新鮮滾熱辣出爐嘅課金內容，當然係雅俗共賞，有好嘢齊齊分享。丫，不過如果你唔鍾意睇訪問類型嘅文章，咁下文就大概同你無乜關係啦。
話說車仔個老闆 Todd Boehly（牙 Todd），自從早排退居幕後，將車仔管理權交返俾拍檔 Eghbali 之後，都靜咗一排無出聲。對於唔睇棒球嘅車迷嚟講，可能唔知佢最近搞緊咩。其實，佢另一隻有份投資嘅棒球界巨艦：洛杉磯道奇，早兩星期喺美國贏咗 2025 年世界大賽冠軍 (份量等同歐聯冠軍)。嘩，贏波咁大件事，就當然要出嚟抽下水，於是佢接受澳洲傳媒專訪大開金口。
喺呢篇訪問入面，佢唔止大談佢嘅「勝利」哲學，仲毫無保留咁反擊過去幾年不斷攻擊佢嘅英國傳媒。佢甚至自嘲咁講咗句：「英國報紙日日都提我，佢哋有幾聰明，而我就有幾蠢。」
聽完呢句，我不禁諗起唐伯虎嗰句詩：「別人笑我太瘋癲，我笑他人看不穿」。究竟牙 Todd 係咪真係眾人皆醉佢獨醒？今次【車迷觀點】，我哋就同大家解讀下呢篇充滿火藥味嘅訪問。
(連結係度，如果有油王巴打願意課金俾我睇報紙記得聯絡我。)
有一種自信叫「盲目」：英國媒體識條鐵咩？
訪問一開始，記者就問佢點睇道奇隊贏得咁驚險嘅 2025 世界大賽。牙 Todd 嘅答案好坦白，佢話自己成場波都覺得贏硬，甚至形容呢種心態係「盲目自信」(Blind confidence)。
佢話：「或者係我自我保護機制啦，但我感覺好良好。我哋個文化就係永不放棄。」
呢種「盲目自信」，聽落係咪好熟面口？無錯，當佢三年前接手車仔，瘋狂簽長約、瘋狂買細路嗰陣，全世界都笑佢係水魚、係傻佬。但佢依家回望返，依然係嗰個態度：我無錯，係你哋跟唔上。
佢喺訪問入面爆咗句超串嘅金句，直頭可以裱起佢掛喺史丹福橋門口：
「英國啲報紙日日都寫，好似想提我佢哋有幾聰明，而我就有幾蠢。」 (The English papers remind me every day how smart they are and how stupid I am.)
對於外界嘅批評，佢表示自己臉皮已經練到好厚。佢話：「我有時屋企人會介意啲報導，但我只會覺得，呢個只係多一個唔識嘢嘅人喺度廢噏 (one more person that doesn’t know what they’re talking about)。」
嗯，老闆果然係老闆，放個屁都響啲。
告別油王時代，迎接「華爾街狼群」
除咗反擊傳媒，訪問入面亦提到一個好重要嘅轉變。記者形容，保利入主車仔，象徵住英超由「油王時代」(Petro-dollar) 正式轉型去到「金融工程師時代」(Financial Engineers)。
以前油王年代，我哋係講心唔講金，有錢就係任性，想買邊個就邊個，你想走？我哋WFC；依家保利年代，講嘅係「資產配置」、「槓桿」、「回報率」。
牙 Todd 直言，佢嘅哲學好簡單：「贏波係唯一真理」 (The reality is it’s just about winning)。但佢指嘅贏，唔係單純為咗開心，而係因為「贏波」係令資產增值嘅最有效手段。
佢引用咗佢另一隊愛隊：NBA 湖人隊嘅例子。佢話湖人前班主 Jerry Buss 最早睇穿一點：球隊唔係球隊，係一個「娛樂平台」(Entertainment Platform)。你要有明星（Jack Nicholson）、要有話題、要有成績，個品牌先值錢。
所以，點解佢要買咁多球星？點解要搞咁多花臣？因為喺佢眼中，車路士唔只係一間球會，而係一間同迪士尼、Netflix 搶眼球嘅娛樂公司。佢覺得自己唔係癲，佢只係用緊華爾街嗰套邏輯，去玩呢個傳統嘅英式足球遊戲。
親口解畫長約攤分大法：我係數學家，唔係敗家仔
過去幾年，大家最睇唔透嘅，就係點解我哋要同安素、卡些度、甚至梅迪歷簽成 8 年長約。好多人話係「鎖死未來」，萬一踢唔掂就變蟹貨。
牙 Todd 喺訪問入面，終於親口用數學去解釋呢個操作。佢承認，呢個係一招特登走灰色地帶嘅「會計套利」(Accounting Arbitrage)。
佢舉例，雖然卡些度成 £1 億，但攤分 8 年，每年嘅帳面成本只係 £1,250 萬。佢個算盤係：我寧願而家使一大筆錢，鎖定一班頂級後生仔，人工亦鎖定喺一個相對合理嘅水平，好過日後又要同人傾續約、又要驚轉會費通脹。
雖然英超後來因為我哋而改例（將攤分上限設為 5 年），封咗個漏洞，但喺牙 Todd 眼中，佢覺得自己係「趕上尾班車」成功偷雞嘅贏家。佢話：
「你會繼續見到我哋隊波進化。我哋將佢哋（球員）長遠咁聚埋一齊，我對未來好興奮。」
聽落去，佢完全無後悔過當年嘅瘋狂掃貨，反而覺得自己做咗個英超史上最精明嘅投資。
點名護短：力撐山齊士與占士
除咗講錢，牙 Todd 亦罕有地點評球員。對於外界成日傳我們要買新龍門，或者因為隊長列斯占士太多傷患而想賣走佢，牙 Todd 嘅回應好直接：佢撐到底。
佢喺訪問入面，直接用咗 "Pretty damn well" 嚟形容山齊士嘅表現，仲話列斯占士已經成長為一個 "Unbelievable Leader"（難以置信嘅領袖）。
呢番說話，一方面係穩定軍心，打破傳聞；另一方面亦反映出佢嘅性格：一旦佢認定咗嘅資產（球員），佢會盲撐到底。各位對山齊士仲有怨言嘅車迷，睇嚟都要接受現實，老闆覺得佢好掂，短期內都唔會換人。
順手抽水：曼聯好耐無贏過啦
作為車迷，成篇訪問睇得最過癮嘅，肯定係佢講到其他球隊嗰陣。
當記者問佢點睇曼聯：另一隊同樣係換咗老闆、同樣使好多錢，但成績就不斷沈淪嘅豪門，牙 Todd 毫不留情咁抽咗佢哋水：
「佢哋好耐無贏過啦。」 (It’s been a long time since they’ve won.)
不過，佢並唔係純粹為咗寸而寸。佢緊接住補充解釋，話曼聯嘅例子正好證明咗場內同場外嘅成功係掛鉤嘅。
佢話：「贏波係好有價值嘅，所以搵出點樣重回勝利軌道，對所有球隊都咁重要。」
對於車路士，佢嘅睇法係：唔應該係諗住點樣榨乾現有球迷嘅錢，而係要透過贏波去擴大全球嘅 Fan Base。只要球迷基數大咗，收入自然會跟住升。雖然聽落好似好「行貨」，但起碼證明佢個腦入面，仲係覺得「成績」先係最重要嘅 KPI，唔係單純嘅 cap 水。
總結：佢想做體育界嘅巴菲特
訪問嚟到尾聲，牙 Todd 終於講出咗佢嘅終極野心。佢唔係只想做一個普通的球隊班主，佢想做體育界嘅華倫·巴菲特 (Warren Buffett)。
佢提到巴菲特點樣利用保險公司嘅現金流去投資，從而令資產幾何級數增長。佢話：「要達到 15% 嘅複利增長並唔容易。」
而車路士，喺佢個宏大藍圖入面，就係其中一隻長線潛力股。佢用緊一套極其複雜、極高風險嘅金融模型去營運我哋。
睇完呢篇訪問，車迷們未必會即刻鍾意佢嗰種冷冰冰嘅資本主義思維，亦未必認同佢所有嘅操作（尤其係對青訓/買賣嘅處理）。但至少有一樣嘢係肯定嘅：佢唔係癲，亦唔係蠢。
佢係一個極度理性、極度自信嘅賭徒。佢賭緊嘅，係十年後嘅車路士，會變成一間全世界最賺錢、最成功嘅體育娛樂公司。至於我哋球迷心臟頂唔頂得順呢個過程？佢似乎覺得：只要最後贏到波，你哋就會收貨架啦。
正如佢最後講嗰句：「如果望倒後鏡望得太耐，你會迷失方向。」(If you stare in the rearview mirror too long, you’re going to get lost.)
或者，「那動人時光、不用常回看」，帶好安全帶坐穩啲，食兩粒救心，睇下呢位金融狂人最後帶我哋去到邊度。
Btw，聽日我會有篇文講下車仔、道奇、大谷翔平，敬請期待。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
話說車仔個老闆 Todd Boehly（牙 Todd），自從早排退居幕後，將車仔管理權交返俾拍檔 Eghbali 之後，都靜咗一排無出聲。對於唔睇棒球嘅車迷嚟講，可能唔知佢最近搞緊咩。其實，佢另一隻有份投資嘅棒球界巨艦：洛杉磯道奇，早兩星期喺美國贏咗 2025 年世界大賽冠軍 (份量等同歐聯冠軍)。嘩，贏波咁大件事，就當然要出嚟抽下水，於是佢接受澳洲傳媒專訪大開金口。
喺呢篇訪問入面，佢唔止大談佢嘅「勝利」哲學，仲毫無保留咁反擊過去幾年不斷攻擊佢嘅英國傳媒。佢甚至自嘲咁講咗句：「英國報紙日日都提我，佢哋有幾聰明，而我就有幾蠢。」
聽完呢句，我不禁諗起唐伯虎嗰句詩：「別人笑我太瘋癲，我笑他人看不穿」。究竟牙 Todd 係咪真係眾人皆醉佢獨醒？今次【車迷觀點】，我哋就同大家解讀下呢篇充滿火藥味嘅訪問。
(連結係度，如果有油王巴打願意課金俾我睇報紙記得聯絡我。)
有一種自信叫「盲目」：英國媒體識條鐵咩？
訪問一開始，記者就問佢點睇道奇隊贏得咁驚險嘅 2025 世界大賽。牙 Todd 嘅答案好坦白，佢話自己成場波都覺得贏硬，甚至形容呢種心態係「盲目自信」(Blind confidence)。
佢話：「或者係我自我保護機制啦，但我感覺好良好。我哋個文化就係永不放棄。」
呢種「盲目自信」，聽落係咪好熟面口？無錯，當佢三年前接手車仔，瘋狂簽長約、瘋狂買細路嗰陣，全世界都笑佢係水魚、係傻佬。但佢依家回望返，依然係嗰個態度：我無錯，係你哋跟唔上。
佢喺訪問入面爆咗句超串嘅金句，直頭可以裱起佢掛喺史丹福橋門口：
「英國啲報紙日日都寫，好似想提我佢哋有幾聰明，而我就有幾蠢。」 (The English papers remind me every day how smart they are and how stupid I am.)
對於外界嘅批評，佢表示自己臉皮已經練到好厚。佢話：「我有時屋企人會介意啲報導，但我只會覺得，呢個只係多一個唔識嘢嘅人喺度廢噏 (one more person that doesn’t know what they’re talking about)。」
嗯，老闆果然係老闆，放個屁都響啲。
告別油王時代，迎接「華爾街狼群」
除咗反擊傳媒，訪問入面亦提到一個好重要嘅轉變。記者形容，保利入主車仔，象徵住英超由「油王時代」(Petro-dollar) 正式轉型去到「金融工程師時代」(Financial Engineers)。
以前油王年代，我哋係講心唔講金，有錢就係任性，想買邊個就邊個，你想走？我哋WFC；依家保利年代，講嘅係「資產配置」、「槓桿」、「回報率」。
牙 Todd 直言，佢嘅哲學好簡單：「贏波係唯一真理」 (The reality is it’s just about winning)。但佢指嘅贏，唔係單純為咗開心，而係因為「贏波」係令資產增值嘅最有效手段。
佢引用咗佢另一隊愛隊：NBA 湖人隊嘅例子。佢話湖人前班主 Jerry Buss 最早睇穿一點：球隊唔係球隊，係一個「娛樂平台」(Entertainment Platform)。你要有明星（Jack Nicholson）、要有話題、要有成績，個品牌先值錢。
所以，點解佢要買咁多球星？點解要搞咁多花臣？因為喺佢眼中，車路士唔只係一間球會，而係一間同迪士尼、Netflix 搶眼球嘅娛樂公司。佢覺得自己唔係癲，佢只係用緊華爾街嗰套邏輯，去玩呢個傳統嘅英式足球遊戲。
親口解畫長約攤分大法：我係數學家，唔係敗家仔
過去幾年，大家最睇唔透嘅，就係點解我哋要同安素、卡些度、甚至梅迪歷簽成 8 年長約。好多人話係「鎖死未來」，萬一踢唔掂就變蟹貨。
牙 Todd 喺訪問入面，終於親口用數學去解釋呢個操作。佢承認，呢個係一招特登走灰色地帶嘅「會計套利」(Accounting Arbitrage)。
佢舉例，雖然卡些度成 £1 億，但攤分 8 年，每年嘅帳面成本只係 £1,250 萬。佢個算盤係：我寧願而家使一大筆錢，鎖定一班頂級後生仔，人工亦鎖定喺一個相對合理嘅水平，好過日後又要同人傾續約、又要驚轉會費通脹。
雖然英超後來因為我哋而改例（將攤分上限設為 5 年），封咗個漏洞，但喺牙 Todd 眼中，佢覺得自己係「趕上尾班車」成功偷雞嘅贏家。佢話：
「你會繼續見到我哋隊波進化。我哋將佢哋（球員）長遠咁聚埋一齊，我對未來好興奮。」
聽落去，佢完全無後悔過當年嘅瘋狂掃貨，反而覺得自己做咗個英超史上最精明嘅投資。
點名護短：力撐山齊士與占士
除咗講錢，牙 Todd 亦罕有地點評球員。對於外界成日傳我們要買新龍門，或者因為隊長列斯占士太多傷患而想賣走佢，牙 Todd 嘅回應好直接：佢撐到底。
佢喺訪問入面，直接用咗 "Pretty damn well" 嚟形容山齊士嘅表現，仲話列斯占士已經成長為一個 "Unbelievable Leader"（難以置信嘅領袖）。
呢番說話，一方面係穩定軍心，打破傳聞；另一方面亦反映出佢嘅性格：一旦佢認定咗嘅資產（球員），佢會盲撐到底。各位對山齊士仲有怨言嘅車迷，睇嚟都要接受現實，老闆覺得佢好掂，短期內都唔會換人。
順手抽水：曼聯好耐無贏過啦
作為車迷，成篇訪問睇得最過癮嘅，肯定係佢講到其他球隊嗰陣。
當記者問佢點睇曼聯：另一隊同樣係換咗老闆、同樣使好多錢，但成績就不斷沈淪嘅豪門，牙 Todd 毫不留情咁抽咗佢哋水：
「佢哋好耐無贏過啦。」 (It’s been a long time since they’ve won.)
不過，佢並唔係純粹為咗寸而寸。佢緊接住補充解釋，話曼聯嘅例子正好證明咗場內同場外嘅成功係掛鉤嘅。
佢話：「贏波係好有價值嘅，所以搵出點樣重回勝利軌道，對所有球隊都咁重要。」
對於車路士，佢嘅睇法係：唔應該係諗住點樣榨乾現有球迷嘅錢，而係要透過贏波去擴大全球嘅 Fan Base。只要球迷基數大咗，收入自然會跟住升。雖然聽落好似好「行貨」，但起碼證明佢個腦入面，仲係覺得「成績」先係最重要嘅 KPI，唔係單純嘅 cap 水。
總結：佢想做體育界嘅巴菲特
訪問嚟到尾聲，牙 Todd 終於講出咗佢嘅終極野心。佢唔係只想做一個普通的球隊班主，佢想做體育界嘅華倫·巴菲特 (Warren Buffett)。
佢提到巴菲特點樣利用保險公司嘅現金流去投資，從而令資產幾何級數增長。佢話：「要達到 15% 嘅複利增長並唔容易。」
而車路士，喺佢個宏大藍圖入面，就係其中一隻長線潛力股。佢用緊一套極其複雜、極高風險嘅金融模型去營運我哋。
睇完呢篇訪問，車迷們未必會即刻鍾意佢嗰種冷冰冰嘅資本主義思維，亦未必認同佢所有嘅操作（尤其係對青訓/買賣嘅處理）。但至少有一樣嘢係肯定嘅：佢唔係癲，亦唔係蠢。
佢係一個極度理性、極度自信嘅賭徒。佢賭緊嘅，係十年後嘅車路士，會變成一間全世界最賺錢、最成功嘅體育娛樂公司。至於我哋球迷心臟頂唔頂得順呢個過程？佢似乎覺得：只要最後贏到波，你哋就會收貨架啦。
正如佢最後講嗰句：「如果望倒後鏡望得太耐，你會迷失方向。」(If you stare in the rearview mirror too long, you’re going to get lost.)
或者，「那動人時光、不用常回看」，帶好安全帶坐穩啲，食兩粒救心，睇下呢位金融狂人最後帶我哋去到邊度。
Btw，聽日我會有篇文講下車仔、道奇、大谷翔平，敬請期待。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊