我哋班主之一嘅Eghbali，曾經分享過一個故仔。佢話，有次問一個世界頂級球會嘅體育總監，佢哋有咩數據策略，對方竟然答：「我對眼就係我嘅數據，我信自己對眼。」唔知，我仲以為自己睇緊溏心風暴。
呢個故仔，完美咁反映咗傳統足球世界，同我哋新班主BlueCo之間嘅想法差距。喺一個越嚟越講求數據同科學嘅年代，單靠眼緣去決定幾千萬、甚至過億嘅投資，喺我哋班主眼中，係匪夷所思嘅。
為咗要將車路士，打造成一間真正行喺時代尖端嘅數據化球會，繼上次係欖球界挖咗個勁人返嚟之後，佢哋又搵嚟一個我哋球迷絕對估你唔到嘅「秘密武器」。佢唔係足球經紀，甚至唔係足球圈內人。佢，係一個嚟自美國NBA籃球界嘅數據專家：Sachin Gupta。
究竟呢位NBA神人係何方神聖？佢點樣將籃球嘅「Moneyball」思維，帶嚟史丹福橋？佢又點樣影響緊我哋一單又一單，睇落好似好複雜嘅轉會操作？
呢篇文章，我哋就嚟為大家「起底」，呢位喺我哋盤數背後，運籌帷幄嘅「幕後巫師」。
Gupta係何方神聖？NBA的「薪資帽大神」
要「起底」Sachin Gupta，我哋首先要睇下佢份驚人嘅CV。佢並唔係普通嘅體育行政人員，而係一個擁有麻省理工學院（MIT）電腦科學學位，同埋史丹福大學MBA嘅頂級人材。
但佢最廣為人知嘅「作品」，相信好多鍾意玩NBA Fantasy嘅球迷都用過：就係佢喺ESPN工作期間，一手創造出嚟嘅「NBA交易模擬器」（NBA Trade Machine）。呢個工具，唔只係一個俾球迷FF嘅玩具。要創造出嚟，開發者必須要對NBA極度複雜嘅「薪資帽」（Salary Cap）規則，有住系統性、程序化嘅深刻理解。呢個作品，就係佢「拆解規則」能力的最佳證明。
之後，佢正式加入NBA球隊，先後喺侯斯頓火箭隊、費城76人隊擔任要職，正正就係NBA「Moneyball」數據革命嘅核心人物之一。之後，佢更加成為明尼蘇達木狼隊嘅籃球營運總裁，係史上第一個執掌NBA球隊運作嘅印度裔美國人。
佢嘅前老闆，76人隊嘅總經理Sam Hinkie，就曾經俾過一個好誇張嘅評價：「如果Gupta強烈反對一個諗法，最慳時間嘅做法就係直接同意佢，因為之後嘅分析，幾乎總會證明Gupta嘅判斷係啱嘅。」呢句嚟自另一個行業大佬嘅金句，含金量極高，證明Gupta嘅分析能力，並唔係浪得虛名。
所以，我哋可以見到，BlueCo請返嚟嘅，唔只係一個數據科學家，而係一個識得設計系統、又有實戰管理經驗、仲要被業界頂層認證過嘅超級專才，分分鐘可以直接嚟香港拎到專才簽證果隻。
Gupta喺車仔做啲咩？ FFP的「拆彈專家」
好，既然知道Gupta咁猛料，咁佢嚟到我哋車路士，具體係負責啲咩？
佢嘅職位，係我哋球會史上第一個「首席分析官」（Chief Analytics Officer），直接向董事會匯報。可以話，佢就係我哋成個體育部門嘅新「大腦中樞」。佢上任之後，亦都好快手咁，請咗前巴塞隆拿嘅分析主管Javier Fernandez等等嘅專家，去建立一個強大嘅數據科學團隊。
但佢最核心嘅任務，並唔係分析球員踢波嘅數據。我哋要記住，佢喺NBA最擅長嘅，係拆解薪資帽規則。而佢嚟到車路士，就係要將呢種駕馭複雜金融監管體系技能，應用喺英超嘅財政公平條例（PSR）身上。
喺呢個FFP/PSR越嚟越嚴格嘅年代，佢嘅角色，就好似一個拆彈專家。佢嘅工作，就係要喺規則嘅灰色地帶入面，搵出漏洞，設計出最大膽、但又唔會爆炸嘅操作方案。
我哋近年見到嘅好多「神操作」，背後好可能都有佢嘅影子：
例如，好似我哋之前分析過，複製以前意甲果種「賣50%擁有權」，去處理菲歷斯單deal；又或者係將手上嘅資產左手轉右手賣返俾自己填PSR。呢啲極具創意嘅財技，正正就係一個嚟自唔同領域嘅專家，先可以帶嚟嘅新思維。
佢嘅影響： 「美國模式」的利與弊
好，既然知道Sachin Gupta係邊個、做啲咩，我哋就要討論最重要嘅一點：佢帶嚟呢套「美國模式」，對我哋車路士嚟講，究竟係好事定壞事？
首先，好處係顯而易見嘅。喺一個有FFP/PSR規則嘅遊戲入面，邊個最識得利用規則，邊個就佔有最大嘅優勢。Gupta嘅加盟，就好似我哋喺一場德州撲克入面，請咗個數學天才坐喺隔離幫我哋計牌。佢嘅存在，令我哋可以喺符合財務規則嘅前提下，最大限度咁發揮我哋嘅購買力，用各種創新嘅財技，去簽入好似安素（Enzo）、卡些度（Caicedo）呢啲頂級球員。
但凡事都有兩面。呢種將球員完全視為「金融資產」嘅美式思維，亦都帶嚟咗唔少潛在風險。
第一個風險，係文化上嘅衝突。球會，始終唔係一盤普通生意，佢有住深厚嘅歷史同球迷情感。呢種過於冷血、純粹商業計算嘅做法，有時會令球迷覺得，球會少咗一份「人情味」。
而第二個、亦都係更大嘅風險，就係我哋嘅長約賭博。為年輕球員開出八年長約，呢個策略，係一場高風險、高回報嘅賭局。如果呢班「潛力股」，好似彭馬（Palmer）咁，成功兌現天賦，咁我哋就贏到開巷。但如果佢哋不幸遇上重傷，或者俾人發現服用禁藥要禁賽，咁呢啲長約，就會變成我哋未來幾年，難以擺脫嘅沉重財政包袱。
而第三個風險，係來自賽會嘅狙擊。歐洲足協已經限制咗計算合約嘅最大年期為五年，相信嚟緊其他財技都一樣要面臨賽會嘅挑戰，你有張良計佢有過牆梯，點算係限制中生存就會變成Gupta嘅首要工作。
當然，呢個美國模式係咪真係行得通，可能要幾年後，先可以得出中立嘅答案。
總結：我哋盤數背後的「巫師」
最後嘅最後嚟個總結，Sachin Gupta嘅加盟，可以話係我哋BlueCo時代，最重要、亦都最大膽嘅一項人事任命。佢嘅角色，並唔係要去取代傳統球探嘅「眼光」，或者教練嘅戰術判斷。佢唔會決定我哋應該買邊個球員。
相反，佢嘅工作，係要喺我哋嘅體育總監同領隊，睇中一個目標之後，解答一個最關鍵嘅問題：「我哋點樣先可以喺符合FFP/PSR規則嘅前提下，將呢單交易達成？」佢就係負責令冇可能，變成有可能嗰個人。
所以，當我哋將來，喺球場上，欣賞緊馬蛇嘅戰術魔法，同埋彭馬嘅個人魔法時，我哋亦都唔好唔記得，喺會議室嘅最深處，仲有另一個「巫師」。佢唔會入波，唔會助攻，但我哋未來幾年，究竟可唔可以繼續喺轉會市場上揮灑自如，甚至乎，我哋嘅王朝，能唔能夠建立得起，好大程度上，就要睇呢位「幕後巫師」嘅魔法有幾深厚。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
呢個故仔，完美咁反映咗傳統足球世界，同我哋新班主BlueCo之間嘅想法差距。喺一個越嚟越講求數據同科學嘅年代，單靠眼緣去決定幾千萬、甚至過億嘅投資，喺我哋班主眼中，係匪夷所思嘅。
為咗要將車路士，打造成一間真正行喺時代尖端嘅數據化球會，繼上次係欖球界挖咗個勁人返嚟之後，佢哋又搵嚟一個我哋球迷絕對估你唔到嘅「秘密武器」。佢唔係足球經紀，甚至唔係足球圈內人。佢，係一個嚟自美國NBA籃球界嘅數據專家：Sachin Gupta。
究竟呢位NBA神人係何方神聖？佢點樣將籃球嘅「Moneyball」思維，帶嚟史丹福橋？佢又點樣影響緊我哋一單又一單，睇落好似好複雜嘅轉會操作？
呢篇文章，我哋就嚟為大家「起底」，呢位喺我哋盤數背後，運籌帷幄嘅「幕後巫師」。
Gupta係何方神聖？NBA的「薪資帽大神」
要「起底」Sachin Gupta，我哋首先要睇下佢份驚人嘅CV。佢並唔係普通嘅體育行政人員，而係一個擁有麻省理工學院（MIT）電腦科學學位，同埋史丹福大學MBA嘅頂級人材。
但佢最廣為人知嘅「作品」，相信好多鍾意玩NBA Fantasy嘅球迷都用過：就係佢喺ESPN工作期間，一手創造出嚟嘅「NBA交易模擬器」（NBA Trade Machine）。呢個工具，唔只係一個俾球迷FF嘅玩具。要創造出嚟，開發者必須要對NBA極度複雜嘅「薪資帽」（Salary Cap）規則，有住系統性、程序化嘅深刻理解。呢個作品，就係佢「拆解規則」能力的最佳證明。
之後，佢正式加入NBA球隊，先後喺侯斯頓火箭隊、費城76人隊擔任要職，正正就係NBA「Moneyball」數據革命嘅核心人物之一。之後，佢更加成為明尼蘇達木狼隊嘅籃球營運總裁，係史上第一個執掌NBA球隊運作嘅印度裔美國人。
佢嘅前老闆，76人隊嘅總經理Sam Hinkie，就曾經俾過一個好誇張嘅評價：「如果Gupta強烈反對一個諗法，最慳時間嘅做法就係直接同意佢，因為之後嘅分析，幾乎總會證明Gupta嘅判斷係啱嘅。」呢句嚟自另一個行業大佬嘅金句，含金量極高，證明Gupta嘅分析能力，並唔係浪得虛名。
所以，我哋可以見到，BlueCo請返嚟嘅，唔只係一個數據科學家，而係一個識得設計系統、又有實戰管理經驗、仲要被業界頂層認證過嘅超級專才，分分鐘可以直接嚟香港拎到專才簽證果隻。
Gupta喺車仔做啲咩？ FFP的「拆彈專家」
好，既然知道Gupta咁猛料，咁佢嚟到我哋車路士，具體係負責啲咩？
佢嘅職位，係我哋球會史上第一個「首席分析官」（Chief Analytics Officer），直接向董事會匯報。可以話，佢就係我哋成個體育部門嘅新「大腦中樞」。佢上任之後，亦都好快手咁，請咗前巴塞隆拿嘅分析主管Javier Fernandez等等嘅專家，去建立一個強大嘅數據科學團隊。
但佢最核心嘅任務，並唔係分析球員踢波嘅數據。我哋要記住，佢喺NBA最擅長嘅，係拆解薪資帽規則。而佢嚟到車路士，就係要將呢種駕馭複雜金融監管體系技能，應用喺英超嘅財政公平條例（PSR）身上。
喺呢個FFP/PSR越嚟越嚴格嘅年代，佢嘅角色，就好似一個拆彈專家。佢嘅工作，就係要喺規則嘅灰色地帶入面，搵出漏洞，設計出最大膽、但又唔會爆炸嘅操作方案。
我哋近年見到嘅好多「神操作」，背後好可能都有佢嘅影子：
例如，好似我哋之前分析過，複製以前意甲果種「賣50%擁有權」，去處理菲歷斯單deal；又或者係將手上嘅資產左手轉右手賣返俾自己填PSR。呢啲極具創意嘅財技，正正就係一個嚟自唔同領域嘅專家，先可以帶嚟嘅新思維。
佢嘅影響： 「美國模式」的利與弊
好，既然知道Sachin Gupta係邊個、做啲咩，我哋就要討論最重要嘅一點：佢帶嚟呢套「美國模式」，對我哋車路士嚟講，究竟係好事定壞事？
首先，好處係顯而易見嘅。喺一個有FFP/PSR規則嘅遊戲入面，邊個最識得利用規則，邊個就佔有最大嘅優勢。Gupta嘅加盟，就好似我哋喺一場德州撲克入面，請咗個數學天才坐喺隔離幫我哋計牌。佢嘅存在，令我哋可以喺符合財務規則嘅前提下，最大限度咁發揮我哋嘅購買力，用各種創新嘅財技，去簽入好似安素（Enzo）、卡些度（Caicedo）呢啲頂級球員。
但凡事都有兩面。呢種將球員完全視為「金融資產」嘅美式思維，亦都帶嚟咗唔少潛在風險。
第一個風險，係文化上嘅衝突。球會，始終唔係一盤普通生意，佢有住深厚嘅歷史同球迷情感。呢種過於冷血、純粹商業計算嘅做法，有時會令球迷覺得，球會少咗一份「人情味」。
而第二個、亦都係更大嘅風險，就係我哋嘅長約賭博。為年輕球員開出八年長約，呢個策略，係一場高風險、高回報嘅賭局。如果呢班「潛力股」，好似彭馬（Palmer）咁，成功兌現天賦，咁我哋就贏到開巷。但如果佢哋不幸遇上重傷，或者俾人發現服用禁藥要禁賽，咁呢啲長約，就會變成我哋未來幾年，難以擺脫嘅沉重財政包袱。
而第三個風險，係來自賽會嘅狙擊。歐洲足協已經限制咗計算合約嘅最大年期為五年，相信嚟緊其他財技都一樣要面臨賽會嘅挑戰，你有張良計佢有過牆梯，點算係限制中生存就會變成Gupta嘅首要工作。
當然，呢個美國模式係咪真係行得通，可能要幾年後，先可以得出中立嘅答案。
總結：我哋盤數背後的「巫師」
最後嘅最後嚟個總結，Sachin Gupta嘅加盟，可以話係我哋BlueCo時代，最重要、亦都最大膽嘅一項人事任命。佢嘅角色，並唔係要去取代傳統球探嘅「眼光」，或者教練嘅戰術判斷。佢唔會決定我哋應該買邊個球員。
相反，佢嘅工作，係要喺我哋嘅體育總監同領隊，睇中一個目標之後，解答一個最關鍵嘅問題：「我哋點樣先可以喺符合FFP/PSR規則嘅前提下，將呢單交易達成？」佢就係負責令冇可能，變成有可能嗰個人。
所以，當我哋將來，喺球場上，欣賞緊馬蛇嘅戰術魔法，同埋彭馬嘅個人魔法時，我哋亦都唔好唔記得，喺會議室嘅最深處，仲有另一個「巫師」。佢唔會入波，唔會助攻，但我哋未來幾年，究竟可唔可以繼續喺轉會市場上揮灑自如，甚至乎，我哋嘅王朝，能唔能夠建立得起，好大程度上，就要睇呢位「幕後巫師」嘅魔法有幾深厚。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
https://www.threads.com/@hkgchedog
請按此登錄後留言。未成為會員? 立即註冊