兩年前嘅7月，娜娜（André Onana）仲係頂住現代龍門革命嘅光環、意氣風發咁由國米加盟曼聯，當時仲被視為取代迪基亞、帶領球隊進入新時代嘅關鍵人物。兩年之後，佢就喺一片爭議聲中，黯然被外借到土耳其嘅特拉布宗隊（Trabzonspor）。
一個曾經被譽為天作之合嘅組合，點解會喺咁短時間內徹底破裂分手？今次【球壇風向室】，我哋就要深入拆解呢場悲劇。如果要將所有責任推晒落娜娜一個人身上，係唔公道嘅。事實係，呢場災難，係一場由英國媒體嘅巨大壓力、教練同球員之間嘅戰術錯配、以及曼聯自身積弱嘅團隊結構問題，共同釀成嘅苦果。
關係的破裂：由季前賽的肥佬到信任的崩潰
一段關係嘅結束，好多時唔係因為一件事，而係由好多條刺慢慢累積而成。娜娜同曼聯嘅「分手」，就係一個典型例子，而第一條刺，就喺新帥艾摩廉（Amorim）上任嗰刻，已經埋咗落去。
一開始已經寫好的悲劇劇本
翻查返 2023 年 7 月娜娜加盟時，The Athletic 嘅一篇舊文 (連結喺度)，你會發現呢場悲劇嘅劇本，原來一早已經寫好。作者當時已經警告，娜娜嘅高風險踢法一定會帶嚟失誤，懇請球迷要對佢「溫柔啲」。更重要嘅係，文章提出一個當時被忽略、但如今睇返極度關鍵嘅問題：作為曼聯多年嚟首位黑人正選龍門，娜娜犯嘅任何錯，都可能會喺種族偏見嘅背景下被不成比例地放大。呢個，就係佢之後要面對嘅、比其他龍門更巨大、更惡毒嘅輿論壓力。而呢一切，而家睇返就好似預言書一樣一一應驗，仲準過龍樹諒…
信任的第一道裂痕：馬迪的炮轟與里昂的崩潰
呢個「壓力煲」喺上季（2025年4月）正式爆發。當時迪基亞嘅好兄弟馬迪（Matić），公開炮轟娜娜係「曼聯史上最差龍門之一」。喺呢份巨大壓力下，娜娜隨即喺對里昂嘅關鍵比賽中犯下兩個大錯。呢件事，令教練團同球迷對佢嘅穩定性同抗壓能力，首次產生嚴重懷疑，亦都直接導致佢喺季尾最後一場聯賽失去正選位置。
最後一根稻草：季前集訓的「雙重自殺」
新球季，本應係娜娜同艾摩廉（Amorim）重新建立關係嘅機會。點知，佢喺新球季報到第一日就出問題，第二日就正式受傷，雖然話傷患多少有不幸成份，但同時亦令教練團質疑佢嘅狀態。仲要喺呢個最差嘅Timing，各方傳媒指佢走去要求加人工……呢個舉動，唔止係做人無公關咁簡單，直頭成為壓垮駱駝嘅最後一根稻草，徹底摧毀咗教練對佢僅餘嘅信任，證明佢嘅心態同球隊格格不入。
戰術的錯配：當「腳法」成為原罪
信任破裂，只係分手嘅其中一個原因。另一個更深層次嘅問題，就係戰術上嘅「八字不合」。曼聯當初買娜娜，就好似買咗部最新款嘅智能電話，點知返到屋企，發現全屋都冇WiFi又收唔到信號，得返條舊式電話線一樣…
被廢武功的組織核心
講返最初曼聯簽娜娜，其實筆錢唔係買佢對手，係買佢對腳。佢嘅價值，在於佢可以喺後場做第一個組織點，用短傳破解對手嘅高壓，如果計劃順利，理論上球隊係應該用傳控搶迫去減少對手射門。點知，一場季前熱身賽對朗斯（Lens），佢一次出迎傳波失誤俾人笠死，就嚇到成隊波唔敢再玩。結果就係，一個為短傳體系而設嘅龍門，被迫要不斷開大腳，前線球員搶迫威脅減少。最大嘅武器，一開波就俾自己人封印咗。
數據下的「平庸化」
睇返佢最巔峰嘅國米時期（22/23），佢嘅「預期撲救」數據（PSxG-GA）其實只係平均線之下。嚟到曼聯，佢舊年呢個數字都係差唔多。呢個證明，佢嘅價值從來都唔係在於撲救「必入球」，而係在於佢嘅腳下功夫。
但當佢呢個最大賣點，喺曼聯被廢除武功之後，佢「平均級」嘅撲救能力，就再都掩蓋唔住佢偶爾犯下嘅致命失誤。我哋將佢喺國米同曼聯嘅數據一比較，就更加睇到個問題所在：
喺國米，佢龍門球只會開 30.9% 嘅長傳；嚟到曼聯，呢個數字飆升到 65.5%。
被迫改變踢法，佢嘅長傳成功率亦都由國米時期「高於平均」嘅 38.9%，暴跌到喺曼聯「聯賽包尾」級數嘅 28.5%。呢啲數據，就係佢水土不服、被「平庸化」嘅鐵證。
信心危機下的技術變形
最後，就要講返心理。曼聯龍門呢個位，需要有鐵打嘅心理質素。但娜娜明顯係一個「藝術家」，表現同信心直接掛勾。佢獨特嘅闊腳企位，有信心嗰陣可以令佢反應更快；但當佢一猶豫，呢個企位就會變成弱點，令佢反應變慢。
最近聯賽盃對甘士比（Grimsby Town）嗰球致命失誤，就係一個典型嘅例子：一次完全失去信心嘅龜縮反應。呢種門將其實球壇絕對唔少見，車迷比較熟識嘅當然係「前領隊」基柏 (Kepa)，佢有信心果時連12碼都可以連救俾你睇，但無信心果時就靈過黃大仙，對手幾乎係有球必應。
總結：一場冇贏家嘅分手，同一杯「米一久釀」
講到呢度，或者呢個只係我嘅觀點，將「分手」嘅責任全部推晒俾娜娜一個人，其實唔公道。
呢場悲劇，係一場集體嘅失敗。娜娜自己嘅「玻璃心」、唔夠鐵打嘅心理質素，同埋季前嘅態度，肯定要負上責任。但曼聯呢個「壓力煲」環境、艾摩廉套「揚惡隱善」嘅戰術，同埋嗰條長期唔掂嘅豆腐防線，都係將佢推向深淵嘅元兇。佢哋請咗一個需要體系支援嘅「藝術家」，但就掉咗佢去一個混亂嘅戰場自生自滅。
所以，呢場分手冇贏家。曼聯兜兜轉轉兩年，用咗幾千萬，最後都係要重新簽過個龍門，繼續尋找佢哋渴望嘅穩定性。而娜娜，就帶住一個失敗者嘅標籤，要去到特拉布宗隊，嘗試喺一個關注度較低嘅聯賽，重建自己嘅事業同信心。
最可悲嘅係，娜娜嘅離開，可能只係一個治標唔治本嘅方案。只要曼聯嘅防守結構性問題一日唔解決，一日都繼續放任俾對手自由起腳，咁無論龍門位企嘅係邊個，最終都只會陷入「焗住要做英雄，但同時容易出錯」嘅惡性循環。
換龍門，可能只係換個人嚟揹鑊。呢個問題，對曼聯嚟講，或者就係一杯大家都好熟識嘅曼市特產「米一久釀」。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
一個曾經被譽為天作之合嘅組合，點解會喺咁短時間內徹底破裂分手？今次【球壇風向室】，我哋就要深入拆解呢場悲劇。如果要將所有責任推晒落娜娜一個人身上，係唔公道嘅。事實係，呢場災難，係一場由英國媒體嘅巨大壓力、教練同球員之間嘅戰術錯配、以及曼聯自身積弱嘅團隊結構問題，共同釀成嘅苦果。
關係的破裂：由季前賽的肥佬到信任的崩潰
一段關係嘅結束，好多時唔係因為一件事，而係由好多條刺慢慢累積而成。娜娜同曼聯嘅「分手」，就係一個典型例子，而第一條刺，就喺新帥艾摩廉（Amorim）上任嗰刻，已經埋咗落去。
一開始已經寫好的悲劇劇本
翻查返 2023 年 7 月娜娜加盟時，The Athletic 嘅一篇舊文 (連結喺度)，你會發現呢場悲劇嘅劇本，原來一早已經寫好。作者當時已經警告，娜娜嘅高風險踢法一定會帶嚟失誤，懇請球迷要對佢「溫柔啲」。更重要嘅係，文章提出一個當時被忽略、但如今睇返極度關鍵嘅問題：作為曼聯多年嚟首位黑人正選龍門，娜娜犯嘅任何錯，都可能會喺種族偏見嘅背景下被不成比例地放大。呢個，就係佢之後要面對嘅、比其他龍門更巨大、更惡毒嘅輿論壓力。而呢一切，而家睇返就好似預言書一樣一一應驗，仲準過龍樹諒…
信任的第一道裂痕：馬迪的炮轟與里昂的崩潰
呢個「壓力煲」喺上季（2025年4月）正式爆發。當時迪基亞嘅好兄弟馬迪（Matić），公開炮轟娜娜係「曼聯史上最差龍門之一」。喺呢份巨大壓力下，娜娜隨即喺對里昂嘅關鍵比賽中犯下兩個大錯。呢件事，令教練團同球迷對佢嘅穩定性同抗壓能力，首次產生嚴重懷疑，亦都直接導致佢喺季尾最後一場聯賽失去正選位置。
最後一根稻草：季前集訓的「雙重自殺」
新球季，本應係娜娜同艾摩廉（Amorim）重新建立關係嘅機會。點知，佢喺新球季報到第一日就出問題，第二日就正式受傷，雖然話傷患多少有不幸成份，但同時亦令教練團質疑佢嘅狀態。仲要喺呢個最差嘅Timing，各方傳媒指佢走去要求加人工……呢個舉動，唔止係做人無公關咁簡單，直頭成為壓垮駱駝嘅最後一根稻草，徹底摧毀咗教練對佢僅餘嘅信任，證明佢嘅心態同球隊格格不入。
戰術的錯配：當「腳法」成為原罪
信任破裂，只係分手嘅其中一個原因。另一個更深層次嘅問題，就係戰術上嘅「八字不合」。曼聯當初買娜娜，就好似買咗部最新款嘅智能電話，點知返到屋企，發現全屋都冇WiFi又收唔到信號，得返條舊式電話線一樣…
被廢武功的組織核心
講返最初曼聯簽娜娜，其實筆錢唔係買佢對手，係買佢對腳。佢嘅價值，在於佢可以喺後場做第一個組織點，用短傳破解對手嘅高壓，如果計劃順利，理論上球隊係應該用傳控搶迫去減少對手射門。點知，一場季前熱身賽對朗斯（Lens），佢一次出迎傳波失誤俾人笠死，就嚇到成隊波唔敢再玩。結果就係，一個為短傳體系而設嘅龍門，被迫要不斷開大腳，前線球員搶迫威脅減少。最大嘅武器，一開波就俾自己人封印咗。
數據下的「平庸化」
睇返佢最巔峰嘅國米時期（22/23），佢嘅「預期撲救」數據（PSxG-GA）其實只係平均線之下。嚟到曼聯，佢舊年呢個數字都係差唔多。呢個證明，佢嘅價值從來都唔係在於撲救「必入球」，而係在於佢嘅腳下功夫。
但當佢呢個最大賣點，喺曼聯被廢除武功之後，佢「平均級」嘅撲救能力，就再都掩蓋唔住佢偶爾犯下嘅致命失誤。我哋將佢喺國米同曼聯嘅數據一比較，就更加睇到個問題所在：
喺國米，佢龍門球只會開 30.9% 嘅長傳；嚟到曼聯，呢個數字飆升到 65.5%。
被迫改變踢法，佢嘅長傳成功率亦都由國米時期「高於平均」嘅 38.9%，暴跌到喺曼聯「聯賽包尾」級數嘅 28.5%。呢啲數據，就係佢水土不服、被「平庸化」嘅鐵證。
信心危機下的技術變形
最後，就要講返心理。曼聯龍門呢個位，需要有鐵打嘅心理質素。但娜娜明顯係一個「藝術家」，表現同信心直接掛勾。佢獨特嘅闊腳企位，有信心嗰陣可以令佢反應更快；但當佢一猶豫，呢個企位就會變成弱點，令佢反應變慢。
最近聯賽盃對甘士比（Grimsby Town）嗰球致命失誤，就係一個典型嘅例子：一次完全失去信心嘅龜縮反應。呢種門將其實球壇絕對唔少見，車迷比較熟識嘅當然係「前領隊」基柏 (Kepa)，佢有信心果時連12碼都可以連救俾你睇，但無信心果時就靈過黃大仙，對手幾乎係有球必應。
總結：一場冇贏家嘅分手，同一杯「米一久釀」
講到呢度，或者呢個只係我嘅觀點，將「分手」嘅責任全部推晒俾娜娜一個人，其實唔公道。
呢場悲劇，係一場集體嘅失敗。娜娜自己嘅「玻璃心」、唔夠鐵打嘅心理質素，同埋季前嘅態度，肯定要負上責任。但曼聯呢個「壓力煲」環境、艾摩廉套「揚惡隱善」嘅戰術，同埋嗰條長期唔掂嘅豆腐防線，都係將佢推向深淵嘅元兇。佢哋請咗一個需要體系支援嘅「藝術家」，但就掉咗佢去一個混亂嘅戰場自生自滅。
所以，呢場分手冇贏家。曼聯兜兜轉轉兩年，用咗幾千萬，最後都係要重新簽過個龍門，繼續尋找佢哋渴望嘅穩定性。而娜娜，就帶住一個失敗者嘅標籤，要去到特拉布宗隊，嘗試喺一個關注度較低嘅聯賽，重建自己嘅事業同信心。
最可悲嘅係，娜娜嘅離開，可能只係一個治標唔治本嘅方案。只要曼聯嘅防守結構性問題一日唔解決，一日都繼續放任俾對手自由起腳，咁無論龍門位企嘅係邊個，最終都只會陷入「焗住要做英雄，但同時容易出錯」嘅惡性循環。
換龍門，可能只係換個人嚟揹鑊。呢個問題，對曼聯嚟講，或者就係一杯大家都好熟識嘅曼市特產「米一久釀」。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊