一個字，廢囉。
但如果係咁簡單一個字講完，應該好多車迷會去我Facebook退Like……
車仔今個夏天用接近五千萬鎊重金簽入嘅翼鋒基頓斯（Jamie Gittens），開季至今，交出嘅成績表係：0入球、0助攻。於是，佢就順理成章咁變成車路士陣中嘅「007」，史丹福橋嘅看台上，亦都開始出現失望嘅嘆氣聲同噓聲。我哋係咪又買錯咗人？呢個令人不安嘅問題，相信已經喺好多車迷心入面盤旋。
呢個情況之所以咁令人費解，係因為我哋買返嚟嘅，明明係一個喺德甲呼風喚雨嘅「盤扭之王」，一個被譽為「防守者噩夢」嘅頂級天才。點解一個咁有天份嘅球員，嚟到車仔之後，會突然之間「跌watt」，變得黯淡無光？
今次【車迷觀點】，我哋就要正視呢個問題。我哋會用冷冰冰嘅數據，先為基頓斯做一次全面嘅「身體檢查」，診斷佢「全方位下滑」嘅嚴重程度；然後，再深入探討背後可能嘅三大「病因」：究竟係戰術問題、信心問題、定係純粹嘅實力問題？
診斷報告：數據下的「全方位下滑」
好，我哋就即刻為基頓斯做一次詳細嘅「身體檢查」。我哋將佢喺多蒙特最後一個完整球季（24/25）嘅數據，同佢今季喺車仔嘅表現，做一次殘酷嘅 Before & After 對比。
鈍化的最強武器：慘不忍睹的盤扭數據
我哋簽基頓斯，最主要就係買佢對腳：佢世界級嘅盤扭能力。但數據顯示，佢呢件最強武器，嚟到車仔之後，竟然嚴重鈍化。喺多蒙特，佢每90分鐘會嘗試接近 8次 過人，成功 3.57次；嚟到車仔，佢連試都唔敢試，嘗試次數大跌到得 4.76次，而成功次數更跌到得 1.90次，直接斬半！唔只係咁，佢嘅控球失誤（Miscontrols）次數，仲要不跌反升。證明佢唔只係踢得保守咗，直情係連信心都冇埋。
虛假的「傳球王」假象
或者你會話，我哋季初見到佢傳球成功率好高喎！但呢個，就係最誤導人嘅數據。根據更詳細嘅分析，佢嘅高成功率，係建基於大量安全嘅短傳。真正有威脅嘅傳送呢？佢傳入禁區嘅次數，係 1 次。冇錯，係 1 次。呢個數據，描繪出一個令人心寒嘅畫面：一個唔敢向前、只敢橫傳同回傳嘅翼鋒。
消失的入球威脅
最後，睇返佢嘅本行：入球。佢嘅射門命中率，由多蒙特時期嘅 40.3%，大跌到得返 28.6%。唔敢扭、唔敢傳、連射門都唔準。數據嘅診斷報告好清晰：基頓斯唔係「轉型」，而係「全方位下滑」。
尋找病因： 三大可能性
好，診斷報告出爐，醫生話個結果係「情況不樂觀」。咁下一個問題就係：究竟個「病因」係咩？點解一個喺德國生龍活虎嘅天才，嚟到我哋度會突然變咗水貨？我哋可以從三個可能性去探討。
可能性一：戰術的枷鎖？
第一個可能性，亦都係最多人討論嘅，就係馬蛇嘅戰術體系。我哋之前講過，「馬蛇Ball」極度強調控球權同戰術紀律。基頓斯喺多蒙特，係一個自由度好大嘅爆破手；但喺馬蛇手下，每一次失敗嘅盤扭，都等於失去一次寶貴嘅控球權。會唔會就係呢種「唔衰得」嘅壓力，令佢唔敢再好似以前咁樣去冒險，寧願選擇最安全嘅回傳，結果就變成我哋喺數據上見到，嗰個冇威脅嘅「傳球王」？
可能性二：信心的崩潰？
第二個可能性，就係純粹嘅心理問題。我哋名宿馬路達嘅「過來人」分享，就為我哋提供咗最佳嘅參考。佢提醒我哋，就算係佢當年頂住世界盃亞軍光環加盟，第一季都一樣「水土不服」，俾球迷噓。呢個證明，史丹福橋嘅壓力，從來都唔係講笑。
但馬路達跟住就指出一個最關鍵嘅分別：「環境」。佢當年加盟，更衣室入面坐住嘅係泰利、林伯特、杜奧巴呢班大佬，可以幫佢分擔壓力、指點迷津。但而家嘅車路士，係全英超最年輕嘅球隊，個個都係小朋友，冇一個老大哥可以喺逆境時，拍下基頓斯膊頭同佢講句頂住。所有壓力，由接近五千萬鎊嘅轉會費、到球迷嘅噓聲、再到加拿祖嘅競爭，全部都要呢個21歲嘅後生仔自己硬食。
馬路達俾年輕球員嘅忠告係，要「無畏無懼」（Fearless）。但諷刺嘅係，我哋喺數據上見到嘅，正正就係一個失去咗「無畏」嘅基頓斯：盤扭嘗試大減、傳球只敢橫傳同回傳。呢個強烈嘅反差，或者就係佢信心崩潰嘅最佳寫照。
可能性三：英超的現實？
最後一個可能性，亦都係最簡單直接嘅一個：「德甲稅」。
或者好多車迷都係咁講，英超後衛嘅身體質素、防守紀律同戰術水平，整體係比德甲高。一個球員喺德國可以輕鬆用速度同盤扭「屈機」，唔代表嚟到英超，仲可以一樣咁屈。
基頓斯嘅掙扎，可能只係反映緊一個殘酷嘅現實：佢喺德國嗰套 1v1 嘅絕招，嚟到英超，已經唔再係一個必殺技。
總結：十字路口的年輕天才
好，拆解完基頓斯「跌watt」背後嘅三大可能性，我哋會發現，佢嘅困境，好可能並唔係單一原因造成，而係一個「完美風暴」：一個可能過於嚴格嘅戰術體系，撞正一個信心崩潰嘅年輕球員，再加埋一個水平更高嘅競技環境。
咁可以點樣「解」？首先，個波喺基頓斯自己腳下。佢需要搵返當初喺多蒙特嗰種唔怕死嘅精神。正如馬路達所講，喺車路士踢波，冇得怯。佢需要喺訓練中重新證明自己，敢於嘗試 1v1，唔好再為咗嗰個虛假嘅「傳球成功率」，而犧牲自己最大嘅武器。
但同時，馬蛇亦都有責任。一個好嘅教頭，係應該要識發揮同遷就「硬件」嘅特性。我哋用接近五千萬鎊買返嚟嘅，係一把盤扭尖刀，而唔係一個安全至上嘅邊路工兵。領隊係咪可以喺戰術上，俾返多啲自由度佢同開火權俾佢？容許佢有更高嘅「失敗率」，去換取佢可能帶嚟嘅「爆破點」？呢個係一個值得教練團深思嘅問題。
基頓斯嘅故事，係一個典型嘅「天才少年煩惱」。佢嘅天份毋庸置疑，但佢正處於一個關鍵嘅十字路口。我哋作為球迷，喺失望嘅同時，或者亦都可以俾多啲耐性。畢竟，馬路達又好，杜奧巴都好都用咗一年時間先適應。我哋唯有希望，球員同教練，能夠快啲搵到一個共存嘅方法，唔好俾呢位曾經嘅「盤扭之王」，最終真係變成一個名過其實嘅「007」。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
但如果係咁簡單一個字講完，應該好多車迷會去我Facebook退Like……
車仔今個夏天用接近五千萬鎊重金簽入嘅翼鋒基頓斯（Jamie Gittens），開季至今，交出嘅成績表係：0入球、0助攻。於是，佢就順理成章咁變成車路士陣中嘅「007」，史丹福橋嘅看台上，亦都開始出現失望嘅嘆氣聲同噓聲。我哋係咪又買錯咗人？呢個令人不安嘅問題，相信已經喺好多車迷心入面盤旋。
呢個情況之所以咁令人費解，係因為我哋買返嚟嘅，明明係一個喺德甲呼風喚雨嘅「盤扭之王」，一個被譽為「防守者噩夢」嘅頂級天才。點解一個咁有天份嘅球員，嚟到車仔之後，會突然之間「跌watt」，變得黯淡無光？
今次【車迷觀點】，我哋就要正視呢個問題。我哋會用冷冰冰嘅數據，先為基頓斯做一次全面嘅「身體檢查」，診斷佢「全方位下滑」嘅嚴重程度；然後，再深入探討背後可能嘅三大「病因」：究竟係戰術問題、信心問題、定係純粹嘅實力問題？
診斷報告：數據下的「全方位下滑」
好，我哋就即刻為基頓斯做一次詳細嘅「身體檢查」。我哋將佢喺多蒙特最後一個完整球季（24/25）嘅數據，同佢今季喺車仔嘅表現，做一次殘酷嘅 Before & After 對比。
鈍化的最強武器：慘不忍睹的盤扭數據
我哋簽基頓斯，最主要就係買佢對腳：佢世界級嘅盤扭能力。但數據顯示，佢呢件最強武器，嚟到車仔之後，竟然嚴重鈍化。喺多蒙特，佢每90分鐘會嘗試接近 8次 過人，成功 3.57次；嚟到車仔，佢連試都唔敢試，嘗試次數大跌到得 4.76次，而成功次數更跌到得 1.90次，直接斬半！唔只係咁，佢嘅控球失誤（Miscontrols）次數，仲要不跌反升。證明佢唔只係踢得保守咗，直情係連信心都冇埋。
虛假的「傳球王」假象
或者你會話，我哋季初見到佢傳球成功率好高喎！但呢個，就係最誤導人嘅數據。根據更詳細嘅分析，佢嘅高成功率，係建基於大量安全嘅短傳。真正有威脅嘅傳送呢？佢傳入禁區嘅次數，係 1 次。冇錯，係 1 次。呢個數據，描繪出一個令人心寒嘅畫面：一個唔敢向前、只敢橫傳同回傳嘅翼鋒。
消失的入球威脅
最後，睇返佢嘅本行：入球。佢嘅射門命中率，由多蒙特時期嘅 40.3%，大跌到得返 28.6%。唔敢扭、唔敢傳、連射門都唔準。數據嘅診斷報告好清晰：基頓斯唔係「轉型」，而係「全方位下滑」。
尋找病因： 三大可能性
好，診斷報告出爐，醫生話個結果係「情況不樂觀」。咁下一個問題就係：究竟個「病因」係咩？點解一個喺德國生龍活虎嘅天才，嚟到我哋度會突然變咗水貨？我哋可以從三個可能性去探討。
可能性一：戰術的枷鎖？
第一個可能性，亦都係最多人討論嘅，就係馬蛇嘅戰術體系。我哋之前講過，「馬蛇Ball」極度強調控球權同戰術紀律。基頓斯喺多蒙特，係一個自由度好大嘅爆破手；但喺馬蛇手下，每一次失敗嘅盤扭，都等於失去一次寶貴嘅控球權。會唔會就係呢種「唔衰得」嘅壓力，令佢唔敢再好似以前咁樣去冒險，寧願選擇最安全嘅回傳，結果就變成我哋喺數據上見到，嗰個冇威脅嘅「傳球王」？
可能性二：信心的崩潰？
第二個可能性，就係純粹嘅心理問題。我哋名宿馬路達嘅「過來人」分享，就為我哋提供咗最佳嘅參考。佢提醒我哋，就算係佢當年頂住世界盃亞軍光環加盟，第一季都一樣「水土不服」，俾球迷噓。呢個證明，史丹福橋嘅壓力，從來都唔係講笑。
但馬路達跟住就指出一個最關鍵嘅分別：「環境」。佢當年加盟，更衣室入面坐住嘅係泰利、林伯特、杜奧巴呢班大佬，可以幫佢分擔壓力、指點迷津。但而家嘅車路士，係全英超最年輕嘅球隊，個個都係小朋友，冇一個老大哥可以喺逆境時，拍下基頓斯膊頭同佢講句頂住。所有壓力，由接近五千萬鎊嘅轉會費、到球迷嘅噓聲、再到加拿祖嘅競爭，全部都要呢個21歲嘅後生仔自己硬食。
馬路達俾年輕球員嘅忠告係，要「無畏無懼」（Fearless）。但諷刺嘅係，我哋喺數據上見到嘅，正正就係一個失去咗「無畏」嘅基頓斯：盤扭嘗試大減、傳球只敢橫傳同回傳。呢個強烈嘅反差，或者就係佢信心崩潰嘅最佳寫照。
可能性三：英超的現實？
最後一個可能性，亦都係最簡單直接嘅一個：「德甲稅」。
或者好多車迷都係咁講，英超後衛嘅身體質素、防守紀律同戰術水平，整體係比德甲高。一個球員喺德國可以輕鬆用速度同盤扭「屈機」，唔代表嚟到英超，仲可以一樣咁屈。
基頓斯嘅掙扎，可能只係反映緊一個殘酷嘅現實：佢喺德國嗰套 1v1 嘅絕招，嚟到英超，已經唔再係一個必殺技。
總結：十字路口的年輕天才
好，拆解完基頓斯「跌watt」背後嘅三大可能性，我哋會發現，佢嘅困境，好可能並唔係單一原因造成，而係一個「完美風暴」：一個可能過於嚴格嘅戰術體系，撞正一個信心崩潰嘅年輕球員，再加埋一個水平更高嘅競技環境。
咁可以點樣「解」？首先，個波喺基頓斯自己腳下。佢需要搵返當初喺多蒙特嗰種唔怕死嘅精神。正如馬路達所講，喺車路士踢波，冇得怯。佢需要喺訓練中重新證明自己，敢於嘗試 1v1，唔好再為咗嗰個虛假嘅「傳球成功率」，而犧牲自己最大嘅武器。
但同時，馬蛇亦都有責任。一個好嘅教頭，係應該要識發揮同遷就「硬件」嘅特性。我哋用接近五千萬鎊買返嚟嘅，係一把盤扭尖刀，而唔係一個安全至上嘅邊路工兵。領隊係咪可以喺戰術上，俾返多啲自由度佢同開火權俾佢？容許佢有更高嘅「失敗率」，去換取佢可能帶嚟嘅「爆破點」？呢個係一個值得教練團深思嘅問題。
基頓斯嘅故事，係一個典型嘅「天才少年煩惱」。佢嘅天份毋庸置疑，但佢正處於一個關鍵嘅十字路口。我哋作為球迷，喺失望嘅同時，或者亦都可以俾多啲耐性。畢竟，馬路達又好，杜奧巴都好都用咗一年時間先適應。我哋唯有希望，球員同教練，能夠快啲搵到一個共存嘅方法，唔好俾呢位曾經嘅「盤扭之王」，最終真係變成一個名過其實嘅「007」。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊