仲有兩日唔夠，我哋就要喺主場迎戰利物浦。大戰當前，本身已經夠緊張，點知英超官方送多份「驚喜」俾我哋：今場嘅執法球證，就係安東尼 泰萊（Anthony Taylor）。
相信所有車迷，無論新定舊，一見到呢個名，血壓都會即刻飆升。無論係爭議性紅牌，到各種雞毛蒜皮嘅不利判決，我哋喺佢手下瀨嘢嘅黑歷史，真係一匹布咁長。
正當我喺度絕望到想搵定速效救心丹嘅時候，我竟然喺x (姐係Twitter)，搵到一個好有趣嘅統計，有趣到，有啲似一個笑話... 原來，過去十幾年，泰萊總共吹過我哋對利物浦 6 次。而喺呢 6 場波入面，我哋嘅戰績係... 2勝4和，未輸過！
冇錯，你冇睇錯，我都冇寫錯。喺我哋嘅「剋星球證」手下，對住我哋嘅一個強勁對手，我哋竟然保持不敗金身。呢個劇本，係咪荒謬到有啲好笑呢？
戴返個頭盔先 ： 純屬巧合定天意？
好喇，喺我哋拎住呢個「不敗護身符」開始 J 之前，都要理性返少少，戴返個頭盔先。客觀嚟講，份數據報告嘅結論係，樣本太細（得6場），呢個不敗戰績好可能只係純屬巧合，統計學上冇乜特別意義。
但，我哋係球迷，唔係數學家係咪？大戰之前，心理大戰都係戰爭嘅一部分。既然有個咁有趣嘅「巧合」可以俾我哋打下氣，我哋又何樂而不為呢？
所以，喺下面嘅篇幅，我哋就暫時唔理科學，一於迷信到底，深入研究下，睇下呢個由泰萊意外創造出嚟嘅「吉祥不敗結界」，究竟有幾神奇。
重返案發現場：六場不敗的葫蘆裡賣咩藥？
既然決定咗要「迷信」，我哋就唔可以齋睇2勝4和呢個結果。我哋要好似查案咁，重返呢6場波嘅「案發現場」，睇下當中嘅細節，係咪真係咁「旺」我哋。
真係好運？定係應贏未贏？
我哋睇返呢6場波，尤其係近幾場和局，我哋真係佔盡優勢？定係其實泰萊唔止冇保佑我哋，仲剋住我哋啲運氣？最好嘅例子，就係 2023 年 4 月喺主場嗰場 0-0。根據數據，嗰場波我哋創造出嚟嘅預期入球（xG）高達 2.2，而利物浦只係得 0.3。個場面，係我哋應該要贏三球，但最後竟然係和波收場！從呢個角度睇，泰萊執法，我哋唔係「好運」，而係「黑仔」，明明踢得好都贏唔到！
關鍵判罰逐個睇：我哋真係有著數？
OK，可能入波運差啲，咁判罰上有冇著數攞？我哋睇返咁多場比賽入面，幾次最關鍵嘅 VAR/紅牌判罰。近幾年，總共有三次重大判罰：沙拿有個入球被 VAR 吹返越位，呢球我哋著數咗，冇錯。但唔好唔記得，占士嗰張紅牌，就係泰萊喺晏菲路送俾我哋嘅「禮物」；仲有上年，捷維爾一個靚絕嘅入球，亦都俾 VAR 吹咗越位。
計返條數，三次大判罰，我哋一得二失，其實仲係蝕底咗。所以，話泰萊特別關照我哋，數據上似乎又講唔通。
結界內的「神秘力量」
好，拆解完單獨嘅事件，我哋嘅結論好似有啲灰：原來喺細節上，我哋都冇乜著數攞，甚至有啲黑仔。但最奇怪、最玄學嘅地方就係，當我哋將個鏡頭拉闊，由「微觀」轉向「宏觀」，睇返整體數據嘅時候，一個完全相反嘅「奇蹟」就出現咗。
期望積分 (xPts) 超標完成
雖然喺關鍵判罰上我哋冇著數，但拉勻嚟睇，我哋喺泰萊（Taylor）執法下嘅總成績，竟然係穩定咁「超常發揮」！報告入面最「屈機」嘅 xPts 數據話我哋知：根據賽前賠率，我哋喺呢6場波夾埋，只係應該攞到約 6.9分。但結果呢？我哋實際攞咗 10分！呢個宏觀上嘅奇蹟，證明喺泰萊嘅「結界」入面，我哋總係有辦法攞到比預期更好嘅結果。
被遺忘的「公平哨子」
唔只係賽果，就連我哋最介意嘅「判罰尺度」，拉勻嚟睇，數據都係出乎意料地「正常」。無錯，我哋喺上部分提過占士張紅牌。但除咗呢個極端例子之外，如果我哋拉勻6場波嚟睇，整體黃牌數（12對11）同犯規數（59對61）都係同利物浦打成平手。呢個宏觀數據，再一次衝擊我哋對佢「逢車必反」嘅印象。原來喺不知不覺間，佢對住我哋，竟然吹得咁「公平」？ (雖然有更多佢發雞盲睇唔到唔判嘅情況…)
總結：袋住呢個護身符，迎戰利物浦
好喇，成篇文，我哋由最初嘅「驚到瀨屎」，到戴住頭盔話「純屬巧合」，再到深入研究發現「咦，好似又有啲料到喎」，成個心路歷程可以話係峰迴路轉。最後，我哋都要返返嚟現實，承認返份報告最科學嘅結論：因為樣本太細，所以統計學上，頭先我哋講嘅一切，可能全部都係「廢話」。
但，作為球迷，有時就係需要啲咁嘅「廢話」。喺我哋聽日深夜（星期六）就要喺主場硬撼利物浦，仲要撞正我安東尼泰萊呢個雙重打擊之下，任何可以增加到我哋丁點信心嘅嘢，都係寶貴嘅。
所以，喺場波開踢之前，我哋究竟應該相信我哋對泰萊嘅「黑仔」感覺，定係信呢份「吉祥」嘅數據？我就揀後者。至於你信不信，反正我信了。
聽日仲會出返篇正常嘅賽前預熱，敬請期待。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
相信所有車迷，無論新定舊，一見到呢個名，血壓都會即刻飆升。無論係爭議性紅牌，到各種雞毛蒜皮嘅不利判決，我哋喺佢手下瀨嘢嘅黑歷史，真係一匹布咁長。
正當我喺度絕望到想搵定速效救心丹嘅時候，我竟然喺x (姐係Twitter)，搵到一個好有趣嘅統計，有趣到，有啲似一個笑話... 原來，過去十幾年，泰萊總共吹過我哋對利物浦 6 次。而喺呢 6 場波入面，我哋嘅戰績係... 2勝4和，未輸過！
冇錯，你冇睇錯，我都冇寫錯。喺我哋嘅「剋星球證」手下，對住我哋嘅一個強勁對手，我哋竟然保持不敗金身。呢個劇本，係咪荒謬到有啲好笑呢？
戴返個頭盔先 ： 純屬巧合定天意？
好喇，喺我哋拎住呢個「不敗護身符」開始 J 之前，都要理性返少少，戴返個頭盔先。客觀嚟講，份數據報告嘅結論係，樣本太細（得6場），呢個不敗戰績好可能只係純屬巧合，統計學上冇乜特別意義。
但，我哋係球迷，唔係數學家係咪？大戰之前，心理大戰都係戰爭嘅一部分。既然有個咁有趣嘅「巧合」可以俾我哋打下氣，我哋又何樂而不為呢？
所以，喺下面嘅篇幅，我哋就暫時唔理科學，一於迷信到底，深入研究下，睇下呢個由泰萊意外創造出嚟嘅「吉祥不敗結界」，究竟有幾神奇。
重返案發現場：六場不敗的葫蘆裡賣咩藥？
既然決定咗要「迷信」，我哋就唔可以齋睇2勝4和呢個結果。我哋要好似查案咁，重返呢6場波嘅「案發現場」，睇下當中嘅細節，係咪真係咁「旺」我哋。
真係好運？定係應贏未贏？
我哋睇返呢6場波，尤其係近幾場和局，我哋真係佔盡優勢？定係其實泰萊唔止冇保佑我哋，仲剋住我哋啲運氣？最好嘅例子，就係 2023 年 4 月喺主場嗰場 0-0。根據數據，嗰場波我哋創造出嚟嘅預期入球（xG）高達 2.2，而利物浦只係得 0.3。個場面，係我哋應該要贏三球，但最後竟然係和波收場！從呢個角度睇，泰萊執法，我哋唔係「好運」，而係「黑仔」，明明踢得好都贏唔到！
關鍵判罰逐個睇：我哋真係有著數？
OK，可能入波運差啲，咁判罰上有冇著數攞？我哋睇返咁多場比賽入面，幾次最關鍵嘅 VAR/紅牌判罰。近幾年，總共有三次重大判罰：沙拿有個入球被 VAR 吹返越位，呢球我哋著數咗，冇錯。但唔好唔記得，占士嗰張紅牌，就係泰萊喺晏菲路送俾我哋嘅「禮物」；仲有上年，捷維爾一個靚絕嘅入球，亦都俾 VAR 吹咗越位。
計返條數，三次大判罰，我哋一得二失，其實仲係蝕底咗。所以，話泰萊特別關照我哋，數據上似乎又講唔通。
結界內的「神秘力量」
好，拆解完單獨嘅事件，我哋嘅結論好似有啲灰：原來喺細節上，我哋都冇乜著數攞，甚至有啲黑仔。但最奇怪、最玄學嘅地方就係，當我哋將個鏡頭拉闊，由「微觀」轉向「宏觀」，睇返整體數據嘅時候，一個完全相反嘅「奇蹟」就出現咗。
期望積分 (xPts) 超標完成
雖然喺關鍵判罰上我哋冇著數，但拉勻嚟睇，我哋喺泰萊（Taylor）執法下嘅總成績，竟然係穩定咁「超常發揮」！報告入面最「屈機」嘅 xPts 數據話我哋知：根據賽前賠率，我哋喺呢6場波夾埋，只係應該攞到約 6.9分。但結果呢？我哋實際攞咗 10分！呢個宏觀上嘅奇蹟，證明喺泰萊嘅「結界」入面，我哋總係有辦法攞到比預期更好嘅結果。
被遺忘的「公平哨子」
唔只係賽果，就連我哋最介意嘅「判罰尺度」，拉勻嚟睇，數據都係出乎意料地「正常」。無錯，我哋喺上部分提過占士張紅牌。但除咗呢個極端例子之外，如果我哋拉勻6場波嚟睇，整體黃牌數（12對11）同犯規數（59對61）都係同利物浦打成平手。呢個宏觀數據，再一次衝擊我哋對佢「逢車必反」嘅印象。原來喺不知不覺間，佢對住我哋，竟然吹得咁「公平」？ (雖然有更多佢發雞盲睇唔到唔判嘅情況…)
總結：袋住呢個護身符，迎戰利物浦
好喇，成篇文，我哋由最初嘅「驚到瀨屎」，到戴住頭盔話「純屬巧合」，再到深入研究發現「咦，好似又有啲料到喎」，成個心路歷程可以話係峰迴路轉。最後，我哋都要返返嚟現實，承認返份報告最科學嘅結論：因為樣本太細，所以統計學上，頭先我哋講嘅一切，可能全部都係「廢話」。
但，作為球迷，有時就係需要啲咁嘅「廢話」。喺我哋聽日深夜（星期六）就要喺主場硬撼利物浦，仲要撞正我安東尼泰萊呢個雙重打擊之下，任何可以增加到我哋丁點信心嘅嘢，都係寶貴嘅。
所以，喺場波開踢之前，我哋究竟應該相信我哋對泰萊嘅「黑仔」感覺，定係信呢份「吉祥」嘅數據？我就揀後者。至於你信不信，反正我信了。
聽日仲會出返篇正常嘅賽前預熱，敬請期待。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊