我諗近來有睇波嘅球迷對呢個標題，都已經麻木咗。無錯，車仔中場球員拉維亞（Roméo Lavia）又傷咗。
今次呢單「噩耗」，發生喺歐聯對卡拉巴克（Qarabag）嘅比賽。佢喺一個所謂受控嘅負荷管理下，拉維亞後備上陣，然後... 喺短短 8 分鐘之後，就再次受傷倒下。
當年我哋搶贏咗利物浦，係修咸頓果度用 £53m 買返嚟嘅中場，佢係唔係天才未證實到，但就肯定係易碎嘅玻璃藝術品，加盟至今總缺席日數已經突破 517 日，錯過咗足足 78 場比賽。呢個已經唔係笑話，而係一場悲劇。
我哋心入面最大嘅疑問就係：究竟係車仔買咗隻世紀黑仔王，定係喺簽約嗰一刻，就買咗一件玻璃，成件事根本就「有跡可尋」？今次【車迷觀點】，我哋就結合一份半專業嘅醫療報告，去嘗試解答呢個問題。
數據揭示的慢性功能失調
要解答呢個問題，我哋唔使靠感覺，數據一早已經講晒個故仔俾我哋聽。
數據對比：由「鐵人」到「玻璃人」
我哋先睇返拉維亞加盟前嘅基準線。喺 2022/23 球季，佢喺降班嘅修咸頓，以一個青少年球員嘅身份，竟然踢足 2,231 分鐘聯賽，正選 26 次。嗰季佢唯一嘅大傷，就係一次標準嘅 Hamsting 受傷，缺席 56 日。呢份，係一份耐用高潛力嘅履歷。
但轉個畫面，我哋睇下佢加盟車仔之後嘅數據。截至今日，佢加盟以嚟，總共缺席日數已經超過 517日，錯過咗足足 78 場比賽。三個球季夾埋，佢總共為我哋踢咗幾多聯賽分鐘？802 + 105 = 907 分鐘。
一邊係一季踢 2,231 分鐘，一邊係三個球季加埋踢唔夠 1,000 分鐘。呢個已經唔係一時唔舒服，而係徹底嘅身體崩潰。
「8分鐘」的最後警號
而最致命、最能證明好撚大鑊嘅證據，就係今季呢個最新嘅傷患。拉維亞喺歐聯對卡拉巴克（Qarabag）場波，係一個喺馬蛇嚴格「分鐘管理」下嘅復出計劃。結果，佢上陣僅僅 8 分鐘就再次倒下。
呢次受傷嘅意義，在於佢證明咗拉維亞嘅身體，已經連最低限度嘅職業負荷都承受唔到。醫學報告嘅結論好清晰：呢個已經唔係單純嘅「傷病」，而係所謂嘅「慢性功能失調」（chronic dysfunction）。
病理學探查：一場有跡可尋的連鎖崩潰
OKOK，我知「慢性功能失調」呢個字好難明㗎啦，不過下面我會一步一步寫，睇完你會明白佢唔係黑仔，呢11次傷病，點樣好似骨牌咁，一塊推一塊咁將拉維亞推倒。
階段一：23/24 的「原初損傷」 (The Original Sin)
成件事嘅源頭，就要追溯返 2023/24 嗰季，佢加盟我哋之後，嗰次長達 186日 嘅Hamstring（大腿後肌）重傷。有傷過嘅巴打都應該會知，呢種級數嘅重傷，會喺肌肉留低疤痕組織，亦都會令個腦同身體，下意識咁去保護呢個傷過嘅地方。
階段二：24/25 的「復發循環」 (The Recurrence Loop)
當康復基礎唔穩，但係球員又希望盡早復出嘗試谷返起個狀態，嗰個脆弱嘅舊患就會反覆失守。呢個就解釋咗點解拉維亞喺 2024/25 球季，Hamstring 傷患會反覆復發三次（分別缺席51日、30日同24日）。而呢一切，佢自己係有責任嘅。
階段三：25/26 的「代價性崩潰」 (The Compensation Cascade)
呢個就係今季最麻煩嘅階段，亦都係「功能失調」嘅鐵證。當拉維亞嘅身體，為咗保護條已經有問題嘅Hamstring（後側肌群），佢喺跑動、變速嗰陣，就會唔自覺咁，將所有壓力轉移晒去大腿前面嘅「股四頭肌」。
結果呢？就係佢喺對卡拉巴克嗰 8 分鐘，佢條Hamstring 冇事，但反而係條股四頭肌頂唔順，新嘅傷患就出現咗。呢個就係一個教科書式嘅「生物力學代償」失衡。佢嘅身體已經唔識得點樣正確發力，為咗避重就輕保護條Hamstring，就谷爆第二邊。
球會有無責任？天災定人禍？
嚟到呢個點，我哋知道拉維亞嘅身體已經失靈，但點解會搞成咁？而各個報導入面得出兩個線索，就指向一個令人不安嘅可能性：人禍。
醫療部門的「真空期」
第一個疑點，就係時機。拉維亞最關鍵、奠定康復基礎嘅「原初損傷」（嗰186日 Hamstring 重傷），發生喺 2023 年底到 2024 年中。而呢段時間，啱啱就撞正我哋 BlueCo 入主之後，醫療部門最大規模嘅「大換血」。
報告指出，我哋而家嘅醫療主管、總監、隊醫，大部分都係喺 2024 年先陸續到任。呢個意味住啲咩？就係話，拉維亞最重要嗰次康復，係喺一個無王管、缺乏連續性、標準不一嘅醫療環境入面度過。佢嘅康復基礎，就好可能係喺流沙上面建立，呢個就係導致佢日後反覆復發嘅最大人禍根源。
失效的占士模型
第二個疑點，就係我哋而家嘅處理手法。馬蛇喺訪問承認，佢哋正喺度用列斯占士（Reece James）成功康復嘅模型，去管理拉維亞。呢個係我哋球會目前最高規格嘅「金標準」保護方案。無論係尼圖，定係今季嘅占士，佢哋都成功由傷追人嘅狀況下成功復出，自然地車仔會想將呢種方案套用落去拉維亞身上。
但結果呢？拉維亞喺呢個「金標準」方案下，踢 8 分鐘就再次受傷。呢個失敗，證明咗佢嘅生理問題，可能比占士更嚴重，或者根本性唔同。連我哋最強嘅康復方案都喺佢身上失效，呢個先至係最令人絕望嘅信號。
總結：從「核心資產」到「戰術負債」
而家，拉維亞嘅問題，已經唔再係佢一個人嘅事。馬蛇喺戰術上，極度需要一個好似拉維亞咁嘅攻守轉會高手，去平衡安素同前線嘅組織。
但拉維亞嘅持續缺陣，就引發咗一個更恐怖嘅連鎖反應。馬蛇親口承認，因為拉維亞唔用得，搞到我哋另一位億鎊中場卡些度要被過度使用。
換言之，我哋呢個 £53m 資產，而家正喺度成為一筆傳染性負債，主動咁增加緊我哋另一筆 £115m 資產（卡些度）嘅受傷風險。呢個，先至係球會喺戰略上，最唔可以接受嘅局面。
作為球迷，唔係想落井下石，而係要面對現實，專業嘅球評家都認為，繼續而家呢種「抖下、踢下、再傷過」嘅循環，係冇用嘅。唯一嘅出路，可能就係醫學報告建議嘅，將佢送離一隊，進行一個長達半年以上嘅生物力學重置，從根本上重新訓練佢嘅身體點樣發力。如果唔係，呢筆 £53m 嘅投資，恐怕渣都冇得剩。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
今次呢單「噩耗」，發生喺歐聯對卡拉巴克（Qarabag）嘅比賽。佢喺一個所謂受控嘅負荷管理下，拉維亞後備上陣，然後... 喺短短 8 分鐘之後，就再次受傷倒下。
當年我哋搶贏咗利物浦，係修咸頓果度用 £53m 買返嚟嘅中場，佢係唔係天才未證實到，但就肯定係易碎嘅玻璃藝術品，加盟至今總缺席日數已經突破 517 日，錯過咗足足 78 場比賽。呢個已經唔係笑話，而係一場悲劇。
我哋心入面最大嘅疑問就係：究竟係車仔買咗隻世紀黑仔王，定係喺簽約嗰一刻，就買咗一件玻璃，成件事根本就「有跡可尋」？今次【車迷觀點】，我哋就結合一份半專業嘅醫療報告，去嘗試解答呢個問題。
數據揭示的慢性功能失調
要解答呢個問題，我哋唔使靠感覺，數據一早已經講晒個故仔俾我哋聽。
數據對比：由「鐵人」到「玻璃人」
我哋先睇返拉維亞加盟前嘅基準線。喺 2022/23 球季，佢喺降班嘅修咸頓，以一個青少年球員嘅身份，竟然踢足 2,231 分鐘聯賽，正選 26 次。嗰季佢唯一嘅大傷，就係一次標準嘅 Hamsting 受傷，缺席 56 日。呢份，係一份耐用高潛力嘅履歷。
但轉個畫面，我哋睇下佢加盟車仔之後嘅數據。截至今日，佢加盟以嚟，總共缺席日數已經超過 517日，錯過咗足足 78 場比賽。三個球季夾埋，佢總共為我哋踢咗幾多聯賽分鐘？802 + 105 = 907 分鐘。
一邊係一季踢 2,231 分鐘，一邊係三個球季加埋踢唔夠 1,000 分鐘。呢個已經唔係一時唔舒服，而係徹底嘅身體崩潰。
「8分鐘」的最後警號
而最致命、最能證明好撚大鑊嘅證據，就係今季呢個最新嘅傷患。拉維亞喺歐聯對卡拉巴克（Qarabag）場波，係一個喺馬蛇嚴格「分鐘管理」下嘅復出計劃。結果，佢上陣僅僅 8 分鐘就再次倒下。
呢次受傷嘅意義，在於佢證明咗拉維亞嘅身體，已經連最低限度嘅職業負荷都承受唔到。醫學報告嘅結論好清晰：呢個已經唔係單純嘅「傷病」，而係所謂嘅「慢性功能失調」（chronic dysfunction）。
病理學探查：一場有跡可尋的連鎖崩潰
OKOK，我知「慢性功能失調」呢個字好難明㗎啦，不過下面我會一步一步寫，睇完你會明白佢唔係黑仔，呢11次傷病，點樣好似骨牌咁，一塊推一塊咁將拉維亞推倒。
階段一：23/24 的「原初損傷」 (The Original Sin)
成件事嘅源頭，就要追溯返 2023/24 嗰季，佢加盟我哋之後，嗰次長達 186日 嘅Hamstring（大腿後肌）重傷。有傷過嘅巴打都應該會知，呢種級數嘅重傷，會喺肌肉留低疤痕組織，亦都會令個腦同身體，下意識咁去保護呢個傷過嘅地方。
階段二：24/25 的「復發循環」 (The Recurrence Loop)
當康復基礎唔穩，但係球員又希望盡早復出嘗試谷返起個狀態，嗰個脆弱嘅舊患就會反覆失守。呢個就解釋咗點解拉維亞喺 2024/25 球季，Hamstring 傷患會反覆復發三次（分別缺席51日、30日同24日）。而呢一切，佢自己係有責任嘅。
階段三：25/26 的「代價性崩潰」 (The Compensation Cascade)
呢個就係今季最麻煩嘅階段，亦都係「功能失調」嘅鐵證。當拉維亞嘅身體，為咗保護條已經有問題嘅Hamstring（後側肌群），佢喺跑動、變速嗰陣，就會唔自覺咁，將所有壓力轉移晒去大腿前面嘅「股四頭肌」。
結果呢？就係佢喺對卡拉巴克嗰 8 分鐘，佢條Hamstring 冇事，但反而係條股四頭肌頂唔順，新嘅傷患就出現咗。呢個就係一個教科書式嘅「生物力學代償」失衡。佢嘅身體已經唔識得點樣正確發力，為咗避重就輕保護條Hamstring，就谷爆第二邊。
球會有無責任？天災定人禍？
嚟到呢個點，我哋知道拉維亞嘅身體已經失靈，但點解會搞成咁？而各個報導入面得出兩個線索，就指向一個令人不安嘅可能性：人禍。
醫療部門的「真空期」
第一個疑點，就係時機。拉維亞最關鍵、奠定康復基礎嘅「原初損傷」（嗰186日 Hamstring 重傷），發生喺 2023 年底到 2024 年中。而呢段時間，啱啱就撞正我哋 BlueCo 入主之後，醫療部門最大規模嘅「大換血」。
報告指出，我哋而家嘅醫療主管、總監、隊醫，大部分都係喺 2024 年先陸續到任。呢個意味住啲咩？就係話，拉維亞最重要嗰次康復，係喺一個無王管、缺乏連續性、標準不一嘅醫療環境入面度過。佢嘅康復基礎，就好可能係喺流沙上面建立，呢個就係導致佢日後反覆復發嘅最大人禍根源。
失效的占士模型
第二個疑點，就係我哋而家嘅處理手法。馬蛇喺訪問承認，佢哋正喺度用列斯占士（Reece James）成功康復嘅模型，去管理拉維亞。呢個係我哋球會目前最高規格嘅「金標準」保護方案。無論係尼圖，定係今季嘅占士，佢哋都成功由傷追人嘅狀況下成功復出，自然地車仔會想將呢種方案套用落去拉維亞身上。
但結果呢？拉維亞喺呢個「金標準」方案下，踢 8 分鐘就再次受傷。呢個失敗，證明咗佢嘅生理問題，可能比占士更嚴重，或者根本性唔同。連我哋最強嘅康復方案都喺佢身上失效，呢個先至係最令人絕望嘅信號。
總結：從「核心資產」到「戰術負債」
而家，拉維亞嘅問題，已經唔再係佢一個人嘅事。馬蛇喺戰術上，極度需要一個好似拉維亞咁嘅攻守轉會高手，去平衡安素同前線嘅組織。
但拉維亞嘅持續缺陣，就引發咗一個更恐怖嘅連鎖反應。馬蛇親口承認，因為拉維亞唔用得，搞到我哋另一位億鎊中場卡些度要被過度使用。
換言之，我哋呢個 £53m 資產，而家正喺度成為一筆傳染性負債，主動咁增加緊我哋另一筆 £115m 資產（卡些度）嘅受傷風險。呢個，先至係球會喺戰略上，最唔可以接受嘅局面。
作為球迷，唔係想落井下石，而係要面對現實，專業嘅球評家都認為，繼續而家呢種「抖下、踢下、再傷過」嘅循環，係冇用嘅。唯一嘅出路，可能就係醫學報告建議嘅，將佢送離一隊，進行一個長達半年以上嘅生物力學重置，從根本上重新訓練佢嘅身體點樣發力。如果唔係，呢筆 £53m 嘅投資，恐怕渣都冇得剩。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊