睇車仔波，就好似坐過山車咁，長期都係上上落落。前一排，我哋先興奮完主場絕殺利物浦、客場大炒森林；點知轉個頭，就喺主場柒俾升班馬新特蘭。呢種神經刀式嘅表現，搞到我哋班球迷嘅情緒，仲大上大落過恆生指數。贏波嗰陣，「馬蛇係戰術大師！」，輸波嗰陣，「馬蛇 Out！」、「快啲躝！」、「憎佢好耐！」(下刪一萬字)。
究竟點解球迷嘅反應可以咁極端？係咪球迷自己，都有啲心理盲點？今次【車迷觀點】，就試下扮下專家，用啲可能唔太準確嘅心理學概念，去拆解一下呢個現象。
不過講明先，同上一篇心理文一樣，小弟唔係讀心理學出身，如果有咩 term 用錯咗，麻煩各位大佬喺留言區度指點下，當教下細佬我。又或者，你當呢篇文係一篇笑話咁睇下，我都唔介意㗎。
上一場就是全世界 (近期偏誤)
我哋球迷睇波，有時就好似金魚咁，得七秒記憶。贏咗場波，就覺得隊波掂晒，「We are so back!」，下場實贏硬；輸咗場波，就覺得世界末日，「It's over!」，之前贏嗰啲靚波？咩嚟㗎？唔記得喇。
最好嘅例子，就係輸俾新特蘭之後，有位球迷留言：「對利物浦場波踢得好勁，而家又打回原形...」。呢句說話，完美咁體現咗呢種心理。僅僅三星期前贏利物浦嗰場「大師級傑作」，已經俾輸俾新特蘭呢個「新真相」完全覆蓋。
心理學上，呢種現象叫做「近期偏誤」（Recency Bias）。簡單講，就係我哋個腦會自動放大最近發生嘅事，然後用呢件事嚟判斷所有嘢，唔記得睇返之前嘅大趨勢。
而呢個偏誤，就正正同我哋班主 BlueCo 成日掛喺口邊嘅「長期計畫」、「相信過程」產生咗根本性嘅衝突。班主用年甚至係三年做單位去考慮同投資；我哋球迷就用週做單位去判斷。呢種時間差，就令到好似馬蛇呢啲項目型領隊，處於一個極度不利嘅位置。佢嘅評價，唔係睇緊成個 Project 嘅進度，而係睇緊最近90分鐘嘅賽果。
我見到嘅嘢先係真 (確認偏誤)
而家睇車仔波，好似打仗咁，唔係撐馬蛇就係反馬蛇。兩派人壁壘分明，最得意嘅係，佢哋可以用同一場波，得出完全相反嘅結論。
「撐馬派」點睇？ 贏利物浦、大炒森林，就係戰術大師嘅證明；輸俾白禮頓、新特蘭呢？就係因為「個別球員派膠」、「黑仔」、「球證盲」。總之，體系冇問題。(可能我都係呢類人)
「反馬派」點睇？ 輸俾白禮頓、新特蘭，就係領隊「無料到」、「垃圾」嘅鐵證；咁贏利物浦呢？就係「靠運」、「靠二安神仙波」、「利物浦自己廢」。總之，唔關個領隊事。
呢種只係睇自己想睇嘅嘢、聽自己想聽嘅嘢，然後自動過濾晒所有相反證據嘅行為，心理學上就叫做「確認偏誤」（Confirmation Bias）。
結果就係，球迷之間嘅討論，唔再係理性分析場波踢成點，而係變成咗一場「邊個啱啲」嘅罵戰。大家唔係喺度搵真相，而係喺度搵子彈，去射死對面嗰個，間接都令我呢啲理性寫文嘅Blog主有少少難做。
我嬲，所以佢哋衰 (情緒推理)
有時輸波真係嬲到震，忍唔住要上網打返幾句發洩下：「踢到成 pat 屎咁！」、「不知所謂！」、「Disgraceful！」。呢啲充滿情緒嘅字眼，相信大家都唔會陌生。
呢個，就係第三重心理陷阱：「情緒推理」（Emotional Reasoning）。簡單講，就係我哋將自己嘅主觀感覺，直接當成咗客觀事實。
個邏輯係咁：
客觀事實：車仔主場輸俾新特蘭。
我嘅感覺：我感到極度憤怒、失望同羞恥。
情緒推理嘅結論：因為我感覺呢場波好羞家，所以呢場波嘅表現事實上就係「可恥」；因為我感覺俾領隊嘅無能呃咗，所以個領隊事實上就係一個「騙子」。
呢個偏誤，就係點解我哋鬧人嗰陣，啲用字會去到咁盡、咁侮辱性嘅原因。因為喺嗰一刻，「我嘅感覺就係真理」。你根本冇辦法用數據（例如控球率、xG）去反駁一個人嘅感覺。呢種將情感凌駕於事實嘅諗法，亦都係網上好多盲反言論嘅根源。
人講我又講 (從眾效應)
有時輸完波，自己本身都冇咁嬲，可能只係覺得有啲失望。點知一打開 Facebook、Reddit 睇下啲賽後討論，見到個個都屌到飛起，留言區一片「Maresca Out」嘅時候，自己嗰啖氣又即刻上返嚟，忍唔住要加把口鬧埋一份。呢種情況，相信好多球迷都經歷過。
呢個就係第四重心理陷阱：「從眾效應」（Bandwagon Effect）。簡單講，就係我哋好易俾大圍嘅氣氛影響，人做乜我做乜，人鬧乜我鬧乜。呢個羊群心理嘅背後，有好多原因，例如想埋堆、想企喺「啱」嗰邊、或者純粹驚俾人鬧。
而社交媒體平台，就好似 Reddit、X (即係 Twitter)、Facebook，就係呢個效應嘅「超級放大器」。就好似我哋輸俾新特蘭嗰場波之後，Reddit 個賽後 post 有成 3,900 個留言。當你一碌入去，見到成百上千嘅留言都係鬧緊馬蛇，你本身嗰少少嘅理性，好快就會被呢種排山倒海嘅「群體共識」所淹沒。
你嗰個「可能只係細查一時大意姐」嘅諗法，即刻就會變成「屌！原來個個都覺得佢廢！」。從眾效應，就係咁樣將理性嘅聲音邊緣化，令到極端嘅意見，睇落好似係唯一嘅真理。
總結：BlueCo 的十億投資，與球迷的心理時差
寫到呢度，我睇返轉頭，都覺得自己好似成篇文都喺度幫馬蛇講說話咁。係咪代表我覺得佢冇問題？絕對唔係。我都承認，球隊目前嘅表現，的確存在好多客觀問題。例如，有啲比賽係咪真係踢得太保守、冇Plan B？有啲換人調動，係咪真係值得商榷？輸俾新特蘭嗰場波，無論點樣分析心理，我哋踢得差都係事實。
所以，呢篇文嘅目的，唔係要否定所有批評嘅聲音。理性嘅戰術討論、對領隊排陣嘅質疑，絕對係健康同埋必要嘅。我想拆解嘅，只係嗰種由失望，演變成侮辱性謾罵、甚至係「人格謀殺」式攻擊嘅極端反應背後，可能有啲咩心理因素喺度作祟。
搞清楚呢點之後，我哋就可以返返嚟，總結成件事嘅核心矛盾：就係球會 BlueCo 嗰種高風險、高投入、需要時間同耐性嘅「長期項目」戰略，同我哋球迷俾四大心理陷阱（近期偏誤、確認偏誤、情緒推理、從眾效應）騎劫咗嘅、渴望即時滿足嘅短視心態，兩者之間存在住一個巨大嘅時間差。而領隊馬蛇，就不幸咁成為咗呢個巨大心理時差嘅「代罪羔羊」。
當然，知道咗呢啲「心魔」嘅存在，唔代表我哋下次輸波就唔會嬲。但或者，了解咗呢啲心理陷阱之後，下次我哋再經歷「過山車」嗰陣，可以嘗試俾多一秒自己，停一停、諗一諗，提醒自己區分清楚「合理批評」同「情緒發洩」，先至再撳掣鬧人。咁樣，無論對我哋自己嘅精神健康，定係對成個球迷社群嘅討論氣氛，可能都會係一件好事。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
究竟點解球迷嘅反應可以咁極端？係咪球迷自己，都有啲心理盲點？今次【車迷觀點】，就試下扮下專家，用啲可能唔太準確嘅心理學概念，去拆解一下呢個現象。
不過講明先，同上一篇心理文一樣，小弟唔係讀心理學出身，如果有咩 term 用錯咗，麻煩各位大佬喺留言區度指點下，當教下細佬我。又或者，你當呢篇文係一篇笑話咁睇下，我都唔介意㗎。
上一場就是全世界 (近期偏誤)
我哋球迷睇波，有時就好似金魚咁，得七秒記憶。贏咗場波，就覺得隊波掂晒，「We are so back!」，下場實贏硬；輸咗場波，就覺得世界末日，「It's over!」，之前贏嗰啲靚波？咩嚟㗎？唔記得喇。
最好嘅例子，就係輸俾新特蘭之後，有位球迷留言：「對利物浦場波踢得好勁，而家又打回原形...」。呢句說話，完美咁體現咗呢種心理。僅僅三星期前贏利物浦嗰場「大師級傑作」，已經俾輸俾新特蘭呢個「新真相」完全覆蓋。
心理學上，呢種現象叫做「近期偏誤」（Recency Bias）。簡單講，就係我哋個腦會自動放大最近發生嘅事，然後用呢件事嚟判斷所有嘢，唔記得睇返之前嘅大趨勢。
而呢個偏誤，就正正同我哋班主 BlueCo 成日掛喺口邊嘅「長期計畫」、「相信過程」產生咗根本性嘅衝突。班主用年甚至係三年做單位去考慮同投資；我哋球迷就用週做單位去判斷。呢種時間差，就令到好似馬蛇呢啲項目型領隊，處於一個極度不利嘅位置。佢嘅評價，唔係睇緊成個 Project 嘅進度，而係睇緊最近90分鐘嘅賽果。
我見到嘅嘢先係真 (確認偏誤)
而家睇車仔波，好似打仗咁，唔係撐馬蛇就係反馬蛇。兩派人壁壘分明，最得意嘅係，佢哋可以用同一場波，得出完全相反嘅結論。
「撐馬派」點睇？ 贏利物浦、大炒森林，就係戰術大師嘅證明；輸俾白禮頓、新特蘭呢？就係因為「個別球員派膠」、「黑仔」、「球證盲」。總之，體系冇問題。(可能我都係呢類人)
「反馬派」點睇？ 輸俾白禮頓、新特蘭，就係領隊「無料到」、「垃圾」嘅鐵證；咁贏利物浦呢？就係「靠運」、「靠二安神仙波」、「利物浦自己廢」。總之，唔關個領隊事。
呢種只係睇自己想睇嘅嘢、聽自己想聽嘅嘢，然後自動過濾晒所有相反證據嘅行為，心理學上就叫做「確認偏誤」（Confirmation Bias）。
結果就係，球迷之間嘅討論，唔再係理性分析場波踢成點，而係變成咗一場「邊個啱啲」嘅罵戰。大家唔係喺度搵真相，而係喺度搵子彈，去射死對面嗰個，間接都令我呢啲理性寫文嘅Blog主有少少難做。
我嬲，所以佢哋衰 (情緒推理)
有時輸波真係嬲到震，忍唔住要上網打返幾句發洩下：「踢到成 pat 屎咁！」、「不知所謂！」、「Disgraceful！」。呢啲充滿情緒嘅字眼，相信大家都唔會陌生。
呢個，就係第三重心理陷阱：「情緒推理」（Emotional Reasoning）。簡單講，就係我哋將自己嘅主觀感覺，直接當成咗客觀事實。
個邏輯係咁：
客觀事實：車仔主場輸俾新特蘭。
我嘅感覺：我感到極度憤怒、失望同羞恥。
情緒推理嘅結論：因為我感覺呢場波好羞家，所以呢場波嘅表現事實上就係「可恥」；因為我感覺俾領隊嘅無能呃咗，所以個領隊事實上就係一個「騙子」。
呢個偏誤，就係點解我哋鬧人嗰陣，啲用字會去到咁盡、咁侮辱性嘅原因。因為喺嗰一刻，「我嘅感覺就係真理」。你根本冇辦法用數據（例如控球率、xG）去反駁一個人嘅感覺。呢種將情感凌駕於事實嘅諗法，亦都係網上好多盲反言論嘅根源。
人講我又講 (從眾效應)
有時輸完波，自己本身都冇咁嬲，可能只係覺得有啲失望。點知一打開 Facebook、Reddit 睇下啲賽後討論，見到個個都屌到飛起，留言區一片「Maresca Out」嘅時候，自己嗰啖氣又即刻上返嚟，忍唔住要加把口鬧埋一份。呢種情況，相信好多球迷都經歷過。
呢個就係第四重心理陷阱：「從眾效應」（Bandwagon Effect）。簡單講，就係我哋好易俾大圍嘅氣氛影響，人做乜我做乜，人鬧乜我鬧乜。呢個羊群心理嘅背後，有好多原因，例如想埋堆、想企喺「啱」嗰邊、或者純粹驚俾人鬧。
而社交媒體平台，就好似 Reddit、X (即係 Twitter)、Facebook，就係呢個效應嘅「超級放大器」。就好似我哋輸俾新特蘭嗰場波之後，Reddit 個賽後 post 有成 3,900 個留言。當你一碌入去，見到成百上千嘅留言都係鬧緊馬蛇，你本身嗰少少嘅理性，好快就會被呢種排山倒海嘅「群體共識」所淹沒。
你嗰個「可能只係細查一時大意姐」嘅諗法，即刻就會變成「屌！原來個個都覺得佢廢！」。從眾效應，就係咁樣將理性嘅聲音邊緣化，令到極端嘅意見，睇落好似係唯一嘅真理。
總結：BlueCo 的十億投資，與球迷的心理時差
寫到呢度，我睇返轉頭，都覺得自己好似成篇文都喺度幫馬蛇講說話咁。係咪代表我覺得佢冇問題？絕對唔係。我都承認，球隊目前嘅表現，的確存在好多客觀問題。例如，有啲比賽係咪真係踢得太保守、冇Plan B？有啲換人調動，係咪真係值得商榷？輸俾新特蘭嗰場波，無論點樣分析心理，我哋踢得差都係事實。
所以，呢篇文嘅目的，唔係要否定所有批評嘅聲音。理性嘅戰術討論、對領隊排陣嘅質疑，絕對係健康同埋必要嘅。我想拆解嘅，只係嗰種由失望，演變成侮辱性謾罵、甚至係「人格謀殺」式攻擊嘅極端反應背後，可能有啲咩心理因素喺度作祟。
搞清楚呢點之後，我哋就可以返返嚟，總結成件事嘅核心矛盾：就係球會 BlueCo 嗰種高風險、高投入、需要時間同耐性嘅「長期項目」戰略，同我哋球迷俾四大心理陷阱（近期偏誤、確認偏誤、情緒推理、從眾效應）騎劫咗嘅、渴望即時滿足嘅短視心態，兩者之間存在住一個巨大嘅時間差。而領隊馬蛇，就不幸咁成為咗呢個巨大心理時差嘅「代罪羔羊」。
當然，知道咗呢啲「心魔」嘅存在，唔代表我哋下次輸波就唔會嬲。但或者，了解咗呢啲心理陷阱之後，下次我哋再經歷「過山車」嗰陣，可以嘗試俾多一秒自己，停一停、諗一諗，提醒自己區分清楚「合理批評」同「情緒發洩」，先至再撳掣鬧人。咁樣，無論對我哋自己嘅精神健康，定係對成個球迷社群嘅討論氣氛，可能都會係一件好事。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊