一個新球季開始咗差唔多兩個月，但我哋車仔件波衫嘅心口，依然係尷尬咁全裸緊。呢個贊助真空期，已經成為球迷圈一個持續嘅笑話。
不過，最近終於又有啲風聲傳出。根據記者 Lukasz Bączek 嘅報導，原來球會一直都有同好多大品牌接觸，當中嘅名單，就包括咗紅牛（Red Bull）、甲骨文（Oracle）、聯想（Lenovo）同埋卡塔爾航空（Qatar Airways），然後今日仲爆，TA嘅Simon Johnson話我哋已經同幾間公司進入咗「非常深入」(very advanced)嘅階段，好快就會有最終決定！
理所當然地就即刻引發咗車迷嘅幾個問題：第一，既然有傾，點解會拖咁Q耐？第二，同其他豪門比，我哋個價位係咪合理，定係車仔咬太大啖所以先搞咁耐？第三，呢幾個傳聞中嘅「金主」，究竟邊個先係最有可能、最適合我哋？今次【車迷觀點】，我哋就嚟逐點拆解。
解答「點解拖咁耐？」： 一場高風險的商業豪賭
先嚟解答第一個問題：點解我哋堂堂一個世界冠軍 (笑)，搵個心口贊助，可以搞足兩年都未搞掂？最主要嘅原因，就係我哋班主 BlueCo。
BlueCo 的「估值錨定」豪賭
根據報導，佢哋為我哋件波衫心口，標咗一個天價：每年 6,000萬英鎊。喺佢哋眼中，如果而家接受一份「平價」嘅長期合約（例如4,000萬鎊），就會將我哋個品牌價值定喺一個較低嘅水平，影響未來嘅議價能力同球會嘅總估值。所以，佢哋寧願犧牲短期幾千萬鎊嘅收入，都要企硬，等到一個肯出頂級價錢嘅金主出現。
過去兩年的波折：被聯賽KO、被球迷KO
而呢個企硬嘅過程，並唔順利。我哋喺過去兩年，其實試過幾次埋門，但都失敗告終。最初，我哋同 Paramount+ 傾得七七八八，點知俾英超聯賽以「轉播利益衝突」為由 Ban 咗。之後，我哋轉為同博彩公司 Stake.com 談判，結果就引發球迷強烈反彈，77%嘅球迷都反對。喺巨大嘅輿論壓力下，球會唯有跪低唔簽。
短期合約的「遮醜布」
結果就係，我哋過去兩季，都要靠啲短期合約去「遮醜」。由 Infinite Athlete 份一年合約，到上季尾 DAMAC 嗰份只係包幾場波嘅臨時贊助。呢啲都證明，要喺市場上，搵到一個肯俾我哋心目中個價嘅長期夥伴非常困難。
其他球會又點？ 英超贊助市場的殘酷現實
知道咗我哋班主企硬要高價，咁下一個問題就係：我哋個價，其實開得合唔合理？要解答呢個問題，或者睇下我哋啲競爭對手，個心口值緊幾多錢會好啲。
「六大豪門」的價目表
根據詳細嘅市場分析報告，英超「六大豪門」最新嘅心口贊助價位，大概係咁：
曼城 (Etihad Airways): 每年 6,750萬鎊 (但因為贊助商同班主有關聯，呢個價錢備受爭議)。
曼聯 (Snapdragon): 每年 6,000萬鎊 (呢個被視為市場上最頂級、最公正嘅金標準)。
利物浦 (Standard Chartered) & 阿仙奴 (Emirates): 大約每年 5,000萬鎊。
熱刺 (AIA): 每年 4,000萬鎊。
而我哋嘅目標價位呢？就係 6,000萬至6,500萬鎊。
「標竿擠壓」的困境
呢個「價目表」就解釋咗我哋嘅困境。我哋嘅叫價，目標係要睇齊甚至超越曼聯個「金標準」。但問題係，英超而家有「公平市值評估」（Fair Market Value）嘅規矩，去防止球會搵自己友公司，用天價贊助去繞過 FFP。
所以，我哋嘅管理層就陷入一個兩難局面：佢哋一方面，要說服贊助商，我哋嘅品牌價值比曼聯更高，值得出一個破紀錄嘅價錢 (真係得？)；另一方面，佢哋仲要向英超聯賽證明，呢個破紀錄嘅價錢係「公平合理」，而唔係「報大數」。呢個雙重挑戰，就係令到談判變得咁複雜、咁漫長嘅原因之一。
咁傳聞堆名單有冇料到？潛在金主逐個睇
既然知道咗我哋叫價高，又知道市場競爭激烈，咁我哋就要睇下，傳聞中嗰幾個有興趣嘅大品牌，究竟有幾大可能性。
紅牛 (Red Bull)：最有趣但可能性最低
認真，見到個名單果刻，我已經覺得紅牛係名單上最有趣嘅一個。年輕、有活力嘅品牌形象，同我哋隊波嘅幼齒化路線好夾。但問題係，紅牛嘅市場策略，核心係擁有球會（例如萊比錫、薩爾斯堡），而唔係贊助人哋嘅球會。贊助我哋，會同佢哋自己嘅品牌策略有衝突，所以可能性極低。
卡塔爾航空 (Qatar Airways)：財力雄厚但風險高
另一個候選人卡塔爾航空絕對有能力滿足我哋嘅叫價，佢哋贊助 PSG 嘅金額就係一個證明。但最大嘅問題係聲譽風險。經歷過 Stake.com 事件嘅反彈之後，球會喺呢個時候，再同一個有「體育洗白」（Sportswashing）爭議嘅國家主權相關實體合作，個公關災難風險實在太高。
聯想 (Lenovo)：穩陣但財力成疑
聯想就係一個穩陣嘅選擇，品牌形象好，聲譽風險低。但問題係，佢哋過往嘅體育贊助規模，例如贊助國米球衣背面，每年只係三百萬歐元左右。要佢哋突然拎六千萬鎊出嚟，似乎有啲天方夜譚。
甲骨文 (Oracle)：最有可能的真命天子？
分析到最後，最大機會嘅，似乎就係美國科技巨頭甲骨文。佢哋完美符合晒所有條件：
財力雄厚： 佢哋贊助 F1 紅牛車隊，五年合約值三億美金，證明佢哋絕對俾得起錢。
品牌契合： 呢個係最關鍵嘅一點。甲骨文係搞雲端、數據分析、AI 嘅。呢種「科技」、「數據驅動」、「性能優化」嘅形象，同我哋班主 BlueCo 想建立嘅「現代化車路士」人設，可以話係完美契合。
風險極低： 作為一間聲譽良好嘅藍籌股公司，佢哋幾乎冇任何負面新聞。唯一要講嘅風險，就係會唔會背後同班主清湖有聯繫，引發利益交換嘅問題。
但如果要我喺呢份名單入面揀一個，甲骨文睇落仍然係最理想、最有可能嘅答案。
總結：
我哋心口呢個空位，其實就係我哋新班主 BlueCo 俾我哋球迷上嘅第一課，一堂關於「私募股權」（Private Equity）嘅入門課。我哋以前習慣嘅，係油王嗰種不計成本、為咗冠軍可以燒錢嘅「浪漫足球」。但而家，我哋要學識嘅，係一套完全唔同嘅語言：「資產增值」、「估值錨定」、「長期回報」。
呢場高風險嘅商業賭搏，可能會為球會帶嚟一個更賺錢嘅未來，我哋只能夠選擇相信。但喺等到「真命天子」出現之前，我哋每一次見到球員著住件「裸胸」波衫出場，心入面嗰種空虛嘅感覺，或者就係呢個新時代，我哋作為球迷，必須要適應嘅一部分。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
不過，最近終於又有啲風聲傳出。根據記者 Lukasz Bączek 嘅報導，原來球會一直都有同好多大品牌接觸，當中嘅名單，就包括咗紅牛（Red Bull）、甲骨文（Oracle）、聯想（Lenovo）同埋卡塔爾航空（Qatar Airways），然後今日仲爆，TA嘅Simon Johnson話我哋已經同幾間公司進入咗「非常深入」(very advanced)嘅階段，好快就會有最終決定！
理所當然地就即刻引發咗車迷嘅幾個問題：第一，既然有傾，點解會拖咁Q耐？第二，同其他豪門比，我哋個價位係咪合理，定係車仔咬太大啖所以先搞咁耐？第三，呢幾個傳聞中嘅「金主」，究竟邊個先係最有可能、最適合我哋？今次【車迷觀點】，我哋就嚟逐點拆解。
解答「點解拖咁耐？」： 一場高風險的商業豪賭
先嚟解答第一個問題：點解我哋堂堂一個世界冠軍 (笑)，搵個心口贊助，可以搞足兩年都未搞掂？最主要嘅原因，就係我哋班主 BlueCo。
BlueCo 的「估值錨定」豪賭
根據報導，佢哋為我哋件波衫心口，標咗一個天價：每年 6,000萬英鎊。喺佢哋眼中，如果而家接受一份「平價」嘅長期合約（例如4,000萬鎊），就會將我哋個品牌價值定喺一個較低嘅水平，影響未來嘅議價能力同球會嘅總估值。所以，佢哋寧願犧牲短期幾千萬鎊嘅收入，都要企硬，等到一個肯出頂級價錢嘅金主出現。
過去兩年的波折：被聯賽KO、被球迷KO
而呢個企硬嘅過程，並唔順利。我哋喺過去兩年，其實試過幾次埋門，但都失敗告終。最初，我哋同 Paramount+ 傾得七七八八，點知俾英超聯賽以「轉播利益衝突」為由 Ban 咗。之後，我哋轉為同博彩公司 Stake.com 談判，結果就引發球迷強烈反彈，77%嘅球迷都反對。喺巨大嘅輿論壓力下，球會唯有跪低唔簽。
短期合約的「遮醜布」
結果就係，我哋過去兩季，都要靠啲短期合約去「遮醜」。由 Infinite Athlete 份一年合約，到上季尾 DAMAC 嗰份只係包幾場波嘅臨時贊助。呢啲都證明，要喺市場上，搵到一個肯俾我哋心目中個價嘅長期夥伴非常困難。
其他球會又點？ 英超贊助市場的殘酷現實
知道咗我哋班主企硬要高價，咁下一個問題就係：我哋個價，其實開得合唔合理？要解答呢個問題，或者睇下我哋啲競爭對手，個心口值緊幾多錢會好啲。
「六大豪門」的價目表
根據詳細嘅市場分析報告，英超「六大豪門」最新嘅心口贊助價位，大概係咁：
曼城 (Etihad Airways): 每年 6,750萬鎊 (但因為贊助商同班主有關聯，呢個價錢備受爭議)。
曼聯 (Snapdragon): 每年 6,000萬鎊 (呢個被視為市場上最頂級、最公正嘅金標準)。
利物浦 (Standard Chartered) & 阿仙奴 (Emirates): 大約每年 5,000萬鎊。
熱刺 (AIA): 每年 4,000萬鎊。
而我哋嘅目標價位呢？就係 6,000萬至6,500萬鎊。
「標竿擠壓」的困境
呢個「價目表」就解釋咗我哋嘅困境。我哋嘅叫價，目標係要睇齊甚至超越曼聯個「金標準」。但問題係，英超而家有「公平市值評估」（Fair Market Value）嘅規矩，去防止球會搵自己友公司，用天價贊助去繞過 FFP。
所以，我哋嘅管理層就陷入一個兩難局面：佢哋一方面，要說服贊助商，我哋嘅品牌價值比曼聯更高，值得出一個破紀錄嘅價錢 (真係得？)；另一方面，佢哋仲要向英超聯賽證明，呢個破紀錄嘅價錢係「公平合理」，而唔係「報大數」。呢個雙重挑戰，就係令到談判變得咁複雜、咁漫長嘅原因之一。
咁傳聞堆名單有冇料到？潛在金主逐個睇
既然知道咗我哋叫價高，又知道市場競爭激烈，咁我哋就要睇下，傳聞中嗰幾個有興趣嘅大品牌，究竟有幾大可能性。
紅牛 (Red Bull)：最有趣但可能性最低
認真，見到個名單果刻，我已經覺得紅牛係名單上最有趣嘅一個。年輕、有活力嘅品牌形象，同我哋隊波嘅幼齒化路線好夾。但問題係，紅牛嘅市場策略，核心係擁有球會（例如萊比錫、薩爾斯堡），而唔係贊助人哋嘅球會。贊助我哋，會同佢哋自己嘅品牌策略有衝突，所以可能性極低。
卡塔爾航空 (Qatar Airways)：財力雄厚但風險高
另一個候選人卡塔爾航空絕對有能力滿足我哋嘅叫價，佢哋贊助 PSG 嘅金額就係一個證明。但最大嘅問題係聲譽風險。經歷過 Stake.com 事件嘅反彈之後，球會喺呢個時候，再同一個有「體育洗白」（Sportswashing）爭議嘅國家主權相關實體合作，個公關災難風險實在太高。
聯想 (Lenovo)：穩陣但財力成疑
聯想就係一個穩陣嘅選擇，品牌形象好，聲譽風險低。但問題係，佢哋過往嘅體育贊助規模，例如贊助國米球衣背面，每年只係三百萬歐元左右。要佢哋突然拎六千萬鎊出嚟，似乎有啲天方夜譚。
甲骨文 (Oracle)：最有可能的真命天子？
分析到最後，最大機會嘅，似乎就係美國科技巨頭甲骨文。佢哋完美符合晒所有條件：
財力雄厚： 佢哋贊助 F1 紅牛車隊，五年合約值三億美金，證明佢哋絕對俾得起錢。
品牌契合： 呢個係最關鍵嘅一點。甲骨文係搞雲端、數據分析、AI 嘅。呢種「科技」、「數據驅動」、「性能優化」嘅形象，同我哋班主 BlueCo 想建立嘅「現代化車路士」人設，可以話係完美契合。
風險極低： 作為一間聲譽良好嘅藍籌股公司，佢哋幾乎冇任何負面新聞。唯一要講嘅風險，就係會唔會背後同班主清湖有聯繫，引發利益交換嘅問題。
但如果要我喺呢份名單入面揀一個，甲骨文睇落仍然係最理想、最有可能嘅答案。
總結：
我哋心口呢個空位，其實就係我哋新班主 BlueCo 俾我哋球迷上嘅第一課，一堂關於「私募股權」（Private Equity）嘅入門課。我哋以前習慣嘅，係油王嗰種不計成本、為咗冠軍可以燒錢嘅「浪漫足球」。但而家，我哋要學識嘅，係一套完全唔同嘅語言：「資產增值」、「估值錨定」、「長期回報」。
呢場高風險嘅商業賭搏，可能會為球會帶嚟一個更賺錢嘅未來，我哋只能夠選擇相信。但喺等到「真命天子」出現之前，我哋每一次見到球員著住件「裸胸」波衫出場，心入面嗰種空虛嘅感覺，或者就係呢個新時代，我哋作為球迷，必須要適應嘅一部分。
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊