正當車迷已經忘記咗梅迪歷（Mudryk）因為禁藥Meldonium而被長期停賽嘅事，一個嚟自烏克蘭記者嘅驚天爆料又將成件事再拖返出嚟，仲由一單普通嘅體育新聞，徹底升級為一場荒誕離奇、牽涉極廣嘅驚天奇案。
呢場戲嘅主角，唔再只係梅迪歷一個人。
最新嘅演員名單包括：嬲到震嘅前球會薩克達（Shakhtar Donetsk）同佢哋筆三千萬歐元嘅潛在損失、一隻來歷不明啪藥嘅牛、烏克蘭國家隊嘅隊醫，同埋一個最意想不到嘅名：我哋車仔嘅名宿，舒夫真高（Andriy Shevchenko）。
呢個劇本，離奇到連Netflix都未必寫得出。作為車迷唔止有切膚之痛，最緊要當然係食花生。所以今次【車迷觀點】，我哋就由頭開始，拆解呢單奇案嘅來龍去脈，睇下呢件事有幾複雜。
梅迪歷禁藥事件：「牛牛幹細胞」同名宿嘅羅生門
要理解成件事，我哋要先搞清楚梅迪歷到底發生咗咩事。根據最新嘅爆料，呢單禁藥風波嘅源頭，居然係一個荒誕到極點嘅「牛牛劇本」。
離奇嘅「代罪羔牛」
根據烏克蘭記者嘅爆料，梅迪歷代表烏克蘭上陣之後覺得膝頭哥唔舒服，為咗治療而注射咗「牛幹細胞」。而呢啲幹細胞入面竟然含有禁藥成份Meldonium，話明牛幹細胞，來源當然係隻牛，事後調查就話可能係隻牛食咗受污染嘅飼料。
聽落去，用呢個「牛牛劇本」做辯護似乎天衣無縫，梅迪歷可以扮無知受害者，責任全部推俾隻牛同埋負責醫療嘅國家隊。但係，現實往往比劇本殘酷。
法律陷阱：辯護變成雙重犯規
因為當梅迪歷嘅辯護團隊諗住用呢招嚟完美辯護嘅時候，佢哋發現自己其實跌咗入一個更大嘅法律陷阱。根據世界反禁藥組織（WADA）嘅規定，未經批准嘅幹細胞療法本身，已經係一種被禁止嘅治療方法。
呢個法律陷阱，令辯護團隊陷入絕境。佢哋唯一嘅出路，就係要咬定梅迪歷唔只唔知啲幹細胞含有禁藥成分，而係連自己接受緊嘅係幹細胞療法都完全唔知情，以為只係普通嘅膝傷治療。咁樣，成件事嘅責任就要100%推俾個隊醫同佢背後嘅烏克蘭足總。
(作者按：Sor…呢段複雜到我打足咗4、5次先通順……真係唔明請去我FACEBOOK留言話我知)
名宿舒夫真高捲入風波
兜兜轉轉，責任呢個波居然射咗去舒夫真高嗰度。點解關我哋嘅名宿「核彈頭」舒夫真高（Andriy Shevchenko）事？因為根據烏克蘭記者 Burbas 嘅爆料，佢作為烏克蘭足總主席，同時係「幹細胞療法」嘅長期支持者同用家，仲話佢可能批准咗梅迪歷接受呢次治療。
呢個指控，令成件事由一單普通嘅禁藥案件，升級為牽涉足總高層嘅管理醜聞。而呢個發展，亦都為接落嚟薩克達嘅反擊提供咗「彈藥」。
薩克達嘅金錢復仇：一筆3000萬歐元嘅「血債」
當梅迪歷嘅辯護團隊將責任推晒俾烏克蘭足總嘅時候，另一場戰爭亦都同時爆發。而呢場戰爭嘅核心，就係一個字：錢。
點解薩克達咁嬲豬？一筆「凍過水」嘅巨款
我哋要時光倒流返去2023年，當時我哋由薩克達手上買入梅迪歷。份合約嘅結構，係7000萬歐元嘅固定轉會費，再加最高3000萬歐元嘅浮動條款。而呢三千萬歐元嘅 Bonus 點樣觸發？據報導，就係要我哋車路士贏到英超、歐聯、世冠盃呢類頂級冠軍，而梅迪歷亦都要有一定嘅貢獻。
好，戲肉嚟喇。上個球季（24/25），我哋贏咗啲咩？冇錯，就係世冠盃。
按道理，呢個頂級冠軍，應該已經 Trigger 咗薩克達筆 Bonus。但問題就係，梅迪歷由舊年12月開始，就因為呢單禁藥風波被內部停賽，根本冇份參與我哋贏世冠盃嘅過程，更慘嘅係，將梅迪歷取而代之嘅係完全同位置我哋小將佐治。
對薩克達嚟講，筆三千萬歐元嘅獎金，本來應該袋袋平安，但就因為烏克蘭國家隊一次疑似嘅醫療失誤，搞到佢哋臨門一腳撻Q，見財化水。佢哋唔係驚未來收唔到錢，而係應該收到嘅錢收唔到！呢啖氣，點吞得落？
搵人找數：烏克蘭足總成為代罪羔羊
既然見財化水，下一步就梗係要搵人出氣同填數。薩克達嘅律師團隊，就將矛頭直指烏克蘭足總（UAF）。佢哋嘅邏輯好簡單：梅迪歷單嘢，係喺國家隊集訓期間出事，負責打針嘅又係你國家隊嘅隊醫。成件事嘅疏忽，源頭就喺你哋度。既然係你哋嘅失誤，搞到我哋冇咗筆橫財，咁呢筆數，就理應由你哋去賠。
利用醜聞作為「武器」
而上面梅迪歷案件嘅種種爆料，就成為咗薩克達最想利用嘅「武器」。無論係離奇嘅「牛牛幹細胞」源頭，定係關於舒夫真高嘅指控，對薩克達嚟講都係「好事」。因為呢啲爆料，正正就係要營造一個「因管理不善而在全球足球排名榜跌落第N位烏克蘭足總、上樑不正下樑歪」嘅形象。只要能夠喺法庭上建立呢個印象，佢哋指控 UAF 疏忽導致佢哋損失慘重嘅勝算，就會大大增加。
於是，一場烏克蘭球壇嘅「內戰」就咁爆發。我哋車仔同梅迪歷，就喺呢場金錢風暴嘅中心，睇住兩大巨頭為我哋而開火。(但又咁講，世冠盃梅仔出得，橫睇掂睇都唔係提升咗我哋戰力…)
總結：一場冇真相嘅羅生門，同車仔嘅商業計算
好，拆解完成件事，你會發現，呢個根本就係一場冇標準答案嘅「羅生門」。梅迪歷嘅律師團隊砌咗個天衣無縫嘅「牛牛劇本」想博減刑，但同時亦都將責任推晒俾烏克蘭足總；而薩克達為咗三千萬歐元，就利用呢啲指控嚟攻擊同一個烏克蘭足總，要搵人祭旗；最慘嘅係烏克蘭足總同舒夫真高，就喺呢場風暴中心，點拆彈都一身蟻。每個人都有自己嘅版本，邊個先係「真相」？或者，永遠都冇人知。
喺呢場混亂之中，我哋作為車迷，最關心嘅當然係：咁我哋車仔應該點做？有啲球迷可能會話，學返梅度（Mutu）單嘢咁，直接炒人止蝕。但正如我哋之前分析過，今次情況唔同，要單方面解約，法律風險好高。
所以，從一個冷靜嘅商業角度睇，球會最有利嘅做法，好可能就係等「減刑」。
我哋要喺法律上支持梅迪歷，盡力幫佢證明「無心之失」，將個禁賽期由可能嘅四年，減到最短。一個禁賽年半後可以復出嘅梅迪歷，無論係留隊自用定係賣盤，佢嘅資產價值，都遠高於一個被解僱、陷入無了期官司嘅球員……希望啦……
(出文前另一個小更新：而家話車路士都打算告埋一份…)
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
呢場戲嘅主角，唔再只係梅迪歷一個人。
最新嘅演員名單包括：嬲到震嘅前球會薩克達（Shakhtar Donetsk）同佢哋筆三千萬歐元嘅潛在損失、一隻來歷不明啪藥嘅牛、烏克蘭國家隊嘅隊醫，同埋一個最意想不到嘅名：我哋車仔嘅名宿，舒夫真高（Andriy Shevchenko）。
呢個劇本，離奇到連Netflix都未必寫得出。作為車迷唔止有切膚之痛，最緊要當然係食花生。所以今次【車迷觀點】，我哋就由頭開始，拆解呢單奇案嘅來龍去脈，睇下呢件事有幾複雜。
梅迪歷禁藥事件：「牛牛幹細胞」同名宿嘅羅生門
要理解成件事，我哋要先搞清楚梅迪歷到底發生咗咩事。根據最新嘅爆料，呢單禁藥風波嘅源頭，居然係一個荒誕到極點嘅「牛牛劇本」。
離奇嘅「代罪羔牛」
根據烏克蘭記者嘅爆料，梅迪歷代表烏克蘭上陣之後覺得膝頭哥唔舒服，為咗治療而注射咗「牛幹細胞」。而呢啲幹細胞入面竟然含有禁藥成份Meldonium，話明牛幹細胞，來源當然係隻牛，事後調查就話可能係隻牛食咗受污染嘅飼料。
聽落去，用呢個「牛牛劇本」做辯護似乎天衣無縫，梅迪歷可以扮無知受害者，責任全部推俾隻牛同埋負責醫療嘅國家隊。但係，現實往往比劇本殘酷。
法律陷阱：辯護變成雙重犯規
因為當梅迪歷嘅辯護團隊諗住用呢招嚟完美辯護嘅時候，佢哋發現自己其實跌咗入一個更大嘅法律陷阱。根據世界反禁藥組織（WADA）嘅規定，未經批准嘅幹細胞療法本身，已經係一種被禁止嘅治療方法。
呢個法律陷阱，令辯護團隊陷入絕境。佢哋唯一嘅出路，就係要咬定梅迪歷唔只唔知啲幹細胞含有禁藥成分，而係連自己接受緊嘅係幹細胞療法都完全唔知情，以為只係普通嘅膝傷治療。咁樣，成件事嘅責任就要100%推俾個隊醫同佢背後嘅烏克蘭足總。
(作者按：Sor…呢段複雜到我打足咗4、5次先通順……真係唔明請去我FACEBOOK留言話我知)
名宿舒夫真高捲入風波
兜兜轉轉，責任呢個波居然射咗去舒夫真高嗰度。點解關我哋嘅名宿「核彈頭」舒夫真高（Andriy Shevchenko）事？因為根據烏克蘭記者 Burbas 嘅爆料，佢作為烏克蘭足總主席，同時係「幹細胞療法」嘅長期支持者同用家，仲話佢可能批准咗梅迪歷接受呢次治療。
呢個指控，令成件事由一單普通嘅禁藥案件，升級為牽涉足總高層嘅管理醜聞。而呢個發展，亦都為接落嚟薩克達嘅反擊提供咗「彈藥」。
薩克達嘅金錢復仇：一筆3000萬歐元嘅「血債」
當梅迪歷嘅辯護團隊將責任推晒俾烏克蘭足總嘅時候，另一場戰爭亦都同時爆發。而呢場戰爭嘅核心，就係一個字：錢。
點解薩克達咁嬲豬？一筆「凍過水」嘅巨款
我哋要時光倒流返去2023年，當時我哋由薩克達手上買入梅迪歷。份合約嘅結構，係7000萬歐元嘅固定轉會費，再加最高3000萬歐元嘅浮動條款。而呢三千萬歐元嘅 Bonus 點樣觸發？據報導，就係要我哋車路士贏到英超、歐聯、世冠盃呢類頂級冠軍，而梅迪歷亦都要有一定嘅貢獻。
好，戲肉嚟喇。上個球季（24/25），我哋贏咗啲咩？冇錯，就係世冠盃。
按道理，呢個頂級冠軍，應該已經 Trigger 咗薩克達筆 Bonus。但問題就係，梅迪歷由舊年12月開始，就因為呢單禁藥風波被內部停賽，根本冇份參與我哋贏世冠盃嘅過程，更慘嘅係，將梅迪歷取而代之嘅係完全同位置我哋小將佐治。
對薩克達嚟講，筆三千萬歐元嘅獎金，本來應該袋袋平安，但就因為烏克蘭國家隊一次疑似嘅醫療失誤，搞到佢哋臨門一腳撻Q，見財化水。佢哋唔係驚未來收唔到錢，而係應該收到嘅錢收唔到！呢啖氣，點吞得落？
搵人找數：烏克蘭足總成為代罪羔羊
既然見財化水，下一步就梗係要搵人出氣同填數。薩克達嘅律師團隊，就將矛頭直指烏克蘭足總（UAF）。佢哋嘅邏輯好簡單：梅迪歷單嘢，係喺國家隊集訓期間出事，負責打針嘅又係你國家隊嘅隊醫。成件事嘅疏忽，源頭就喺你哋度。既然係你哋嘅失誤，搞到我哋冇咗筆橫財，咁呢筆數，就理應由你哋去賠。
利用醜聞作為「武器」
而上面梅迪歷案件嘅種種爆料，就成為咗薩克達最想利用嘅「武器」。無論係離奇嘅「牛牛幹細胞」源頭，定係關於舒夫真高嘅指控，對薩克達嚟講都係「好事」。因為呢啲爆料，正正就係要營造一個「因管理不善而在全球足球排名榜跌落第N位烏克蘭足總、上樑不正下樑歪」嘅形象。只要能夠喺法庭上建立呢個印象，佢哋指控 UAF 疏忽導致佢哋損失慘重嘅勝算，就會大大增加。
於是，一場烏克蘭球壇嘅「內戰」就咁爆發。我哋車仔同梅迪歷，就喺呢場金錢風暴嘅中心，睇住兩大巨頭為我哋而開火。(但又咁講，世冠盃梅仔出得，橫睇掂睇都唔係提升咗我哋戰力…)
總結：一場冇真相嘅羅生門，同車仔嘅商業計算
好，拆解完成件事，你會發現，呢個根本就係一場冇標準答案嘅「羅生門」。梅迪歷嘅律師團隊砌咗個天衣無縫嘅「牛牛劇本」想博減刑，但同時亦都將責任推晒俾烏克蘭足總；而薩克達為咗三千萬歐元，就利用呢啲指控嚟攻擊同一個烏克蘭足總，要搵人祭旗；最慘嘅係烏克蘭足總同舒夫真高，就喺呢場風暴中心，點拆彈都一身蟻。每個人都有自己嘅版本，邊個先係「真相」？或者，永遠都冇人知。
喺呢場混亂之中，我哋作為車迷，最關心嘅當然係：咁我哋車仔應該點做？有啲球迷可能會話，學返梅度（Mutu）單嘢咁，直接炒人止蝕。但正如我哋之前分析過，今次情況唔同，要單方面解約，法律風險好高。
所以，從一個冷靜嘅商業角度睇，球會最有利嘅做法，好可能就係等「減刑」。
我哋要喺法律上支持梅迪歷，盡力幫佢證明「無心之失」，將個禁賽期由可能嘅四年，減到最短。一個禁賽年半後可以復出嘅梅迪歷，無論係留隊自用定係賣盤，佢嘅資產價值，都遠高於一個被解僱、陷入無了期官司嘅球員……希望啦……
(出文前另一個小更新：而家話車路士都打算告埋一份…)
========================================Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊