喺上一篇【車迷觀點】，我哋探討過史特拉斯堡球迷嘅「靈魂吶喊」，問到衛星球會模式究竟係「蜜糖定毒藥」。（未睇嘅朋友，強烈建議喺我哋專頁搵返上集睇下先，咁樣會更加跟得上個故仔，連結係度：HERE）
當時我哋仲係講緊「吶喊」、講緊「抗議」，以為只係球迷同管理層之間嘅矛盾。但喺過去呢一個禮拜，最新嘅發展話俾我哋知，事件已經完全失控，由一場單純嘅抗議，正式演變成一場球會內部四分五裂、互相攻擊嘅全面「內戰」。
球迷鬧球迷，主席鬧球迷，名宿鬧球迷，成間球會上下亂到九彩。今次下集，我哋就嚟做一次「戰地分析」，睇下呢場內戰嘅唔同戰線，各方嘅理據同盤算。呢場發生喺我哋姊妹球會嘅風暴，對我哋 BlueCo 嘅衛星球會大計，又意味住啲咩？
第一戰線 ： 球迷對球迷的公開分裂
一場內戰，最先被撕裂嘅，往往唔係敵人，而係自己人。史特拉斯堡呢場風波，第一條戰線，就係喺佢哋自己嘅球迷看台上面爆發。
兩個陣營：Ultras vs 普通球迷
企喺抗議最前線嘅，係以「Ultra Boys 90」（UB90）為首嘅幾個死忠球迷組織。佢哋嘅武器，就係橫額同噓聲。對艾美加（Emegha）單嘢，佢哋直接拉起「BlueCo棋子」嘅橫額；對主席凱勒（Keller），佢哋就掛出「黃金十年已過，係時候換人」嘅標語。為咗表示不滿，佢哋甚至由上季開始，就發起「罷撐15分鐘」嘅行動，每場波頭15分鐘都保持沉默。
但弔詭嘅係，當 Ultras 拉起橫額抗議嘅時候，場內另一班普通球迷，竟然係用更大嘅噓聲，去回應返佢哋。喺呢班球迷眼中，Ultras 嘅行為，唔係「守護球會」，而係「搞亂檔」，影響緊場上球員嘅士氣。
核心矛盾：靈魂 vs 成績
呢個分裂，就帶出咗一個現代足球入面，所有球迷都可能要面對嘅兩難問題。
究竟，為咗保護一間球會長遠嘅「身份認同」同「靈魂」，我哋係咪應該犧牲短期嘅和諧同成績，都要同管理層抗爭到底？
定係，我哋作為球迷嘅首要責任，就係喺90分鐘內，無條件咁支持場上嘅11個球員，至於同老細嘅恩怨，就應該喺場外解決，唔好影響到球隊嘅表現？
呢個問題，冇標準答案。但喺史特拉斯堡，呢個問題已經將佢哋嘅球迷群體，徹底撕裂成兩半。
第二戰線 ： 球會管理層的強硬反擊
球迷自己打自己，管理層係咪就可以坐喺度食花生？當然無咁簡單啦…面對 Ultras 嘅持續施壓，主席馬克·凱勒（Marc Keller）終於都忍唔住，決定展開一場強硬嘅反擊。
公關戰線：主席凱勒的「憤怒演說」
喺上個禮拜，凱勒專登搞咗個記者會，唔再玩外交辭令，而係直接向抗議嘅球迷開火。佢嘅演說，主要有幾個重點。第一，學某個特區政府咁佢將抗議者打成係一班搞事嘅「少數人」。第二，佢將艾美加（Emegha）單 Deal，由一件「壞事」，包裝成一件對球會有益、球員自己都想留低嘅「三贏方案」。
佢話艾美加其實收到好多其他 Offer，但為咗史特拉斯堡，佢選擇留低多一年，帶隊踢歐洲賽，係一個有情有義嘅隊長，根本「唔應該被噓」。呢番說話，就係要將道德高地，由球迷手上搶返返嚟。
實質制裁：球會的「鐵腕」
講完一大輪道理，跟住就嚟真。球會宣布，即時對幾個主要球迷組織，採取制裁措施。措施包括：限制佢哋喺比賽日喺球場嘅活動自由、重新派官方保安去佢哋個台，而最絕嘅一招，就係以後所有橫額、Tifo，都要事先俾球場保安審批過先可以掛出嚟。
呢個舉動，等於直接封殺咗球迷最主要嘅抗議渠道。成件事，已經由口水戰，升級到用實際行動去打壓。雙方嘅關係，睇嚟已經冇彎轉。
第三戰線 ： 教練與名宿揀邊企
管理層出手，通常都唔會係單打獨鬥。喺呢場內戰入面，球會嘅教練同名宿，亦都好快咁揀咗陣營，令到抗議嘅激進球迷，喺輿論上變得更加孤立。
教練與球員的立場：專注返球場
首先開腔嘅，係現任領隊 Rosenior。佢喺賽後記者會，好肉緊咁為自己嘅隊長艾美加（Emegha）辯護，話球迷嘅批評係「不可接受」，亦都對主席凱勒（Keller）被要求辭職，感到「震驚」。企喺教練嘅角度，佢嘅反應完全可以理解。佢嘅工作就係要帶隊贏波，而家球迷同管理層內鬥，搞到軍心不穩，最直接嘅受害者就係佢同班球員。佢嘅潛台詞就好似講緊：「你哋有咩恩怨我唔理，唔好喺比賽日搞我啲細路！」
名宿的「割蓆」：來自歷史的背刺
如果話教練嘅反應係意料之內，咁一班球會名宿突然開聲，就對抗議球迷嚟講，更加係一次沉重嘅打擊。前股東 Adler 話抗議者踩過咗界；而為球會上陣超過300次嘅前隊長 Dimitri Lienard，更直斥佢哋嘅行為係「絕對嘅電視機」（An absolute disgrace）。
呢啲嚟自「自己人」嘅批評，威力遠比管理層嘅聲明大。佢成功咁將抗議嘅 Ultras，由為球會抱不平嘅義士，塑造成一班「唔識大體、搞亂檔」嘅滋事份子。成個球會由管理層、教練、再到名宿已經形成一條統一戰線，將抗議球迷徹底孤立起嚟。
總結：一場似曾相識的身份認同之戰
拆解完成場「內戰」，你會發現，史特拉斯堡已經陷入一個令人痛心嘅局面。呢場戰爭，冇清晰嘅對錯，只有立場嘅對立。球迷群體被撕裂成兩半，一邊係為咗「身份認同」而抗爭嘅死忠，另一邊係渴望穩定、選擇沉默甚至反對抗議嘅球迷。
而喺呢種撕裂之上，我哋睇到嘅，係一個更令人熟悉嘅劇本：當平民嘅聲音（球迷嘅橫額）出現，官方（球會管理層）嘅第一反應，並唔係溝通，而係定性為「少數人搞事」，然後用鐵腕手段（制裁）去「噤聲」。與此同時，一啲有影響力嘅人物（教練、名宿），選擇企喺高牆嘅一方，公開譴責抗爭者，令抗爭者喺道德上變得孤立。
呢一幕幕，對於生活喺某個城市嘅我哋嚟講，係咪有種講唔出嘅「既視感」？當商業利益同球迷嘅身份認同產生激烈衝突時，如果處理失當，就算贏到全世界嘅獎盃，都可能會輸掉最珍貴嘅人心。
(以上言論只代表我個人立場與Fanpiece無關)
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
當時我哋仲係講緊「吶喊」、講緊「抗議」，以為只係球迷同管理層之間嘅矛盾。但喺過去呢一個禮拜，最新嘅發展話俾我哋知，事件已經完全失控，由一場單純嘅抗議，正式演變成一場球會內部四分五裂、互相攻擊嘅全面「內戰」。
球迷鬧球迷，主席鬧球迷，名宿鬧球迷，成間球會上下亂到九彩。今次下集，我哋就嚟做一次「戰地分析」，睇下呢場內戰嘅唔同戰線，各方嘅理據同盤算。呢場發生喺我哋姊妹球會嘅風暴，對我哋 BlueCo 嘅衛星球會大計，又意味住啲咩？
第一戰線 ： 球迷對球迷的公開分裂
一場內戰，最先被撕裂嘅，往往唔係敵人，而係自己人。史特拉斯堡呢場風波，第一條戰線，就係喺佢哋自己嘅球迷看台上面爆發。
兩個陣營：Ultras vs 普通球迷
企喺抗議最前線嘅，係以「Ultra Boys 90」（UB90）為首嘅幾個死忠球迷組織。佢哋嘅武器，就係橫額同噓聲。對艾美加（Emegha）單嘢，佢哋直接拉起「BlueCo棋子」嘅橫額；對主席凱勒（Keller），佢哋就掛出「黃金十年已過，係時候換人」嘅標語。為咗表示不滿，佢哋甚至由上季開始，就發起「罷撐15分鐘」嘅行動，每場波頭15分鐘都保持沉默。
但弔詭嘅係，當 Ultras 拉起橫額抗議嘅時候，場內另一班普通球迷，竟然係用更大嘅噓聲，去回應返佢哋。喺呢班球迷眼中，Ultras 嘅行為，唔係「守護球會」，而係「搞亂檔」，影響緊場上球員嘅士氣。
核心矛盾：靈魂 vs 成績
呢個分裂，就帶出咗一個現代足球入面，所有球迷都可能要面對嘅兩難問題。
究竟，為咗保護一間球會長遠嘅「身份認同」同「靈魂」，我哋係咪應該犧牲短期嘅和諧同成績，都要同管理層抗爭到底？
定係，我哋作為球迷嘅首要責任，就係喺90分鐘內，無條件咁支持場上嘅11個球員，至於同老細嘅恩怨，就應該喺場外解決，唔好影響到球隊嘅表現？
呢個問題，冇標準答案。但喺史特拉斯堡，呢個問題已經將佢哋嘅球迷群體，徹底撕裂成兩半。
第二戰線 ： 球會管理層的強硬反擊
球迷自己打自己，管理層係咪就可以坐喺度食花生？當然無咁簡單啦…面對 Ultras 嘅持續施壓，主席馬克·凱勒（Marc Keller）終於都忍唔住，決定展開一場強硬嘅反擊。
公關戰線：主席凱勒的「憤怒演說」
喺上個禮拜，凱勒專登搞咗個記者會，唔再玩外交辭令，而係直接向抗議嘅球迷開火。佢嘅演說，主要有幾個重點。第一，學某個特區政府咁佢將抗議者打成係一班搞事嘅「少數人」。第二，佢將艾美加（Emegha）單 Deal，由一件「壞事」，包裝成一件對球會有益、球員自己都想留低嘅「三贏方案」。
佢話艾美加其實收到好多其他 Offer，但為咗史特拉斯堡，佢選擇留低多一年，帶隊踢歐洲賽，係一個有情有義嘅隊長，根本「唔應該被噓」。呢番說話，就係要將道德高地，由球迷手上搶返返嚟。
實質制裁：球會的「鐵腕」
講完一大輪道理，跟住就嚟真。球會宣布，即時對幾個主要球迷組織，採取制裁措施。措施包括：限制佢哋喺比賽日喺球場嘅活動自由、重新派官方保安去佢哋個台，而最絕嘅一招，就係以後所有橫額、Tifo，都要事先俾球場保安審批過先可以掛出嚟。
呢個舉動，等於直接封殺咗球迷最主要嘅抗議渠道。成件事，已經由口水戰，升級到用實際行動去打壓。雙方嘅關係，睇嚟已經冇彎轉。
第三戰線 ： 教練與名宿揀邊企
管理層出手，通常都唔會係單打獨鬥。喺呢場內戰入面，球會嘅教練同名宿，亦都好快咁揀咗陣營，令到抗議嘅激進球迷，喺輿論上變得更加孤立。
教練與球員的立場：專注返球場
首先開腔嘅，係現任領隊 Rosenior。佢喺賽後記者會，好肉緊咁為自己嘅隊長艾美加（Emegha）辯護，話球迷嘅批評係「不可接受」，亦都對主席凱勒（Keller）被要求辭職，感到「震驚」。企喺教練嘅角度，佢嘅反應完全可以理解。佢嘅工作就係要帶隊贏波，而家球迷同管理層內鬥，搞到軍心不穩，最直接嘅受害者就係佢同班球員。佢嘅潛台詞就好似講緊：「你哋有咩恩怨我唔理，唔好喺比賽日搞我啲細路！」
名宿的「割蓆」：來自歷史的背刺
如果話教練嘅反應係意料之內，咁一班球會名宿突然開聲，就對抗議球迷嚟講，更加係一次沉重嘅打擊。前股東 Adler 話抗議者踩過咗界；而為球會上陣超過300次嘅前隊長 Dimitri Lienard，更直斥佢哋嘅行為係「絕對嘅電視機」（An absolute disgrace）。
呢啲嚟自「自己人」嘅批評，威力遠比管理層嘅聲明大。佢成功咁將抗議嘅 Ultras，由為球會抱不平嘅義士，塑造成一班「唔識大體、搞亂檔」嘅滋事份子。成個球會由管理層、教練、再到名宿已經形成一條統一戰線，將抗議球迷徹底孤立起嚟。
總結：一場似曾相識的身份認同之戰
拆解完成場「內戰」，你會發現，史特拉斯堡已經陷入一個令人痛心嘅局面。呢場戰爭，冇清晰嘅對錯，只有立場嘅對立。球迷群體被撕裂成兩半，一邊係為咗「身份認同」而抗爭嘅死忠，另一邊係渴望穩定、選擇沉默甚至反對抗議嘅球迷。
而喺呢種撕裂之上，我哋睇到嘅，係一個更令人熟悉嘅劇本：當平民嘅聲音（球迷嘅橫額）出現，官方（球會管理層）嘅第一反應，並唔係溝通，而係定性為「少數人搞事」，然後用鐵腕手段（制裁）去「噤聲」。與此同時，一啲有影響力嘅人物（教練、名宿），選擇企喺高牆嘅一方，公開譴責抗爭者，令抗爭者喺道德上變得孤立。
呢一幕幕，對於生活喺某個城市嘅我哋嚟講，係咪有種講唔出嘅「既視感」？當商業利益同球迷嘅身份認同產生激烈衝突時，如果處理失當，就算贏到全世界嘅獎盃，都可能會輸掉最珍貴嘅人心。
(以上言論只代表我個人立場與Fanpiece無關)
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊