尋晚（11月4日）喺晏菲路，皇馬作客0:1不敵利物浦，歐聯嘅不敗金身終於被打破。呢單命案嘅死者，係皇家馬德里。
睇完成場波，我甚至覺得今場，其實唔係利物浦主場對皇馬，而係利物浦主場對古圖斯……
呢句說話，就係今次【死因研究】嘅核心。皇馬今場嘅戰術，就好似著住一件叫古圖斯嘅頂級防護衣：佢全場做出8次撲救，幾乎刀槍不入，然後皇馬就赤手空拳咁上陣，完全放棄進攻。最終，利物浦用咗61分鐘嘅時間，終於搵到呢件防護衣上嘅唯一裂縫，一擊致命，宣判咗皇馬嘅死亡。
案情重組
要理解皇馬點樣死亡，我哋必須重組案情。呢場波由一開始，皇馬就好似拎錯咗劇本：佢哋雖然喺控球率（60.1%）同場區佔有（Field Tilt 55.9%）上佔優，但睇落完全冇進攻意圖。相反，利物浦採取咗極高嘅防守壓迫（PPDA 8.4），專心打反擊。
上半場 - 「防護衣」嘅絕對防禦： 利物浦嘅高壓戰術好快就奏效，不斷創造出威脅。但皇馬身上嗰件叫「古圖斯」嘅防護衣保護力實在太好。佢先係神奇咁用腳擋出蘇保斯禮嘅近距離單刀，然後再飛身撲出佢嘅遠射。利物浦上半場嘅所有努力，包括一次黃金機會，全部被呢件防護衣完美化解。
VAR爭議： 期間，蘇保斯拉爾嘅一次遠射省中皇馬球員查奧文尼嘅手臂，球證一度判罰自由球，VAR介入後最終裁定冇犯規。呢個判決，令皇馬件「防護衣」僥倖避過一次額外嘅損害。
下半場 - 尋找裂縫： 換邊後，皇馬嘅進攻意圖跌到冰點（下半場0次中目標射門），完全放棄「攻擊」呢個選項。利物浦則改變策略，既然運動戰無法攻破古圖斯，佢哋開始利用死球（Set Play xG 0.80）集中攻擊。
致命一擊 (61分鐘)： 利物浦嘅耐性終於得到回報。一次死球機會，蘇保斯拉爾開出傳中，麥亞里士打成功搵到皇馬防線嘅裂縫：亦即係佢哋已知嘅死球防守漏洞，用頭槌破網。利物浦 1:0 皇馬。「防護衣」終於被刺穿。
舊病復發： 值得一提嘅係，利物浦喺完場前，由沙拿同加普再次錯失黃金機會，證明佢哋自身「浪費」嘅老毛病依然存在。但對於一個已經放棄進攻嘅皇馬嚟講，一刀已經足以致命。
三大死因分析
第一死因（根本死因）：進攻線集體癱瘓，皇馬嘅「零火力」 (xG 0.45)
皇馬今場落敗，最根本嘅原因，並唔係佢哋守得唔好，而係佢哋根本冇諗過要進攻。你喺晏菲路作客，期望只係著住一件防彈衣赤手空拳咁捱90分鐘可以贏波，呢個就係皇馬今次嘅致命失誤。
數據為我哋揭示咗皇馬進攻端嘅「零火力」有幾誇張：全場預期入球（xG）只有可憐嘅 0.45，甚至比唔少護級球隊嘅數據更差。而到咗下半場，佢哋嘅進攻更加係完全癱瘓，錄得 0次中目標射門。
我哋睇返皇馬嘅正選名單：麥巴比、雲尼素斯、比寧咸。呢條價值連城嘅攻擊線，今場喺利物浦極具侵略性嘅高壓防守（防守線平均高度 48.3米）之下，完全迷失。麥巴比全場得一次唔中目標嘅射門；雲尼素斯除咗被巴特利鎖死之外，冇任何建樹。
皇馬嘅戰術，似乎就係喺後場漫無目的咁控球（控球率60.1%），但完全搵唔到將個波交上前場嘅方法。當你嘅雙手空空如也，咁就算你件防護衣再勁，你都冇贏波嘅可能。
第二死因（致命一擊）：刺穿裝甲嘅戰術 - 死球裂縫
既然皇馬放棄進攻，比賽就變成利物浦單方面嘅攻防演練：點樣喺90分鐘內，搵出古圖斯身上嘅裂縫。而最終，利物浦用行動證明，佢哋搵到咗：就係皇馬一直存在嘅死球防守漏洞。
數據顯示，利物浦喺上半場嘅死球威脅唔大（Set Play xG 0.10），但到咗下半場，佢哋明顯改變策略，死球xG暴增至 0.80。呢個唔係偶然，而係一次針對性嘅戰術部署。The Athletic嘅報告亦指出，皇馬喺西甲嘅死球防守數據本來就唔理想。
61分鐘嘅致命一擊，就係呢個戰術嘅完美體現。蘇保斯禮嘅傳中，麥亞里士打嘅走位，精準咁打中皇馬防線嘅弱點。運動戰既然無法擊破古圖斯，利物浦就用最務實、最有效率嘅方法，用戰術板上嘅勝利，刺穿咗呢件無敵嘅防護衣。呢一刀，就係皇馬嘅致命傷。
第三死因（戰局描述）：古圖斯嘅孤軍作戰，防護衣 vs 2.58 xG
雖然皇馬死於進攻癱瘓同死球防守，作為車迷，雖然唔多情願，但仍然要為佢哋身上嗰件「防護衣」：古圖斯，致以最高敬意。如果果個唔係古圖斯而係山齊士，皇馬今場根本唔係「被刺一刀弊命」，而係會被亂刀斬開九碌。
古圖斯今場嘅表現，簡直係孤軍作戰。佢全場做出 8次撲救，以一己之力，抵擋住利物浦全隊創造出嚟嘅 2.58 xG 同 4次黃金機會。上半場撲出蘇保斯禮嘅單刀，下半場擋出雲迪克同伊傑迪基嘅近距離頭槌，每一次撲救都係世界級。
但呢亦都反面印證咗利物浦嘅「舊病」。利物浦今場其實亦 錯失咗3次黃金機會（包括完場前沙拿同加普嘅「雙重浪費」）。佢哋嘅進攻創造力雖然返咗嚟，但把握力嘅問題，似乎仍然未完全解決。只不過今場，佢哋嘅浪費，未有再次受到懲罰。
花生區：晏菲路嘅背叛與傳承
今場歐聯大戰，除咗戰術博弈之外，最大嘅花生，莫過於晏菲路球迷自編自導自演嘅一場關於「背叛與傳承」嘅大龍鳳。而呢場戲嘅兩位主角，就係皇馬嘅TAA，同利物浦嘅巴特利。
焦點人物（一）：叛將嘅回歸
阿諾今次重返晏菲路，晏菲路嘅球迷亦都「交足功課」。由佢賽前熱身開始，每一次觸球、每一次鏡頭影到佢，全場都報以巨大嘅噓聲。
喺佢後備上陣後，球迷嘅嘲諷更係達到頂點，尤其係當佢喺補時階段一腳離譜嘅傳中波直出底線，全場嘅歡呼聲，比起入波嗰陣可能仲要大。呢個畫面，似乎標誌住晏菲路球迷喺情感上，已經同呢位「昔日太子」徹底切割。
焦點人物（二）：新王嘅誕生
與阿諾嘅狼狽形成強烈對比嘅，係今場嘅賽事最佳球員（POTM）：巴特利。
呢位「新繼承人」今場嘅表現堪稱完美。佢喺防守端，將皇馬嘅王牌雲尼素斯徹底鎖死，搞到對方要插水博十二碼；喺進攻端，佢亦都敢於上前，令雲尼素斯要反過嚟防守佢。
當巴特利一次次用強硬嘅身體對抗贏得皮球，全場高呼佢嘅名字時，呢場「權力交接」嘅儀式，就已經喺利迷心中正式完成。
總結
為今次嘅死因研究作結，我自己就會偏向讚揚史諾今場展現出嘅勇氣。面對皇馬呢種級數嘅對手，加埋自己嘅近況麻麻，但佢哋並冇因為近期嘅頹勢而退縮，反而用一套極具侵略性嘅高位壓迫（PPDA 8.4）去主動挑戰對手，最終亦憑住針對性嘅死球戰術，搵到致勝一擊。
相反，皇馬今場嘅死亡，領隊沙比阿朗素多少要負上責任。戰術部署過於保守，戰賽部署唔奏效之際，似乎將所有希望都寄托喺「古圖斯防護衣」之上。全場只得 0.45 xG，下半場更係 0次中目標射門，呢啲數據就係最好嘅罪證。當利物浦喺下半場變陣並取得入球後，我睇唔到皇馬有任何應對，至少完全冇Plan B可言，最終只能被動咁接受死亡嘅結局。
今場死因研究，或者可以為車仔帶來多少參考都唔定。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
睇完成場波，我甚至覺得今場，其實唔係利物浦主場對皇馬，而係利物浦主場對古圖斯……
呢句說話，就係今次【死因研究】嘅核心。皇馬今場嘅戰術，就好似著住一件叫古圖斯嘅頂級防護衣：佢全場做出8次撲救，幾乎刀槍不入，然後皇馬就赤手空拳咁上陣，完全放棄進攻。最終，利物浦用咗61分鐘嘅時間，終於搵到呢件防護衣上嘅唯一裂縫，一擊致命，宣判咗皇馬嘅死亡。
案情重組
要理解皇馬點樣死亡，我哋必須重組案情。呢場波由一開始，皇馬就好似拎錯咗劇本：佢哋雖然喺控球率（60.1%）同場區佔有（Field Tilt 55.9%）上佔優，但睇落完全冇進攻意圖。相反，利物浦採取咗極高嘅防守壓迫（PPDA 8.4），專心打反擊。
上半場 - 「防護衣」嘅絕對防禦： 利物浦嘅高壓戰術好快就奏效，不斷創造出威脅。但皇馬身上嗰件叫「古圖斯」嘅防護衣保護力實在太好。佢先係神奇咁用腳擋出蘇保斯禮嘅近距離單刀，然後再飛身撲出佢嘅遠射。利物浦上半場嘅所有努力，包括一次黃金機會，全部被呢件防護衣完美化解。
VAR爭議： 期間，蘇保斯拉爾嘅一次遠射省中皇馬球員查奧文尼嘅手臂，球證一度判罰自由球，VAR介入後最終裁定冇犯規。呢個判決，令皇馬件「防護衣」僥倖避過一次額外嘅損害。
下半場 - 尋找裂縫： 換邊後，皇馬嘅進攻意圖跌到冰點（下半場0次中目標射門），完全放棄「攻擊」呢個選項。利物浦則改變策略，既然運動戰無法攻破古圖斯，佢哋開始利用死球（Set Play xG 0.80）集中攻擊。
致命一擊 (61分鐘)： 利物浦嘅耐性終於得到回報。一次死球機會，蘇保斯拉爾開出傳中，麥亞里士打成功搵到皇馬防線嘅裂縫：亦即係佢哋已知嘅死球防守漏洞，用頭槌破網。利物浦 1:0 皇馬。「防護衣」終於被刺穿。
舊病復發： 值得一提嘅係，利物浦喺完場前，由沙拿同加普再次錯失黃金機會，證明佢哋自身「浪費」嘅老毛病依然存在。但對於一個已經放棄進攻嘅皇馬嚟講，一刀已經足以致命。
三大死因分析
第一死因（根本死因）：進攻線集體癱瘓，皇馬嘅「零火力」 (xG 0.45)
皇馬今場落敗，最根本嘅原因，並唔係佢哋守得唔好，而係佢哋根本冇諗過要進攻。你喺晏菲路作客，期望只係著住一件防彈衣赤手空拳咁捱90分鐘可以贏波，呢個就係皇馬今次嘅致命失誤。
數據為我哋揭示咗皇馬進攻端嘅「零火力」有幾誇張：全場預期入球（xG）只有可憐嘅 0.45，甚至比唔少護級球隊嘅數據更差。而到咗下半場，佢哋嘅進攻更加係完全癱瘓，錄得 0次中目標射門。
我哋睇返皇馬嘅正選名單：麥巴比、雲尼素斯、比寧咸。呢條價值連城嘅攻擊線，今場喺利物浦極具侵略性嘅高壓防守（防守線平均高度 48.3米）之下，完全迷失。麥巴比全場得一次唔中目標嘅射門；雲尼素斯除咗被巴特利鎖死之外，冇任何建樹。
皇馬嘅戰術，似乎就係喺後場漫無目的咁控球（控球率60.1%），但完全搵唔到將個波交上前場嘅方法。當你嘅雙手空空如也，咁就算你件防護衣再勁，你都冇贏波嘅可能。
第二死因（致命一擊）：刺穿裝甲嘅戰術 - 死球裂縫
既然皇馬放棄進攻，比賽就變成利物浦單方面嘅攻防演練：點樣喺90分鐘內，搵出古圖斯身上嘅裂縫。而最終，利物浦用行動證明，佢哋搵到咗：就係皇馬一直存在嘅死球防守漏洞。
數據顯示，利物浦喺上半場嘅死球威脅唔大（Set Play xG 0.10），但到咗下半場，佢哋明顯改變策略，死球xG暴增至 0.80。呢個唔係偶然，而係一次針對性嘅戰術部署。The Athletic嘅報告亦指出，皇馬喺西甲嘅死球防守數據本來就唔理想。
61分鐘嘅致命一擊，就係呢個戰術嘅完美體現。蘇保斯禮嘅傳中，麥亞里士打嘅走位，精準咁打中皇馬防線嘅弱點。運動戰既然無法擊破古圖斯，利物浦就用最務實、最有效率嘅方法，用戰術板上嘅勝利，刺穿咗呢件無敵嘅防護衣。呢一刀，就係皇馬嘅致命傷。
第三死因（戰局描述）：古圖斯嘅孤軍作戰，防護衣 vs 2.58 xG
雖然皇馬死於進攻癱瘓同死球防守，作為車迷，雖然唔多情願，但仍然要為佢哋身上嗰件「防護衣」：古圖斯，致以最高敬意。如果果個唔係古圖斯而係山齊士，皇馬今場根本唔係「被刺一刀弊命」，而係會被亂刀斬開九碌。
古圖斯今場嘅表現，簡直係孤軍作戰。佢全場做出 8次撲救，以一己之力，抵擋住利物浦全隊創造出嚟嘅 2.58 xG 同 4次黃金機會。上半場撲出蘇保斯禮嘅單刀，下半場擋出雲迪克同伊傑迪基嘅近距離頭槌，每一次撲救都係世界級。
但呢亦都反面印證咗利物浦嘅「舊病」。利物浦今場其實亦 錯失咗3次黃金機會（包括完場前沙拿同加普嘅「雙重浪費」）。佢哋嘅進攻創造力雖然返咗嚟，但把握力嘅問題，似乎仍然未完全解決。只不過今場，佢哋嘅浪費，未有再次受到懲罰。
花生區：晏菲路嘅背叛與傳承
今場歐聯大戰，除咗戰術博弈之外，最大嘅花生，莫過於晏菲路球迷自編自導自演嘅一場關於「背叛與傳承」嘅大龍鳳。而呢場戲嘅兩位主角，就係皇馬嘅TAA，同利物浦嘅巴特利。
焦點人物（一）：叛將嘅回歸
阿諾今次重返晏菲路，晏菲路嘅球迷亦都「交足功課」。由佢賽前熱身開始，每一次觸球、每一次鏡頭影到佢，全場都報以巨大嘅噓聲。
喺佢後備上陣後，球迷嘅嘲諷更係達到頂點，尤其係當佢喺補時階段一腳離譜嘅傳中波直出底線，全場嘅歡呼聲，比起入波嗰陣可能仲要大。呢個畫面，似乎標誌住晏菲路球迷喺情感上，已經同呢位「昔日太子」徹底切割。
焦點人物（二）：新王嘅誕生
與阿諾嘅狼狽形成強烈對比嘅，係今場嘅賽事最佳球員（POTM）：巴特利。
呢位「新繼承人」今場嘅表現堪稱完美。佢喺防守端，將皇馬嘅王牌雲尼素斯徹底鎖死，搞到對方要插水博十二碼；喺進攻端，佢亦都敢於上前，令雲尼素斯要反過嚟防守佢。
當巴特利一次次用強硬嘅身體對抗贏得皮球，全場高呼佢嘅名字時，呢場「權力交接」嘅儀式，就已經喺利迷心中正式完成。
總結
為今次嘅死因研究作結，我自己就會偏向讚揚史諾今場展現出嘅勇氣。面對皇馬呢種級數嘅對手，加埋自己嘅近況麻麻，但佢哋並冇因為近期嘅頹勢而退縮，反而用一套極具侵略性嘅高位壓迫（PPDA 8.4）去主動挑戰對手，最終亦憑住針對性嘅死球戰術，搵到致勝一擊。
相反，皇馬今場嘅死亡，領隊沙比阿朗素多少要負上責任。戰術部署過於保守，戰賽部署唔奏效之際，似乎將所有希望都寄托喺「古圖斯防護衣」之上。全場只得 0.45 xG，下半場更係 0次中目標射門，呢啲數據就係最好嘅罪證。當利物浦喺下半場變陣並取得入球後，我睇唔到皇馬有任何應對，至少完全冇Plan B可言，最終只能被動咁接受死亡嘅結局。
今場死因研究，或者可以為車仔帶來多少參考都唔定。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊