又到國際賽期，我哋班 M 底車迷，終於可以停一停，唞一唞，係時候同球隊做返個期中報告。
踢咗11場波，我哋暫時排緊第三，成績算係有交代。而數據上，我哋更加係勁到曉飛：總入球 21 同總預期入球 xG 20.4，兩樣都係全英超第一。
但問題又嚟，如果條數真係咁靚咁勁，我哋又排緊第三，點解我哋作為球迷，仲係場場波都睇到要揸實個平安鐘？原因好簡單，因為我哋衰果面嘅數據，同好果面一樣咁極端。
今次【車迷觀點】，我哋就用呢堆「三甲」同「包尾」嘅極端數據，去睇下今季馬蛇呢套戰術，到底踢成點。嗱，戴定頭盔先，如果你唔信數據，覺得數據撚係低能白痴，咁你可以係呢個位按上一頁，等我下一篇文。
英超最強之一的進攻巨獸
我哋先睇下好嗰面。數據顯示，馬蛇呢套戰術，喺進攻同控球方面，今季的確係踢出咗統治級嘅表現。
英超最強火力 (Top 1)
首先，係進攻火力。我哋唔只係入波多，而係由創造機會到埋門，成條 line 都係頂級：
呢堆數據證明，我哋嘅進攻唔係靠運，而係實實在在咁創造咗全英超最多、最高質素嘅入球機會。
「馬蛇Ball」的控球霸權 (Top 1)
點解我哋進攻咁勁？因為我哋喺中場有絕對嘅統治力。數據顯示，我哋就係英超嘅「控球王者」：
呢啲數據證明，馬蛇嘅控球哲學已經完全植入球隊，我哋係英超最識得控制中場嘅球隊，甚至係數據上比元祖傳控之王哥帥嘅曼城更過份。
「反傳統」的進攻模式 (Top 1 vs. Bottom 3)
但最有趣嘅地方嚟喇。我哋一方面，預期助攻 xA 13.5（第一），證明我哋嘅傳送好有威脅。但另一方面，我哋嘅禁區內傳中次數 15次，係全英超倒數第三。
呢個極端反差，就係「馬蛇Ball」嘅「反傳統」之處。佢證明我哋嘅進攻，完全摒棄咗傳統嘅邊路傳中，而係專注喺中路同半場，用短傳滲透去撕開防線。
最強的「主動防守」 (Top 1 vs. Bottom 1)
同樣嘅反差，亦都出現喺防守上。我哋嘅攔截（Intercept）117次（第一），但解圍（Clear）217次，係全英超包尾 (第20位)。
呢個數據再次證明我哋有幾反傳統。我哋唔係一支靠後衛喺禁區「捱打」、「頂波」嘅球隊。我哋嘅防守，係一套「主動防守」體系，寧願喺高位用攔截去搶返個波，都唔想退到禁區去解圍。
高風險的自爆掣
上面咁多數字，睇完你應該明，車仔係進攻上係一個接近完美嘅數據巨獸。但點解我哋睇波會睇到要揸實平安鐘？原因就係我開頭咁講，我哋衰果面嘅數據，同好果面一樣咁極端。
全英超最精神分裂的數據
我哋先睇兩組相反嘅數據：
呢個就係我哋嘅立體面貌：我哋套高壓戰術（攔截第一），係全英超最叻逼到對手犯錯嘅球隊。但同時，呢套高風險嘅踢法，亦都令我哋自己成為全英超最容易犯錯嘅球隊之一。
自爆的連鎖反應
而我哋自己呢 11 次失誤，就係我哋自爆掣嘅源頭。成個連鎖反應係咁樣發生嘅：
我哋套由後場猜起嘅高風險戰術，令我哋嘅失誤次數極高（第三多）。而我哋條高位防線，一旦因為自己嘅失誤而俾人打穿，對方就會即刻面對一個巨大嘅空檔，形成單刀。
呢個，就係點解我哋「對手npxG/Sh」（平均每次射門嘅入球機率）會係全英超並列第一（0.13）：我哋唔係俾人浪射，我哋一俾機會，就係黃金機會。
咁點解我哋紅牌又會係第一？因為當呢個「黃金機會」出現嗰陣，我哋嘅後衛（例如山齊士、查洛巴）就焗住要喺最後一刻，用犯規去阻止呢個DOGSO (入球機會)。
所以，我哋嘅防守就係咁極端：一係「完美壓制」（攔截第一、迫到對手失誤第一），一係就「災難性自爆」，幾乎冇中間地帶。
總結：1或者0的極端主義
拆解完所有數據，我哋終於可以寫返一個完整嘅車仔藍圖。頭11場波嘅數據，係近年嚟車路士最清晰嘅一次戰術體現。
我哋嘅好，係好到貼地。我哋喺進攻創造力（xG 第一）、中場控制力（中場觸球第一）、同埋高位壓制力（攔截第一、迫到對手失誤第一）上，全部都係英超頂尖水平。
但同時，我哋嘅「衰」，亦都係衰到貼地。呢套體系嘅代價，就係我哋自己嘅失誤次數（排英超第三多），以及因為呢啲失誤而引發嘅「紅牌」（並列第一）同「對手黃金機會」（npxG/Sh並列第一）。
馬蛇嘅足球哲學係現代+精密模式，喺進攻同壓迫上確實有效。我哋嘅問題唔係戰術理念上失誤，而係執行層面上做錯。
球隊並唔係運氣唔好，我哋嘅強大同脆弱，都係呢套1或0體系嘅必然結果。未來嘅關鍵好簡單：喺保持住精英級進攻創造力同壓迫力嘅同時，球隊能唔能夠根除嗰啲「致命失誤」？如果做到，呢份數據顯示我哋絕對有力同榜首爭一日之長短；如果失敗，我哋將繼續係英超最令人興奮，但都係消耗最多救心嘅球隊。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
踢咗11場波，我哋暫時排緊第三，成績算係有交代。而數據上，我哋更加係勁到曉飛：總入球 21 同總預期入球 xG 20.4，兩樣都係全英超第一。
但問題又嚟，如果條數真係咁靚咁勁，我哋又排緊第三，點解我哋作為球迷，仲係場場波都睇到要揸實個平安鐘？原因好簡單，因為我哋衰果面嘅數據，同好果面一樣咁極端。
今次【車迷觀點】，我哋就用呢堆「三甲」同「包尾」嘅極端數據，去睇下今季馬蛇呢套戰術，到底踢成點。嗱，戴定頭盔先，如果你唔信數據，覺得數據撚係低能白痴，咁你可以係呢個位按上一頁，等我下一篇文。
英超最強之一的進攻巨獸
我哋先睇下好嗰面。數據顯示，馬蛇呢套戰術，喺進攻同控球方面，今季的確係踢出咗統治級嘅表現。
英超最強火力 (Top 1)
首先，係進攻火力。我哋唔只係入波多，而係由創造機會到埋門，成條 line 都係頂級：
- 總入球 (Goals): 21球 (並列第一)
- 總預期入球 (xG): 20.4 (第一)
- 總非十二碼預期入球 (npxG): 19.6 (第一)
- 射正次數 (Shot on Target): 60次 (第一)
- 射正率 (SoT%): 38.2% (第三)
呢堆數據證明，我哋嘅進攻唔係靠運，而係實實在在咁創造咗全英超最多、最高質素嘅入球機會。
「馬蛇Ball」的控球霸權 (Top 1)
點解我哋進攻咁勁？因為我哋喺中場有絕對嘅統治力。數據顯示，我哋就係英超嘅「控球王者」：
- 中場觸球 (mid 3rd touch): 3,545次 (第一)
- 總傳球距離 (Pass Distance): 91,814碼 (第一)
- 中距離傳球 (Medium Pass): 2,367次 (第一)
呢啲數據證明，馬蛇嘅控球哲學已經完全植入球隊，我哋係英超最識得控制中場嘅球隊，甚至係數據上比元祖傳控之王哥帥嘅曼城更過份。
「反傳統」的進攻模式 (Top 1 vs. Bottom 3)
但最有趣嘅地方嚟喇。我哋一方面，預期助攻 xA 13.5（第一），證明我哋嘅傳送好有威脅。但另一方面，我哋嘅禁區內傳中次數 15次，係全英超倒數第三。
呢個極端反差，就係「馬蛇Ball」嘅「反傳統」之處。佢證明我哋嘅進攻，完全摒棄咗傳統嘅邊路傳中，而係專注喺中路同半場，用短傳滲透去撕開防線。
最強的「主動防守」 (Top 1 vs. Bottom 1)
同樣嘅反差，亦都出現喺防守上。我哋嘅攔截（Intercept）117次（第一），但解圍（Clear）217次，係全英超包尾 (第20位)。
呢個數據再次證明我哋有幾反傳統。我哋唔係一支靠後衛喺禁區「捱打」、「頂波」嘅球隊。我哋嘅防守，係一套「主動防守」體系，寧願喺高位用攔截去搶返個波，都唔想退到禁區去解圍。
高風險的自爆掣
上面咁多數字，睇完你應該明，車仔係進攻上係一個接近完美嘅數據巨獸。但點解我哋睇波會睇到要揸實平安鐘？原因就係我開頭咁講，我哋衰果面嘅數據，同好果面一樣咁極端。
全英超最精神分裂的數據
我哋先睇兩組相反嘅數據：
- 迫到對手失誤 (Error Against): 14次 (排英超第一)。
- 我哋自己嘅失誤 (Errors): 11次 (排英超第三多)。
呢個就係我哋嘅立體面貌：我哋套高壓戰術（攔截第一），係全英超最叻逼到對手犯錯嘅球隊。但同時，呢套高風險嘅踢法，亦都令我哋自己成為全英超最容易犯錯嘅球隊之一。
自爆的連鎖反應
而我哋自己呢 11 次失誤，就係我哋自爆掣嘅源頭。成個連鎖反應係咁樣發生嘅：
我哋套由後場猜起嘅高風險戰術，令我哋嘅失誤次數極高（第三多）。而我哋條高位防線，一旦因為自己嘅失誤而俾人打穿，對方就會即刻面對一個巨大嘅空檔，形成單刀。
呢個，就係點解我哋「對手npxG/Sh」（平均每次射門嘅入球機率）會係全英超並列第一（0.13）：我哋唔係俾人浪射，我哋一俾機會，就係黃金機會。
咁點解我哋紅牌又會係第一？因為當呢個「黃金機會」出現嗰陣，我哋嘅後衛（例如山齊士、查洛巴）就焗住要喺最後一刻，用犯規去阻止呢個DOGSO (入球機會)。
所以，我哋嘅防守就係咁極端：一係「完美壓制」（攔截第一、迫到對手失誤第一），一係就「災難性自爆」，幾乎冇中間地帶。
總結：1或者0的極端主義
拆解完所有數據，我哋終於可以寫返一個完整嘅車仔藍圖。頭11場波嘅數據，係近年嚟車路士最清晰嘅一次戰術體現。
我哋嘅好，係好到貼地。我哋喺進攻創造力（xG 第一）、中場控制力（中場觸球第一）、同埋高位壓制力（攔截第一、迫到對手失誤第一）上，全部都係英超頂尖水平。
但同時，我哋嘅「衰」，亦都係衰到貼地。呢套體系嘅代價，就係我哋自己嘅失誤次數（排英超第三多），以及因為呢啲失誤而引發嘅「紅牌」（並列第一）同「對手黃金機會」（npxG/Sh並列第一）。
馬蛇嘅足球哲學係現代+精密模式，喺進攻同壓迫上確實有效。我哋嘅問題唔係戰術理念上失誤，而係執行層面上做錯。
球隊並唔係運氣唔好，我哋嘅強大同脆弱，都係呢套1或0體系嘅必然結果。未來嘅關鍵好簡單：喺保持住精英級進攻創造力同壓迫力嘅同時，球隊能唔能夠根除嗰啲「致命失誤」？如果做到，呢份數據顯示我哋絕對有力同榜首爭一日之長短；如果失敗，我哋將繼續係英超最令人興奮，但都係消耗最多救心嘅球隊。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊