度同科芬拿留力，今場波未踢，車路士就好似讓咗半臂咁。
最終2:0嘅賽果，睇落好似好穩陣，但如果有睇直播嘅球迷都知道，過程絕對係有驚無險。由上半場嘅老鼠拉龜，到下半場換入古斯圖後一度引發嘅中場大混亂，我哋差啲就俾般尼追平。呢場波，係一場考驗心臟承受力、多過欣賞悅目足球嘅「實用主義」勝利。
比賽簡述：由沉悶到驚險，最後由後備兵救駕
上半場初段，車路士踢得相當掙扎。面對般尼嘅密集防守，我哋再次陷入老鼠拉龜嘅局面，反而係主隊嘅安東尼 (Jaidon Anthony) 幾次反擊射門更有威脅，好彩被後防擋出。直到37分鐘，古古尼亞突然殺上前場策動，分邊俾基頓斯傳中，由尼圖罕有地用頭槌破網，先開紀錄領先1:0。
換邊後，戰況原本膠著，但67分鐘領隊馬蛇作出一個大膽調動，用古斯圖入替前鋒迪納，似乎想變陣加強中場控制。點知呢個變動反而令中場出現混亂，球員位置感模糊，般尼乘機反撲，費林明幾乎就把握機會追平，場面一度險象環生。
好彩去到88分鐘，另一位後備兵挺身而出。古爾喺右路憑蠻力壓過對方後衛，殺入禁區橫傳，由後上嘅安素勁射破網，鎖定2:0勝局。驚濤駭浪之下，三分總算袋穩。
戰術深潛 (Tactical Deep Dive):
古古尼亞的「神怪」走位：左閘定係中鋒？
彭馬缺陣、球隊創造力受損嘅情況下，馬蛇今場嘅破地獄關鍵竟然係古古尼亞。如果有細心睇波，你會發現古古今場唔止係內收咁簡單，佢多次由左閘位直接殺入中路前場，甚至出現喺中鋒位置做支點。
第一個入球就係最佳例子：古古喺前場好似一個 Target Man 咁控定個波，吸引防守再分邊俾基頓斯傳中。呢種極端嘅走位，成功擾亂咗般尼嘅人盯人防守體系，為邊路製造咗單對單嘅空間。雖然古古唔係進攻天才，但他對戰術執行嘅紀律性，係今場破局嘅關鍵。
黑工山度士的上位戰：冇卡些度，中場有無崩潰？
賽前大家最擔心嘅，莫過於冇咗中場怪物卡些度，我哋嘅腰骨會唔會斷。結果，頂替佢嘅黑工 (山度士) 交出咗一份令球迷喜出望外嘅成績表。雖然喺傳球組織上，佢未必有卡些度咁從容，上半場亦有幾腳甩漏，但佢喺防守端嘅貢獻係統治級嘅。
全場瘋狂嘅跑動、攔截同掃蕩，令般尼難以喺中路組織攻勢。球迷賽後甚至選佢做MOTM，證明佢已經唔再係邊緣人，而係一個可以信賴嘅輪換主力。
67分鐘的戰術混亂：換入古斯圖險些自爆？
雖然贏波，但我哋必須正視比賽中段嘅一段驚險插曲。67分鐘，馬蛇決定用古斯圖換走前鋒迪納。大家都知，古斯度本來係右閘或者內切防中，但今場入替之後，佢定位變成左線嘅中場，將祖奧柏度推前一格變成前鋒。
但呢個變動似乎令場上球員一時適應唔到，中場分工出現混亂，位置感變得模糊。正正係喺呢段時間，般尼乘機反撲，費林明幾乎把握機會追平。呢次換人原本想加強控制，結果反而令球隊失去咗原有嘅結構，差啲由贏變和。馬蛇嘅臨場實驗，有時真係玩得太大。
正選與後備的殘酷對比：迪納 vs 古爾
今場波亦都再一次將我哋嘅「九號位難題」擺上枱面。正選嘅迪納繼續佢嘅入球荒（13場入1球），面對般尼嘅密集防守，佢顯得步履沉重，觸球次數極少，完全被孤立。相反，後備上陣嘅古爾，虽然技術未必好細膩，但佢嗰種蠻牛式嘅衝擊力，喺比賽末段對方體力下降時極之有效。
第二個入球，完全係靠古爾用身體硬食對方後衛，再冷靜橫傳俾安素。喺破密集防守無計可施時，古爾呢種簡單直接嘅暴力美學，或者比迪納更實際。
幸運之神眷顧：細查手球「大難不死」
講完戰術，不得不提今場最驚險、亦都係最幸運嘅一幕。上半場，山齊士開短球俾細查，細查誤以為比賽未重新開始，竟然彎腰用手掂波。呢一幕同上季歐聯阿仙奴對拜仁，或者維拉對布魯日嘅自殺式手球如出一轍。當時般尼球員瘋狂投訴，如果球證跟足條例判罰十二碼，我哋隨時由贏變輸。
好彩球證認為山齊士未完全開波或者冇獲益，放咗我哋一馬。呢次大難不死，除咗證明我哋有運，亦都警醒我哋後場溝通依然存在令人心驚膽跳嘅低級失誤。
球員點評
黑工山度士 (Andrey Santos)
卡些度嘅完美替身：17次防守貢獻嘅「掃蕩機」
喺卡些度輪休嘅情況下，黑工山度士臨危受命，交出咗一場令人驚喜、甚至係驚豔嘅防守表演。數據顯示，佢全場貢獻驚人嘅17次防守數據，包括5次關鍵攔截同4次奪回球權。佢就好似一部不知疲倦嘅「掃蕩機」，喺中後場瘋狂覆蓋，多次喺關鍵位置幫隊友「執漏」。球迷選佢做MOTM絕對有原因，佢嘅硬度令我哋完全感覺唔到少咗個主力防中。
不過，我哋亦要客觀睇到佢同卡些度嘅分別。雖然防守滿分，但佢喺組織上明顯比較保守。全場只得1次成功傳球入進攻三區，大部分時間都係選擇安全嘅橫傳同回傳。作為一個替工，佢已經超額完成任務，證明咗我哋嘅板凳深度；但若要長期擔正，佢嘅進攻傳送能力起碼要有返上季係史堡嘅級數先得。
古古尼亞 (Marc Cucurella)
左閘定係中鋒？馬蛇戰術體系下嘅破壁靈芝胞子？
今場古古尼亞嘅表現，數據未必最搶眼，但戰術含金量極高。佢今場嘅角色完全顛覆咗大家對左閘嘅認知。佢唔止係內收，直頭係前插做中鋒。
數據顯示，佢作為一個後衛，竟然有4次喺對方禁區內觸球，呢個數字印證咗 BBC 嘅分析：佢多次殺入中路做支點。第一個入球，正正係因為佢喺前場高位接應，控定個波再分俾基頓斯傳中。呢種神怪走位，成功擾亂咗般尼嘅防守部署：用烏古卓高貼身防守古古，而呢個就係係我哋破密集嘅關鍵。
雖然佢今場喺身體對抗上比較輸蝕（地面对抗成功率僅40%），但佢用勤力嘅跑動（7次奪回球權）同極高嘅戰術執行力彌補咗不足。佢係今場馬蛇戰術實驗中最成功嘅棋子。
迪納 (Liam Delap)
被孤立嘅箭頭：入球荒背後，係能力定係戰術問題？
睇返我係迪納上車之前嘅球探報告，我形容佢係一部需要空間衝刺嘅「推土機」。但不幸地，今場對般尼嘅縮後防守，正正就係佢嘅剋星。
如果你睇返篇文，我寫佢嘅弱點係「高空波令人失望」同埋「傳控能力不足」。今場數據殘酷地引證咗呢點：面對般尼嘅高大中堅，佢5次高空爭頂全敗 (0%)，完全做唔到支點；而喺狹窄空間內，佢亦因為粗糙嘅腳下功夫（67分鐘僅20次觸球），無法同隊友進行細膩嘅配合，導致長期處於隱形狀態。
佢依然係嗰個喺葉士域治擅長反擊嘅戴納，但喺車路士面對密集防守嘅陣地戰入面，佢似乎仲未搵到生存之道。對比後備上陣嘅古爾能夠用身體硬爆對手助攻，迪納嘅功能性喺今場波顯得蒼白無力。佢需要進化，否則「推土機」喺史丹福橋只會變成廢鐵。睇黎跟住就係考馬蛇嘅功力，有無能力將呢部推土機發揮得更好。
總結：
呢場2:0嘅勝利，係一場典型嘅「實用主義」勝仗，亦都係一場「國際賽期後遺症」嘅最佳療法。
喺主力缺陣、狀態未足嘅情況下，我哋憑住古古尼亞嘅戰術奇招、黑工山度士嘅防守硬度，以及古爾嘅後備衝擊，成功克服困難全取三分。過程雖然有驚險、有沉悶，甚至有前鋒狀態嘅隱憂（迪納嘅入球荒），但結果證明球隊學識咗點樣喺逆境同悶戰中贏波。
當然，球迷對前鋒線嘅擔憂係可以理解嘅。迪納嘅掙扎同古爾嘅衝擊形成強烈對比，呢個「九號位之爭」相信會係未來幾場嘅焦點。但正如馬蛇所講，贏波治百病，只要三分落袋，我哋就有時間去修正問題，曼城失分，直接令車路士安坐第二位，希望下星期對住阿仙奴，球隊同樣可以交出令人滿意嘅結果。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
國際賽期後作客般尼，本來就係一場難打嘅硬仗。點知賽前再嚟多個噩耗：彭馬疑似因為喺屋企「腳趾撞櫃門」而要休戰！再加埋領隊馬蛇決定要鐵人卡些度同科芬拿留力，今場波未踢，車路士就好似讓咗半臂咁。
最終2:0嘅賽果，睇落好似好穩陣，但如果有睇直播嘅球迷都知道，過程絕對係有驚無險。由上半場嘅老鼠拉龜，到下半場換入古斯圖後一度引發嘅中場大混亂，我哋差啲就俾般尼追平。呢場波，係一場考驗心臟承受力、多過欣賞悅目足球嘅「實用主義」勝利。
比賽簡述：由沉悶到驚險，最後由後備兵救駕
上半場初段，車路士踢得相當掙扎。面對般尼嘅密集防守，我哋再次陷入老鼠拉龜嘅局面，反而係主隊嘅安東尼 (Jaidon Anthony) 幾次反擊射門更有威脅，好彩被後防擋出。直到37分鐘，古古尼亞突然殺上前場策動，分邊俾基頓斯傳中，由尼圖罕有地用頭槌破網，先開紀錄領先1:0。
換邊後，戰況原本膠著，但67分鐘領隊馬蛇作出一個大膽調動，用古斯圖入替前鋒迪納，似乎想變陣加強中場控制。點知呢個變動反而令中場出現混亂，球員位置感模糊，般尼乘機反撲，費林明幾乎就把握機會追平，場面一度險象環生。
好彩去到88分鐘，另一位後備兵挺身而出。古爾喺右路憑蠻力壓過對方後衛，殺入禁區橫傳，由後上嘅安素勁射破網，鎖定2:0勝局。驚濤駭浪之下，三分總算袋穩。
戰術深潛 (Tactical Deep Dive):
古古尼亞的「神怪」走位：左閘定係中鋒？
彭馬缺陣、球隊創造力受損嘅情況下，馬蛇今場嘅破地獄關鍵竟然係古古尼亞。如果有細心睇波，你會發現古古今場唔止係內收咁簡單，佢多次由左閘位直接殺入中路前場，甚至出現喺中鋒位置做支點。
第一個入球就係最佳例子：古古喺前場好似一個 Target Man 咁控定個波，吸引防守再分邊俾基頓斯傳中。呢種極端嘅走位，成功擾亂咗般尼嘅人盯人防守體系，為邊路製造咗單對單嘅空間。雖然古古唔係進攻天才，但他對戰術執行嘅紀律性，係今場破局嘅關鍵。
黑工山度士的上位戰：冇卡些度，中場有無崩潰？
賽前大家最擔心嘅，莫過於冇咗中場怪物卡些度，我哋嘅腰骨會唔會斷。結果，頂替佢嘅黑工 (山度士) 交出咗一份令球迷喜出望外嘅成績表。雖然喺傳球組織上，佢未必有卡些度咁從容，上半場亦有幾腳甩漏，但佢喺防守端嘅貢獻係統治級嘅。
全場瘋狂嘅跑動、攔截同掃蕩，令般尼難以喺中路組織攻勢。球迷賽後甚至選佢做MOTM，證明佢已經唔再係邊緣人，而係一個可以信賴嘅輪換主力。
67分鐘的戰術混亂：換入古斯圖險些自爆？
雖然贏波，但我哋必須正視比賽中段嘅一段驚險插曲。67分鐘，馬蛇決定用古斯圖換走前鋒迪納。大家都知，古斯度本來係右閘或者內切防中，但今場入替之後，佢定位變成左線嘅中場，將祖奧柏度推前一格變成前鋒。
但呢個變動似乎令場上球員一時適應唔到，中場分工出現混亂，位置感變得模糊。正正係喺呢段時間，般尼乘機反撲，費林明幾乎把握機會追平。呢次換人原本想加強控制，結果反而令球隊失去咗原有嘅結構，差啲由贏變和。馬蛇嘅臨場實驗，有時真係玩得太大。
正選與後備的殘酷對比：迪納 vs 古爾
今場波亦都再一次將我哋嘅「九號位難題」擺上枱面。正選嘅迪納繼續佢嘅入球荒（13場入1球），面對般尼嘅密集防守，佢顯得步履沉重，觸球次數極少，完全被孤立。相反，後備上陣嘅古爾，虽然技術未必好細膩，但佢嗰種蠻牛式嘅衝擊力，喺比賽末段對方體力下降時極之有效。
第二個入球，完全係靠古爾用身體硬食對方後衛，再冷靜橫傳俾安素。喺破密集防守無計可施時，古爾呢種簡單直接嘅暴力美學，或者比迪納更實際。
幸運之神眷顧：細查手球「大難不死」
講完戰術，不得不提今場最驚險、亦都係最幸運嘅一幕。上半場，山齊士開短球俾細查，細查誤以為比賽未重新開始，竟然彎腰用手掂波。呢一幕同上季歐聯阿仙奴對拜仁，或者維拉對布魯日嘅自殺式手球如出一轍。當時般尼球員瘋狂投訴，如果球證跟足條例判罰十二碼，我哋隨時由贏變輸。
好彩球證認為山齊士未完全開波或者冇獲益，放咗我哋一馬。呢次大難不死，除咗證明我哋有運，亦都警醒我哋後場溝通依然存在令人心驚膽跳嘅低級失誤。
球員點評
黑工山度士 (Andrey Santos)
卡些度嘅完美替身：17次防守貢獻嘅「掃蕩機」
喺卡些度輪休嘅情況下，黑工山度士臨危受命，交出咗一場令人驚喜、甚至係驚豔嘅防守表演。數據顯示，佢全場貢獻驚人嘅17次防守數據，包括5次關鍵攔截同4次奪回球權。佢就好似一部不知疲倦嘅「掃蕩機」，喺中後場瘋狂覆蓋，多次喺關鍵位置幫隊友「執漏」。球迷選佢做MOTM絕對有原因，佢嘅硬度令我哋完全感覺唔到少咗個主力防中。
不過，我哋亦要客觀睇到佢同卡些度嘅分別。雖然防守滿分，但佢喺組織上明顯比較保守。全場只得1次成功傳球入進攻三區，大部分時間都係選擇安全嘅橫傳同回傳。作為一個替工，佢已經超額完成任務，證明咗我哋嘅板凳深度；但若要長期擔正，佢嘅進攻傳送能力起碼要有返上季係史堡嘅級數先得。
古古尼亞 (Marc Cucurella)
左閘定係中鋒？馬蛇戰術體系下嘅破壁靈芝胞子？
今場古古尼亞嘅表現，數據未必最搶眼，但戰術含金量極高。佢今場嘅角色完全顛覆咗大家對左閘嘅認知。佢唔止係內收，直頭係前插做中鋒。
數據顯示，佢作為一個後衛，竟然有4次喺對方禁區內觸球，呢個數字印證咗 BBC 嘅分析：佢多次殺入中路做支點。第一個入球，正正係因為佢喺前場高位接應，控定個波再分俾基頓斯傳中。呢種神怪走位，成功擾亂咗般尼嘅防守部署：用烏古卓高貼身防守古古，而呢個就係係我哋破密集嘅關鍵。
雖然佢今場喺身體對抗上比較輸蝕（地面对抗成功率僅40%），但佢用勤力嘅跑動（7次奪回球權）同極高嘅戰術執行力彌補咗不足。佢係今場馬蛇戰術實驗中最成功嘅棋子。
迪納 (Liam Delap)
被孤立嘅箭頭：入球荒背後，係能力定係戰術問題？
睇返我係迪納上車之前嘅球探報告，我形容佢係一部需要空間衝刺嘅「推土機」。但不幸地，今場對般尼嘅縮後防守，正正就係佢嘅剋星。
如果你睇返篇文，我寫佢嘅弱點係「高空波令人失望」同埋「傳控能力不足」。今場數據殘酷地引證咗呢點：面對般尼嘅高大中堅，佢5次高空爭頂全敗 (0%)，完全做唔到支點；而喺狹窄空間內，佢亦因為粗糙嘅腳下功夫（67分鐘僅20次觸球），無法同隊友進行細膩嘅配合，導致長期處於隱形狀態。
佢依然係嗰個喺葉士域治擅長反擊嘅戴納，但喺車路士面對密集防守嘅陣地戰入面，佢似乎仲未搵到生存之道。對比後備上陣嘅古爾能夠用身體硬爆對手助攻，迪納嘅功能性喺今場波顯得蒼白無力。佢需要進化，否則「推土機」喺史丹福橋只會變成廢鐵。睇黎跟住就係考馬蛇嘅功力，有無能力將呢部推土機發揮得更好。
總結：
呢場2:0嘅勝利，係一場典型嘅「實用主義」勝仗，亦都係一場「國際賽期後遺症」嘅最佳療法。
喺主力缺陣、狀態未足嘅情況下，我哋憑住古古尼亞嘅戰術奇招、黑工山度士嘅防守硬度，以及古爾嘅後備衝擊，成功克服困難全取三分。過程雖然有驚險、有沉悶，甚至有前鋒狀態嘅隱憂（迪納嘅入球荒），但結果證明球隊學識咗點樣喺逆境同悶戰中贏波。
當然，球迷對前鋒線嘅擔憂係可以理解嘅。迪納嘅掙扎同古爾嘅衝擊形成強烈對比，呢個「九號位之爭」相信會係未來幾場嘅焦點。但正如馬蛇所講，贏波治百病，只要三分落袋，我哋就有時間去修正問題，曼城失分，直接令車路士安坐第二位，希望下星期對住阿仙奴，球隊同樣可以交出令人滿意嘅結果。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊