今日我呢個足球專欄唔講咁多足球，講棒球。不過，一樣會講到車仔，可以耐心睇下我寫乜。
早幾星期，洛杉磯道奇（LA Dodgers）又再贏咗世界大賽冠軍 (你想像下係棒球界嘅歐聯)，幾乎全個體育界都洗緊版。當大家睇住大谷翔平係球場噴香檳嘅時候，部份識嘢嘅車迷心情可能係會有少少複雜。
點解？上一篇文我有講到，因為道奇個老細叫 Todd Boehly，而我哋車路士個老細，咁啱得咁橋又係叫 Todd Boehly。而當然，佢哋係同一個人啦。
同一個老細，一邊係統治級嘅世界冠軍，另一邊係雖然有好轉、但仲係重建期嘅工地。究竟係保利偏心？定係足球同棒球嘅玩法真係差咁遠？今次【車迷觀點】，我哋就借道奇奪冠同大谷翔平，去拆解下保利個腦入面盤棋其實做緊咩。
足球界的大谷翔平？一個叫「保方・美斯蘭特」的怪物
睇我文嘅足球迷巴打唔一定知大谷翔平係邊位，所以係我寫落去之前，先要講下佢。
一個日本人去美國打波，但佢可以話係當今棒球世界、甚至係棒球歷史上最癲的人。道奇嘅老闆保利 a.k.a. 牙Todd 點解肯俾 7 億美金簽佢唔係無原因嘅，因為大谷嘅賣點係二刀流：投球（防守）同打擊（進攻）都係世界最頂級。
(小弟嘅文采有限，如果覺得我比喻不當，敬請見諒。)
如果將呢個概念放入足球世界，個畫面大約係咁：
想像有間球會叫道奇，佢哋用700m簽咗一個叫「保方・美斯蘭特」嘅門將。當球隊進攻嘅時候，佢會放低手套，百米衝刺殺入對方禁區，有能力用身位撞開後衛，接應傳中頂入波、又識得用美斯嘅球技扭過後衛用左腳射個超靚遠射、仲會係死球點用右腳射個落葉球收死門將完成完美嘅帽子戲法。
或者你會諗：「挑，咪同當年大哨差唔多…」稍等，未完。
當對手反擊，佢又會光速回防企返去門線前，飛身撲出對面兩球必入球兼沒收幾個高波，最後幫球隊 3:0 完封對手贏埋歐聯。
又入波又守龍？聽落係咪好癡線？係咪好似玩緊 FIFA 開咗外掛咁？無錯，因為喺現代足球嘅體能同戰術分工下，根本冇可能出現咁嘅人。
但喺棒球世界，大谷就係呢種幻想生物。道奇買佢，唔止係買勝利，仲係買緊一個顛覆商業邏輯嘅資產。呢一點帶出咗第一個重點：牙Todd絕對肯使錢買超級巨星，前提係嗰個人要物超所值到違反常理。
相同之處：極致的金融魔球
呢度，就可以開始講返足球，包括車迷在內，好多人鬧牙Todd唔識波，甚至連古烈治係乜水佢都唔知，但相信無人敢話佢唔識計數。如果你細心睇道奇同車仔嘅操作，你會發現佢哋個底層邏輯係一模一樣嘅：就係用盡規則漏洞嘅「金融工程」。
道奇操作：延遲付款 (Deferred Payment) 大谷份 7 億合約，當中有 6.8 億係「延遲付款」，即係話大部份錢係 10 年後先俾。呢個操作利用咗 MLB 嘅規則漏洞，令道奇呢一刻仲有大把薪酬空間去簽其他球星（例如由日本簽埋山本由伸同佐佐木朗希）。
車仔操作：攤分年期 (Amortization) 轉過頭睇返車仔，係咪好熟面口？安素、卡些度簽 8 年長約。呢個係利用當時 FFP 嘅規則漏洞，將轉會費攤長嚟計，令我哋可以喺短時間內換晒成隊波。甚至今季UEFA入嚟查數都好，因為屬於回溯期以前，安素同卡些度仲有梅迪歷嘅龐大開支都可以化險為夷，最後只可以用正轉會費呢個做法嚟制裁車仔。
無論係棒球定足球，牙Todd帶嚟嘅都係同一套美式財技：「透支未來，贏在當下」。佢唔介意呢一刻條數幾難睇，最緊要係喺規則允許下，將資源最大化。
不同之處：道奇買成品，車仔買期貨？
既然大家都係玩財技，點解道奇買嘅係大谷、Freeman 呢啲成熟巨星（成品），但我哋車仔就淨係買二安(Estêvão)、柏艾斯 (Páez) 呢啲發育未健全嘅小朋友（期貨）？
呢度就係最關鍵嘅分別：股權結構決定命運。
道奇係由 Guggenheim 獨資，佢哋係傳統嘅金融大鱷，目標係建立一個長期統治嘅王朝，所以佢哋有自家青訓（農場）做底，但關鍵時刻絕對唔手軟買現成巨星。
但車仔唔同，我哋係 Guggenheim（牙Todd）加 Clearlake（清湖資本）嘅混血兒。而大股東清湖係一間私募股權公司。喺佢哋嘅眼中，買一個 30 歲嘅哈利簡尼係一筆會折舊嘅資產，因為佢無得再升值只會每年降價；但買一個 18 歲嘅南美神童，係一筆風險投資，一旦跑出，回報係 10 倍計，就算佢真係升幅潛力有限，只要及時甩手就OK。
所以，道奇係一個「完全體」，佢哋有農場，亦有大谷；車仔目前只係一個孵化器，我哋被迫用道奇嘅財技，去執行清湖嘅「妖人養成計劃」。
總結：等待我們的大谷時刻
睇住道奇捧盃，車迷會葡萄係正常嘅。但掉轉頭諗，道奇嘅成功至少證明咗一件事：我哋個老細並唔係完全嘅水魚，佢係識得點樣營運一支冠軍球隊。
十幾年前牙Todd剛入主道奇嗰陣，佢哋都係由重建農場、清瘀血開始，一步步建立個底，最後先有本錢去簽怪物大谷翔平。
或者車仔而家正正處於道奇嘅「早期階段」。我哋雖然冇「保方・夏蘭特」，但我哋都有彭馬。佢入波又助攻又派牌，某程度上就係我哋嘅大谷。
只要比多啲耐性，等班期貨變黃金，或者有一日，當史丹福橋個底打好咗，牙Todd同清湖就會肯撳個制，將真正的「足球版大谷」帶嚟倫敦。
希望在明天啦，車迷們。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
早幾星期，洛杉磯道奇（LA Dodgers）又再贏咗世界大賽冠軍 (你想像下係棒球界嘅歐聯)，幾乎全個體育界都洗緊版。當大家睇住大谷翔平係球場噴香檳嘅時候，部份識嘢嘅車迷心情可能係會有少少複雜。
點解？上一篇文我有講到，因為道奇個老細叫 Todd Boehly，而我哋車路士個老細，咁啱得咁橋又係叫 Todd Boehly。而當然，佢哋係同一個人啦。
同一個老細，一邊係統治級嘅世界冠軍，另一邊係雖然有好轉、但仲係重建期嘅工地。究竟係保利偏心？定係足球同棒球嘅玩法真係差咁遠？今次【車迷觀點】，我哋就借道奇奪冠同大谷翔平，去拆解下保利個腦入面盤棋其實做緊咩。
足球界的大谷翔平？一個叫「保方・美斯蘭特」的怪物
睇我文嘅足球迷巴打唔一定知大谷翔平係邊位，所以係我寫落去之前，先要講下佢。
一個日本人去美國打波，但佢可以話係當今棒球世界、甚至係棒球歷史上最癲的人。道奇嘅老闆保利 a.k.a. 牙Todd 點解肯俾 7 億美金簽佢唔係無原因嘅，因為大谷嘅賣點係二刀流：投球（防守）同打擊（進攻）都係世界最頂級。
(小弟嘅文采有限，如果覺得我比喻不當，敬請見諒。)
如果將呢個概念放入足球世界，個畫面大約係咁：
想像有間球會叫道奇，佢哋用700m簽咗一個叫「保方・美斯蘭特」嘅門將。當球隊進攻嘅時候，佢會放低手套，百米衝刺殺入對方禁區，有能力用身位撞開後衛，接應傳中頂入波、又識得用美斯嘅球技扭過後衛用左腳射個超靚遠射、仲會係死球點用右腳射個落葉球收死門將完成完美嘅帽子戲法。
或者你會諗：「挑，咪同當年大哨差唔多…」稍等，未完。
當對手反擊，佢又會光速回防企返去門線前，飛身撲出對面兩球必入球兼沒收幾個高波，最後幫球隊 3:0 完封對手贏埋歐聯。
又入波又守龍？聽落係咪好癡線？係咪好似玩緊 FIFA 開咗外掛咁？無錯，因為喺現代足球嘅體能同戰術分工下，根本冇可能出現咁嘅人。
但喺棒球世界，大谷就係呢種幻想生物。道奇買佢，唔止係買勝利，仲係買緊一個顛覆商業邏輯嘅資產。呢一點帶出咗第一個重點：牙Todd絕對肯使錢買超級巨星，前提係嗰個人要物超所值到違反常理。
相同之處：極致的金融魔球
呢度，就可以開始講返足球，包括車迷在內，好多人鬧牙Todd唔識波，甚至連古烈治係乜水佢都唔知，但相信無人敢話佢唔識計數。如果你細心睇道奇同車仔嘅操作，你會發現佢哋個底層邏輯係一模一樣嘅：就係用盡規則漏洞嘅「金融工程」。
道奇操作：延遲付款 (Deferred Payment) 大谷份 7 億合約，當中有 6.8 億係「延遲付款」，即係話大部份錢係 10 年後先俾。呢個操作利用咗 MLB 嘅規則漏洞，令道奇呢一刻仲有大把薪酬空間去簽其他球星（例如由日本簽埋山本由伸同佐佐木朗希）。
車仔操作：攤分年期 (Amortization) 轉過頭睇返車仔，係咪好熟面口？安素、卡些度簽 8 年長約。呢個係利用當時 FFP 嘅規則漏洞，將轉會費攤長嚟計，令我哋可以喺短時間內換晒成隊波。甚至今季UEFA入嚟查數都好，因為屬於回溯期以前，安素同卡些度仲有梅迪歷嘅龐大開支都可以化險為夷，最後只可以用正轉會費呢個做法嚟制裁車仔。
無論係棒球定足球，牙Todd帶嚟嘅都係同一套美式財技：「透支未來，贏在當下」。佢唔介意呢一刻條數幾難睇，最緊要係喺規則允許下，將資源最大化。
不同之處：道奇買成品，車仔買期貨？
既然大家都係玩財技，點解道奇買嘅係大谷、Freeman 呢啲成熟巨星（成品），但我哋車仔就淨係買二安(Estêvão)、柏艾斯 (Páez) 呢啲發育未健全嘅小朋友（期貨）？
呢度就係最關鍵嘅分別：股權結構決定命運。
道奇係由 Guggenheim 獨資，佢哋係傳統嘅金融大鱷，目標係建立一個長期統治嘅王朝，所以佢哋有自家青訓（農場）做底，但關鍵時刻絕對唔手軟買現成巨星。
但車仔唔同，我哋係 Guggenheim（牙Todd）加 Clearlake（清湖資本）嘅混血兒。而大股東清湖係一間私募股權公司。喺佢哋嘅眼中，買一個 30 歲嘅哈利簡尼係一筆會折舊嘅資產，因為佢無得再升值只會每年降價；但買一個 18 歲嘅南美神童，係一筆風險投資，一旦跑出，回報係 10 倍計，就算佢真係升幅潛力有限，只要及時甩手就OK。
所以，道奇係一個「完全體」，佢哋有農場，亦有大谷；車仔目前只係一個孵化器，我哋被迫用道奇嘅財技，去執行清湖嘅「妖人養成計劃」。
總結：等待我們的大谷時刻
睇住道奇捧盃，車迷會葡萄係正常嘅。但掉轉頭諗，道奇嘅成功至少證明咗一件事：我哋個老細並唔係完全嘅水魚，佢係識得點樣營運一支冠軍球隊。
十幾年前牙Todd剛入主道奇嗰陣，佢哋都係由重建農場、清瘀血開始，一步步建立個底，最後先有本錢去簽怪物大谷翔平。
或者車仔而家正正處於道奇嘅「早期階段」。我哋雖然冇「保方・夏蘭特」，但我哋都有彭馬。佢入波又助攻又派牌，某程度上就係我哋嘅大谷。
只要比多啲耐性，等班期貨變黃金，或者有一日，當史丹福橋個底打好咗，牙Todd同清湖就會肯撳個制，將真正的「足球版大谷」帶嚟倫敦。
希望在明天啦，車迷們。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊