「又係U型足球，睇到火X滾！」上上個禮拜對狼隊，上半場 0-0，對住人哋個五後衛，我哋又係老鼠拉龜，傳嚟傳去都入唔到禁區，悶到史丹福橋自己友都噓爆，相信果句嘢係好多車迷嘅內心讀白。呢個便秘嘅畫面，今季已經唔係第一次見。我哋係咪注定一世都淨係識蝦啲同我哋對攻嘅波，一遇到泊大巴就即刻冇晒符？
但人算不如馬蛇算，下半場我哋竟然變咗第二隊波，七分鐘內入兩球，最後贏 3-0，賽後都有球迷同我講：「唔使睇到U型足球咁負面」。究竟中場休息嗰陣，馬蛇喺更衣室做咗啲咩？著名足球媒體 The Athletic 就有篇文，專門拆解我哋點樣由便秘變暢通。
今次【車迷觀點】，我哋就嚟轉譯兼分析下佢哋嘅睇法，睇下馬蛇係咪終於搵到破解泊大巴嘅說明書。
Plan A 的困局：上半場便秘嘅原因
要拆解點解我哋下半場會暢通，就要先睇下上半場點解會便秘。根據 The Athletic 嘅分析，我哋上半場嗰種無力感，其實係一個熟悉嘅故仔，一個對手已經搵到方法去對付我哋嘅劇本。
對手的破解說明書
TA 嘅分析指出，由賓福特到新特蘭，再到今次嘅狼隊，對手已經發現咗一個有效嘅方法去截斷我哋嘅生命線：就係轉踢五後衛，低位防守。佢哋嘅策略好簡單：
塞死中路： 係人都知知道「馬蛇Ball」最叻就係用閘位內切再進行中路滲透，佢哋就用五後衛加防守中場，將我哋條路塞到密一密。
人盯人Mark死大腦： 佢哋會派專人（對狼隊係黃喜燦）去貼身Mark死我哋嘅節拍器卡些度，就好似之前賓福特同新特蘭做嘅一樣。只要截得住中場，車路士嘅禁區攻勢就會少左半。
人數優勢堵塞邊線： 中間唔得，車仔自然會想用左右邊線攻擊，而5後就正正方便咗邊線嘅防守球員用人數去壓制嘗試盤扭同突入嘅邊路球員，扼殺車仔最後嘅一點攻勢迫我哋回後。
數據下的「無力感」
呢個戰術嘅結果，就係 TA 篇文章入面嗰兩張射門圖（Shot Maps）所顯示嘅。我哋上半場雖然有控球，但全部都係喺禁區外圍嘅游魂波，所有射門都係低xG、博大霧嘅遠射。
而我哋嘅正前鋒迪納，喺呢個戰術下就成為咗最大嘅受害者。佢上半場嘅觸球次數，係全場正選球員入面最少嗰個。馬蛇（Maresca）賽後都承認：「佢踢得好辛苦，因為對方有11個球員縮晒喺禁區邊，佢根本冇空間。」
所以，上半場嘅便秘，就係因為我哋嘅 Plan A 已經俾對手睇穿晒。
Plan B：反傳統的回歸：簡單就是美
我喺【11週總結】篇文先至講完，馬蛇套戰術係反傳統、極度唔鍾意傳中（數據全英超包尾）。但 The Athletic (TA) 篇文就話我哋知，馬蛇學識咗進化。佢發現，當中路滲透唔到嗰陣，最簡單、最原始嘅武器：K角位傳中反而係最有效嘅。
TA 嘅分析指出，我哋對狼隊嘅第一個入球，就係咁嚟：一個簡簡單單、高質素嘅傳中，古斯度衝入去一頂破網。呢個畫面，同我哋對森林嗰球（艾殊邦 Acheampong 頭槌） 根本係倒模一樣。TA 嘅結論就係：馬蛇開始學識，有時唔使咁複雜，願意犧牲風格換取實質，用傳中去製造混亂，先至係破解密集防守嘅最佳方法。
Plan C：核武器二安的個人爆破
當然，如果回歸基本步都唔得，馬蛇仲有最後一招，就係球星戰術：換入我哋嘅核武器二安（Estevão）。
TA 篇文就詳細咁描述咗第二個入球係點嚟：二安喺64分鐘上陣，唔夠兩分鐘，就即刻表演。佢喺底線一個盤扭，就引咗狼隊兩個守衛埋去；跟住成隊波嘅防守球員，對眼都俾呢個跳緊舞嘅巴西仔吸走咗。
人數優勢係有，但佢哋掛住望二安，就完全走漏咗喺12碼點鬼鬼祟祟等緊波嘅祖奧柏度。二安輕鬆傳中，個波彈到祖奧柏度腳下一嘢搞掂。
TA 嘅結論好清楚：呢個就係馬蛇嘅另一個 Plan B：用超級後備嘅個人能力（好似古爾嘅壓迫、基頓斯嘅盤扭，同二安嘅爆破），去衝擊對手疲憊嘅防線。
總結：由極端主義到實用主義的進化
透過The Athletic 呢篇戰術分析，我哋可以總結，對森林同狼隊呢兩場波，可能真係證明咗馬蛇Ball係進化緊嘅。
佢由一個堅持中路滲透、唔肯傳中嘅極端主義者，開始學識變得更實用主義。當 Plan A 俾人塞死嗰陣，Plan B 嘅「回歸基本步」（傳中） 同 Plan C 嘅「球星戰術」（換入二安），先至係贏波嘅關鍵。
TA 嘅分析最後仲提到，其實我哋嘅武器庫仲未出齊。等我哋嘅最強兵器彭馬傷癒復出，佢嘅遠射同超出想像嘅判斷，呢種 Plan D，將會係我哋破解泊大巴嘅另一種武器。
一季嘅成功，唔只係睇你 Plan A 有幾靚，仲要睇你 Plan B、C、D 有幾有效。呢兩場波，就俾咗我哋希望，馬蛇，似乎終於開始識得點樣醜陋地贏波喇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
但人算不如馬蛇算，下半場我哋竟然變咗第二隊波，七分鐘內入兩球，最後贏 3-0，賽後都有球迷同我講：「唔使睇到U型足球咁負面」。究竟中場休息嗰陣，馬蛇喺更衣室做咗啲咩？著名足球媒體 The Athletic 就有篇文，專門拆解我哋點樣由便秘變暢通。
今次【車迷觀點】，我哋就嚟轉譯兼分析下佢哋嘅睇法，睇下馬蛇係咪終於搵到破解泊大巴嘅說明書。
Plan A 的困局：上半場便秘嘅原因
要拆解點解我哋下半場會暢通，就要先睇下上半場點解會便秘。根據 The Athletic 嘅分析，我哋上半場嗰種無力感，其實係一個熟悉嘅故仔，一個對手已經搵到方法去對付我哋嘅劇本。
對手的破解說明書
TA 嘅分析指出，由賓福特到新特蘭，再到今次嘅狼隊，對手已經發現咗一個有效嘅方法去截斷我哋嘅生命線：就係轉踢五後衛，低位防守。佢哋嘅策略好簡單：
塞死中路： 係人都知知道「馬蛇Ball」最叻就係用閘位內切再進行中路滲透，佢哋就用五後衛加防守中場，將我哋條路塞到密一密。
人盯人Mark死大腦： 佢哋會派專人（對狼隊係黃喜燦）去貼身Mark死我哋嘅節拍器卡些度，就好似之前賓福特同新特蘭做嘅一樣。只要截得住中場，車路士嘅禁區攻勢就會少左半。
人數優勢堵塞邊線： 中間唔得，車仔自然會想用左右邊線攻擊，而5後就正正方便咗邊線嘅防守球員用人數去壓制嘗試盤扭同突入嘅邊路球員，扼殺車仔最後嘅一點攻勢迫我哋回後。
數據下的「無力感」
呢個戰術嘅結果，就係 TA 篇文章入面嗰兩張射門圖（Shot Maps）所顯示嘅。我哋上半場雖然有控球，但全部都係喺禁區外圍嘅游魂波，所有射門都係低xG、博大霧嘅遠射。
而我哋嘅正前鋒迪納，喺呢個戰術下就成為咗最大嘅受害者。佢上半場嘅觸球次數，係全場正選球員入面最少嗰個。馬蛇（Maresca）賽後都承認：「佢踢得好辛苦，因為對方有11個球員縮晒喺禁區邊，佢根本冇空間。」
所以，上半場嘅便秘，就係因為我哋嘅 Plan A 已經俾對手睇穿晒。
Plan B：反傳統的回歸：簡單就是美
我喺【11週總結】篇文先至講完，馬蛇套戰術係反傳統、極度唔鍾意傳中（數據全英超包尾）。但 The Athletic (TA) 篇文就話我哋知，馬蛇學識咗進化。佢發現，當中路滲透唔到嗰陣，最簡單、最原始嘅武器：K角位傳中反而係最有效嘅。
TA 嘅分析指出，我哋對狼隊嘅第一個入球，就係咁嚟：一個簡簡單單、高質素嘅傳中，古斯度衝入去一頂破網。呢個畫面，同我哋對森林嗰球（艾殊邦 Acheampong 頭槌） 根本係倒模一樣。TA 嘅結論就係：馬蛇開始學識，有時唔使咁複雜，願意犧牲風格換取實質，用傳中去製造混亂，先至係破解密集防守嘅最佳方法。
Plan C：核武器二安的個人爆破
當然，如果回歸基本步都唔得，馬蛇仲有最後一招，就係球星戰術：換入我哋嘅核武器二安（Estevão）。
TA 篇文就詳細咁描述咗第二個入球係點嚟：二安喺64分鐘上陣，唔夠兩分鐘，就即刻表演。佢喺底線一個盤扭，就引咗狼隊兩個守衛埋去；跟住成隊波嘅防守球員，對眼都俾呢個跳緊舞嘅巴西仔吸走咗。
人數優勢係有，但佢哋掛住望二安，就完全走漏咗喺12碼點鬼鬼祟祟等緊波嘅祖奧柏度。二安輕鬆傳中，個波彈到祖奧柏度腳下一嘢搞掂。
TA 嘅結論好清楚：呢個就係馬蛇嘅另一個 Plan B：用超級後備嘅個人能力（好似古爾嘅壓迫、基頓斯嘅盤扭，同二安嘅爆破），去衝擊對手疲憊嘅防線。
總結：由極端主義到實用主義的進化
透過The Athletic 呢篇戰術分析，我哋可以總結，對森林同狼隊呢兩場波，可能真係證明咗馬蛇Ball係進化緊嘅。
佢由一個堅持中路滲透、唔肯傳中嘅極端主義者，開始學識變得更實用主義。當 Plan A 俾人塞死嗰陣，Plan B 嘅「回歸基本步」（傳中） 同 Plan C 嘅「球星戰術」（換入二安），先至係贏波嘅關鍵。
TA 嘅分析最後仲提到，其實我哋嘅武器庫仲未出齊。等我哋嘅最強兵器彭馬傷癒復出，佢嘅遠射同超出想像嘅判斷，呢種 Plan D，將會係我哋破解泊大巴嘅另一種武器。
一季嘅成功，唔只係睇你 Plan A 有幾靚，仲要睇你 Plan B、C、D 有幾有效。呢兩場波，就俾咗我哋希望，馬蛇，似乎終於開始識得點樣醜陋地贏波喇。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：https://hkgchedog.substack.com/
請按此登錄後留言。未成為會員? 立即註冊