有時，你會喺轉會市場上，見到一啲傳聞，係荒謬到你第一時間會以為係愚人節流出嚟嘅假新聞。最新一單，就係話曼聯考慮緊用加拿祖，嚟同我哋交換前鋒積臣。
但成件事最「花生」嘅地方，並唔係呢單傳聞本身有幾匪夷所思，而係曼聯球迷嘅反應。消息一出，佢哋嘅討論區同社交媒體，唔係興奮，而係一面倒嘅慘叫同哀嚎，紛紛表示「情願唔要」、「咪搞我」。
呢個情況就變得好有趣。究竟我哋嘅積臣，係咪真係差到連上季排15、急需前鋒嘅曼聯都嫌棄？定係曼聯球迷，其實唔知自己球探有眼光？作為最熟悉積臣嘅車路士球迷，我哋或者有責任，喺呢度幫對家客觀驗下貨，睇下呢場潛在交易，對佢哋嚟講，究竟係執筍嘢定係接火棒。
第一問：積臣真係有曼聯球迷講到咁差？
要回答呢個問題，我想重提返我喺季後分析俾積臣嘅一個稱號：「薛丁格的前鋒」。
呢個比喻嘅意思係，佢同時存在住兩個唔同嘅疊加狀況。當你睇住佢踢波，你會激心到想熄機；同時當佢唔喺度，你又會覺得前場好似爭緊啲嘢。佢嘅好同壞，都係去到一個好極端嘅水平。
我哋先講「無佢頭痕」嘅一面。積臣最大嘅價值，在於佢嘅戰術貢獻。佢嘅走位極之聰明，上季佢每90分鐘創造嘅預期入球（npxG）高達0.50，呢個數據喺全歐洲嘅前鋒入面，都係頂級水平，證明佢好識得走入危險位置。另外，佢嘅助攻能力以一個前鋒嚟講亦都非常優秀（每90分鐘0.2次助攻），證明佢唔係一個只識埋頭自己去嘅球員。再加上佢跑唔死嘅前場壓迫，佢絕對係一個可以為隊友拉扯大量空間、令成隊波進攻更順暢嘅潤滑劑。
好，講完優點，就到曼聯球迷「慘叫」嘅根源：佢「激心」嘅一面。
佢最大嘅死罪，就係把握力。數據好誠實，佢上季嘅「入球減預期入球」係-0.09，意思係，以佢得到嘅機會質素嚟講，佢嘅實際入球係「唔合格」，遠遠低於應有水平。呢個就係我哋成日睇到佢「嘔餅」、「撻Q」嘅原因。另外，佢嘅盤扭成功率亦都偏低（只有29.5%），而且紀律差(成日拎牌)，越位次數極多，呢啲都係佢需要大幅改善嘅地方。
所以，積臣差唔差？我會話，佢係一個戰術價值好高嘅現代前鋒，但就係一個把握力唔可靠嘅傳統射手。曼聯球迷對佢嘅嫌棄，絕對唔係無的放矢。
第二問：佢同曼聯班前鋒點比？
好，既然我哋知道積臣係一個點樣嘅球員，下一步就係將佢放上個天秤，同曼聯嘅其他前鋒選擇：賀龍同舒克斯做一個直接嘅數據對決。唔比唔知，一比，你可能會嚇親。
1. 製造威脅能力 (npxG per 90)
首先，作為前鋒，最重要嘅就係識唔識走位去創造射門機會。喺呢一點上，積臣係完勝嘅。
積臣 (0.50) > 賀龍 (0.33) > 舒克斯 (0.30)
數據顯示，積臣每場波可以走到嘅「靚位」，質量遠高於另外兩位。佢天生就識得點樣出現喺最危險嘅地方。
2. 為隊友服務能力 (xAG + Assists per 90)
咁創造力又點睇？積臣同樣係輕鬆跑出。
xAG 積臣 (0.17) > 賀龍 (0.15) > 舒克斯 (0.13)
Assists 積臣 (0.20) > 舒克斯 (0.09) > 賀龍 (0.06)
積臣喺預期助攻同實際助攻兩項數據，都遠遠拋離賀龍同舒克斯。呢個證明，積臣唔只係一個終結點，佢更加係一個可以幫隊友創造機會嘅支點。
3. 參與比賽程度
如果你想要一個會參與組織、多啲掂波嘅前鋒，積臣亦都係三個人之中嘅首選。佢嘅傳球次數、持球推進數據，都比另外兩位高。相反，賀龍嘅數據就顯示，佢係一個極度「低參與度」嘅前鋒，好多時喺場上會隱形。
4. 把握力 (Goals - npxG)
講到把握力，呢個就係最好笑嘅地方。冇錯，我哋成日鬧積臣敗家，佢嘅數據（-0.09）亦都證明佢把握力唔好。但有趣嘅係，賀龍（-0.03）同舒克斯（-0.07）嘅把握力，同樣係唔合格嘅負數！
所以成件事嘅結論係點？就係曼聯球迷最嫌棄嘅積臣，除咗把握力差呢個佢哋前鋒都有嘅「共同富裕」問題之外，喺走位、創造力、參與度、防守貢獻等所有方面，都係三個人之中最好嗰個。佢哋慘叫唔要一個戰術價值更高嘅前鋒，而繼續依賴隊中果兩個靠唔住嘅球員。呢個，就係我哋「食花生」嘅價值所在。
第三問：咁佢到底啱唔啱曼聯？
嚟到最後一個問題，亦都係最複雜嘅一個。積臣到底啱唔啱曼聯？我嘅睇法係：佢嘅能力，意外地同曼聯「戰術上」需要嘅角色好匹配，但「期望上」同「財政上」嘅落差，令成件事變得幾乎冇可能。
從戰術上睇，我之前分析過，曼聯新帥艾莫廉需要一個識得跑邊路通道、肯壓迫、又可以做支點嘅前鋒。呢啲要求，積臣全部都符合。佢可以成為一個完美嘅潤滑劑，用自己嘅跑動去服務安保姆（如果真係加盟）同古夏呢啲攻擊手，等佢哋可以專心入波。
但問題在於期望。曼聯球迷經歷咗一個排第15位嘅災難球季，佢哋唔係想要一個潤滑劑球員，佢哋係想要一個「救世主」，一個可以一季入25球以上嘅「神鋒」。而積臣，好明顯唔係呢個人。始終入球能力無保證，一切就無從談起。 佢嗰種「神鬼莫測」嘅把握力，只會令本已病入膏肓嘅奧脫福球迷，更加心臟病發。
最後，亦都係最現實嘅一點，就係錢。我哋喺之前分析安保姆單交易時，已經知道曼聯「有額度，冇現金」。佢哋一時三刻，亦都拎唔出咁大舊錢，去匹配我哋車路士對積臣嘅標價。 我哋喺FFP壓力下，賣積臣一定唔會平賣，更加唔會益自己英超對手。呢單傳聞中嘅「交換」，對我哋嚟講，除非真係用天價買加拿祖，否則可能性極低。
所以，積臣啱唔啱曼聯？戰術上，可能有啲睇頭；但喺球迷期望同現實財力面前，呢單交易，由始至終，都似係一場得個「傳」字嘅鬧劇。
總結：我哋繼續食花生
呢單積臣換加拿祖嘅傳聞，就好似一面鏡，完美咁映照出曼聯目前嘅混亂同尷尬。成件事最值得我哋食花生嘅，或者係睇住我曼聯喺重建嘅道路上，再一次因為混亂嘅管理、矛盾嘅期望、同埋緊張嘅財政，而陷入一個進退兩難嘅死局。
究竟佢哋最後會買邊個？定係又一次「雷聲大雨點小」？我哋都係買定花生汽水，繼續睇戲啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
但成件事最「花生」嘅地方，並唔係呢單傳聞本身有幾匪夷所思，而係曼聯球迷嘅反應。消息一出，佢哋嘅討論區同社交媒體，唔係興奮，而係一面倒嘅慘叫同哀嚎，紛紛表示「情願唔要」、「咪搞我」。
呢個情況就變得好有趣。究竟我哋嘅積臣，係咪真係差到連上季排15、急需前鋒嘅曼聯都嫌棄？定係曼聯球迷，其實唔知自己球探有眼光？作為最熟悉積臣嘅車路士球迷，我哋或者有責任，喺呢度幫對家客觀驗下貨，睇下呢場潛在交易，對佢哋嚟講，究竟係執筍嘢定係接火棒。
第一問：積臣真係有曼聯球迷講到咁差？
要回答呢個問題，我想重提返我喺季後分析俾積臣嘅一個稱號：「薛丁格的前鋒」。
呢個比喻嘅意思係，佢同時存在住兩個唔同嘅疊加狀況。當你睇住佢踢波，你會激心到想熄機；同時當佢唔喺度，你又會覺得前場好似爭緊啲嘢。佢嘅好同壞，都係去到一個好極端嘅水平。
我哋先講「無佢頭痕」嘅一面。積臣最大嘅價值，在於佢嘅戰術貢獻。佢嘅走位極之聰明，上季佢每90分鐘創造嘅預期入球（npxG）高達0.50，呢個數據喺全歐洲嘅前鋒入面，都係頂級水平，證明佢好識得走入危險位置。另外，佢嘅助攻能力以一個前鋒嚟講亦都非常優秀（每90分鐘0.2次助攻），證明佢唔係一個只識埋頭自己去嘅球員。再加上佢跑唔死嘅前場壓迫，佢絕對係一個可以為隊友拉扯大量空間、令成隊波進攻更順暢嘅潤滑劑。
好，講完優點，就到曼聯球迷「慘叫」嘅根源：佢「激心」嘅一面。
佢最大嘅死罪，就係把握力。數據好誠實，佢上季嘅「入球減預期入球」係-0.09，意思係，以佢得到嘅機會質素嚟講，佢嘅實際入球係「唔合格」，遠遠低於應有水平。呢個就係我哋成日睇到佢「嘔餅」、「撻Q」嘅原因。另外，佢嘅盤扭成功率亦都偏低（只有29.5%），而且紀律差(成日拎牌)，越位次數極多，呢啲都係佢需要大幅改善嘅地方。
所以，積臣差唔差？我會話，佢係一個戰術價值好高嘅現代前鋒，但就係一個把握力唔可靠嘅傳統射手。曼聯球迷對佢嘅嫌棄，絕對唔係無的放矢。
第二問：佢同曼聯班前鋒點比？
好，既然我哋知道積臣係一個點樣嘅球員，下一步就係將佢放上個天秤，同曼聯嘅其他前鋒選擇：賀龍同舒克斯做一個直接嘅數據對決。唔比唔知，一比，你可能會嚇親。
1. 製造威脅能力 (npxG per 90)
首先，作為前鋒，最重要嘅就係識唔識走位去創造射門機會。喺呢一點上，積臣係完勝嘅。
積臣 (0.50) > 賀龍 (0.33) > 舒克斯 (0.30)
數據顯示，積臣每場波可以走到嘅「靚位」，質量遠高於另外兩位。佢天生就識得點樣出現喺最危險嘅地方。
2. 為隊友服務能力 (xAG + Assists per 90)
咁創造力又點睇？積臣同樣係輕鬆跑出。
xAG 積臣 (0.17) > 賀龍 (0.15) > 舒克斯 (0.13)
Assists 積臣 (0.20) > 舒克斯 (0.09) > 賀龍 (0.06)
積臣喺預期助攻同實際助攻兩項數據，都遠遠拋離賀龍同舒克斯。呢個證明，積臣唔只係一個終結點，佢更加係一個可以幫隊友創造機會嘅支點。
3. 參與比賽程度
如果你想要一個會參與組織、多啲掂波嘅前鋒，積臣亦都係三個人之中嘅首選。佢嘅傳球次數、持球推進數據，都比另外兩位高。相反，賀龍嘅數據就顯示，佢係一個極度「低參與度」嘅前鋒，好多時喺場上會隱形。
4. 把握力 (Goals - npxG)
講到把握力，呢個就係最好笑嘅地方。冇錯，我哋成日鬧積臣敗家，佢嘅數據（-0.09）亦都證明佢把握力唔好。但有趣嘅係，賀龍（-0.03）同舒克斯（-0.07）嘅把握力，同樣係唔合格嘅負數！
所以成件事嘅結論係點？就係曼聯球迷最嫌棄嘅積臣，除咗把握力差呢個佢哋前鋒都有嘅「共同富裕」問題之外，喺走位、創造力、參與度、防守貢獻等所有方面，都係三個人之中最好嗰個。佢哋慘叫唔要一個戰術價值更高嘅前鋒，而繼續依賴隊中果兩個靠唔住嘅球員。呢個，就係我哋「食花生」嘅價值所在。
第三問：咁佢到底啱唔啱曼聯？
嚟到最後一個問題，亦都係最複雜嘅一個。積臣到底啱唔啱曼聯？我嘅睇法係：佢嘅能力，意外地同曼聯「戰術上」需要嘅角色好匹配，但「期望上」同「財政上」嘅落差，令成件事變得幾乎冇可能。
從戰術上睇，我之前分析過，曼聯新帥艾莫廉需要一個識得跑邊路通道、肯壓迫、又可以做支點嘅前鋒。呢啲要求，積臣全部都符合。佢可以成為一個完美嘅潤滑劑，用自己嘅跑動去服務安保姆（如果真係加盟）同古夏呢啲攻擊手，等佢哋可以專心入波。
但問題在於期望。曼聯球迷經歷咗一個排第15位嘅災難球季，佢哋唔係想要一個潤滑劑球員，佢哋係想要一個「救世主」，一個可以一季入25球以上嘅「神鋒」。而積臣，好明顯唔係呢個人。始終入球能力無保證，一切就無從談起。 佢嗰種「神鬼莫測」嘅把握力，只會令本已病入膏肓嘅奧脫福球迷，更加心臟病發。
最後，亦都係最現實嘅一點，就係錢。我哋喺之前分析安保姆單交易時，已經知道曼聯「有額度，冇現金」。佢哋一時三刻，亦都拎唔出咁大舊錢，去匹配我哋車路士對積臣嘅標價。 我哋喺FFP壓力下，賣積臣一定唔會平賣，更加唔會益自己英超對手。呢單傳聞中嘅「交換」，對我哋嚟講，除非真係用天價買加拿祖，否則可能性極低。
所以，積臣啱唔啱曼聯？戰術上，可能有啲睇頭；但喺球迷期望同現實財力面前，呢單交易，由始至終，都似係一場得個「傳」字嘅鬧劇。
總結：我哋繼續食花生
呢單積臣換加拿祖嘅傳聞，就好似一面鏡，完美咁映照出曼聯目前嘅混亂同尷尬。成件事最值得我哋食花生嘅，或者係睇住我曼聯喺重建嘅道路上，再一次因為混亂嘅管理、矛盾嘅期望、同埋緊張嘅財政，而陷入一個進退兩難嘅死局。
究竟佢哋最後會買邊個？定係又一次「雷聲大雨點小」？我哋都係買定花生汽水，繼續睇戲啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊