上一篇關於我哋車路士被UEFA罰款嘅文章出咗之後，好多謝大家支持。但睇返留言，我發現好多球迷對個懲罰點樣「執行」，仲係一頭霧水，衍生出好多問題。
最多人問嘅，不外乎係呢幾個：「到底咩叫正轉會差？」、「係咪即係我哋以後買唔到人？」、「點解明明有錢，都註冊唔到新兵？」、「姐係要賣足150m先得？」
呢啲問題，問得非常好，亦都係我哋今次呢篇補充文想解答嘅核心。
今次，我哋就唔講太多官腔嘢，直接同大家做一道數學題，拆解呢個最實際嘅問題，計一次數俾大家睇，我哋今個夏天，究竟要點樣跑數，先可以順利幫班新仔註冊到踢歐聯。
罪名成立 - 我哋衰啲咩？
喺計數之前，先簡單將上一篇文的內容回顧一下，如果你已經好清楚，就可以直接跳去下一部份。究竟今次份「判決書」上面，我哋衰咗啲咩。根據UEFA官方公告，我哋今次主要衰兩條大罪：
第一，係違反咗「足球收入規則」（Football Earnings Rule）。呢條規則係為咗防止球會無止境咁燒錢。簡單講，就係規定球會喺一個監察期內（通常係三年），總虧損唔可以超過一個上限（例如€200M）。而我哋嘅帳目，就算用盡各種財技，最終盤數都係「蝕突咗」，過咗條紅線。
第二，係違反咗「球隊成本規則」（Squad Cost Rule）。呢條係近年新加、而且越嚟越重要嘅規則。佢限制咗一隊波嘅總開支——包括轉會費攤銷、球員人工、經理人費用等等，夾埋唔可以超過球會總收入嘅一個百分比。喺2024年，呢個上限係80%。根據報告，我哋嘅支出比例係介乎80%到90%之間，所以亦都違規。
而最值得我哋留意嘅係，為咗進一步收緊龍頭，呢個成本比例上限，由2025年起，將會收緊到70%。呢個意味住，即使冇今次嘅懲罰，我哋未來要遵守規則，本身已經要面對更大嘅挑戰。
拆解註冊黑洞：我哋要點樣填數？
1. 支出篇：個「窿」有幾大？
好，搞清楚衰咩之後，我哋就嚟計下數，睇下今次個註冊黑洞到底有幾大。
首先，喺UEFA嘅帳目上，每當我哋要將一個新兵，好似基頓斯（Gittens）、柏度（João Pedro）、戴納（Delap）等等註冊落歐聯嘅A名單時，我哋嘅支出就會增加。而呢筆支出，主要係由球員第一年嘅轉會費攤銷額，再加埋佢第一年嘅總人工所組成，呢個就係所謂嘅註冊成本。
除左基本嘅新兵，上季因為長期受傷而冇被註冊踢歐戰嘅拉維亞同科芬拿，今季如果要重新加入返A名單，竟然都要當成新註冊球員咁計返成本！
有媒體估算，我哋今個夏天，需要額外產生超過£60M（六千萬鎊）嘅盈利，先可以符合到UEFA個「正轉會差」要求。
講到呢度，可能有記性好嘅球迷會問：「咦，點解之前另一篇文章好似計過條數，話我哋要填嘅窿係成億幾，點解今次又話係六千萬？」
呢個就係兩盤唔同嘅數。之前計嘅大數，係一個更全面嘅估算，目標係要做到大幅度嘅「純利」去徹底扭轉盤數。但睇返整個罰則同判決(姐係上面講嘅£60M)，係一個相對保守嘅「最低消費」，佢只係用嚟抵銷今個夏天需要新註冊嘅球員所產生嘅成本，確保我哋可以符合到UEFA個「正轉會差」限制嘅最低要求。
所以，£60M係「入場券」，要財政上真正健康，可能需要嘅遠比呢個數多。兩個數字並無衝突，只係計算嘅基礎同目的唔同。
2. 收入篇：「FFP盈利」點樣計？（迷你會計堂）
再推一步講，咁點樣產生盈利呢？係咪賣個馬杜基收返£60M，就有£60M盈利？少年，你太年輕了。心水清嘅朋友應該會明，喺FFP嘅世界，條數唔係咁計。
一個球員賣出時所產生嘅FFP盈利，條公式係：「實際賣出價」減去「球員當時嘅帳面值（Book Value）」。
例如，馬杜基當年買入價約£30M，簽7年約，每年攤銷約£4.3M。假如佢效力咗1.5季，攤銷咗約£6.5M，帳面值就仲有£23.5M。如果我哋而家以£50M賣走佢，FFP盤數上嘅「盈利」，其實係£50M - £23.5M = £26.5M，而唔係成筆£50M。
呢個計法，就解釋咗點解賣青訓球員（例如查洛巴、Humphreys）咁著數，因為佢哋嘅帳面值係零，賣幾多錢，就幾乎等於賺幾多純利。
3. 實戰篇：我哋已經開始填數！
好，搞清楚晒啲規則，我哋嘅任務就好清晰：為咗幫今季嘅新兵同傷癒球員註冊，我哋需要喺今個夏天，透過賣人，去創造超過六千萬鎊嘅「FFP盈利」。
返嚟你哋最關心嘅問題：「Kepa同Humphreys條數計唔計？」
答案係：計！ 呢兩單交易都係喺7月1日或之後完成，即係屬於今個夏天嘅轉會窗操作，所以佢哋帶嚟嘅盈利，係可以直接用嚟抵銷今夏買人嘅支出。
尤其係Humphreys嗰單交易，更加係神操作。因為佢係我哋葛咸自己由U18開始培養、零成本加盟嘅球員，所以賣佢嗰£14M，係100%嘅純利潤，對盤數幫助極大！
單靠呢兩單交易，我哋已經成功產生咗接近£20M嘅FFP盈利。而呢個填數嘅清晰路徑，亦都解釋咗一個現象：點解我哋嘅管理層，喺收到罰單之後，睇落好似若無其事，甚至仲夠膽繼續買人？原因就係，佢哋手上揸住查洛巴呢啲帳面值極低嘅純利提款機，加上現時仲有大量待售球員，只要成功賣走一兩個，個六千萬嘅窿，就好快可以填補返。嚟緊，就要睇下仲有邊位球員會被放上「Carousell」喇。
總結：一堂昂貴的課
總括而言，經過以上嘅拆解同計數，相信大家對我哋今個夏天嘅財政困境，已經有一個非常清晰嘅了解。我哋管理層今次想走精面，利用英超同UEFA規則上嘅差異去平衡盤數，結果就喺UEFA更嚴格、更不容財技嘅審核下撞到鐵板。
而因為計數的問題，世冠盃就算贏幾多獎金都唔會被列入今次罰則之內，最多就只係用黎填下UEFA個罰款，所以希望完咗世冠之後球會醒醒定定，專心賣人等我地球員可以集中精神準備下一季嘅比賽啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
最多人問嘅，不外乎係呢幾個：「到底咩叫正轉會差？」、「係咪即係我哋以後買唔到人？」、「點解明明有錢，都註冊唔到新兵？」、「姐係要賣足150m先得？」
呢啲問題，問得非常好，亦都係我哋今次呢篇補充文想解答嘅核心。
今次，我哋就唔講太多官腔嘢，直接同大家做一道數學題，拆解呢個最實際嘅問題，計一次數俾大家睇，我哋今個夏天，究竟要點樣跑數，先可以順利幫班新仔註冊到踢歐聯。
罪名成立 - 我哋衰啲咩？
喺計數之前，先簡單將上一篇文的內容回顧一下，如果你已經好清楚，就可以直接跳去下一部份。究竟今次份「判決書」上面，我哋衰咗啲咩。根據UEFA官方公告，我哋今次主要衰兩條大罪：
第一，係違反咗「足球收入規則」（Football Earnings Rule）。呢條規則係為咗防止球會無止境咁燒錢。簡單講，就係規定球會喺一個監察期內（通常係三年），總虧損唔可以超過一個上限（例如€200M）。而我哋嘅帳目，就算用盡各種財技，最終盤數都係「蝕突咗」，過咗條紅線。
第二，係違反咗「球隊成本規則」（Squad Cost Rule）。呢條係近年新加、而且越嚟越重要嘅規則。佢限制咗一隊波嘅總開支——包括轉會費攤銷、球員人工、經理人費用等等，夾埋唔可以超過球會總收入嘅一個百分比。喺2024年，呢個上限係80%。根據報告，我哋嘅支出比例係介乎80%到90%之間，所以亦都違規。
而最值得我哋留意嘅係，為咗進一步收緊龍頭，呢個成本比例上限，由2025年起，將會收緊到70%。呢個意味住，即使冇今次嘅懲罰，我哋未來要遵守規則，本身已經要面對更大嘅挑戰。
拆解註冊黑洞：我哋要點樣填數？
1. 支出篇：個「窿」有幾大？
好，搞清楚衰咩之後，我哋就嚟計下數，睇下今次個註冊黑洞到底有幾大。
首先，喺UEFA嘅帳目上，每當我哋要將一個新兵，好似基頓斯（Gittens）、柏度（João Pedro）、戴納（Delap）等等註冊落歐聯嘅A名單時，我哋嘅支出就會增加。而呢筆支出，主要係由球員第一年嘅轉會費攤銷額，再加埋佢第一年嘅總人工所組成，呢個就係所謂嘅註冊成本。
除左基本嘅新兵，上季因為長期受傷而冇被註冊踢歐戰嘅拉維亞同科芬拿，今季如果要重新加入返A名單，竟然都要當成新註冊球員咁計返成本！
有媒體估算，我哋今個夏天，需要額外產生超過£60M（六千萬鎊）嘅盈利，先可以符合到UEFA個「正轉會差」要求。
講到呢度，可能有記性好嘅球迷會問：「咦，點解之前另一篇文章好似計過條數，話我哋要填嘅窿係成億幾，點解今次又話係六千萬？」
呢個就係兩盤唔同嘅數。之前計嘅大數，係一個更全面嘅估算，目標係要做到大幅度嘅「純利」去徹底扭轉盤數。但睇返整個罰則同判決(姐係上面講嘅£60M)，係一個相對保守嘅「最低消費」，佢只係用嚟抵銷今個夏天需要新註冊嘅球員所產生嘅成本，確保我哋可以符合到UEFA個「正轉會差」限制嘅最低要求。
所以，£60M係「入場券」，要財政上真正健康，可能需要嘅遠比呢個數多。兩個數字並無衝突，只係計算嘅基礎同目的唔同。
2. 收入篇：「FFP盈利」點樣計？（迷你會計堂）
再推一步講，咁點樣產生盈利呢？係咪賣個馬杜基收返£60M，就有£60M盈利？少年，你太年輕了。心水清嘅朋友應該會明，喺FFP嘅世界，條數唔係咁計。
一個球員賣出時所產生嘅FFP盈利，條公式係：「實際賣出價」減去「球員當時嘅帳面值（Book Value）」。
例如，馬杜基當年買入價約£30M，簽7年約，每年攤銷約£4.3M。假如佢效力咗1.5季，攤銷咗約£6.5M，帳面值就仲有£23.5M。如果我哋而家以£50M賣走佢，FFP盤數上嘅「盈利」，其實係£50M - £23.5M = £26.5M，而唔係成筆£50M。
呢個計法，就解釋咗點解賣青訓球員（例如查洛巴、Humphreys）咁著數，因為佢哋嘅帳面值係零，賣幾多錢，就幾乎等於賺幾多純利。
3. 實戰篇：我哋已經開始填數！
好，搞清楚晒啲規則，我哋嘅任務就好清晰：為咗幫今季嘅新兵同傷癒球員註冊，我哋需要喺今個夏天，透過賣人，去創造超過六千萬鎊嘅「FFP盈利」。
返嚟你哋最關心嘅問題：「Kepa同Humphreys條數計唔計？」
答案係：計！ 呢兩單交易都係喺7月1日或之後完成，即係屬於今個夏天嘅轉會窗操作，所以佢哋帶嚟嘅盈利，係可以直接用嚟抵銷今夏買人嘅支出。
尤其係Humphreys嗰單交易，更加係神操作。因為佢係我哋葛咸自己由U18開始培養、零成本加盟嘅球員，所以賣佢嗰£14M，係100%嘅純利潤，對盤數幫助極大！
單靠呢兩單交易，我哋已經成功產生咗接近£20M嘅FFP盈利。而呢個填數嘅清晰路徑，亦都解釋咗一個現象：點解我哋嘅管理層，喺收到罰單之後，睇落好似若無其事，甚至仲夠膽繼續買人？原因就係，佢哋手上揸住查洛巴呢啲帳面值極低嘅純利提款機，加上現時仲有大量待售球員，只要成功賣走一兩個，個六千萬嘅窿，就好快可以填補返。嚟緊，就要睇下仲有邊位球員會被放上「Carousell」喇。
總結：一堂昂貴的課
總括而言，經過以上嘅拆解同計數，相信大家對我哋今個夏天嘅財政困境，已經有一個非常清晰嘅了解。我哋管理層今次想走精面，利用英超同UEFA規則上嘅差異去平衡盤數，結果就喺UEFA更嚴格、更不容財技嘅審核下撞到鐵板。
而因為計數的問題，世冠盃就算贏幾多獎金都唔會被列入今次罰則之內，最多就只係用黎填下UEFA個罰款，所以希望完咗世冠之後球會醒醒定定，專心賣人等我地球員可以集中精神準備下一季嘅比賽啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊