呢個國際賽期，除咗擔心班主力嘅身體狀況，我哋車迷圈仲熱烈討論緊一單傳聞：我哋嘅班主 BlueCo，據報有意收購巴甲傳統勁旅山度士（Santos FC）。
呢單傳聞嘅始作俑者，係一位叫 Lucas Musetti Perazolli 嘅巴西記者。之後，消息就主要係靠一啲足球新聞 ggregator 同球迷媒體喺度傳，冇乜大型嘅權威財經媒體跟進。所以，成件事嘅可信性，坦白講仲係比較低。
但消息一出，好多車球嘅第一反應都係：「吓？買南美隊做乜？」、「買多隊歐洲隊，好似史特拉斯堡咁，唔係仲好咩？」、「我哋又唔會借啲人過去踢，有鬼用？」、「之前唔係傾開葡超架咩？做咩變咗巴甲？」
呢啲疑問，絕對合理。表面上睇，呢個操作的確令人有啲摸不著頭腦。不過呢單傳聞之所以咁值得討論，唔係在於佢「係咪真」，而在於佢背後反映出嚟嘅戰略思維，實在太符合 BlueCo 嘅作風。
所以今次【車迷觀點】，我哋就一於做一次「商業間諜」，潛入 BlueCo 嘅作戰室，同大家一齊解構呢個「巴西攻略」背後，究竟收埋咗幾多精密、甚至大膽嘅盤算！
點解要喺巴西起農場？天時與地利
首先係要理解 BlueCo 嘅宏觀戰略。喺而家嘅球壇，頂級𡃁仔嘅身價已經炒到天咁高，最簡單講，皇馬之前買走馬斯坦圖奴就用咗4,500萬歐元，我哋由彭美拉斯買二安一樣價值不菲(3,400萬歐元)，與其喺歐洲同班油王、皇馬巴塞鬥燒錢，不如學習大大咁講直接「從源頭抓起」，去最大嘅人才出口國巴西，自己起個農場，由種子開始育成。因為 City Group 已經做緊，我哋要對等競爭，就一定要跟足。
咁點解係「而家」？因為巴西前幾年通過咗一條叫「SAF」嘅重要法案。呢條法例容許巴西球會成立一個全新嘅、獨立嘅公司法人（即係 SAF），而新嘅投資者（例如我哋）只需要對呢間新公司負責，舊球會以前所有嘅歷史債務，都同新公司完全切割。呢條法例，就係 BlueCo 敢喺巴西落手嘅最大「護身符」。
好難明？我唔直接去答你，用例子答：就好似你買間二手餐廳，但新法例話你淨係需要畀錢買佢個靚裝修同埋米芝蓮秘方，舊老細爭落街市啲數、拖欠員工啲糧，全部唔關你事。上面講左乜野，自己參透下啦。
咁點解係山度士？趁低吸納「潛力股王」
OK，決定咗喺巴西起農場，咁點解揀山度士？因為怕有啲年輕讀者唔識，請記住以下呢兩個名：比利（Pelé）、尼馬（Neymar）。
無錯，山度士就係出產過呢種級數嘅球員、堪稱足球界少林寺嘅傳奇球會。佢哋嘅青訓幾乎就係信譽嘅保證。所以，我哋唔係買緊一隊普通嘅巴甲球隊，而係買緊一個有住輝煌歷史嘅寶藏。
可能會有球迷話：「食老本啫，近年山度士仲有勁人出產咩？」問得好。事實係，呢間工廠到今時今日都仲運作緊。我哋睇下佢哋近兩年賣走嘅o靚仔：前鋒迪維華盛頓（Deivid Washington）、翼鋒安祖路加比爾（Ângelo Gabriel），呢兩個係邊個買嘅？咪就係我哋車路士囉！兩單夾埋都使咗我哋3,000萬歐元。如果嫌上面兩個實力唔夠，當然要數埋19/20球季賣去皇馬嘅洛迪高，當時都收足咗4,500萬歐元。
咁點解個寶藏會賣盤？就係因為佢哋近年財困。而家嘅山度士，就好似一隻跌咗價嘅「潛力股王」。喺佢哋最需要錢嘅時候出手，用一個相對合理嘅價錢，買入一個有無限潛力嘅資產，呢個就係 BlueCo 今鋪值得留意嘅地方。
球員育成問題
好，我哋知道咗點解要買山度士，亦都知佢哋唔係垃圾，而係一個仲識生金蛋嘅寶藏。咁買完返嚟，究竟有咩實際著數？呢度先係戲肉，就係睇下 BlueCo 點樣利用呢個多球會網絡，去破解幾個最令我哋頭痛嘅遊戲規則。
1. 玩法一：「英國工作證」生產器
自從脫歐之後，我哋要簽非歐盟嘅𡃁仔，就要過英國個套計分系統（GBE）。簡單講，個𡃁仔踢嘅比賽唔夠勁、唔夠多，就儲唔夠分，攞唔到工作證。咁你就算用幾千萬買咗個神童返嚟，佢都冇得出賽，變相坐幾年「移民監」，隨時練廢埋。呢個就係點解咁少英超球會去日韓掃潛力股嘅主因。
但如果我哋買起咗山度士，成件事就唔同晒。我哋可以自己「印」工作證。因為巴甲同解放者盃嘅積分同歐聯同級，我哋係山度士踢波嘅𡃁仔，只要乖乖地踢足出場次數就會累積到足夠分數。到佢18歲可以自由轉會去歐洲，工作證就十拿九穩。呢招一出，我哋就唔再需要求神拜佛同借法甲過橋，而係可以自己「印」工作證！
2. 玩法二：踢走中間人嘅「人才批發中心」
第二個玩法，就更加赤裸裸，係關於「錢」。而家要買南美幻幻，你點都避唔開班吸血鬼級數嘅超級經理人，例如Todd嘅老友文迪斯（Jorge Mendes）同埋薩哈維（Pini Zahavi）呢啲，佢哋壟斷咗好多天才，每單Deal都要抽一筆巨額佣金，搞到球員身價水漲船高。好多時球會駛嘅錢，有一大部份都落咗呢班中間人個袋。
但收購咗山度士，就等於我哋直接買咗一張巴西足球市場嘅「VIP」通行證。山度士本身嘅人脈網絡、同各大經理人嘅關係，會全部變成我哋 BlueCo 嘅資產。
以後，我哋想買邊個巴西天才，可以通過山度士呢個「內部通道」直接傾，唔單止可以快人一步，仲可以慳返一大筆俾中間人嘅「茶錢」。長遠嚟講，我哋甚至可以反客為主，將山度士打造成我哋喺南美嘅人才批發中心，將球員賣俾其他歐洲球會賺錢，由消費者徹底變身做生產商！
一盤好棋？策略背後的潛在風險
OK，拆解完成個計劃，聽落係咪好完美、好有前瞻性呢？理論上係。但足球場外嘅事，同場內一樣，再完美嘅計劃，都會有執行上嘅風險。我哋作為理性球迷，都要睇埋B面，分析下呢個「巴西攻略」有啲咩潛在嘅「副作用」。
1. 「金蛋」唔再生？人才培養的失敗風險
我哋成個計劃嘅基石，就係山度士間「天才工廠」可以持續出產高質素𡃁仔。但管理一間青訓學院，唔係純粹嘅商業操作，當中涉及好多文化、人脈、同埋足球專業嘅 know-how。如果我哋 BlueCo 用一套美式企業化、數據為本嘅管理方法，水土不服，搞亂咗人哋本身套成功模式，搞到間工廠「斷纜」，唔再生產到「新尼馬」，咁我哋成盤收購嘅核心價值就冇咗。
2.買到間廠，買唔到個心？更加現實嘅球會問題
吹奏嘅同時都要回歸現實。成件事目前仲係傳聞階段，BlueCo 同山度士都未有任何官方回應。就算真係有興趣，最大嘅障礙，其實係山度士內部嘅政治。巴西足球，尤其係山度士呢啲百年老店，從來都唔只係一盤生意。佢哋有自己嘅文化、有極具影響力嘅球迷組織（Torcidas）、有盤根錯節嘅內部政治。我哋作為一個「外人」、「美國佬」，空降去管治，好容易就會引起本地人嘅反感。唔講遠嘅，史堡球迷其實都不停抗議嘅。
如果處理得唔好，球迷日日喺你門口示威，球員又唔 buy 你套管理，咁就算個計劃幾完美，都難以執行。要班會員同激進球迷組織點頭，投票通過賣盤，亦唔係一件易事。分分鐘我哋喺度FF得好開心，人哋內部一投票就直接 Reject 咗。
3. 戰線拉得太長？資源分散的風險
最後，就係一個最最最現實嘅問題。管理一個跨越歐美嘅足球網絡，需要巨大嘅精力、時間同金錢。我哋嘅管理層，尤其係 Eghbali，會唔會因為要兼顧史特拉斯堡同山度士，而分散咗佢哋對車路士本身嘅專注度？史特拉斯堡上季嘅成績話就話有進步，但球迷亦都有微言。
如果再加多間山度士，我哋 BlueCo 嘅資源係咪真係足夠應付？作為車路士球迷，我哋最唔想見到嘅，就係為咗集團嘅宏圖大計，而犧牲咗旗艦球會（即係我哋）嘅短期成績。
結論：一盤潛力巨大嘅棋，但仲有暗湧
好，拆解完成個「巴西攻略」之後，相信大家都會明白，呢單收購傳聞，如果屬實，並唔係一次心血來潮嘅投資。背後嘅盤算，其實係一套環環相扣嘅商業操作，目的非常赤裸裸：就係要喺南美呢個人才市場，建立一條由我哋自己控制、成本更低、風險更細嘅「人才輸送帶」。成個計劃，由利用 SAF 法案隔開債務，到解決球員嘅工作證問題，都係為咗呢個最終目標服務。
但無論呢單刁最後成唔成功，從中我哋可以睇到，新老細玩足球嘅方式，同以前嘅油王時代已經完全唔同。佢哋唔再係單純「燒錢」買球星，而係用更精密、更似華爾街投行嘅方式，去建立一個可持續發展嘅「足球帝國」。呢種玩法，可能少咗啲激情，但多咗份理性。作為球迷，我哋可以期待嘅，係一個更精明、更有遠見嘅車路士。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
呢單傳聞嘅始作俑者，係一位叫 Lucas Musetti Perazolli 嘅巴西記者。之後，消息就主要係靠一啲足球新聞 ggregator 同球迷媒體喺度傳，冇乜大型嘅權威財經媒體跟進。所以，成件事嘅可信性，坦白講仲係比較低。
但消息一出，好多車球嘅第一反應都係：「吓？買南美隊做乜？」、「買多隊歐洲隊，好似史特拉斯堡咁，唔係仲好咩？」、「我哋又唔會借啲人過去踢，有鬼用？」、「之前唔係傾開葡超架咩？做咩變咗巴甲？」
呢啲疑問，絕對合理。表面上睇，呢個操作的確令人有啲摸不著頭腦。不過呢單傳聞之所以咁值得討論，唔係在於佢「係咪真」，而在於佢背後反映出嚟嘅戰略思維，實在太符合 BlueCo 嘅作風。
所以今次【車迷觀點】，我哋就一於做一次「商業間諜」，潛入 BlueCo 嘅作戰室，同大家一齊解構呢個「巴西攻略」背後，究竟收埋咗幾多精密、甚至大膽嘅盤算！
點解要喺巴西起農場？天時與地利
首先係要理解 BlueCo 嘅宏觀戰略。喺而家嘅球壇，頂級𡃁仔嘅身價已經炒到天咁高，最簡單講，皇馬之前買走馬斯坦圖奴就用咗4,500萬歐元，我哋由彭美拉斯買二安一樣價值不菲(3,400萬歐元)，與其喺歐洲同班油王、皇馬巴塞鬥燒錢，不如學習大大咁講直接「從源頭抓起」，去最大嘅人才出口國巴西，自己起個農場，由種子開始育成。因為 City Group 已經做緊，我哋要對等競爭，就一定要跟足。
咁點解係「而家」？因為巴西前幾年通過咗一條叫「SAF」嘅重要法案。呢條法例容許巴西球會成立一個全新嘅、獨立嘅公司法人（即係 SAF），而新嘅投資者（例如我哋）只需要對呢間新公司負責，舊球會以前所有嘅歷史債務，都同新公司完全切割。呢條法例，就係 BlueCo 敢喺巴西落手嘅最大「護身符」。
好難明？我唔直接去答你，用例子答：就好似你買間二手餐廳，但新法例話你淨係需要畀錢買佢個靚裝修同埋米芝蓮秘方，舊老細爭落街市啲數、拖欠員工啲糧，全部唔關你事。上面講左乜野，自己參透下啦。
咁點解係山度士？趁低吸納「潛力股王」
OK，決定咗喺巴西起農場，咁點解揀山度士？因為怕有啲年輕讀者唔識，請記住以下呢兩個名：比利（Pelé）、尼馬（Neymar）。
無錯，山度士就係出產過呢種級數嘅球員、堪稱足球界少林寺嘅傳奇球會。佢哋嘅青訓幾乎就係信譽嘅保證。所以，我哋唔係買緊一隊普通嘅巴甲球隊，而係買緊一個有住輝煌歷史嘅寶藏。
可能會有球迷話：「食老本啫，近年山度士仲有勁人出產咩？」問得好。事實係，呢間工廠到今時今日都仲運作緊。我哋睇下佢哋近兩年賣走嘅o靚仔：前鋒迪維華盛頓（Deivid Washington）、翼鋒安祖路加比爾（Ângelo Gabriel），呢兩個係邊個買嘅？咪就係我哋車路士囉！兩單夾埋都使咗我哋3,000萬歐元。如果嫌上面兩個實力唔夠，當然要數埋19/20球季賣去皇馬嘅洛迪高，當時都收足咗4,500萬歐元。
咁點解個寶藏會賣盤？就係因為佢哋近年財困。而家嘅山度士，就好似一隻跌咗價嘅「潛力股王」。喺佢哋最需要錢嘅時候出手，用一個相對合理嘅價錢，買入一個有無限潛力嘅資產，呢個就係 BlueCo 今鋪值得留意嘅地方。
球員育成問題
好，我哋知道咗點解要買山度士，亦都知佢哋唔係垃圾，而係一個仲識生金蛋嘅寶藏。咁買完返嚟，究竟有咩實際著數？呢度先係戲肉，就係睇下 BlueCo 點樣利用呢個多球會網絡，去破解幾個最令我哋頭痛嘅遊戲規則。
1. 玩法一：「英國工作證」生產器
自從脫歐之後，我哋要簽非歐盟嘅𡃁仔，就要過英國個套計分系統（GBE）。簡單講，個𡃁仔踢嘅比賽唔夠勁、唔夠多，就儲唔夠分，攞唔到工作證。咁你就算用幾千萬買咗個神童返嚟，佢都冇得出賽，變相坐幾年「移民監」，隨時練廢埋。呢個就係點解咁少英超球會去日韓掃潛力股嘅主因。
但如果我哋買起咗山度士，成件事就唔同晒。我哋可以自己「印」工作證。因為巴甲同解放者盃嘅積分同歐聯同級，我哋係山度士踢波嘅𡃁仔，只要乖乖地踢足出場次數就會累積到足夠分數。到佢18歲可以自由轉會去歐洲，工作證就十拿九穩。呢招一出，我哋就唔再需要求神拜佛同借法甲過橋，而係可以自己「印」工作證！
2. 玩法二：踢走中間人嘅「人才批發中心」
第二個玩法，就更加赤裸裸，係關於「錢」。而家要買南美幻幻，你點都避唔開班吸血鬼級數嘅超級經理人，例如Todd嘅老友文迪斯（Jorge Mendes）同埋薩哈維（Pini Zahavi）呢啲，佢哋壟斷咗好多天才，每單Deal都要抽一筆巨額佣金，搞到球員身價水漲船高。好多時球會駛嘅錢，有一大部份都落咗呢班中間人個袋。
但收購咗山度士，就等於我哋直接買咗一張巴西足球市場嘅「VIP」通行證。山度士本身嘅人脈網絡、同各大經理人嘅關係，會全部變成我哋 BlueCo 嘅資產。
以後，我哋想買邊個巴西天才，可以通過山度士呢個「內部通道」直接傾，唔單止可以快人一步，仲可以慳返一大筆俾中間人嘅「茶錢」。長遠嚟講，我哋甚至可以反客為主，將山度士打造成我哋喺南美嘅人才批發中心，將球員賣俾其他歐洲球會賺錢，由消費者徹底變身做生產商！
一盤好棋？策略背後的潛在風險
OK，拆解完成個計劃，聽落係咪好完美、好有前瞻性呢？理論上係。但足球場外嘅事，同場內一樣，再完美嘅計劃，都會有執行上嘅風險。我哋作為理性球迷，都要睇埋B面，分析下呢個「巴西攻略」有啲咩潛在嘅「副作用」。
1. 「金蛋」唔再生？人才培養的失敗風險
我哋成個計劃嘅基石，就係山度士間「天才工廠」可以持續出產高質素𡃁仔。但管理一間青訓學院，唔係純粹嘅商業操作，當中涉及好多文化、人脈、同埋足球專業嘅 know-how。如果我哋 BlueCo 用一套美式企業化、數據為本嘅管理方法，水土不服，搞亂咗人哋本身套成功模式，搞到間工廠「斷纜」，唔再生產到「新尼馬」，咁我哋成盤收購嘅核心價值就冇咗。
2.買到間廠，買唔到個心？更加現實嘅球會問題
吹奏嘅同時都要回歸現實。成件事目前仲係傳聞階段，BlueCo 同山度士都未有任何官方回應。就算真係有興趣，最大嘅障礙，其實係山度士內部嘅政治。巴西足球，尤其係山度士呢啲百年老店，從來都唔只係一盤生意。佢哋有自己嘅文化、有極具影響力嘅球迷組織（Torcidas）、有盤根錯節嘅內部政治。我哋作為一個「外人」、「美國佬」，空降去管治，好容易就會引起本地人嘅反感。唔講遠嘅，史堡球迷其實都不停抗議嘅。
如果處理得唔好，球迷日日喺你門口示威，球員又唔 buy 你套管理，咁就算個計劃幾完美，都難以執行。要班會員同激進球迷組織點頭，投票通過賣盤，亦唔係一件易事。分分鐘我哋喺度FF得好開心，人哋內部一投票就直接 Reject 咗。
3. 戰線拉得太長？資源分散的風險
最後，就係一個最最最現實嘅問題。管理一個跨越歐美嘅足球網絡，需要巨大嘅精力、時間同金錢。我哋嘅管理層，尤其係 Eghbali，會唔會因為要兼顧史特拉斯堡同山度士，而分散咗佢哋對車路士本身嘅專注度？史特拉斯堡上季嘅成績話就話有進步，但球迷亦都有微言。
如果再加多間山度士，我哋 BlueCo 嘅資源係咪真係足夠應付？作為車路士球迷，我哋最唔想見到嘅，就係為咗集團嘅宏圖大計，而犧牲咗旗艦球會（即係我哋）嘅短期成績。
結論：一盤潛力巨大嘅棋，但仲有暗湧
好，拆解完成個「巴西攻略」之後，相信大家都會明白，呢單收購傳聞，如果屬實，並唔係一次心血來潮嘅投資。背後嘅盤算，其實係一套環環相扣嘅商業操作，目的非常赤裸裸：就係要喺南美呢個人才市場，建立一條由我哋自己控制、成本更低、風險更細嘅「人才輸送帶」。成個計劃，由利用 SAF 法案隔開債務，到解決球員嘅工作證問題，都係為咗呢個最終目標服務。
但無論呢單刁最後成唔成功，從中我哋可以睇到，新老細玩足球嘅方式，同以前嘅油王時代已經完全唔同。佢哋唔再係單純「燒錢」買球星，而係用更精密、更似華爾街投行嘅方式，去建立一個可持續發展嘅「足球帝國」。呢種玩法，可能少咗啲激情，但多咗份理性。作為球迷，我哋可以期待嘅，係一個更精明、更有遠見嘅車路士。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊