今晚係國際賽期前嘅最後一戰，我哋今晚深夜4點將會喺史丹福橋，迎戰排喺榜尾嘅狼隊。
單睇積分榜，呢場波似乎係成個英超最冇懸念嘅一場對決：狼隊10場不勝，得嗰2分包尾。理論上，呢場波我哋主場出擊，三分係咪已經袋穩咗？
但，波係圓嘅。呢啲睇落易食指數咁高嘅波，往往就係最大嘅陷阱。尤其係當我哋啱啱經歷完地獄作客，而對手又處於一種極度混亂嘅狀態（啱啱炒咗領隊），成件事就變得非常複雜。今場波，究竟係我哋順理成章咁大勝一場，定係會再次上演及時送暖嘅尷尬劇本？
贏波靠玄學？馬蛇嘅"W"連勝之謎
如果齋講數據，今場波我哋喺玄學層面似乎已經贏咗一半。首先，領隊馬蛇有個好得人驚嘅紀錄：佢執教生涯（包括李城同車仔）10次對住個名以「W」字開頭嘅球隊（Watford, West Brom, West Ham, Wolves），竟然係10戰全勝。今場對住 Wolves，就好似跌入咗佢嘅W領域展開咁。
另一個玄學數據，就係我哋主場踢夜波嘅威力。數據顯示，我哋喺英超主場嘅夜波（7:45pm或更夜開波）戰績非常好，已經錄得九連勝。而今場波，又正正就係8點鐘開波。
睇波G點： 雖然呢啲「玄學」數據聽落好似好穩，但足球最忌就係老定。留意我哋班球員，會唔會因為呢啲數據而有所鬆懈？定係真係可以喺呢啲「幸運時間」同「幸運對手」身上，踢出應有嘅水準？
現實嘅殘酷：榜尾 vs 殘兵
講完玄學，我哋都要睇返現實。現實就係，狼隊正陷入歷史級嘅危機。佢哋開季10場波只得2分（2和8負），英超史上所有喺呢個階段得2分或以下嘅球隊，最後都係降班收場。佢哋仲要啱啱炒咗領隊，今場係由青訓教練帶隊。
但今場波嘅陷阱位係，我哋自己嘅情況都唔好得去邊。我哋啱啱由巴庫飛返嚟，部份球員抖都未抖夠72個鐘，體能處於絕對劣勢。我哋嘅傷病名單仲要長過我老母去惠康百佳買嘢張收據，彭馬、高維爾、巴迪亞舒尼全部繼續養傷，連啱啱踢完歐聯嘅拉維亞都傷埋一份。今場波，根本就係一場「榜尾危機」對「殘陣疲兵」嘅對決。
睇波G點： 體能將會係今場波嘅生死線。留意馬蛇會點樣作出大輪換，去應對呢個體能危機。我哋上半場一定要爭取入波，如果唔係，以我哋嘅體能狀況，加上今季兩次主場輸波都係補時失守嘅「前科」，比賽一拖到60分鐘後，我哋條防線好大機會会因為體力不繼而崩盤。
戰術博弈：死穴大戰
講完體能同玄學，我哋嚟睇下今場波最核心、亦都係我哋最致命嘅戰術問題：就係我哋嘅死球防守。
BBC 嘅數據好殘酷咁指出，我哋今季嘅「死球預期失球」（xG from set pieces）係全英超最差嗰隊。用人話講，就係我哋嘅死球防守佈陣，係全聯賽最容易俾人製造到入球機會嘅。呢個死穴，我哋喺上場聯賽盃領教過，當時就係俾狼隊用一個「手榴彈」戰術炸死咗。
而最麻煩嘅係，狼隊嘅踢法，就係專門嚟打我哋呢個死穴。佢哋雖然攻力差，但踢法極度體力化，犯規次數排喺聯賽第二多。佢哋中場個祖奧高美斯更加係「犯規王」兼「黃牌王」。你可以預期，佢哋今場一定會用不斷嘅身體對抗、衝撞、甚至係茅柴式嘅犯規，去打斷我哋節奏，目的就係要喺我哋體能下降嘅時候，博取大量死球機會，然後直接攻擊我哋呢個死穴。
睇波G點： 今場波嘅角球同罰球攻防，基本上就係決定賽果嘅關鍵，上場比賽山齊士對住高空波如有神助，今場又會唔會延續到神級嘅表現呢？我哋班後防，尤其係喺輪換之下，能否保持90分鐘嘅專注，去應對呢啲死球轟炸？最後，我哋亦都要控制好自己嘅情緒。對住呢啲專登嚟惹你嘅球隊，我哋可唔可以保持冷靜，避免好似之前戴納嗰種白痴嘅紅牌？呢場波，唔止考技術，仲考EQ。
尖刀 vs 玻璃：我哋嘅機會
雖然我哋嘅傷兵名單好長，但好彩嘅係，我哋今場要面對嘅，係全英超最鍾意自爆嘅防線。數據顯示，狼隊係今季「犯錯導致對手入波」次數最多嘅球隊（4次），證明佢哋後防非常唔穩定。今場佢哋仲要唔好彩，有主力後衛 Agbadou 停賽，條防線可以話係雪上加霜。
呢個弱點，我哋10日前喺聯賽盃先啱啱利用過。嗰場波，我哋就算派出大輪換嘅青春風暴陣容，都一樣可以靠前場壓迫，迫到佢哋犯錯，最終攻入4球。今場返到聯賽，祖奧柏度好大機會回歸正選，可能會再係狼隊身上開刀都唔定。
睇波G點： 今場波嘅關鍵，就係睇下我哋喺體能透支嘅情況下，仲可唔可以踢出好似聯賽盃上半場嗰種高強度逼搶。留意祖奧柏度同佢嘅攻擊拍檔（例如可能復出嘅尼圖、或者係戴納做正中鋒），能否持續喺前場向對方條豆腐防線施壓，迫使佢哋再次自爆犯錯？如果我哋能夠成功複製呢個戰術，要贏波應該唔難。
總結與展望
最後嘅最後，雖然今場波表面上係一場強弱懸殊嘅比賽，但實際上，佢可能係我哋今季暫時為止，對我哋嚟講相性最唔好嘅一場波。
冇錯，狼隊係排包尾，數據上亦都係史上最差開局之一。但換帥玄學呢家嘢，大家睇波咁多年都知有幾邪門。更何況，我哋自己正處於一個極度脆弱嘅狀態：啱啱由巴庫飛返嚟，體能透支；傷病名單長到可以自己組一隊波；仲要孭住全英超最差嘅「死球防守」死穴。
今場波，唔好諗住會睇到咩華麗足球。呢場係一場鬥志、鬥紀律、鬥邊個犯錯少啲嘅比賽。勝負嘅關鍵，就睇我哋班「殘兵」有冇足夠嘅專業精神，喺體能極限之下，頂得順對方嘅茅柴踢法同死球轟炸。
呢場係國際賽期前嘅最後一戰，贏波，大家就可以開開心心咁放假；但如果喺榜尾球隊身上失分，咁我哋之前幾場波辛辛苦苦建立返嚟嘅士氣，就會大打折扣，成隊波將會喺一片質疑聲之中，渡過一個非常難捱嘅國際賽期。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
單睇積分榜，呢場波似乎係成個英超最冇懸念嘅一場對決：狼隊10場不勝，得嗰2分包尾。理論上，呢場波我哋主場出擊，三分係咪已經袋穩咗？
但，波係圓嘅。呢啲睇落易食指數咁高嘅波，往往就係最大嘅陷阱。尤其係當我哋啱啱經歷完地獄作客，而對手又處於一種極度混亂嘅狀態（啱啱炒咗領隊），成件事就變得非常複雜。今場波，究竟係我哋順理成章咁大勝一場，定係會再次上演及時送暖嘅尷尬劇本？
贏波靠玄學？馬蛇嘅"W"連勝之謎
如果齋講數據，今場波我哋喺玄學層面似乎已經贏咗一半。首先，領隊馬蛇有個好得人驚嘅紀錄：佢執教生涯（包括李城同車仔）10次對住個名以「W」字開頭嘅球隊（Watford, West Brom, West Ham, Wolves），竟然係10戰全勝。今場對住 Wolves，就好似跌入咗佢嘅W領域展開咁。
另一個玄學數據，就係我哋主場踢夜波嘅威力。數據顯示，我哋喺英超主場嘅夜波（7:45pm或更夜開波）戰績非常好，已經錄得九連勝。而今場波，又正正就係8點鐘開波。
睇波G點： 雖然呢啲「玄學」數據聽落好似好穩，但足球最忌就係老定。留意我哋班球員，會唔會因為呢啲數據而有所鬆懈？定係真係可以喺呢啲「幸運時間」同「幸運對手」身上，踢出應有嘅水準？
現實嘅殘酷：榜尾 vs 殘兵
講完玄學，我哋都要睇返現實。現實就係，狼隊正陷入歷史級嘅危機。佢哋開季10場波只得2分（2和8負），英超史上所有喺呢個階段得2分或以下嘅球隊，最後都係降班收場。佢哋仲要啱啱炒咗領隊，今場係由青訓教練帶隊。
但今場波嘅陷阱位係，我哋自己嘅情況都唔好得去邊。我哋啱啱由巴庫飛返嚟，部份球員抖都未抖夠72個鐘，體能處於絕對劣勢。我哋嘅傷病名單仲要長過我老母去惠康百佳買嘢張收據，彭馬、高維爾、巴迪亞舒尼全部繼續養傷，連啱啱踢完歐聯嘅拉維亞都傷埋一份。今場波，根本就係一場「榜尾危機」對「殘陣疲兵」嘅對決。
睇波G點： 體能將會係今場波嘅生死線。留意馬蛇會點樣作出大輪換，去應對呢個體能危機。我哋上半場一定要爭取入波，如果唔係，以我哋嘅體能狀況，加上今季兩次主場輸波都係補時失守嘅「前科」，比賽一拖到60分鐘後，我哋條防線好大機會会因為體力不繼而崩盤。
戰術博弈：死穴大戰
講完體能同玄學，我哋嚟睇下今場波最核心、亦都係我哋最致命嘅戰術問題：就係我哋嘅死球防守。
BBC 嘅數據好殘酷咁指出，我哋今季嘅「死球預期失球」（xG from set pieces）係全英超最差嗰隊。用人話講，就係我哋嘅死球防守佈陣，係全聯賽最容易俾人製造到入球機會嘅。呢個死穴，我哋喺上場聯賽盃領教過，當時就係俾狼隊用一個「手榴彈」戰術炸死咗。
而最麻煩嘅係，狼隊嘅踢法，就係專門嚟打我哋呢個死穴。佢哋雖然攻力差，但踢法極度體力化，犯規次數排喺聯賽第二多。佢哋中場個祖奧高美斯更加係「犯規王」兼「黃牌王」。你可以預期，佢哋今場一定會用不斷嘅身體對抗、衝撞、甚至係茅柴式嘅犯規，去打斷我哋節奏，目的就係要喺我哋體能下降嘅時候，博取大量死球機會，然後直接攻擊我哋呢個死穴。
睇波G點： 今場波嘅角球同罰球攻防，基本上就係決定賽果嘅關鍵，上場比賽山齊士對住高空波如有神助，今場又會唔會延續到神級嘅表現呢？我哋班後防，尤其係喺輪換之下，能否保持90分鐘嘅專注，去應對呢啲死球轟炸？最後，我哋亦都要控制好自己嘅情緒。對住呢啲專登嚟惹你嘅球隊，我哋可唔可以保持冷靜，避免好似之前戴納嗰種白痴嘅紅牌？呢場波，唔止考技術，仲考EQ。
尖刀 vs 玻璃：我哋嘅機會
雖然我哋嘅傷兵名單好長，但好彩嘅係，我哋今場要面對嘅，係全英超最鍾意自爆嘅防線。數據顯示，狼隊係今季「犯錯導致對手入波」次數最多嘅球隊（4次），證明佢哋後防非常唔穩定。今場佢哋仲要唔好彩，有主力後衛 Agbadou 停賽，條防線可以話係雪上加霜。
呢個弱點，我哋10日前喺聯賽盃先啱啱利用過。嗰場波，我哋就算派出大輪換嘅青春風暴陣容，都一樣可以靠前場壓迫，迫到佢哋犯錯，最終攻入4球。今場返到聯賽，祖奧柏度好大機會回歸正選，可能會再係狼隊身上開刀都唔定。
睇波G點： 今場波嘅關鍵，就係睇下我哋喺體能透支嘅情況下，仲可唔可以踢出好似聯賽盃上半場嗰種高強度逼搶。留意祖奧柏度同佢嘅攻擊拍檔（例如可能復出嘅尼圖、或者係戴納做正中鋒），能否持續喺前場向對方條豆腐防線施壓，迫使佢哋再次自爆犯錯？如果我哋能夠成功複製呢個戰術，要贏波應該唔難。
總結與展望
最後嘅最後，雖然今場波表面上係一場強弱懸殊嘅比賽，但實際上，佢可能係我哋今季暫時為止，對我哋嚟講相性最唔好嘅一場波。
冇錯，狼隊係排包尾，數據上亦都係史上最差開局之一。但換帥玄學呢家嘢，大家睇波咁多年都知有幾邪門。更何況，我哋自己正處於一個極度脆弱嘅狀態：啱啱由巴庫飛返嚟，體能透支；傷病名單長到可以自己組一隊波；仲要孭住全英超最差嘅「死球防守」死穴。
今場波，唔好諗住會睇到咩華麗足球。呢場係一場鬥志、鬥紀律、鬥邊個犯錯少啲嘅比賽。勝負嘅關鍵，就睇我哋班「殘兵」有冇足夠嘅專業精神，喺體能極限之下，頂得順對方嘅茅柴踢法同死球轟炸。
呢場係國際賽期前嘅最後一戰，贏波，大家就可以開開心心咁放假；但如果喺榜尾球隊身上失分，咁我哋之前幾場波辛辛苦苦建立返嚟嘅士氣，就會大打折扣，成隊波將會喺一片質疑聲之中，渡過一個非常難捱嘅國際賽期。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
鍾意我嘅文章，又有餘力支持我嘅話，記得去我Substack訂閱：
https://hkgchedog.substack.com/
請按此登錄後留言。未成為會員? 立即註冊