上一篇【賣仔覆盤】系列，我哋深度分析咗曼治（Mason Mount）離隊後嘅情況，好多謝各位車迷嘅支持同討論。喺留言同討論區入面，我發現一個好有趣嘅現象：好多車迷睇完分析後，都話對球會當日嘅決定多咗一份理解，但同時亦發現，唔少人對「當年究竟發生咩事」嘅記憶其實已經好模糊。
剩返喺腦海嘅，往往只係一啲簡單直接嘅標籤，例如「反骨仔」，或者另一邊嘅「美國佬係咁」的印象。
但係，要公平咁去探討誰對誰錯呢個大問題，我哋似乎唔可以單靠呢啲情緒化嘅標籤。我哋必須先退後一步，做一次「事件重組」。所以，呢篇文章嘅目的唔係要做審判，而係想做一份「曼治離隊事件重組報告」。我哋會將由2022年夏天，到2023年佢正式轉會期間，所有關鍵嘅事件、重要嘅傳聞報導、以及雙方喺談判桌上嘅立場，盡可能按時間順序客觀咁鋪陳出嚟。
只有還原咗最基本嘅事實，我哋先可以喺更完整嘅資訊基礎上，對呢場令人惋惜嘅分手，作出自己嘅判斷。
第一階段：風平浪靜下的暗湧 (2022年5月 – 2022年11月)
要理解一段關係點解會破裂，我哋要先返去佢最美好嘅時候。時間線嘅起點，係2022年5月。
當時嘅曼治，可以話係集萬千寵愛於一身。佢啱啱擊敗所有隊友，連續第二年贏得球會年度最佳球員嘅殊榮。23歲，青訓出身，歐聯冠軍功臣，未來隊長——當時幾乎所有人都相信，佢就係車路士未來十年嘅基石，甚至係新林伯特。
但喺一片樂觀之中，一個足以改變球會未來百年走向嘅結構性變化，正悄然發生。同一個月，由保利（Todd Boehly）同清湖資本（Clearlake Capital）牽頭嘅新財團，正式完成對車路士嘅收購。艾巴莫域治時代嘅溫情脈脈同人治模式，一夜之間被一套講求數據、商業回報同嚴格薪酬控制嘅「美式思維」所取代。呢個，就係所有後續故事嘅大前提。
新班主上場後，穩定球會成為首要任務。2022年9月，球會用一份週薪高達25萬鎊嘅6年長約，成功鎖定另一位「親生仔」列斯占士（Reece James）。
呢個舉動，喺當時被視為對青訓嘅最大肯定，亦自然而然咁為曼治嘅續約談判，定下咗一個極高嘅市場參考。球迷同傳媒當時嘅普遍諗法係：「占士都簽咗，曼治仲會遠嗎？」
喺呢個階段，雙方嘅談判正式展開，最初嘅氣氛據報相當正面。曼治嘅合約仲有兩年先到期（至2024年6月），冇人會估到，一場睇似理所當然嘅續約，最終會演變成一場無法挽回嘅分手風暴。一切嘅暗湧，就喺呢片風平浪靜之下，開始累積。
第二階段：裂痕浮現，談判陷入僵局 (2022年11月 – 2023年3月)
如果話上一階段係「暴風雨前嘅平靜」，咁2022年嘅卡塔爾世界盃，就係吹響風暴號角嘅嗰一刻。世界盃前後，兩個關鍵嘅負面變化，開始侵蝕雙方嘅信任基礎。
首先，係球場上嘅表現。由世界盃回歸後，曼治嘅狀態出現明顯下滑，失去咗以往嘅靈光。更致命嘅係，佢開始受到嚴重嘅骨盆傷患困擾。呢個傷患反反覆覆，令佢打打停停，上陣時間大打折扣，亦為佢嘅未來蒙上一層陰影。
喺球員狀態同健康都亮起紅燈嘅同時，談判桌上嘅分歧亦都正式浮上水面，雙方陷入咗一場理念上嘅根本性衝突。
球會嘅美式藍圖： 根據多間權威媒體（如《The Athletic》）嘅報導，新班主希望推行一套全新嘅薪酬體系(現實中佢哋的確做咗，亦相對成功)。佢哋向曼治提出一份長達7至8年嘅長約，週薪據報超過20萬鎊，但合約同表現、球隊成績（特別係歐聯資格）緊密掛勾。呢個係一份「有福同享，有禍同當」嘅方案，目的係鎖定球員嘅同時控制財政風險。
球員方嘅「地位之爭」： 而喺曼治團隊眼中，問題嘅核心係「尊重」同「地位」。佢哋認為，作為兩屆隊內最佳球員，理應獲得一份同占士、史達寧等頂薪球員睇齊嘅合約，而唔係一份充滿不確定性條款嘅長約。過長嘅合約年期，亦會限制佢喺職業生涯黃金時期嘅自主權。
家庭因素：阿爸嘅角色 要理解曼治團隊喺談判中嘅強硬立場，就必須要提及佢父親東尼·曼治（Tony Mount）所扮演嘅關鍵角色。喺成個續約過程中，東尼係仔仔嘅主要顧問同談判代表之一。根據報導，東尼對車路士嘅青訓系統能否提供一條龍嘅晉升階梯，其實早有保留。佢曾喺曼治14歲時，就因見到自泰利後鮮有青訓成功上位，而建議過個仔考慮其他球會。
呢種長期存在嘅「不信任感」，加上佢哋認為曼治作為兩屆最佳球員嘅價值被低估，好可能就係導致佢哋喺談判桌上寸步不讓、最終同球會新管理層嘅理念徹底碰撞嘅深層原因。係分歧之下，談判喺2023年1月正式破裂。據報，球會撤回咗最新報價，並向曼治一方發出最後通牒：如果唔接受新合約，夏天就會將佢出售。
呢個強硬嘅姿態，似乎令關係冇咗彎轉。2023年3月，曼治作出咗佢準備離隊嘅最明確行動——更換經理人，聘請咗擅長處理轉會事務嘅著名經理人Neil Fewings。喺足球世界，呢個舉動嘅潛台詞，所有人都心照不宣。
表面上球員仍然可以妥協，但實際上續約嘅大門，基本上已經閂埋。
第三階段：覆水難收，走向交易終局 (2023年4月 – 2023年7月)
當續約談判嘅大門關上，成件事就由內部矛盾，演變成一場商業操作。嚟到2023年夏天，曼治嘅離開，似乎已經係大局已定。
喺呢個階段，一個凌駕於所有情感同戰術考量之上嘅因素浮現——財政公平原則（FFP/PSR）。為咗符合6月30日嘅會計年度死線，球會急需透過出售球員去平衡賬目。而作為青訓產品，曼治嘅轉會費喺賬面上會被視為100%純利潤，對解決財政壓力嚟講，佢係最理想、最有效嘅資產。
昔日嘅太子，喺呢一刻，無奈地變成咗資產負債表上嘅一個數字。
隨住曼聯、利物浦等對手公開表示興趣，交易談判正式啟動。曼聯成為最積極嘅追求者，但過程並非一帆風順。車路士先後拒絕咗曼聯幾份報價，立場強硬，並冇因為球員想走而賤賣。最終，喺雙方高層面談後，先達成一份總值6000萬鎊（£55M固定 + £5M浮動條款）嘅協議，甚至係合約中加入左進入決賽就要付加獎金嘅條款，令曼聯係後來嘅歐霸決賽中賠了夫人又折兵。
喺交易敲定前後，雙方嘅公關戰將整個分手嘅矛盾推到頂點，留低咗兩個截然不同嘅故事版本。
首先係曼治本人喺社交媒體發布嘅告別影片。影片中，佢情深款款咁感謝球迷，並講出關鍵一句：「我知道我已不在車路士未來的計劃之中」，將自己嘅離開，描繪成一種被動嘅選擇。
然而，呢段影片最終成為引爆球迷負面情緒嘅轉捩點。眼利嘅球迷發現一個致命細節：影片中嘅佢，髮尾染咗一撮金色，而呢個髮型，正正係佢喺夏天早啲時候度假用嘅造型。但喺佢去曼聯接受體測、影官方相嘅時候，髮型已經變返全深色。
呢個細節，對好多球迷嚟講，係一個沉重嘅打擊。佢強烈暗示住呢段聲淚俱下嘅告別，好可能係早喺幾星期前、甚至未同曼聯達成最終協議時就已經拍定。嗰種感覺，就好似發現你個女朋友錄左段好感人嘅分手感言片段俾你，入面又講相愛嘅時候有幾熱烈，但原來佢錄片果時已經同緊其他人拍拖咁。呢個預錄嘅觀感，成為咗好多恨意嘅直接源頭，亦令佢之後所有嘅說辭，喺部分球迷眼中都大打折扣。
而另一個版本，嚟自買家：曼聯領隊坦哈格。佢喺一次訪問中，講出咗一句同曼治說法完全相反嘅話：「我不認為車路士想賣掉他。他們想留住他，並多次向他提供新合約。」一句說話，令成件事陷入羅生門。
但羅生門還羅生門，2023年7月，轉會正式官宣。一位效力19年嘅藍戰士，正式脫下藍色戰衣，換上紅衫。呢場持續近一年嘅風暴，終於塵埃落定。
總結：一場沒有贏家的分手
行文至此，將過去一年多嘅時間線重新拼湊起嚟，相信大家心中都有一把尺。曼治嘅離開，從來都唔係一個單一原因嘅結果，應該更加理解點解上一篇我會話係一場完美風暴。
一邊，係球會強勢推行嘅美式長約、論功行賞嘅營運模式，同一個喺傳統體系下成長嘅青訓球員，產生咗根本性嘅理念衝突。
另一邊，係球員自身嘅傷患同狀態下滑，令球會喺談判桌上嘅風險評估變得更加保守。
最後，再疊加埋FFP/PSR嘅巨大財政壓力，將呢位百分百純利嘅青訓，推向咗最符合商業利益嘅出售結局。
咁，究竟誰對誰錯？
如果我哋企喺球會管理層嘅角度，面對一個唔肯接受新薪酬體系、合約只剩一年、有傷患風險、而且市場上不乏追求者嘅球員，喺財政壓力之下，將佢以£60M嘅高價出售，無疑係一次理性、果斷、甚至可以話係出色嘅商業操作。
但如果我哋代入曼治嘅角色，一個6歲就加入球會、為球隊贏得歐聯、兩奪年度最佳嘅「親生仔」，喺見到球會瘋狂引入大量高薪新援後，為自己爭取一份佢認為能夠匹配貢獻同地位嘅合約，呢份訴求，又係咪真係咁無理？
或者，呢個問題根本冇一個非黑即白嘅答案。
呢場分手，更似一場冇真正贏家嘅悲劇。球會得到咗急需嘅資金，解決咗眼前嘅財政危機，但失去咗一個本可成為傳奇嘅青訓旗幟，亦喺處理手法上傷害咗部分球迷嘅感情。
而曼治，佢得到咗想要嘅高薪同核心地位 (唔，至少佢得到一件7號波衫先丫係咪？)，但佢嘅離隊方式，令佢喺一手一腳建立起聲望嘅地方，留低咗一道難以磨滅嘅疤痕，甚至賠上咗喺好多球迷心中嘅傳承地位。
最終，呢個故事或者只係現代足球殘酷面貌嘅一個縮影——當商業利益同傳統情感無法兼容時，總有一方要被犧牲。而曼治同車路士，就係喺呢個十字路口上，選擇咗分道揚鑣。可能故事唔完美，不過既然收足錢……就無謂深究啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
剩返喺腦海嘅，往往只係一啲簡單直接嘅標籤，例如「反骨仔」，或者另一邊嘅「美國佬係咁」的印象。
但係，要公平咁去探討誰對誰錯呢個大問題，我哋似乎唔可以單靠呢啲情緒化嘅標籤。我哋必須先退後一步，做一次「事件重組」。所以，呢篇文章嘅目的唔係要做審判，而係想做一份「曼治離隊事件重組報告」。我哋會將由2022年夏天，到2023年佢正式轉會期間，所有關鍵嘅事件、重要嘅傳聞報導、以及雙方喺談判桌上嘅立場，盡可能按時間順序客觀咁鋪陳出嚟。
只有還原咗最基本嘅事實，我哋先可以喺更完整嘅資訊基礎上，對呢場令人惋惜嘅分手，作出自己嘅判斷。
第一階段：風平浪靜下的暗湧 (2022年5月 – 2022年11月)
要理解一段關係點解會破裂，我哋要先返去佢最美好嘅時候。時間線嘅起點，係2022年5月。
當時嘅曼治，可以話係集萬千寵愛於一身。佢啱啱擊敗所有隊友，連續第二年贏得球會年度最佳球員嘅殊榮。23歲，青訓出身，歐聯冠軍功臣，未來隊長——當時幾乎所有人都相信，佢就係車路士未來十年嘅基石，甚至係新林伯特。
但喺一片樂觀之中，一個足以改變球會未來百年走向嘅結構性變化，正悄然發生。同一個月，由保利（Todd Boehly）同清湖資本（Clearlake Capital）牽頭嘅新財團，正式完成對車路士嘅收購。艾巴莫域治時代嘅溫情脈脈同人治模式，一夜之間被一套講求數據、商業回報同嚴格薪酬控制嘅「美式思維」所取代。呢個，就係所有後續故事嘅大前提。
新班主上場後，穩定球會成為首要任務。2022年9月，球會用一份週薪高達25萬鎊嘅6年長約，成功鎖定另一位「親生仔」列斯占士（Reece James）。
呢個舉動，喺當時被視為對青訓嘅最大肯定，亦自然而然咁為曼治嘅續約談判，定下咗一個極高嘅市場參考。球迷同傳媒當時嘅普遍諗法係：「占士都簽咗，曼治仲會遠嗎？」
喺呢個階段，雙方嘅談判正式展開，最初嘅氣氛據報相當正面。曼治嘅合約仲有兩年先到期（至2024年6月），冇人會估到，一場睇似理所當然嘅續約，最終會演變成一場無法挽回嘅分手風暴。一切嘅暗湧，就喺呢片風平浪靜之下，開始累積。
第二階段：裂痕浮現，談判陷入僵局 (2022年11月 – 2023年3月)
如果話上一階段係「暴風雨前嘅平靜」，咁2022年嘅卡塔爾世界盃，就係吹響風暴號角嘅嗰一刻。世界盃前後，兩個關鍵嘅負面變化，開始侵蝕雙方嘅信任基礎。
首先，係球場上嘅表現。由世界盃回歸後，曼治嘅狀態出現明顯下滑，失去咗以往嘅靈光。更致命嘅係，佢開始受到嚴重嘅骨盆傷患困擾。呢個傷患反反覆覆，令佢打打停停，上陣時間大打折扣，亦為佢嘅未來蒙上一層陰影。
喺球員狀態同健康都亮起紅燈嘅同時，談判桌上嘅分歧亦都正式浮上水面，雙方陷入咗一場理念上嘅根本性衝突。
球會嘅美式藍圖： 根據多間權威媒體（如《The Athletic》）嘅報導，新班主希望推行一套全新嘅薪酬體系(現實中佢哋的確做咗，亦相對成功)。佢哋向曼治提出一份長達7至8年嘅長約，週薪據報超過20萬鎊，但合約同表現、球隊成績（特別係歐聯資格）緊密掛勾。呢個係一份「有福同享，有禍同當」嘅方案，目的係鎖定球員嘅同時控制財政風險。
球員方嘅「地位之爭」： 而喺曼治團隊眼中，問題嘅核心係「尊重」同「地位」。佢哋認為，作為兩屆隊內最佳球員，理應獲得一份同占士、史達寧等頂薪球員睇齊嘅合約，而唔係一份充滿不確定性條款嘅長約。過長嘅合約年期，亦會限制佢喺職業生涯黃金時期嘅自主權。
家庭因素：阿爸嘅角色 要理解曼治團隊喺談判中嘅強硬立場，就必須要提及佢父親東尼·曼治（Tony Mount）所扮演嘅關鍵角色。喺成個續約過程中，東尼係仔仔嘅主要顧問同談判代表之一。根據報導，東尼對車路士嘅青訓系統能否提供一條龍嘅晉升階梯，其實早有保留。佢曾喺曼治14歲時，就因見到自泰利後鮮有青訓成功上位，而建議過個仔考慮其他球會。
呢種長期存在嘅「不信任感」，加上佢哋認為曼治作為兩屆最佳球員嘅價值被低估，好可能就係導致佢哋喺談判桌上寸步不讓、最終同球會新管理層嘅理念徹底碰撞嘅深層原因。係分歧之下，談判喺2023年1月正式破裂。據報，球會撤回咗最新報價，並向曼治一方發出最後通牒：如果唔接受新合約，夏天就會將佢出售。
呢個強硬嘅姿態，似乎令關係冇咗彎轉。2023年3月，曼治作出咗佢準備離隊嘅最明確行動——更換經理人，聘請咗擅長處理轉會事務嘅著名經理人Neil Fewings。喺足球世界，呢個舉動嘅潛台詞，所有人都心照不宣。
表面上球員仍然可以妥協，但實際上續約嘅大門，基本上已經閂埋。
第三階段：覆水難收，走向交易終局 (2023年4月 – 2023年7月)
當續約談判嘅大門關上，成件事就由內部矛盾，演變成一場商業操作。嚟到2023年夏天，曼治嘅離開，似乎已經係大局已定。
喺呢個階段，一個凌駕於所有情感同戰術考量之上嘅因素浮現——財政公平原則（FFP/PSR）。為咗符合6月30日嘅會計年度死線，球會急需透過出售球員去平衡賬目。而作為青訓產品，曼治嘅轉會費喺賬面上會被視為100%純利潤，對解決財政壓力嚟講，佢係最理想、最有效嘅資產。
昔日嘅太子，喺呢一刻，無奈地變成咗資產負債表上嘅一個數字。
隨住曼聯、利物浦等對手公開表示興趣，交易談判正式啟動。曼聯成為最積極嘅追求者，但過程並非一帆風順。車路士先後拒絕咗曼聯幾份報價，立場強硬，並冇因為球員想走而賤賣。最終，喺雙方高層面談後，先達成一份總值6000萬鎊（£55M固定 + £5M浮動條款）嘅協議，甚至係合約中加入左進入決賽就要付加獎金嘅條款，令曼聯係後來嘅歐霸決賽中賠了夫人又折兵。
喺交易敲定前後，雙方嘅公關戰將整個分手嘅矛盾推到頂點，留低咗兩個截然不同嘅故事版本。
首先係曼治本人喺社交媒體發布嘅告別影片。影片中，佢情深款款咁感謝球迷，並講出關鍵一句：「我知道我已不在車路士未來的計劃之中」，將自己嘅離開，描繪成一種被動嘅選擇。
然而，呢段影片最終成為引爆球迷負面情緒嘅轉捩點。眼利嘅球迷發現一個致命細節：影片中嘅佢，髮尾染咗一撮金色，而呢個髮型，正正係佢喺夏天早啲時候度假用嘅造型。但喺佢去曼聯接受體測、影官方相嘅時候，髮型已經變返全深色。
呢個細節，對好多球迷嚟講，係一個沉重嘅打擊。佢強烈暗示住呢段聲淚俱下嘅告別，好可能係早喺幾星期前、甚至未同曼聯達成最終協議時就已經拍定。嗰種感覺，就好似發現你個女朋友錄左段好感人嘅分手感言片段俾你，入面又講相愛嘅時候有幾熱烈，但原來佢錄片果時已經同緊其他人拍拖咁。呢個預錄嘅觀感，成為咗好多恨意嘅直接源頭，亦令佢之後所有嘅說辭，喺部分球迷眼中都大打折扣。
而另一個版本，嚟自買家：曼聯領隊坦哈格。佢喺一次訪問中，講出咗一句同曼治說法完全相反嘅話：「我不認為車路士想賣掉他。他們想留住他，並多次向他提供新合約。」一句說話，令成件事陷入羅生門。
但羅生門還羅生門，2023年7月，轉會正式官宣。一位效力19年嘅藍戰士，正式脫下藍色戰衣，換上紅衫。呢場持續近一年嘅風暴，終於塵埃落定。
總結：一場沒有贏家的分手
行文至此，將過去一年多嘅時間線重新拼湊起嚟，相信大家心中都有一把尺。曼治嘅離開，從來都唔係一個單一原因嘅結果，應該更加理解點解上一篇我會話係一場完美風暴。
一邊，係球會強勢推行嘅美式長約、論功行賞嘅營運模式，同一個喺傳統體系下成長嘅青訓球員，產生咗根本性嘅理念衝突。
另一邊，係球員自身嘅傷患同狀態下滑，令球會喺談判桌上嘅風險評估變得更加保守。
最後，再疊加埋FFP/PSR嘅巨大財政壓力，將呢位百分百純利嘅青訓，推向咗最符合商業利益嘅出售結局。
咁，究竟誰對誰錯？
如果我哋企喺球會管理層嘅角度，面對一個唔肯接受新薪酬體系、合約只剩一年、有傷患風險、而且市場上不乏追求者嘅球員，喺財政壓力之下，將佢以£60M嘅高價出售，無疑係一次理性、果斷、甚至可以話係出色嘅商業操作。
但如果我哋代入曼治嘅角色，一個6歲就加入球會、為球隊贏得歐聯、兩奪年度最佳嘅「親生仔」，喺見到球會瘋狂引入大量高薪新援後，為自己爭取一份佢認為能夠匹配貢獻同地位嘅合約，呢份訴求，又係咪真係咁無理？
或者，呢個問題根本冇一個非黑即白嘅答案。
呢場分手，更似一場冇真正贏家嘅悲劇。球會得到咗急需嘅資金，解決咗眼前嘅財政危機，但失去咗一個本可成為傳奇嘅青訓旗幟，亦喺處理手法上傷害咗部分球迷嘅感情。
而曼治，佢得到咗想要嘅高薪同核心地位 (唔，至少佢得到一件7號波衫先丫係咪？)，但佢嘅離隊方式，令佢喺一手一腳建立起聲望嘅地方，留低咗一道難以磨滅嘅疤痕，甚至賠上咗喺好多球迷心中嘅傳承地位。
最終，呢個故事或者只係現代足球殘酷面貌嘅一個縮影——當商業利益同傳統情感無法兼容時，總有一方要被犧牲。而曼治同車路士，就係喺呢個十字路口上，選擇咗分道揚鑣。可能故事唔完美，不過既然收足錢……就無謂深究啦。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊