當車路士被UEFA一紙公文正式處罰嘅消息傳出，相信唔少車迷同我一樣，第一時間係感到憂慮。但好快，呢份憂慮就被更大嘅困惑所取代。
明明球會先啱啱被綁上財政枷鎖，點解轉個頭，轉會市場上關於我哋嘅傳聞反而有增無減？由阿積士嘅哈圖到萊比錫嘅西蒙斯，兩件夾埋至少要洗多一億鎊先埋到單，仲未計我地走去搶水晶宮個青訓。呢種「左手收告票，右手寫支票」嘅矛盾操作，真係令唔少球迷睇到R晒頭。
究竟係管理層無視禁令、準備垂死掙扎？定係個懲罰內有乾坤，唔係我哋想像中咁簡單？
為咗解開呢個謎團，我花咗少少時間，將UEFA官方公佈嘅和解協議 (Settlement Agreement) 原文，由頭到尾、逐隻字咁「咬」一次。我發現，所有嘅答案，其實都白紙黑字咁寫咗喺呢份充滿法律術語嘅「天書」入面，而呢啲內容，暫時都係坊間未見到有或者無寫清楚。
今次，就等我同大家分享一下我嘅讀後感，一齊深入風暴核心，睇清喺呢場財政風暴下，車路士真正嘅求生之路。
由「已知」到「未知」： 咬文嚼字拆解和解協議
關於我哋今次衰咩，主要係因為違反咗「足球盈利規則」同「陣容成本規則」兩大天條，當中更涉及出售女子隊同酒店等財技操作，喺UEFA嚴格審核下被裁定無效。呢啲背景，我喺之前嘅文章（例如《玩財技走精面失敗》嗰篇）已經有詳細分析過。如果對成件事仲係一知半解嘅朋友，強烈建議可以先去重溫一下，打個底。
但死還死，七孔流血還七孔流血，知道衰咩同知道個懲罰點樣運作係兩回事嚟。點解我哋仲可以買人？個轉會限制嘅「緊箍咒」究竟有幾緊？答案，就喺份協議嘅字裡行間。接下來，我哋就由「已知」嘅事實，進入「未知」嘅魔鬼細節。
魔鬼細節一：轉會限制嘅真正範圍 — 「離隊球員」vs「A名單新球員」
唔止一眾網民，甚至係我嘅第一個問題都係：「A名單正轉會差？係咪要賣A名單嘅人，先可以買返A名單嘅人？」睇下和解協議原文點講。協議要求，車路士想註冊新球員上A名單，就必須要「A名單轉會結餘 (List A Transfer Balance) 為正數」 。而呢個結餘嘅定義係：
[咬文嚼字分析]：關鍵字眼係「離隊球員 (outgoing players)」，而唔係「離隊A名單球員 (outgoing List A players)」。呢個意味住，用嚟儲錢嘅資金池，係嚟自所有成功出售或外借嘅球員，無論佢上季喺唔喺歐戰名單，都可以係用嚟抵銷想註冊上A名單嘅新球員所產生嘅成本。
亦姐係話，第一個謎團已經解開咗，我哋可以出售外借兵、年輕球員、甚至冗員去創造註冊空間，唔需要一定犧牲核心主力。呢個亦都解釋咗，UEFA唔係想車仔削骨還父，而車仔點解依然有信心開大水喉喺市場上尋找目標。
魔鬼細節二：懲罰嘅「無可豁免性」— "irrespective of..." 嘅天條
有球迷會問：「如果我哋盤數做得好，提早收支平衡，係咪可以豁免轉會限制？」協議Page 4, Section 7 清楚寫明，體育制裁嘅執行方式如下：
[咬文嚼字分析]：「irrespective of」(無論) 呢個字，已經閂晒所有後門。UEFA明確表示，未來兩季嘅轉會限制，係對過往犯錯嘅一種獨立且前期嘅懲罰，同你未來嘅財政表現完全冇關係。兩者需要同時執行，冇得話做咗A就唔使做B。
未來兩季，我哋冇任何捷徑可以走，唔存在「達標就豁免」嘅幻想。就算盤數做得幾靚，都必須喺「一出一入」嘅枷鎖下操作。
魔鬼細節三：最嚴厲嘅緊箍咒：一旦失手，限制加倍嘅「50%條款」
呢個係協議中最隱蔽、亦都最恐怖嘅條款。同樣喺Page 4, Section 7，協議提到：
[咬文嚼字分析]：呢個係一個懲罰性嘅「懲罰」。正常情況下，我哋賣人慳到€100，就可以用€100去買人。但如果觸發呢個條款，我哋賣人慳到€100，喺UEFA眼中只會當你慳咗€50。換言之，我哋嘅購買力會被即時減半，需要「出二先可以入一」。
呢個條款意味住管理層唔單止要跑數，而且係唔衰得。任何輕微嘅財政失誤，後果都可能會被災難性地放大，令組軍難度幾何級數上升。
【實時更新】夏日轉會窗收支計算 [20250728版本]
好，戲肉嚟喇。我哋將現時傳聞中嘅數據，代入去計一次數。
（戴頭盔先： 為了盡可能提高文章的精確性，我們將暫時排除相對唔確定的工資部分，專注於比較「FFP盈利」與「轉會費攤銷」呢兩項最核心的數字，去評估我哋嘅註冊空間。）
第一步：計算核心支出 (Core Costs)
我哋今夏嘅收購總額為 €243.77m。但因為新收購球員入面，沙亞(Sarr) 同 柏艾斯(Páez) 兩個都會外借去史特拉斯堡，理論上唔需要喺今季註冊入歐戰A名單，所以可以暫時扣除佢哋嘅轉會費 (€14.0m + €10.0m = €24.0m)。
需要註冊嘅新兵總轉會費：€243.77m - €24.0m = €219.77m首年轉會費攤銷 (UEFA限制5年計算)： €219.77m / 5 = €43.95m
--- 核心總支出 (Core Costs) ---：約 €43.95m (追記，如果鍾意計埋人工，可以用TA的數字大約21m計算)
第二步：計算總成本節省 (Cost Savings)
我哋將潛在出售名單上嘅球員，逐一計算佢哋能帶嚟嘅「成本節省」（FFP盈利 [亦姐係帳面值盈虧] + 年度工資節省）。因為名單較長同涉及未成功轉會嘅球員，下面的數字都只係估算。
--- 總成本節省 (Cost Savings) ---：約 €72.98m (如果將人工計算在內條數會更大，不過為公平起見兩邊都唔計)
第三步：最終結算
預計總成本節省 (Cost Savings): €72.98m預計總新註冊成本 (New Costs): €43.95m
目前核心轉會結餘： €72.9m - €43.95m = +€28.95m
呢個 +€28.95m 嘅數字，揭示咗管理層策略嘅真相：單靠已經完成嘅出售所賺取嘅FFP利潤，就已經足夠覆蓋所有需要註冊嘅新兵嘅首年轉會費攤銷，而且仲有接近三千萬歐元嘅緩衝空間。
甚至我要不厭其煩地講多次，呢個計算，仲未計以下兩大「隱藏收入」：
1) 所有已售及待售球員慳返嘅巨額人工。
2)「待售球員」名單（Sterling, Nkunku等人）一旦成功出售所帶嚟嘅額外FFP盈利。
結論非常清晰：車路士管理層並非盲頭烏蠅，而係喺一套經過精密計算嘅劇本下行事。佢哋透過賣人操作，已經為今夏嘅收購建立咗一個極為穩固嘅安全網。手上長長嘅「待售球員」名單，就係佢哋應對未來變數嘅「後備彈藥」。雖然清貨前路依然艱鉅，但至少喺註冊新兵呢個關口上，我哋並非束手無策，而係早已胸有成竹。
總結：告別瘋狂燒錢，迎接「精算足球」新時代
或者對於唔睇數字嘅球迷嚟講，車路士嘅印象仍然係土豪、花大錢買人。但相信呢種印象，會隨住我地更加精明嘅計算慢慢抹走。
當然，我哋今次面對UEFA嘅罰則唔係得一年，呢個枷鎖，亦都係一次對我哋新管理層模式嘅終極考驗。佢哋能否喺呢條鋼線上，證明自己唔單止識得燒錢，更要識得搵錢同慳錢？作為球迷，我哋或者都要調整心態，習慣呢個稍為勒緊褲頭嘅新常態，並期待球會能夠喺呢次昂貴嘅教訓中，真正蛻變，搵到一條更聰明、更可持續嘅爭霸之路。
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
明明球會先啱啱被綁上財政枷鎖，點解轉個頭，轉會市場上關於我哋嘅傳聞反而有增無減？由阿積士嘅哈圖到萊比錫嘅西蒙斯，兩件夾埋至少要洗多一億鎊先埋到單，仲未計我地走去搶水晶宮個青訓。呢種「左手收告票，右手寫支票」嘅矛盾操作，真係令唔少球迷睇到R晒頭。
究竟係管理層無視禁令、準備垂死掙扎？定係個懲罰內有乾坤，唔係我哋想像中咁簡單？
為咗解開呢個謎團，我花咗少少時間，將UEFA官方公佈嘅和解協議 (Settlement Agreement) 原文，由頭到尾、逐隻字咁「咬」一次。我發現，所有嘅答案，其實都白紙黑字咁寫咗喺呢份充滿法律術語嘅「天書」入面，而呢啲內容，暫時都係坊間未見到有或者無寫清楚。
今次，就等我同大家分享一下我嘅讀後感，一齊深入風暴核心，睇清喺呢場財政風暴下，車路士真正嘅求生之路。
由「已知」到「未知」： 咬文嚼字拆解和解協議
關於我哋今次衰咩，主要係因為違反咗「足球盈利規則」同「陣容成本規則」兩大天條，當中更涉及出售女子隊同酒店等財技操作，喺UEFA嚴格審核下被裁定無效。呢啲背景，我喺之前嘅文章（例如《玩財技走精面失敗》嗰篇）已經有詳細分析過。如果對成件事仲係一知半解嘅朋友，強烈建議可以先去重溫一下，打個底。
但死還死，七孔流血還七孔流血，知道衰咩同知道個懲罰點樣運作係兩回事嚟。點解我哋仲可以買人？個轉會限制嘅「緊箍咒」究竟有幾緊？答案，就喺份協議嘅字裡行間。接下來，我哋就由「已知」嘅事實，進入「未知」嘅魔鬼細節。
魔鬼細節一：轉會限制嘅真正範圍 — 「離隊球員」vs「A名單新球員」
唔止一眾網民，甚至係我嘅第一個問題都係：「A名單正轉會差？係咪要賣A名單嘅人，先可以買返A名單嘅人？」睇下和解協議原文點講。協議要求，車路士想註冊新球員上A名單，就必須要「A名單轉會結餘 (List A Transfer Balance) 為正數」 。而呢個結餘嘅定義係：
引用[英文原文]
"The List A Transfer Balance is defined as the difference between the cost savings from outgoing players ("Cost savings") and the new costs from incoming players ("New costs") at any applicable deadline for the Club's submission of its List A."
引用[中文翻譯]
「A名單轉會結餘」被定義為，在球會提交A名單的任何適用截止日期時，「離隊球員帶來的成本節省」與「加盟球員產生的新成本」之間的差額。
[咬文嚼字分析]：關鍵字眼係「離隊球員 (outgoing players)」，而唔係「離隊A名單球員 (outgoing List A players)」。呢個意味住，用嚟儲錢嘅資金池，係嚟自所有成功出售或外借嘅球員，無論佢上季喺唔喺歐戰名單，都可以係用嚟抵銷想註冊上A名單嘅新球員所產生嘅成本。
亦姐係話，第一個謎團已經解開咗，我哋可以出售外借兵、年輕球員、甚至冗員去創造註冊空間，唔需要一定犧牲核心主力。呢個亦都解釋咗，UEFA唔係想車仔削骨還父，而車仔點解依然有信心開大水喉喺市場上尋找目標。
魔鬼細節二：懲罰嘅「無可豁免性」— "irrespective of..." 嘅天條
有球迷會問：「如果我哋盤數做得好，提早收支平衡，係咪可以豁免轉會限制？」協議Page 4, Section 7 清楚寫明，體育制裁嘅執行方式如下：
引用[英文原文]
"It unconditionally applies in the 2025/26 and 2026/27 seasons, irrespective of the Club's compliance with the Targets"
引用[中文翻譯]
體育制裁無條件地適用於 2025/26 及 2026/27 球季，無論球會是否遵守（財務）目標。
[咬文嚼字分析]：「irrespective of」(無論) 呢個字，已經閂晒所有後門。UEFA明確表示，未來兩季嘅轉會限制，係對過往犯錯嘅一種獨立且前期嘅懲罰，同你未來嘅財政表現完全冇關係。兩者需要同時執行，冇得話做咗A就唔使做B。
未來兩季，我哋冇任何捷徑可以走，唔存在「達標就豁免」嘅幻想。就算盤數做得幾靚，都必須喺「一出一入」嘅枷鎖下操作。
魔鬼細節三：最嚴厲嘅緊箍咒：一旦失手，限制加倍嘅「50%條款」
呢個係協議中最隱蔽、亦都最恐怖嘅條款。同樣喺Page 4, Section 7，協議提到：
引用[英文原文]
"Should the Club exceed any Target of the Settlement by more than EUR 10 million, but less than EUR 20 million, the limitation shall be more restrictive, as the calculated Cost savings from outgoing players shall be reduced by 50%"
引用[中文翻譯]
若球會超出和解協議中任何目標超過1000萬歐元，但少於2000萬歐元，該限制將更具約束力，因為計算出的離隊球員成本節省，將被削減50%。
[咬文嚼字分析]：呢個係一個懲罰性嘅「懲罰」。正常情況下，我哋賣人慳到€100，就可以用€100去買人。但如果觸發呢個條款，我哋賣人慳到€100，喺UEFA眼中只會當你慳咗€50。換言之，我哋嘅購買力會被即時減半，需要「出二先可以入一」。
呢個條款意味住管理層唔單止要跑數，而且係唔衰得。任何輕微嘅財政失誤，後果都可能會被災難性地放大，令組軍難度幾何級數上升。
【實時更新】夏日轉會窗收支計算 [20250728版本]
好，戲肉嚟喇。我哋將現時傳聞中嘅數據，代入去計一次數。
（戴頭盔先： 為了盡可能提高文章的精確性，我們將暫時排除相對唔確定的工資部分，專注於比較「FFP盈利」與「轉會費攤銷」呢兩項最核心的數字，去評估我哋嘅註冊空間。）
第一步：計算核心支出 (Core Costs)
我哋今夏嘅收購總額為 €243.77m。但因為新收購球員入面，沙亞(Sarr) 同 柏艾斯(Páez) 兩個都會外借去史特拉斯堡，理論上唔需要喺今季註冊入歐戰A名單，所以可以暫時扣除佢哋嘅轉會費 (€14.0m + €10.0m = €24.0m)。
需要註冊嘅新兵總轉會費：€243.77m - €24.0m = €219.77m首年轉會費攤銷 (UEFA限制5年計算)： €219.77m / 5 = €43.95m
--- 核心總支出 (Core Costs) ---：約 €43.95m (追記，如果鍾意計埋人工，可以用TA的數字大約21m計算)
第二步：計算總成本節省 (Cost Savings)
我哋將潛在出售名單上嘅球員，逐一計算佢哋能帶嚟嘅「成本節省」（FFP盈利 [亦姐係帳面值盈虧] + 年度工資節省）。因為名單較長同涉及未成功轉會嘅球員，下面的數字都只係估算。
--- 總成本節省 (Cost Savings) ---：約 €72.98m (如果將人工計算在內條數會更大，不過為公平起見兩邊都唔計)
第三步：最終結算
預計總成本節省 (Cost Savings): €72.98m預計總新註冊成本 (New Costs): €43.95m
目前核心轉會結餘： €72.9m - €43.95m = +€28.95m
呢個 +€28.95m 嘅數字，揭示咗管理層策略嘅真相：單靠已經完成嘅出售所賺取嘅FFP利潤，就已經足夠覆蓋所有需要註冊嘅新兵嘅首年轉會費攤銷，而且仲有接近三千萬歐元嘅緩衝空間。
甚至我要不厭其煩地講多次，呢個計算，仲未計以下兩大「隱藏收入」：
1) 所有已售及待售球員慳返嘅巨額人工。
2)「待售球員」名單（Sterling, Nkunku等人）一旦成功出售所帶嚟嘅額外FFP盈利。
結論非常清晰：車路士管理層並非盲頭烏蠅，而係喺一套經過精密計算嘅劇本下行事。佢哋透過賣人操作，已經為今夏嘅收購建立咗一個極為穩固嘅安全網。手上長長嘅「待售球員」名單，就係佢哋應對未來變數嘅「後備彈藥」。雖然清貨前路依然艱鉅，但至少喺註冊新兵呢個關口上，我哋並非束手無策，而係早已胸有成竹。
總結：告別瘋狂燒錢，迎接「精算足球」新時代
或者對於唔睇數字嘅球迷嚟講，車路士嘅印象仍然係土豪、花大錢買人。但相信呢種印象，會隨住我地更加精明嘅計算慢慢抹走。
當然，我哋今次面對UEFA嘅罰則唔係得一年，呢個枷鎖，亦都係一次對我哋新管理層模式嘅終極考驗。佢哋能否喺呢條鋼線上，證明自己唔單止識得燒錢，更要識得搵錢同慳錢？作為球迷，我哋或者都要調整心態，習慣呢個稍為勒緊褲頭嘅新常態，並期待球會能夠喺呢次昂貴嘅教訓中，真正蛻變，搵到一條更聰明、更可持續嘅爭霸之路。
========================================
Facebook 同 Threads 已經開咗啦！如果鍾意我的文章可以入黎按個讚！⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊