今次個標題，我唔夠位加個「」俾德甲水貨四俠呢幾粒字，搞到我好似標題黨咁，所以講句Sor9ly先。因為跟住落嚟，你將會睇到同想像中有少少唔同嘅內容...
今個夏天，英超球會又再破紀錄，總支出突破 £30 億。而喺呢場瘋狂嘅軍備競賽入面，德甲成為咗最大受益人。根據統計，德甲今季嘅轉會淨收入高達 €8.4 億，賺到瞓著都會笑醒。
喺呢場淘金熱入面，鑊斯 (Wirtz)、西蒙斯 (Simons)、錫斯高 (Šeško)、同 基頓斯 (Gittens) 呢 4 件總值接近 £3 億嘅天價新兵，開季至今入球同助攻少到可憐，好自然就俾球迷貼上水貨嘅標籤。(4個都有個斯字…)
究竟係班德甲兵突然無豬手食無啤酒飲搞到集體水土不服？定係我哋睇錯嘢鬧錯人？今次【球壇風向室】，我哋就嚟做一次翻案，睇下呢班水貨背後嘅真相。
案例研究(一)：戰術錯配二人組 (鑊斯 & 西蒙斯)
喺四俠入面，鑊斯同西蒙斯兩個嘅情況最似，亦都最經典。佢哋嘅「失敗」，根本唔係球員問題，而係領隊方磚塞圓窿嘅問題。
鑊斯 (利物浦)：£1.16億嘅10號仔，被迫流放邊路
鑊斯頂住「德甲MVP」嘅光環，用 £1.165 億嘅天價加盟利物浦。結果踢咗11場，暫時 0 入球，0 助攻。
當然，我哋外人係完全無方法證實轉會當時嘅承諾，但好多傳媒都話史諾當初應承俾鑊斯踢最擅長嘅 10 號位，點知嚟到之後，因為球隊戰績唔穩定，史諾決定重用蘇保斯禮，然後將鑊斯流放到左翼。
呢個調動嘅後果當然係災難性啦。數據顯示，鑊斯嘅核心能力，例如向前盤帶（由 5.01 次跌到 2.74 次）同成功過人（由 2.13 次跌到 1.05 次），幾乎全部五條式斬半。一個中路創造者，被迫喺邊路做拉邊工兵，數據唔差就假……不過都要持平講，就算錯位都好，到目前為止佢展現出嘅走位觸覺，創造數據仍然係歐洲頂流…不愧係曾經嘅德甲MVP。
西蒙斯 (熱刺)：£51m嘅創造核心，變咗防守工兵
跟住係車迷幾熟嘅西蒙斯，佢喺德甲交出 11 入球 8 助攻嘅亮麗成績，但嚟到熱刺得 1 助攻。
佢嘅情況，根本就係鑊斯嘅翻版。一樣係 10 號仔，俾領隊 Thomas Frank 擺咗去左路。喺新版熱刺呢個更重視防守嘅體系入面，西蒙斯焗住要不斷回後拎波（因為接應位置後咗，所以佢嘅「推進數據」反而升咗），但一去到前場就冇人支援。
而數據更加揭示咗一個問題：雖然佢推進數據上升，但佢嘅威脅指標，例如「非十二碼預期入球+預期助攻」（npxG+xAG），就由 0.48 暴跌到 0.10。換句話說，熱刺使咗 £51m，買一個創造核心返嚟，當防守工兵咁用，相當盞鬼。
案例研究(二)：誤讀二人組 (錫斯高 & 基頓斯)
錫斯高 (Man Utd)：唔係佢把握力差，係曼聯創造力差
曼聯用加埋條款最高可達 €8500 萬嘅天價，簽入錫斯高 (Benjamin Šeško)，轉會前佢甚至被譽為「歐洲最矚目嘅年輕前鋒之一」。但開季至今，表現被指令人失望。
呢單嘢，可以話係數據誤讀嘅經典案例。我哋睇返數據，錫斯高喺英超踢咗 621 分鐘，交出 2 個入球 1 次助攻。而佢同期嘅總預期入球（xG）係幾多？答案係 2.1。
呢個代表啲咩？就係話，錫斯高根本冇浪費機會，佢嘅入球數同佢應有嘅機會係完全吻合。佢嘅水貨標籤，唔係因為佢把握力差，而係因為曼聯成隊波並唔係以佢為中心建立攻勢，你餵唔到波俾呢個 €8500 萬嘅前鋒，令佢場均 xG 得嗰 0.32，排係前鋒平均嘅下游，所以唔係個廚師唔識煮，係你根本冇俾足夠材料佢，然後再話佢廚藝差。
基頓斯 (Chelsea)：用水魚價買半成品
輪到我哋車仔嘅基頓斯 (Jamie Bynoe-Gittens)，我哋車仔用咗 £5200 萬，開季至今 0 入球 0 助攻，雖然係聯賽盃有 1 入球 2 助攻，同時係歐聯有 1 助攻，不過公道起見，英超無就當佢零先。
基頓斯嘅問題，唔係戰術錯配或者無供應俾佢，而係所謂嘅招聘錯配（Recruitment Mismatch）。簡單講，我哋係用咗成品價，去買一個半成品，然後大家期待佢可以踢出球王味道。
睇返佢喺多蒙特嘅數據，已經好清晰咁Show咗佢係一個盤扭99分、但戰術紀律同傳球（關鍵傳球甚至係平均以下）都仲未得嘅小朋友。睇返過去嘅比賽，佢而家正喺度為馬蛇嘅戰術要求（例如跑動時機、出波選擇）苦苦掙扎緊。所以，佢唔係真正嘅水貨，只係一個我哋溢價買返嚟、但仲未 Ready 嘅現金卷。
「翻案」證據：點解有啲人又冇事？
四俠各有冤案，但同時有啲德甲兵，嚟到英超又會冇事？呢部份就睇下點解。
禾達美迪 (Newcastle)：融入優先嘅勝利
第一個反例，就係紐卡素用 £6900 萬簽入嘅 禾達美迪 (Nick Woltemade)。佢一嚟到英超就即插即用，首次上陣即入波，直接將利記嘅鑊斯比下去。
但最有趣嘅地方嚟喇，如果你齋睇數據，禾達美迪嘅表現其實係差過佢喺德甲嗰陣。佢嘅「向前傳球」同「空中對抗成功率」全部都跌晒。
咁點解佢又會成功？答案就係，紐卡素嘅球探，根本唔係買佢啲數據，而係買佢踢法。各大球探報告都話禾達美迪係一個「披著9號身型嘅10號球員」，佢哋買佢返嚟，係要做一個「混合型9號組織者」，用佢嘅走位同球商去串連進攻。佢哋買嘅係一個啱用嘅「戰術零件」，而唔係一個數據好睇嘅「明星」。
伊傑迪基 (Liverpool)：利物浦嘅完美 A/B Test
第二個反例仲精彩。利物浦喺同一個夏天，簽咗兩個德甲攻擊手：一個用 £1.16 億買嘅鑊，同埋用 £7900 萬買嘅伊傑迪基 (Ekitike)。
結果呢？德甲MVP 鑊斯 0G/0A，俾人鬧爆係水貨。反而「次要簽約」嘅伊傑迪基，頭5次出場就攻入3球，踢出近乎夢幻嘅開局。
點解會咁？答案就係戰術契合度。鑊斯係一個中路10號仔，根本唔夾領隊史諾嘅 4-3-3 體系。而伊傑迪基嘅踢法，就係一個速度快、擅長垂直突擊嘅翼鋒/中鋒，同史諾嘅戰術簡直係天作之合。
利物浦內部呢個完美嘅 A/B Test，一巴掌打落「德甲稅」呢個講法度，清清楚楚咁證明咗：球員踢法同球隊契合度，遠遠重要過所謂嘅天賦水平。
總結：德甲稅係迷思，球探稅先係真相
所謂嘅「德甲水貨四俠」，其實就係一個建立喺誤解之上嘅迷思。佢哋嘅故事，唔係一個「水土不服」嘅故事，而係一個「有說明書但大家唔識睇」嘅故事。
英超班大球會，就好似一班有錢但無腦嘅二世祖。佢哋使咗幾億，買咗架法拉利（鑊斯、西蒙斯），然後投訴點解架車唔識越野潛水；佢哋請咗個廚神（錫斯高），但又唔俾材料佢，然後話佢煮嘢難食；佢哋仲用米芝蓮價，去買一舊原材料（基頓斯），然後又呻點解唔可以即食。
相反，點解禾達美迪同伊傑迪基會成功？因為紐卡素同利物浦（買伊傑迪基嗰陣）好清楚自己買緊咩：佢哋買嘅係一個啱用嘅「戰術零件」，而唔係一個數據好睇嘅「明星」。
所以，結論好簡單：根本冇所謂嘅「德甲稅」(至少今季無)。真正嘅問題，係班英超豪門使幾億去買嘢，但連睇說明書（做好球探工作，分析戰術檔案）都懶，咁就當然奶嘢啦…
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
今個夏天，英超球會又再破紀錄，總支出突破 £30 億。而喺呢場瘋狂嘅軍備競賽入面，德甲成為咗最大受益人。根據統計，德甲今季嘅轉會淨收入高達 €8.4 億，賺到瞓著都會笑醒。
喺呢場淘金熱入面，鑊斯 (Wirtz)、西蒙斯 (Simons)、錫斯高 (Šeško)、同 基頓斯 (Gittens) 呢 4 件總值接近 £3 億嘅天價新兵，開季至今入球同助攻少到可憐，好自然就俾球迷貼上水貨嘅標籤。(4個都有個斯字…)
究竟係班德甲兵突然無豬手食無啤酒飲搞到集體水土不服？定係我哋睇錯嘢鬧錯人？今次【球壇風向室】，我哋就嚟做一次翻案，睇下呢班水貨背後嘅真相。
案例研究(一)：戰術錯配二人組 (鑊斯 & 西蒙斯)
喺四俠入面，鑊斯同西蒙斯兩個嘅情況最似，亦都最經典。佢哋嘅「失敗」，根本唔係球員問題，而係領隊方磚塞圓窿嘅問題。
鑊斯 (利物浦)：£1.16億嘅10號仔，被迫流放邊路
鑊斯頂住「德甲MVP」嘅光環，用 £1.165 億嘅天價加盟利物浦。結果踢咗11場，暫時 0 入球，0 助攻。
當然，我哋外人係完全無方法證實轉會當時嘅承諾，但好多傳媒都話史諾當初應承俾鑊斯踢最擅長嘅 10 號位，點知嚟到之後，因為球隊戰績唔穩定，史諾決定重用蘇保斯禮，然後將鑊斯流放到左翼。
呢個調動嘅後果當然係災難性啦。數據顯示，鑊斯嘅核心能力，例如向前盤帶（由 5.01 次跌到 2.74 次）同成功過人（由 2.13 次跌到 1.05 次），幾乎全部五條式斬半。一個中路創造者，被迫喺邊路做拉邊工兵，數據唔差就假……不過都要持平講，就算錯位都好，到目前為止佢展現出嘅走位觸覺，創造數據仍然係歐洲頂流…不愧係曾經嘅德甲MVP。
西蒙斯 (熱刺)：£51m嘅創造核心，變咗防守工兵
跟住係車迷幾熟嘅西蒙斯，佢喺德甲交出 11 入球 8 助攻嘅亮麗成績，但嚟到熱刺得 1 助攻。
佢嘅情況，根本就係鑊斯嘅翻版。一樣係 10 號仔，俾領隊 Thomas Frank 擺咗去左路。喺新版熱刺呢個更重視防守嘅體系入面，西蒙斯焗住要不斷回後拎波（因為接應位置後咗，所以佢嘅「推進數據」反而升咗），但一去到前場就冇人支援。
而數據更加揭示咗一個問題：雖然佢推進數據上升，但佢嘅威脅指標，例如「非十二碼預期入球+預期助攻」（npxG+xAG），就由 0.48 暴跌到 0.10。換句話說，熱刺使咗 £51m，買一個創造核心返嚟，當防守工兵咁用，相當盞鬼。
案例研究(二)：誤讀二人組 (錫斯高 & 基頓斯)
錫斯高 (Man Utd)：唔係佢把握力差，係曼聯創造力差
曼聯用加埋條款最高可達 €8500 萬嘅天價，簽入錫斯高 (Benjamin Šeško)，轉會前佢甚至被譽為「歐洲最矚目嘅年輕前鋒之一」。但開季至今，表現被指令人失望。
呢單嘢，可以話係數據誤讀嘅經典案例。我哋睇返數據，錫斯高喺英超踢咗 621 分鐘，交出 2 個入球 1 次助攻。而佢同期嘅總預期入球（xG）係幾多？答案係 2.1。
呢個代表啲咩？就係話，錫斯高根本冇浪費機會，佢嘅入球數同佢應有嘅機會係完全吻合。佢嘅水貨標籤，唔係因為佢把握力差，而係因為曼聯成隊波並唔係以佢為中心建立攻勢，你餵唔到波俾呢個 €8500 萬嘅前鋒，令佢場均 xG 得嗰 0.32，排係前鋒平均嘅下游，所以唔係個廚師唔識煮，係你根本冇俾足夠材料佢，然後再話佢廚藝差。
基頓斯 (Chelsea)：用水魚價買半成品
輪到我哋車仔嘅基頓斯 (Jamie Bynoe-Gittens)，我哋車仔用咗 £5200 萬，開季至今 0 入球 0 助攻，雖然係聯賽盃有 1 入球 2 助攻，同時係歐聯有 1 助攻，不過公道起見，英超無就當佢零先。
基頓斯嘅問題，唔係戰術錯配或者無供應俾佢，而係所謂嘅招聘錯配（Recruitment Mismatch）。簡單講，我哋係用咗成品價，去買一個半成品，然後大家期待佢可以踢出球王味道。
睇返佢喺多蒙特嘅數據，已經好清晰咁Show咗佢係一個盤扭99分、但戰術紀律同傳球（關鍵傳球甚至係平均以下）都仲未得嘅小朋友。睇返過去嘅比賽，佢而家正喺度為馬蛇嘅戰術要求（例如跑動時機、出波選擇）苦苦掙扎緊。所以，佢唔係真正嘅水貨，只係一個我哋溢價買返嚟、但仲未 Ready 嘅現金卷。
「翻案」證據：點解有啲人又冇事？
四俠各有冤案，但同時有啲德甲兵，嚟到英超又會冇事？呢部份就睇下點解。
禾達美迪 (Newcastle)：融入優先嘅勝利
第一個反例，就係紐卡素用 £6900 萬簽入嘅 禾達美迪 (Nick Woltemade)。佢一嚟到英超就即插即用，首次上陣即入波，直接將利記嘅鑊斯比下去。
但最有趣嘅地方嚟喇，如果你齋睇數據，禾達美迪嘅表現其實係差過佢喺德甲嗰陣。佢嘅「向前傳球」同「空中對抗成功率」全部都跌晒。
咁點解佢又會成功？答案就係，紐卡素嘅球探，根本唔係買佢啲數據，而係買佢踢法。各大球探報告都話禾達美迪係一個「披著9號身型嘅10號球員」，佢哋買佢返嚟，係要做一個「混合型9號組織者」，用佢嘅走位同球商去串連進攻。佢哋買嘅係一個啱用嘅「戰術零件」，而唔係一個數據好睇嘅「明星」。
伊傑迪基 (Liverpool)：利物浦嘅完美 A/B Test
第二個反例仲精彩。利物浦喺同一個夏天，簽咗兩個德甲攻擊手：一個用 £1.16 億買嘅鑊，同埋用 £7900 萬買嘅伊傑迪基 (Ekitike)。
結果呢？德甲MVP 鑊斯 0G/0A，俾人鬧爆係水貨。反而「次要簽約」嘅伊傑迪基，頭5次出場就攻入3球，踢出近乎夢幻嘅開局。
點解會咁？答案就係戰術契合度。鑊斯係一個中路10號仔，根本唔夾領隊史諾嘅 4-3-3 體系。而伊傑迪基嘅踢法，就係一個速度快、擅長垂直突擊嘅翼鋒/中鋒，同史諾嘅戰術簡直係天作之合。
利物浦內部呢個完美嘅 A/B Test，一巴掌打落「德甲稅」呢個講法度，清清楚楚咁證明咗：球員踢法同球隊契合度，遠遠重要過所謂嘅天賦水平。
總結：德甲稅係迷思，球探稅先係真相
所謂嘅「德甲水貨四俠」，其實就係一個建立喺誤解之上嘅迷思。佢哋嘅故事，唔係一個「水土不服」嘅故事，而係一個「有說明書但大家唔識睇」嘅故事。
英超班大球會，就好似一班有錢但無腦嘅二世祖。佢哋使咗幾億，買咗架法拉利（鑊斯、西蒙斯），然後投訴點解架車唔識越野潛水；佢哋請咗個廚神（錫斯高），但又唔俾材料佢，然後話佢煮嘢難食；佢哋仲用米芝蓮價，去買一舊原材料（基頓斯），然後又呻點解唔可以即食。
相反，點解禾達美迪同伊傑迪基會成功？因為紐卡素同利物浦（買伊傑迪基嗰陣）好清楚自己買緊咩：佢哋買嘅係一個啱用嘅「戰術零件」，而唔係一個數據好睇嘅「明星」。
所以，結論好簡單：根本冇所謂嘅「德甲稅」(至少今季無)。真正嘅問題，係班英超豪門使幾億去買嘢，但連睇說明書（做好球探工作，分析戰術檔案）都懶，咁就當然奶嘢啦…
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊