上一篇《戰術覆盤》，我哋已經分析過呢場1:0勝仗背後嘅戰術博弈同混亂。但一場波嘅勝負，最終都係由場上嘅球員去決定。
喺呢場充滿肉搏同爭議嘅比賽入面，邊個球員係撐起球隊嘅英雄？邊個又因為紀律問題而成為罪人？而喺沉悶嘅進攻中，又有邊個係值得我哋期待嘅一點星光？我哋而-家就逐個球員去睇，為佢哋今場嘅表現埋單計數。
卡些度 (Moisés Caicedo)
中場巨無霸：一個人撐起成隊波嘅野獸級演出
⭕️ 全場最多對決成功：9次
⭕️ 傳球成功率：98% (全場最高)
⭕️ 成功鏟斷：7次
⭕️ 創造機會：2次
❌ 被扭過：3次
喺一場沉悶、醜陋嘅勝利當中，卡些度就係嗰個憑一己之力將球隊由和波邊緣拉返嚟嘅英雄。佢今場嘅表現，可以話係世界級中場嘅教科書，攻守兩端都做到極致。
數據最能說明情況：佢係全場傳球最準（98%）、對抗成功次數最多（9次）嘅球員，再加上驚人嘅7次成功鏟斷同2次創造機會。呢啲數字證明，佢唔單止係一個防守屏障，仲係我哋由守轉攻嘅發動機。喺隊友普遍進攻便秘嘅情況下，佢一個人撐起咗成個中場。
雖然佢被對手扭過3次係一個小瑕疵，但考慮到佢需要覆蓋嘅範圍同防守工作量，呢種小小犯錯絕對可以容忍。可以講，冇卡些度呢場野獸級嘅表現，我哋絕對冇可能保得住呢場勝仗。
安素 (Enzo Fernández)
勤力嘅隊長，錯誤嘅十號？搏盡，但睇落唔係我哋需要嘅答案
⭕️ 預期助攻 (xA)：0.48
⭕️ 全場被侵犯最多：4次
⭕️ 成功鏟斷：3次
❌ 地面對決：7/14 (50%)
❌ 被扭過：3次
➖ 傳球成功率：82%
戴上隊長臂章，面對住舊東家球迷嘅漫天噓聲，安素今場嘅表現可以話係搏盡無悔。應該有睇波都會見到佢付出咗巨大嘅努力，喺場上不斷跑動、串連，而佢亦都交出咗製造烏龍球嘅關鍵一傳（xA高達0.48），可以話係用表現回應咗場外嘅壓力。
但係，馬蛇想安素扮演彭馬嘅角色，可惜嘅係安素無相同的技術組合。安素可能係一個優秀嘅組織者，但唔係一個擅長喺前場Final Third位置改變戰局嘅創造者。將佢推前，反而限制咗佢喺後場派牌嘅能力。
此外，佢喺比賽後段明顯筋疲力盡，而且佢領到嗰張黃牌亦都係一次不必要嘅犯規，反映出佢嘅情緒同體能都開始有少少到底。總括嚟講，呢係一場鬥志可嘉，但戰術角色尷尬嘅比賽。佢付出咗100%嘅努力，但效果，並唔係我哋最需要嘅答案。
基頓斯 (Jamie Gittens)
一場會「令人發惡夢」嘅表現：佢係咪下一個梅特歷？
❌ 總射門：0
❌ 創造機會：0
❌ 盤帶成功率：1/3 (33%)
❌ 預期貢獻 (xG+xA)：0.01
啪。呢場比賽基頓斯 aka 雞蛋絲大大力咁掌刮咗我呢個季前睇好佢嘅球迷。雞蛋絲今場後備上陣嘅29分鐘，絕對可以用「災難」嚟形容。賽後球迷對佢嘅批評，可以話係體無完膚，而數據亦都無情咁支持咗呢啲睇法。
作為一個被換上嚟加強攻力嘅翼鋒，佢交出咗0射門、0創造機會嘅數據，進攻貢獻食光蛋。「帶波扭人，人過咗波無過」，「扭完對手自己先發現個波唔見咗」，「只係一頭撞埋人堆」，「做錯晒所有決定」，以上係賽後球迷同我嘅睇法。佢嘅踢法睇落毫無章法，亦都缺乏同隊友嘅配合意識。
有球迷將佢同梅特歷 (Mykhailo Mudryk) 甚至史達寧 (Raheem Sterling) 比較，並且認為佢更差，呢啲雖然係擺明係氣話，但亦都反映出佢今場嘅表現有幾咁令人絕望。呢次演出，令球迷對球會嘅轉會策略，再次產生巨大嘅質疑。
佐治 (Tyrique George)
錯誤崗位上嘅隱形人：一次高質射門是否足夠為佢平反？
➖ 觸球次數：15次 (61分鐘內)
⭕️ 預期入球威脅 (xGOT)：0.73 (xG僅0.12)
❌ 創造機會：0
喺我哋鋒線人腳極度緊張嘅情況下，19歲嘅佐治被推上單箭頭呢個位置，可以話係死馬當活馬醫。賽後球迷批評佢「隱形」、「唔夠班」，呢啲批評，並非完全冇道理。佢喺中鋒位置上嘅表現係全方位嘅唔合格：無論係現位、墮後護球、定係埋門一腳，佢都完全冇展示出一個英超級數前鋒應有嘅能力。呢個已經唔再係信心問題，而係根本性嘅能力錯配。
但係，如果就此將佢完全否定，亦都有失公允。喺佢僅有嘅一次射門當中，佢展現出驚人嘅質素。數據顯示，佢嗰腳射門嘅xGOT高達0.73，意味住佢將一個本身只有12%機會嘅射門，變成一個有73%機會入波嘅高質素攻門，只係被對方門將神勇化解。
呢次「翼鋒當中鋒」嘅實驗係失敗嘅，佐治嘅表現亦都唔合格。但喺佢身上，我哋睇到嘅問題，更多係領隊馬蛇喺排兵佈陣上嘅無奈，而唔係球員本身嘅能力問題。佢嗰一腳射門，或者證明咗佢係一個好嘅終結者，但肯定唔係一個好嘅中鋒。
祖奧柏度 (João Pedro)
球證手鬆定係球員腦殘？一張有爭議但又咎由自取嘅紅牌
❌ 紅牌：1 (兩黃一紅)
❌ 總射門：0
❌ 對決成功率：1/8 (12.5%)
❌ 犯規：3次 (29分鐘內)
要討論祖奧柏度今場嘅紅牌，我哋必須要先講下球證。今場球證嘅執法尺度算係嚴厲，全場出示超過十張黃牌，好多判決都值得商榷。祖奧柏度嘅第一張黃牌，就係一個可有可無嘅情況下得到，為佢之後嘅離場埋下伏線。
但係，就算第一張黃牌有爭議，作為一個經驗豐富嘅球員，喺明知自己有牌在身、球證手緊嘅情況下，喺補時階段，喺一個無關痛癢嘅位置，作出一次咁魯莽嘅高腳攔截，就係徹頭徹尾嘅「冇腦」表現。
再加上佢後備上陣後，喺進攻端亦都係0射門，對抗成功率僅僅12.5%，幾乎冇任何貢獻。球證嘅執法或者有問題，但祖奧柏度嘅唔成熟同場上嘅負作用，先至係我哋對佢失望嘅主因。
總結
總括我哋今次公開嘅五位球員點評，畫面非常兩極化。我哋睇到有卡些度呢類世界級球員撐起球隊，亦都有隊長安嘅努力；但同時，亦都見到祖奧柏度嘅不成熟紅牌，同埋雞蛋絲、佐治等年輕球員喺戰術混亂下嘅掙扎。
但呢五個人，只係成場波故事嘅一部分。我哋烏龍球嘅兩個幕後功臣：加拿祖同尼圖，究竟係功大於過，定係華而不實？備受批評嘅龍門山齊士，今場係咪真係咁差？而我哋終於等到復出嘅中堅巴迪亞舒尼，佢嘅表現又係咪真係為我哋防線帶嚟希望？
球員嘅完整詳細點評下篇，將會另外送上，有興趣可以去我Facebook望下。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
喺呢場充滿肉搏同爭議嘅比賽入面，邊個球員係撐起球隊嘅英雄？邊個又因為紀律問題而成為罪人？而喺沉悶嘅進攻中，又有邊個係值得我哋期待嘅一點星光？我哋而-家就逐個球員去睇，為佢哋今場嘅表現埋單計數。
卡些度 (Moisés Caicedo)
中場巨無霸：一個人撐起成隊波嘅野獸級演出
⭕️ 全場最多對決成功：9次
⭕️ 傳球成功率：98% (全場最高)
⭕️ 成功鏟斷：7次
⭕️ 創造機會：2次
❌ 被扭過：3次
喺一場沉悶、醜陋嘅勝利當中，卡些度就係嗰個憑一己之力將球隊由和波邊緣拉返嚟嘅英雄。佢今場嘅表現，可以話係世界級中場嘅教科書，攻守兩端都做到極致。
數據最能說明情況：佢係全場傳球最準（98%）、對抗成功次數最多（9次）嘅球員，再加上驚人嘅7次成功鏟斷同2次創造機會。呢啲數字證明，佢唔單止係一個防守屏障，仲係我哋由守轉攻嘅發動機。喺隊友普遍進攻便秘嘅情況下，佢一個人撐起咗成個中場。
雖然佢被對手扭過3次係一個小瑕疵，但考慮到佢需要覆蓋嘅範圍同防守工作量，呢種小小犯錯絕對可以容忍。可以講，冇卡些度呢場野獸級嘅表現，我哋絕對冇可能保得住呢場勝仗。
安素 (Enzo Fernández)
勤力嘅隊長，錯誤嘅十號？搏盡，但睇落唔係我哋需要嘅答案
⭕️ 預期助攻 (xA)：0.48
⭕️ 全場被侵犯最多：4次
⭕️ 成功鏟斷：3次
❌ 地面對決：7/14 (50%)
❌ 被扭過：3次
➖ 傳球成功率：82%
戴上隊長臂章，面對住舊東家球迷嘅漫天噓聲，安素今場嘅表現可以話係搏盡無悔。應該有睇波都會見到佢付出咗巨大嘅努力，喺場上不斷跑動、串連，而佢亦都交出咗製造烏龍球嘅關鍵一傳（xA高達0.48），可以話係用表現回應咗場外嘅壓力。
但係，馬蛇想安素扮演彭馬嘅角色，可惜嘅係安素無相同的技術組合。安素可能係一個優秀嘅組織者，但唔係一個擅長喺前場Final Third位置改變戰局嘅創造者。將佢推前，反而限制咗佢喺後場派牌嘅能力。
此外，佢喺比賽後段明顯筋疲力盡，而且佢領到嗰張黃牌亦都係一次不必要嘅犯規，反映出佢嘅情緒同體能都開始有少少到底。總括嚟講，呢係一場鬥志可嘉，但戰術角色尷尬嘅比賽。佢付出咗100%嘅努力，但效果，並唔係我哋最需要嘅答案。
基頓斯 (Jamie Gittens)
一場會「令人發惡夢」嘅表現：佢係咪下一個梅特歷？
❌ 總射門：0
❌ 創造機會：0
❌ 盤帶成功率：1/3 (33%)
❌ 預期貢獻 (xG+xA)：0.01
啪。呢場比賽基頓斯 aka 雞蛋絲大大力咁掌刮咗我呢個季前睇好佢嘅球迷。雞蛋絲今場後備上陣嘅29分鐘，絕對可以用「災難」嚟形容。賽後球迷對佢嘅批評，可以話係體無完膚，而數據亦都無情咁支持咗呢啲睇法。
作為一個被換上嚟加強攻力嘅翼鋒，佢交出咗0射門、0創造機會嘅數據，進攻貢獻食光蛋。「帶波扭人，人過咗波無過」，「扭完對手自己先發現個波唔見咗」，「只係一頭撞埋人堆」，「做錯晒所有決定」，以上係賽後球迷同我嘅睇法。佢嘅踢法睇落毫無章法，亦都缺乏同隊友嘅配合意識。
有球迷將佢同梅特歷 (Mykhailo Mudryk) 甚至史達寧 (Raheem Sterling) 比較，並且認為佢更差，呢啲雖然係擺明係氣話，但亦都反映出佢今場嘅表現有幾咁令人絕望。呢次演出，令球迷對球會嘅轉會策略，再次產生巨大嘅質疑。
佐治 (Tyrique George)
錯誤崗位上嘅隱形人：一次高質射門是否足夠為佢平反？
➖ 觸球次數：15次 (61分鐘內)
⭕️ 預期入球威脅 (xGOT)：0.73 (xG僅0.12)
❌ 創造機會：0
喺我哋鋒線人腳極度緊張嘅情況下，19歲嘅佐治被推上單箭頭呢個位置，可以話係死馬當活馬醫。賽後球迷批評佢「隱形」、「唔夠班」，呢啲批評，並非完全冇道理。佢喺中鋒位置上嘅表現係全方位嘅唔合格：無論係現位、墮後護球、定係埋門一腳，佢都完全冇展示出一個英超級數前鋒應有嘅能力。呢個已經唔再係信心問題，而係根本性嘅能力錯配。
但係，如果就此將佢完全否定，亦都有失公允。喺佢僅有嘅一次射門當中，佢展現出驚人嘅質素。數據顯示，佢嗰腳射門嘅xGOT高達0.73，意味住佢將一個本身只有12%機會嘅射門，變成一個有73%機會入波嘅高質素攻門，只係被對方門將神勇化解。
呢次「翼鋒當中鋒」嘅實驗係失敗嘅，佐治嘅表現亦都唔合格。但喺佢身上，我哋睇到嘅問題，更多係領隊馬蛇喺排兵佈陣上嘅無奈，而唔係球員本身嘅能力問題。佢嗰一腳射門，或者證明咗佢係一個好嘅終結者，但肯定唔係一個好嘅中鋒。
祖奧柏度 (João Pedro)
球證手鬆定係球員腦殘？一張有爭議但又咎由自取嘅紅牌
❌ 紅牌：1 (兩黃一紅)
❌ 總射門：0
❌ 對決成功率：1/8 (12.5%)
❌ 犯規：3次 (29分鐘內)
要討論祖奧柏度今場嘅紅牌，我哋必須要先講下球證。今場球證嘅執法尺度算係嚴厲，全場出示超過十張黃牌，好多判決都值得商榷。祖奧柏度嘅第一張黃牌，就係一個可有可無嘅情況下得到，為佢之後嘅離場埋下伏線。
但係，就算第一張黃牌有爭議，作為一個經驗豐富嘅球員，喺明知自己有牌在身、球證手緊嘅情況下，喺補時階段，喺一個無關痛癢嘅位置，作出一次咁魯莽嘅高腳攔截，就係徹頭徹尾嘅「冇腦」表現。
再加上佢後備上陣後，喺進攻端亦都係0射門，對抗成功率僅僅12.5%，幾乎冇任何貢獻。球證嘅執法或者有問題，但祖奧柏度嘅唔成熟同場上嘅負作用，先至係我哋對佢失望嘅主因。
總結
總括我哋今次公開嘅五位球員點評，畫面非常兩極化。我哋睇到有卡些度呢類世界級球員撐起球隊，亦都有隊長安嘅努力；但同時，亦都見到祖奧柏度嘅不成熟紅牌，同埋雞蛋絲、佐治等年輕球員喺戰術混亂下嘅掙扎。
但呢五個人，只係成場波故事嘅一部分。我哋烏龍球嘅兩個幕後功臣：加拿祖同尼圖，究竟係功大於過，定係華而不實？備受批評嘅龍門山齊士，今場係咪真係咁差？而我哋終於等到復出嘅中堅巴迪亞舒尼，佢嘅表現又係咪真係為我哋防線帶嚟希望？
球員嘅完整詳細點評下篇，將會另外送上，有興趣可以去我Facebook望下。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊