The Athletic 刊登咗一篇好有份量嘅分析文章，用一個叫「陣容流失率」（squad churn）嘅數據，向我哋球會過去三年嘅建隊策略，提出咗一個好尖銳嘅質疑。
呢篇文章，嚟得非常合時。因為喺我哋經歷緊聯賽兩連敗、歐聯輸俾拜仁、後防傷兵滿營，仲要即將面對利物浦，球迷嘅信心可以話係跌到落谷底。人心惶惶之際，「我哋條路係咪行錯咗？」呢個問題，相信喺每一個車迷個腦海入面都盤旋緊。
究竟，The Athletic 嘅質疑係咪啱？我哋呢個「年輕化 + 高換血」嘅策略，係咪真係一個「有勇無謀」嘅原罪，而家正受緊懲罰？要公平咁評價，我哋唔可以只係睇眼前呢幾場波嘅失利。今次【車迷觀點】，我哋就要拉闊返個時間維度，由 BlueCo 入主第一日開始，完整咁重組一次呢個「藍圖計畫」過去三年嘅軌跡，由最初嘅混亂，到上季嘅成功，再到而家嘅陣痛。嘗試喺呢片迷惘之中，為大家搵出一個更清晰嘅答案。
質疑：「高換血率」的原罪嗶？
The Athletic 篇文，就好似一個偵探呀嗶，為我哋指出咗兩條最關鍵嘅「犯罪證據」，去質疑我哋嘅建隊策略。
證據一：打破常規的極致「年輕化」
數據顯示，自從 BlueCo 入主之後，我哋已經連續三個球季，成為全英超平均年齡最細嘅球隊。今季，我哋嘅平均年齡更跌至23.3歲，遠遠低於傳統爭冠球隊「26.5歲黃金年齡」嘅水平。我哋唔係行緊年輕化，而係行緊「超級幼齒化」。
呢個問題，連領隊馬蛇（Maresca）自己都冇得唔承認。踢完拜仁之後，佢就坦白講，我哋同對手喺歐聯經驗上嘅差距係「好X大」。人哋成隊加埋嘅歐聯上陣次數，係我哋嘅七倍。呢句說話，就係對我哋呢個「幼齒化」策略，最無奈嘅說明。
證據二：致命的「高換血率」
但比起「年輕」，TA 提出嘅另一個數據，可能更加致命：就係「陣容流失率」（Squad Churn）。歷史數據話俾我哋知，一支球隊嘅陣容越穩定，成績就越好。爭冠球隊嘅「換血率」係最低嘅，而護級隊就最高。咁我哋呢？我哋過去三年嘅「換血率」，竟然係遠高於正常爭標份子嘅水平，直逼榜尾球隊！
呢個數據解釋咗一切。點解我哋隊波，明明個個都好似好有天份，但踢起上嚟就零默契，冇穩定性？因為支球隊根本冇時間去沉澱、去建立嗰種強隊應有嘅「肌肉記憶」。上季加盟嘅球員，今季可能已經賣走咗。喺呢種「不停格式化」嘅情況下，球隊又點樣進步？
解答：一場有計劃的「基礎重置」
單睇 The Athletic 嘅數據，我哋嘅「藍圖計畫」，似乎真係一個「有勇無謀」嘅失敗品。但，係咪真係咁？如果你拉闊個時間維度，由三年嘅宏觀角度去睇，你可能會見到一幅完全唔同嘅圖畫：一條由谷底反彈嘅「V型」軌跡。
「V型反彈」的時間線：從崩盤到捧盃
呢個V型嘅谷底，就係 22/23 球季。嗰季我哋換咗三個教練，聯賽排第12，所有嘢亂到九彩。呢個就係「高換血」策略，最痛苦、最攞命嘅陣痛期。我哋要硬食呢杯毒藥，去為一個老化、失去方向嘅陣容，進行一次徹底嘅「基礎重置」。
去到 23/24 球季，情況開始有曙光。球隊喺普捷天奴帶領下，重返第6，而最重要嘅，係彭馬（Palmer）嘅橫空出世，證明我哋喺「發掘天才」呢方面嘅眼光算係咁，或者應該話，課金抽蛋終於開到SSR出嚟。
而上個球季（24/25），就係呢個計劃第一階段嘅收成期。喺馬蛇帶領下，我哋重返前四，仲要捧埋個歐協聯冠軍同世冠盃返嚟。呢兩個獎盃，就係對呢個充滿爭議嘅建隊計劃，最有份量嘅一次肯定。一個由彭馬、卡些度、安素、高維爾組成嘅年輕核心，終於喺一片混亂中企穩陣腳。
策略背後的財務邏輯
呢個「先苦後甜」嘅過程，背後亦都有住精密嘅財務計算。球會之所以瘋狂簽入年輕球員，再同佢哋簽一份超長合約，就係為咗將天價嘅轉會費，喺會計帳目上攤分到十年八載，咁樣每年嘅「賬面虧損」就會好好多睇，可以應付 FFP/PSR 嘅嚴格規定。呢個唔係亂咁買人，而係一個精心設計嘅商業模型。
當下的危機：「地基」之上的裂痕
睇到呢個位，相信車迷同非車迷都會咁諗：「你望下隻死車狗，又係度護主J自己成功，又唔諗下自己二連敗，笑死。」
好，如果話我哋已經用三年時間，成功打好咗個地基，咁點解今季一開季，我哋又會即刻聯賽兩連敗，人心惶惶？
因為地基鋪好咗，唔代表間屋唔會漏水。而我哋今季初嘅困境，就正正暴露咗呢個「藍圖計畫」，喺進入第二階段時，所面對嘅幾個結構性裂痕。
裂痕一：經驗的斷層
我哋個年輕核心，喺上季歐協聯可能夠用。但今季，我哋嘅戰場已經升級到歐聯。對住拜仁慕尼黑呢啲老油條，我哋經驗不足嘅問題就即刻暴露無遺。我哋嘅地基係打好咗，呢班細路或者係有潛力，但面對真正嘅頂級考驗，仲需要時間去成長。
裂痕二：幼齒化的隱性成本
深度報告入面，提到年輕化策略有一個隱性成本，就係傷病風險。唔好彩，呢個風險喺今季一開季，就即刻兌現。
彭馬（Palmer）、高維爾（Colwill）、戴納（Delap）... 我哋幾個最重要嘅年輕資產，全部都瞓咗喺醫療室。呢個就係過度依賴一班身體未完全成熟嘅年輕球員，去應付英超、歐聯雙線作戰嘅代價。我哋嘅陣容，睇落好有潛力，但亦都好脆弱。
裂痕三：持續的磨合陣痛
最後，雖然我哋話核心已經成形，但其實「換血」並未完全停止。今個夏天，我哋前場都仲有重要變動，例如送走咗安宮古同馬杜基，換咗加拿祖同基頓斯返嚟。一個新嘅攻擊組合，需要時間去建立默契。
所以，我哋季初表現反覆，進攻便秘，其實都係呢個「持續磨合」嘅正常現象。我哋嘅「V型反彈」，並唔係一條直線，而係一條會不斷上上落落嘅曲線，呢個亦係車迷要習慣嘅事。
總結：樽頸位的陣痛與迷惘
拆解完成個脈絡，我哋就要返返嚟面對當下。
而家嘅車路士，就好似一架啱啱砌好嘅跑車，引擎、零件全部都係頂級，但就偏偏喺出廠試車第一圈，就壞咗幾個 key parts，仲要喺條濕滑嘅賽道上面不斷跣呔。聯賽兩連敗，傷兵滿營，球迷嘅擔憂同迷惘，係完全可以理解嘅。
The Athletic 嘅質疑冇錯，持續嘅高換血率帶嚟後遺症；球迷嘅擔心亦都冇錯，而家嘅困境係真實嘅。但呢個計畫嘅最終成敗，就係睇我哋點樣捱過呢個樽頸位。未來對住利物浦嘅硬仗，將會係一個極度殘酷嘅試煉，去驗證我哋呢班細路，喺冇咗彭馬呢個大腦之後，究竟係咪真係頂得順。
作為球迷，我哋而家可以做嘅，就係調整期望，俾多啲耐性，同球隊一齊，捱過呢段最黑暗、但可能亦都係黎明前最重要嘅時光。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
呢篇文章，嚟得非常合時。因為喺我哋經歷緊聯賽兩連敗、歐聯輸俾拜仁、後防傷兵滿營，仲要即將面對利物浦，球迷嘅信心可以話係跌到落谷底。人心惶惶之際，「我哋條路係咪行錯咗？」呢個問題，相信喺每一個車迷個腦海入面都盤旋緊。
究竟，The Athletic 嘅質疑係咪啱？我哋呢個「年輕化 + 高換血」嘅策略，係咪真係一個「有勇無謀」嘅原罪，而家正受緊懲罰？要公平咁評價，我哋唔可以只係睇眼前呢幾場波嘅失利。今次【車迷觀點】，我哋就要拉闊返個時間維度，由 BlueCo 入主第一日開始，完整咁重組一次呢個「藍圖計畫」過去三年嘅軌跡，由最初嘅混亂，到上季嘅成功，再到而家嘅陣痛。嘗試喺呢片迷惘之中，為大家搵出一個更清晰嘅答案。
質疑：「高換血率」的原罪嗶？
The Athletic 篇文，就好似一個偵探呀嗶，為我哋指出咗兩條最關鍵嘅「犯罪證據」，去質疑我哋嘅建隊策略。
證據一：打破常規的極致「年輕化」
數據顯示，自從 BlueCo 入主之後，我哋已經連續三個球季，成為全英超平均年齡最細嘅球隊。今季，我哋嘅平均年齡更跌至23.3歲，遠遠低於傳統爭冠球隊「26.5歲黃金年齡」嘅水平。我哋唔係行緊年輕化，而係行緊「超級幼齒化」。
呢個問題，連領隊馬蛇（Maresca）自己都冇得唔承認。踢完拜仁之後，佢就坦白講，我哋同對手喺歐聯經驗上嘅差距係「好X大」。人哋成隊加埋嘅歐聯上陣次數，係我哋嘅七倍。呢句說話，就係對我哋呢個「幼齒化」策略，最無奈嘅說明。
證據二：致命的「高換血率」
但比起「年輕」，TA 提出嘅另一個數據，可能更加致命：就係「陣容流失率」（Squad Churn）。歷史數據話俾我哋知，一支球隊嘅陣容越穩定，成績就越好。爭冠球隊嘅「換血率」係最低嘅，而護級隊就最高。咁我哋呢？我哋過去三年嘅「換血率」，竟然係遠高於正常爭標份子嘅水平，直逼榜尾球隊！
呢個數據解釋咗一切。點解我哋隊波，明明個個都好似好有天份，但踢起上嚟就零默契，冇穩定性？因為支球隊根本冇時間去沉澱、去建立嗰種強隊應有嘅「肌肉記憶」。上季加盟嘅球員，今季可能已經賣走咗。喺呢種「不停格式化」嘅情況下，球隊又點樣進步？
解答：一場有計劃的「基礎重置」
單睇 The Athletic 嘅數據，我哋嘅「藍圖計畫」，似乎真係一個「有勇無謀」嘅失敗品。但，係咪真係咁？如果你拉闊個時間維度，由三年嘅宏觀角度去睇，你可能會見到一幅完全唔同嘅圖畫：一條由谷底反彈嘅「V型」軌跡。
「V型反彈」的時間線：從崩盤到捧盃
呢個V型嘅谷底，就係 22/23 球季。嗰季我哋換咗三個教練，聯賽排第12，所有嘢亂到九彩。呢個就係「高換血」策略，最痛苦、最攞命嘅陣痛期。我哋要硬食呢杯毒藥，去為一個老化、失去方向嘅陣容，進行一次徹底嘅「基礎重置」。
去到 23/24 球季，情況開始有曙光。球隊喺普捷天奴帶領下，重返第6，而最重要嘅，係彭馬（Palmer）嘅橫空出世，證明我哋喺「發掘天才」呢方面嘅眼光算係咁，或者應該話，課金抽蛋終於開到SSR出嚟。
而上個球季（24/25），就係呢個計劃第一階段嘅收成期。喺馬蛇帶領下，我哋重返前四，仲要捧埋個歐協聯冠軍同世冠盃返嚟。呢兩個獎盃，就係對呢個充滿爭議嘅建隊計劃，最有份量嘅一次肯定。一個由彭馬、卡些度、安素、高維爾組成嘅年輕核心，終於喺一片混亂中企穩陣腳。
策略背後的財務邏輯
呢個「先苦後甜」嘅過程，背後亦都有住精密嘅財務計算。球會之所以瘋狂簽入年輕球員，再同佢哋簽一份超長合約，就係為咗將天價嘅轉會費，喺會計帳目上攤分到十年八載，咁樣每年嘅「賬面虧損」就會好好多睇，可以應付 FFP/PSR 嘅嚴格規定。呢個唔係亂咁買人，而係一個精心設計嘅商業模型。
當下的危機：「地基」之上的裂痕
睇到呢個位，相信車迷同非車迷都會咁諗：「你望下隻死車狗，又係度護主J自己成功，又唔諗下自己二連敗，笑死。」
好，如果話我哋已經用三年時間，成功打好咗個地基，咁點解今季一開季，我哋又會即刻聯賽兩連敗，人心惶惶？
因為地基鋪好咗，唔代表間屋唔會漏水。而我哋今季初嘅困境，就正正暴露咗呢個「藍圖計畫」，喺進入第二階段時，所面對嘅幾個結構性裂痕。
裂痕一：經驗的斷層
我哋個年輕核心，喺上季歐協聯可能夠用。但今季，我哋嘅戰場已經升級到歐聯。對住拜仁慕尼黑呢啲老油條，我哋經驗不足嘅問題就即刻暴露無遺。我哋嘅地基係打好咗，呢班細路或者係有潛力，但面對真正嘅頂級考驗，仲需要時間去成長。
裂痕二：幼齒化的隱性成本
深度報告入面，提到年輕化策略有一個隱性成本，就係傷病風險。唔好彩，呢個風險喺今季一開季，就即刻兌現。
彭馬（Palmer）、高維爾（Colwill）、戴納（Delap）... 我哋幾個最重要嘅年輕資產，全部都瞓咗喺醫療室。呢個就係過度依賴一班身體未完全成熟嘅年輕球員，去應付英超、歐聯雙線作戰嘅代價。我哋嘅陣容，睇落好有潛力，但亦都好脆弱。
裂痕三：持續的磨合陣痛
最後，雖然我哋話核心已經成形，但其實「換血」並未完全停止。今個夏天，我哋前場都仲有重要變動，例如送走咗安宮古同馬杜基，換咗加拿祖同基頓斯返嚟。一個新嘅攻擊組合，需要時間去建立默契。
所以，我哋季初表現反覆，進攻便秘，其實都係呢個「持續磨合」嘅正常現象。我哋嘅「V型反彈」，並唔係一條直線，而係一條會不斷上上落落嘅曲線，呢個亦係車迷要習慣嘅事。
總結：樽頸位的陣痛與迷惘
拆解完成個脈絡，我哋就要返返嚟面對當下。
而家嘅車路士，就好似一架啱啱砌好嘅跑車，引擎、零件全部都係頂級，但就偏偏喺出廠試車第一圈，就壞咗幾個 key parts，仲要喺條濕滑嘅賽道上面不斷跣呔。聯賽兩連敗，傷兵滿營，球迷嘅擔憂同迷惘，係完全可以理解嘅。
The Athletic 嘅質疑冇錯，持續嘅高換血率帶嚟後遺症；球迷嘅擔心亦都冇錯，而家嘅困境係真實嘅。但呢個計畫嘅最終成敗，就係睇我哋點樣捱過呢個樽頸位。未來對住利物浦嘅硬仗，將會係一個極度殘酷嘅試煉，去驗證我哋呢班細路，喺冇咗彭馬呢個大腦之後，究竟係咪真係頂得順。
作為球迷，我哋而家可以做嘅，就係調整期望，俾多啲耐性，同球隊一齊，捱過呢段最黑暗、但可能亦都係黎明前最重要嘅時光。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊