彭馬、高維爾、戴納... 我哋最新嘅文員部名單，長到可以打份施政報告出嚟，再次點燃咗車迷對「傷追人」詛咒嘅恐懼。
加上上場對新特蘭又輸波，自然好多車迷係我Facebook度咁將矛頭，指向馬蛇，仲有夏天嗰個又踢得辛苦、又壓縮季前備戰嘅世界冠軍球會盃。不過同時又會有第二把聲音出嚟反駁：「多9餘，又唔見同樣有踢嘅曼城、PSG出事？點解淨係得我哋咁慘？」
呢個「同人唔同命」嘅問題，問得非常好。究竟世冠盃係咪真係元兇？而如果係，點解呢隻病毒，喺我哋身上會特別致命？今次【車迷觀點】，我哋就要深入啲，用數據做一次「科學診斷」，拆解呢個謎團。
「煙幕」與「真相」：拆解傷病數據的魔鬼細節
要拆解呢個「同人唔同命」嘅問題，我哋首先要承認一個事實，如果齋睇表面數據，其他球迷嘅反駁，其實係有道理嘅。
數據的「煙幕」：總受傷次數
根據 The Athletic 嘅數據，如果我哋只係統計喺今季頭六場聯賽入面，導致球員需要缺陣嘅總受傷次數，我哋車仔有8次，而曼城亦都有8次。兩隊都只係比往年同期輕微增加，睇落並冇戲劇性嘅分別。呢個，就係好多人會用嚟反駁我哋嘅「煙幕」，大家都係踢完世冠盃，受傷數字都差唔多，你哋車仔呻乜春？
數據的「真相」：軟組織災難
但魔鬼就喺細節入面。當我哋將啲傷患種類拆開嚟睇，一個驚人嘅真相就浮現。同樣係 The Athletic 嘅數據，如果我哋淨係睇肌肉、腿筋、腹股溝呢類「軟組織受傷」（soft-tissue injuries），個畫面就完全唔同。曼城今季同期有3次，同往年差唔多；而我哋車仔Double咗？足足有6次！
呢個數字有幾恐怖？就係我哋今季頭六個禮拜嘅軟組織受傷次數，已經等於過去三季同期加埋嘅總和。
分析：唔係唔好彩，係系統性過勞
呢個數據嘅意義，就係將「唔好彩」同「系統性問題」完全區分開。俾人踢斷腳，嗰啲叫唔好彩；但成隊波輪住拉傷肌肉、腿筋，呢個就係典型嘅「過勞」、「恢復不足」同「季前備戰唔夠」嘅警號。數據嘅真相好清晰，我哋嘅問題，唔係源於比賽中嘅意外碰撞，而係我哋球員嘅身體，已經喺一個集體奶嘢嘅邊緣。而家，我哋就要分析，點解呢個奶嘢危機，喺我哋身上會特別嚴重。
為何病毒在我哋身上「變種」？三大脆弱性分析
既然數據話俾我哋知，我哋嘅問題係「軟組織災難」。咁下一個問題就係：點解同樣係踢完世冠盃，呢隻「病毒」喺我哋身上會變種得特別犀利，但喺曼城、PSG 身上就好似普通感冒咁？答案，就係我哋本身嘅「底子」差，有三大「長期病患」。
共同的「病毒源頭」：被犧牲的季前賽
首先，我哋要公平啲講，根據全球球員工會 FIFPro 嘅報告，所有參加世冠盃嘅球隊，都冇得到足夠嘅休息同備戰時間. 所以，大家其實都中咗同一樣「病毒」，個風險基礎係一樣嘅。但點解我哋病得最甘？
脆弱性一：陣容的「幼齒化」
第一個原因，就係我哋同曼城、PSG 最大嘅分別，我哋係全英超最年輕嘅球隊。人哋嘅陣容，無論係平均年齡定身體對抗性，都係成熟嘅「大人」；而我哋，就係一班仲喺度發育緊嘅「細路」。同樣一個十號風球，吹冧一間草屋，但未必吹得冧一間石屋。我哋隊中，本身就已經有占士、科芬拿呢啲玻璃人存在。當成隊波嘅身體都未 ready，佢哋率先出事，係可以預見嘅。
脆弱性二：賽程的「強度躍升」
第二個原因，就係賽程強度嘅「級數」唔同。曼城、PSG 呢啲球隊，本身已經習慣咗每年踢歐聯嘅最高強度節奏。但我哋呢？我哋上季踢嘅係歐協聯，對手係根特；今季就要踢歐聯，對手係拜仁。無論係比賽強度、定係舟車勞頓，都係一次巨大嘅「升級」。專家報告都指出，我哋今季歐洲賽嘅總飛行時數，會係上季嘅兩倍以上。喺一個本身已經「油缸見底」嘅情況下，突然要你行一條更斜、更長嘅路，唔爆偈就奇。
脆弱性三：輪換的不足
最後，亦都係最現實嘅一點，就係輪換深度。有專家就話，要應付咁嘅地獄賽程，你需要一個「巨大嘅陣容」去做輪換。曼城可以喺輪換時，換入另一個世界級球員；但我哋嘅情況係，傷一個主力，就要無經驗嘅小朋友去頂。當核心球員因傷缺陣或狀態不足時，球隊嘅整體表現就會直線下滑。
呢點，連馬蛇自己喺輸俾新特蘭之後都承認：「我哋整體就係唔夠好（not good enough）。喺英超，當你唔夠好，後果就會好嚴重。」。呢種輪換深度嘅差距，就決定咗喺呢場消耗戰入面，邊個會先頂唔順。
8600萬鎊的代價與「未來處方」
拆解完成個謎團，我哋可以得出一個結論。我哋今季嘅傷病潮，並唔係單純因為世冠盃，而係「世冠盃」呢個催化劑，點燃咗我哋本身已經存在嘅「年輕化」、「賽程升級」同「輪換不足」呢三個火藥桶，最終引爆咗呢場「完美風暴」.
而呢場風暴嘅影響有幾深遠？馬蛇喺輸俾新特蘭後嘅一個「爆料」，就係最赤裸裸嘅證據。佢親口承認，隊中幾個核心球員，好似祖奧柏度、安素、同卡些度，因為要處理各自嘅傷患問題，根本就冇辦法日日正常操練！佢哋只係「盡力去踢比賽」（make the effort to play）。當你連主力都操唔足，只能夠「夾硬頂」嘅時候，你又點樣可以期望球隊踢出穩定嘅表現？
呢個，可以話係一場「魔鬼交易」。根據報導，我哋喺世冠盃贏到嘅獎金，估計高達 8,620萬英鎊。但為咗呢筆錢同一個獎盃，犧牲咗半隊波嘅健康，呢單交易，究竟值唔值？
咁未來可以點？專家就開咗兩劑「處方」。第一，係球會同球迷必須要接受輪換呢個現實，唔穩定係必然的結果。第二，係我哋嘅運動科學要再「升級」，由淨係睇跑動距離，進化到要監測球員嘅身體「反應」，做更主動嘅預防。
馬蛇自己都講，未來都仲想繼續踢世冠盃。咁就意味住，如果我哋唔喺呢啲方面作出改變，今季呢場傷病噩夢，好可能只係一個開始。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
加上上場對新特蘭又輸波，自然好多車迷係我Facebook度咁將矛頭，指向馬蛇，仲有夏天嗰個又踢得辛苦、又壓縮季前備戰嘅世界冠軍球會盃。不過同時又會有第二把聲音出嚟反駁：「多9餘，又唔見同樣有踢嘅曼城、PSG出事？點解淨係得我哋咁慘？」
呢個「同人唔同命」嘅問題，問得非常好。究竟世冠盃係咪真係元兇？而如果係，點解呢隻病毒，喺我哋身上會特別致命？今次【車迷觀點】，我哋就要深入啲，用數據做一次「科學診斷」，拆解呢個謎團。
「煙幕」與「真相」：拆解傷病數據的魔鬼細節
要拆解呢個「同人唔同命」嘅問題，我哋首先要承認一個事實，如果齋睇表面數據，其他球迷嘅反駁，其實係有道理嘅。
數據的「煙幕」：總受傷次數
根據 The Athletic 嘅數據，如果我哋只係統計喺今季頭六場聯賽入面，導致球員需要缺陣嘅總受傷次數，我哋車仔有8次，而曼城亦都有8次。兩隊都只係比往年同期輕微增加，睇落並冇戲劇性嘅分別。呢個，就係好多人會用嚟反駁我哋嘅「煙幕」，大家都係踢完世冠盃，受傷數字都差唔多，你哋車仔呻乜春？
數據的「真相」：軟組織災難
但魔鬼就喺細節入面。當我哋將啲傷患種類拆開嚟睇，一個驚人嘅真相就浮現。同樣係 The Athletic 嘅數據，如果我哋淨係睇肌肉、腿筋、腹股溝呢類「軟組織受傷」（soft-tissue injuries），個畫面就完全唔同。曼城今季同期有3次，同往年差唔多；而我哋車仔Double咗？足足有6次！
呢個數字有幾恐怖？就係我哋今季頭六個禮拜嘅軟組織受傷次數，已經等於過去三季同期加埋嘅總和。
分析：唔係唔好彩，係系統性過勞
呢個數據嘅意義，就係將「唔好彩」同「系統性問題」完全區分開。俾人踢斷腳，嗰啲叫唔好彩；但成隊波輪住拉傷肌肉、腿筋，呢個就係典型嘅「過勞」、「恢復不足」同「季前備戰唔夠」嘅警號。數據嘅真相好清晰，我哋嘅問題，唔係源於比賽中嘅意外碰撞，而係我哋球員嘅身體，已經喺一個集體奶嘢嘅邊緣。而家，我哋就要分析，點解呢個奶嘢危機，喺我哋身上會特別嚴重。
為何病毒在我哋身上「變種」？三大脆弱性分析
既然數據話俾我哋知，我哋嘅問題係「軟組織災難」。咁下一個問題就係：點解同樣係踢完世冠盃，呢隻「病毒」喺我哋身上會變種得特別犀利，但喺曼城、PSG 身上就好似普通感冒咁？答案，就係我哋本身嘅「底子」差，有三大「長期病患」。
共同的「病毒源頭」：被犧牲的季前賽
首先，我哋要公平啲講，根據全球球員工會 FIFPro 嘅報告，所有參加世冠盃嘅球隊，都冇得到足夠嘅休息同備戰時間. 所以，大家其實都中咗同一樣「病毒」，個風險基礎係一樣嘅。但點解我哋病得最甘？
脆弱性一：陣容的「幼齒化」
第一個原因，就係我哋同曼城、PSG 最大嘅分別，我哋係全英超最年輕嘅球隊。人哋嘅陣容，無論係平均年齡定身體對抗性，都係成熟嘅「大人」；而我哋，就係一班仲喺度發育緊嘅「細路」。同樣一個十號風球，吹冧一間草屋，但未必吹得冧一間石屋。我哋隊中，本身就已經有占士、科芬拿呢啲玻璃人存在。當成隊波嘅身體都未 ready，佢哋率先出事，係可以預見嘅。
脆弱性二：賽程的「強度躍升」
第二個原因，就係賽程強度嘅「級數」唔同。曼城、PSG 呢啲球隊，本身已經習慣咗每年踢歐聯嘅最高強度節奏。但我哋呢？我哋上季踢嘅係歐協聯，對手係根特；今季就要踢歐聯，對手係拜仁。無論係比賽強度、定係舟車勞頓，都係一次巨大嘅「升級」。專家報告都指出，我哋今季歐洲賽嘅總飛行時數，會係上季嘅兩倍以上。喺一個本身已經「油缸見底」嘅情況下，突然要你行一條更斜、更長嘅路，唔爆偈就奇。
脆弱性三：輪換的不足
最後，亦都係最現實嘅一點，就係輪換深度。有專家就話，要應付咁嘅地獄賽程，你需要一個「巨大嘅陣容」去做輪換。曼城可以喺輪換時，換入另一個世界級球員；但我哋嘅情況係，傷一個主力，就要無經驗嘅小朋友去頂。當核心球員因傷缺陣或狀態不足時，球隊嘅整體表現就會直線下滑。
呢點，連馬蛇自己喺輸俾新特蘭之後都承認：「我哋整體就係唔夠好（not good enough）。喺英超，當你唔夠好，後果就會好嚴重。」。呢種輪換深度嘅差距，就決定咗喺呢場消耗戰入面，邊個會先頂唔順。
8600萬鎊的代價與「未來處方」
拆解完成個謎團，我哋可以得出一個結論。我哋今季嘅傷病潮，並唔係單純因為世冠盃，而係「世冠盃」呢個催化劑，點燃咗我哋本身已經存在嘅「年輕化」、「賽程升級」同「輪換不足」呢三個火藥桶，最終引爆咗呢場「完美風暴」.
而呢場風暴嘅影響有幾深遠？馬蛇喺輸俾新特蘭後嘅一個「爆料」，就係最赤裸裸嘅證據。佢親口承認，隊中幾個核心球員，好似祖奧柏度、安素、同卡些度，因為要處理各自嘅傷患問題，根本就冇辦法日日正常操練！佢哋只係「盡力去踢比賽」（make the effort to play）。當你連主力都操唔足，只能夠「夾硬頂」嘅時候，你又點樣可以期望球隊踢出穩定嘅表現？
呢個，可以話係一場「魔鬼交易」。根據報導，我哋喺世冠盃贏到嘅獎金，估計高達 8,620萬英鎊。但為咗呢筆錢同一個獎盃，犧牲咗半隊波嘅健康，呢單交易，究竟值唔值？
咁未來可以點？專家就開咗兩劑「處方」。第一，係球會同球迷必須要接受輪換呢個現實，唔穩定係必然的結果。第二，係我哋嘅運動科學要再「升級」，由淨係睇跑動距離，進化到要監測球員嘅身體「反應」，做更主動嘅預防。
馬蛇自己都講，未來都仲想繼續踢世冠盃。咁就意味住，如果我哋唔喺呢啲方面作出改變，今季呢場傷病噩夢，好可能只係一個開始。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊