琴晚作客奧脫福輸 2-1 呢場波，相信好多車迷同我一樣，睇完係一肚火，成晚都瞓唔著。我果篇「賽後報告」，已經好詳盡咁分析咗今場波由球員到教練嘅種種失誤，將佢定性為一場冇藉口嘅「人禍」。應該可以證明咗大家心入面嗰份憤怒，我完全感同身受。
但喺憤怒過後，當我哋冷靜落嚟，或者可以問多一個問題：喺山齊士開波5分鐘就攞紅牌嘅一刻，呢場波，仲係咪一場正常嘅足球比賽？
成場波，充滿住滂沱大雨、紅牌、核心球員傷出、21分鐘換三個人呢啲極端嘅混亂元素。所以，今次呢篇【車迷觀點】，我唔係想集中開火再鬧邊個，而係想嘗試喺呢一片混亂當中，抽絲剝繭，同大家一齊，喺憤怒過後，用一個更理性嘅角度，去重組一次成場比賽嘅脈絡，睇下喺絕望之中，係咪仲有啲值得我哋「釋懷」同「自」我安「慰」嘅地方，我會盡量用理性嘅角度去寫，但如果你係反馬蛇或者係其他球迷，實在接受唔到呢種觀點，咁你可以按上一頁。
非戰之罪 ： 一場輸俾「意外」與「混亂」嘅比賽
要理性咁分析呢場波，我哋首先要承認一個大前提：由開波第5分鐘開始，呢場已經唔係一場正常嘅足球比賽。我哋嘅失利，固然有自身嘅問題，但亦都離唔開一連串嘅「意外」同「混亂」。
第一，係惡劣嘅天氣。奧脫福落住滂沱大雨，報導形容球場喺下半場，甚至出現大量積水。數據亦都證明咗呢點，琴晚我哋嘅短傳成功率，只得 90.7%，係今季咁多場正式比賽入面最低嘅一次。好明顯，個天時地利，由一開始就唔喺我哋呢邊。
第二，就係山齊士嗰張致命嘅紅牌。呢件事你知我知光頭佬都知，喺一個唔穩定嘅開局下，佢一次魯莽嘅出迎，直接摧毀咗所有賽前部署。當你一支球隊，需要喺作客環境，用接近90分鐘嘅時間去十人應戰，任何戰術部署都係廢話。
第三，就係彭馬嘅爭議性換人。賽後，馬蛇話彭馬賽前並非100% Fit，係一個「賭博」。但呢個「賭博」，其實無論點睇，都係一場賽前已經注定會輸嘅賭局。如果佢賽前檢查真係有問題，咁夾硬出佢，本身就係一個魯莽嘅決定；如果佢傷勢真係嚴重到要即時換走，咁點解佢之後係著返件羽絨褸，坐喺後備席睇足全場，而唔係即刻返入更衣室接受治療？呢啲細節，令到成件事充滿矛盾，亦都令馬蛇呢個換人決定，睇落更似係一次驚慌失措下嘅戰術混亂。
天氣、紅牌、爭議性換人，呢三件事加埋一齊，令我哋創下英超史上最早用晒三個換人名額嘅不光彩紀錄，亦都令呢場波由一開始，就已經被徹底騎劫。
宣洩時間：球迷對馬蛇的合理質疑
OK，雖然我哋可以將輸波，歸咎於天氣、紅牌、傷患呢啲「意外」。但喺好多球迷眼中，尤其係喺Facebook嘅車區上面，大家嘅怒火，其實係燒向同一個人：領隊馬蛇。
質疑一：「自斷雙臂」的恐慌性換人
無論係邊個討論區，車迷最嬲嘅一點，就係馬蛇喺紅牌之後嘅應對。佢選擇犧牲晒我哋兩個最有速度、最有反擊威脅嘅翼鋒：尼圖同二安，換入一個後衛變成三後陣式。有球迷鬧爆，呢個係「絕對嘅懦弱」同「提早投降」。基本足球智慧都話你知，十人應戰，最緊要就係留返啲快馬喺前場打反擊。但馬蛇嘅做法，就好似自斷雙臂，然後邀請曼聯放心圍攻我哋。被換走嘅尼圖，喺場邊嬲到踢水樽，可能就係講出咗好多球迷嘅心聲。
質疑二：令人費解的用人選擇
另一個辣著火頭嘅位，就係之後竟然換入佐治，而唔係我哋重金買返嚟嘅加拿祖。好多球迷覺得，佐治嘅能力未夠班，形容佢係「最慢嘅翼鋒」，喺呢個關鍵時刻派佢上場簡直係「犯罪行為」。尤其係當電視影到，馬蛇明明同加拿祖講解緊戰術，叫佢熱身，但最後都冇派佢上場，呢個操作就更加令人睇唔明。
質疑三：一成不變的戰術與糟糕開局
最後，有啲更資深嘅球迷，將問題拉闊到馬蛇成個戰術體系。佢哋指出，就算冇紅牌，我哋今場波頭5分鐘，都係俾人撳住砌，呢個「開局慢熱」嘅問題，其實今季一直都存在。有人批評，馬蛇套「內收閘位」戰術已經俾人睇穿，變化唔夠，仲話佢套嘢係「悶到抽筋嘅曼城DNA」。呢啲更深層次嘅質疑，就唔再係單純一場「意外」可以解釋得到。
理性分析：數據背後的「釋懷」空間
球迷嘅憤怒，絕對可以理解。喺嗰個當下，睇住愛隊咁被動，換走晒啲攻擊手，真係會睇到谷血上腦。但喺憤怒過後，如果我哋冷靜落嚟，撇開情緒去睇返數據，或者可以嘗試去理解一下，馬蛇當時嘅盤算，係咪真係好似表面睇咁「懦弱」？定係背後，其實有另一層嘅戰術考量？
數據反擊：看似被動的「止血」操作
我哋睇返換人前頭20分鐘嘅數據：當時我哋少打一人，控球率只得可憐嘅 28.4%，觸球次數係 70 次，俾曼聯嘅 124 次完全壓制。當時嘅局面，係我哋連中場都過唔到，隨時再失多幾球。
然後，馬蛇犧牲兩翼，加強中後場。結果呢？數據顯示，由換人後到卡斯米路紅牌前，我哋嘅控球率，由原來嘅 28.4% 大幅回升到 46.2%，升幅超過六成。觸球數亦都追到 169 對 189，幾乎同對方平分秋色。呢啲數字或者可以話俾我哋知，馬蛇嘅調動，雖然犧牲咗反擊，但可能成功幫我哋喺中場企返穩陣腳，由「單方面捱打」變返「均勢」，算係一個務實嘅止血操作。當然我都同意，止血並唔可以改變我哋自斷雙臂嘅問題，但至少輸少啲先有講數權，呢點都係不變。
逐點解畫：後續換人的戰術考量
OK，頭三個換人，我哋可以理解為「止血」。咁之後嗰兩個換人，尤其係用佐治而唔用加拿祖，又點解釋呢？呢個決定，可能比我哋諗嘅簡單。因為喺當時嘅戰術需要下，佐治可能比加拿祖更適合。佐治之前喺隊內已經有踢「假九」嘅經驗，喺戰術理解同執行力上，可能馬蛇覺得佢比一個純粹嘅爆破手加拿祖，更能執行到當時嘅部署。
當然，咁點解又要叫加拿祖熱身、同佢講解戰術？呢點，我同大家一樣，都係R晒頭，可能真係馬蛇喺最後一刻改變主意。至於最後用古斯度換古古尼亞，解釋就更加直接：就係喺追分嘅時候，用一個攻擊力更強嘅閘位，去博最後一鋪，而唔係擇新兵哈圖。
最後的希望：十人對十人下的真正實力
而全場波，最能夠俾到我哋希望嘅，就係下半場 10 打 10 嘅局面。數據上，我哋反過來控制咗形勢，傳球次數以 321 對 99 遙遙領先，將曼聯壓喺佢哋自己半場。但J還J，唔到我哋自己唔認，就算我哋掌控咗場面，呢段時間我哋創造嘅實際威脅唔多。
但世事無如果。無一個領隊，會喺 11 打 10 落後緊嘅時候，諗定「對面好快都會有人被罰離場」然後留力。點解要「自斷雙臂」呢個問題，點討論落去，都只會係一個死胡同。或者，我哋作為球迷，喺呢個位可以唔再執著於「點解」，而係集中喺我哋睇到嘅「咩」。
而我哋睇到嘅，就係喺下半場人數均等之後，我哋隊波所展現出嚟嘅鬥心同主導能力。馬蛇嘅調動可能有爭議，但球員嘅鬥志冇得質疑。呢場波輸得好難睇，但喺呢片廢墟之上，我哋至少見到，球隊嘅根基同精神，並冇被摧毀。呢個，或者就係今場波，唯一值得我哋釋懷嘅地方。
總結：抹乾眼淚，繼續前行
好，拆解完成場波嘅心路歷程，我哋可以得出一個結論：琴晚嘅失利，係一場天災加人禍嘅「完美風暴」。山齊士嘅智商Offline係導火線，彭馬嘅不幸傷出係雪上加霜，而馬蛇喺混亂中嘅調動，無論你係咪同意，都令成場波充滿爭議。要為呢場敗仗搵一個罪魁禍首，其實好難，亦都冇乜意義。
但喺呢片廢墟當中，我哋最應該注目嘅，就係第三部分最後講嗰樣嘢：球員嘅鬥志，同埋我哋體系嘅根基。 作為球迷，嬲完、鬧完之後，或者我哋都可以試下「釋懷」。將呢場波，當係一次極度唔好彩嘅「意外」，抹乾眼淚，然後繼續支持球隊。一個球季，只係英超都有38場，輸一場波，其中只係當中嘅一部份。
一場混亂嘅敗仗，唔應該動搖我哋對成個球季嘅未來。將今場嘅教訓袋好，喺下一場波重新出發，或者先至係最重要嘅事。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
但喺憤怒過後，當我哋冷靜落嚟，或者可以問多一個問題：喺山齊士開波5分鐘就攞紅牌嘅一刻，呢場波，仲係咪一場正常嘅足球比賽？
成場波，充滿住滂沱大雨、紅牌、核心球員傷出、21分鐘換三個人呢啲極端嘅混亂元素。所以，今次呢篇【車迷觀點】，我唔係想集中開火再鬧邊個，而係想嘗試喺呢一片混亂當中，抽絲剝繭，同大家一齊，喺憤怒過後，用一個更理性嘅角度，去重組一次成場比賽嘅脈絡，睇下喺絕望之中，係咪仲有啲值得我哋「釋懷」同「自」我安「慰」嘅地方，我會盡量用理性嘅角度去寫，但如果你係反馬蛇或者係其他球迷，實在接受唔到呢種觀點，咁你可以按上一頁。
非戰之罪 ： 一場輸俾「意外」與「混亂」嘅比賽
要理性咁分析呢場波，我哋首先要承認一個大前提：由開波第5分鐘開始，呢場已經唔係一場正常嘅足球比賽。我哋嘅失利，固然有自身嘅問題，但亦都離唔開一連串嘅「意外」同「混亂」。
第一，係惡劣嘅天氣。奧脫福落住滂沱大雨，報導形容球場喺下半場，甚至出現大量積水。數據亦都證明咗呢點，琴晚我哋嘅短傳成功率，只得 90.7%，係今季咁多場正式比賽入面最低嘅一次。好明顯，個天時地利，由一開始就唔喺我哋呢邊。
第二，就係山齊士嗰張致命嘅紅牌。呢件事你知我知光頭佬都知，喺一個唔穩定嘅開局下，佢一次魯莽嘅出迎，直接摧毀咗所有賽前部署。當你一支球隊，需要喺作客環境，用接近90分鐘嘅時間去十人應戰，任何戰術部署都係廢話。
第三，就係彭馬嘅爭議性換人。賽後，馬蛇話彭馬賽前並非100% Fit，係一個「賭博」。但呢個「賭博」，其實無論點睇，都係一場賽前已經注定會輸嘅賭局。如果佢賽前檢查真係有問題，咁夾硬出佢，本身就係一個魯莽嘅決定；如果佢傷勢真係嚴重到要即時換走，咁點解佢之後係著返件羽絨褸，坐喺後備席睇足全場，而唔係即刻返入更衣室接受治療？呢啲細節，令到成件事充滿矛盾，亦都令馬蛇呢個換人決定，睇落更似係一次驚慌失措下嘅戰術混亂。
天氣、紅牌、爭議性換人，呢三件事加埋一齊，令我哋創下英超史上最早用晒三個換人名額嘅不光彩紀錄，亦都令呢場波由一開始，就已經被徹底騎劫。
宣洩時間：球迷對馬蛇的合理質疑
OK，雖然我哋可以將輸波，歸咎於天氣、紅牌、傷患呢啲「意外」。但喺好多球迷眼中，尤其係喺Facebook嘅車區上面，大家嘅怒火，其實係燒向同一個人：領隊馬蛇。
質疑一：「自斷雙臂」的恐慌性換人
無論係邊個討論區，車迷最嬲嘅一點，就係馬蛇喺紅牌之後嘅應對。佢選擇犧牲晒我哋兩個最有速度、最有反擊威脅嘅翼鋒：尼圖同二安，換入一個後衛變成三後陣式。有球迷鬧爆，呢個係「絕對嘅懦弱」同「提早投降」。基本足球智慧都話你知，十人應戰，最緊要就係留返啲快馬喺前場打反擊。但馬蛇嘅做法，就好似自斷雙臂，然後邀請曼聯放心圍攻我哋。被換走嘅尼圖，喺場邊嬲到踢水樽，可能就係講出咗好多球迷嘅心聲。
質疑二：令人費解的用人選擇
另一個辣著火頭嘅位，就係之後竟然換入佐治，而唔係我哋重金買返嚟嘅加拿祖。好多球迷覺得，佐治嘅能力未夠班，形容佢係「最慢嘅翼鋒」，喺呢個關鍵時刻派佢上場簡直係「犯罪行為」。尤其係當電視影到，馬蛇明明同加拿祖講解緊戰術，叫佢熱身，但最後都冇派佢上場，呢個操作就更加令人睇唔明。
質疑三：一成不變的戰術與糟糕開局
最後，有啲更資深嘅球迷，將問題拉闊到馬蛇成個戰術體系。佢哋指出，就算冇紅牌，我哋今場波頭5分鐘，都係俾人撳住砌，呢個「開局慢熱」嘅問題，其實今季一直都存在。有人批評，馬蛇套「內收閘位」戰術已經俾人睇穿，變化唔夠，仲話佢套嘢係「悶到抽筋嘅曼城DNA」。呢啲更深層次嘅質疑，就唔再係單純一場「意外」可以解釋得到。
理性分析：數據背後的「釋懷」空間
球迷嘅憤怒，絕對可以理解。喺嗰個當下，睇住愛隊咁被動，換走晒啲攻擊手，真係會睇到谷血上腦。但喺憤怒過後，如果我哋冷靜落嚟，撇開情緒去睇返數據，或者可以嘗試去理解一下，馬蛇當時嘅盤算，係咪真係好似表面睇咁「懦弱」？定係背後，其實有另一層嘅戰術考量？
數據反擊：看似被動的「止血」操作
我哋睇返換人前頭20分鐘嘅數據：當時我哋少打一人，控球率只得可憐嘅 28.4%，觸球次數係 70 次，俾曼聯嘅 124 次完全壓制。當時嘅局面，係我哋連中場都過唔到，隨時再失多幾球。
然後，馬蛇犧牲兩翼，加強中後場。結果呢？數據顯示，由換人後到卡斯米路紅牌前，我哋嘅控球率，由原來嘅 28.4% 大幅回升到 46.2%，升幅超過六成。觸球數亦都追到 169 對 189，幾乎同對方平分秋色。呢啲數字或者可以話俾我哋知，馬蛇嘅調動，雖然犧牲咗反擊，但可能成功幫我哋喺中場企返穩陣腳，由「單方面捱打」變返「均勢」，算係一個務實嘅止血操作。當然我都同意，止血並唔可以改變我哋自斷雙臂嘅問題，但至少輸少啲先有講數權，呢點都係不變。
逐點解畫：後續換人的戰術考量
OK，頭三個換人，我哋可以理解為「止血」。咁之後嗰兩個換人，尤其係用佐治而唔用加拿祖，又點解釋呢？呢個決定，可能比我哋諗嘅簡單。因為喺當時嘅戰術需要下，佐治可能比加拿祖更適合。佐治之前喺隊內已經有踢「假九」嘅經驗，喺戰術理解同執行力上，可能馬蛇覺得佢比一個純粹嘅爆破手加拿祖，更能執行到當時嘅部署。
當然，咁點解又要叫加拿祖熱身、同佢講解戰術？呢點，我同大家一樣，都係R晒頭，可能真係馬蛇喺最後一刻改變主意。至於最後用古斯度換古古尼亞，解釋就更加直接：就係喺追分嘅時候，用一個攻擊力更強嘅閘位，去博最後一鋪，而唔係擇新兵哈圖。
最後的希望：十人對十人下的真正實力
而全場波，最能夠俾到我哋希望嘅，就係下半場 10 打 10 嘅局面。數據上，我哋反過來控制咗形勢，傳球次數以 321 對 99 遙遙領先，將曼聯壓喺佢哋自己半場。但J還J，唔到我哋自己唔認，就算我哋掌控咗場面，呢段時間我哋創造嘅實際威脅唔多。
但世事無如果。無一個領隊，會喺 11 打 10 落後緊嘅時候，諗定「對面好快都會有人被罰離場」然後留力。點解要「自斷雙臂」呢個問題，點討論落去，都只會係一個死胡同。或者，我哋作為球迷，喺呢個位可以唔再執著於「點解」，而係集中喺我哋睇到嘅「咩」。
而我哋睇到嘅，就係喺下半場人數均等之後，我哋隊波所展現出嚟嘅鬥心同主導能力。馬蛇嘅調動可能有爭議，但球員嘅鬥志冇得質疑。呢場波輸得好難睇，但喺呢片廢墟之上，我哋至少見到，球隊嘅根基同精神，並冇被摧毀。呢個，或者就係今場波，唯一值得我哋釋懷嘅地方。
總結：抹乾眼淚，繼續前行
好，拆解完成場波嘅心路歷程，我哋可以得出一個結論：琴晚嘅失利，係一場天災加人禍嘅「完美風暴」。山齊士嘅智商Offline係導火線，彭馬嘅不幸傷出係雪上加霜，而馬蛇喺混亂中嘅調動，無論你係咪同意，都令成場波充滿爭議。要為呢場敗仗搵一個罪魁禍首，其實好難，亦都冇乜意義。
但喺呢片廢墟當中，我哋最應該注目嘅，就係第三部分最後講嗰樣嘢：球員嘅鬥志，同埋我哋體系嘅根基。 作為球迷，嬲完、鬧完之後，或者我哋都可以試下「釋懷」。將呢場波，當係一次極度唔好彩嘅「意外」，抹乾眼淚，然後繼續支持球隊。一個球季，只係英超都有38場，輸一場波，其中只係當中嘅一部份。
一場混亂嘅敗仗，唔應該動搖我哋對成個球季嘅未來。將今場嘅教訓袋好，喺下一場波重新出發，或者先至係最重要嘅事。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊