隨住國際米蘭喺世冠盃爆冷出局，再加上我哋自己喺分組賽輸過俾法林明高，最近球迷區對於南美球隊嘅實力，討論得好熱烈。當中，有一種聲音特別搶口：「使唔使驚呀？對住啲巴甲球隊，我哋出副選都贏啦！」
呢種睇法，我理解嗰種源於對歐洲足球嘅自信，但恕我直言，喺今時今日呢種觀點可能有少少過時同危險都唔定。尤其係喺我哋下一場8強戰，就要喺冇咗卡些度（Moises Caicedo）嘅情況下，硬撼應屆巴甲冠軍彭美拉斯。喺呢個節骨眼上，任何輕視，都可能要付出沉重代價。
所以喺呢度，我想用啲實際嘅例子同數據，同大家一齊做個「深度遊」，睇下今時今日嘅巴甲，到底進化成點樣嘅「怪物」，點解我哋絕對冇輕敵嘅本錢。
釐清概念：歐洲中心論嘅盲點
喺我哋深入拆解之前，有樣嘢要先講清楚同大方承認：冇錯，如果你將巴甲嘅球隊，拎去同歐洲最頂級嗰三、四隊超級巨艦：皇馬、曼城、拜仁呢啲級數嘅球隊去比較，無論係財力、球員身價定係陣容深度，巴甲球隊都一定有差距。呢個係客觀事實，冇得拗。
但問題就係呢度。有啲球迷之所以覺得可以「出副選都贏」，就係因為佢哋不自覺地用咗呢種「非黑即白」嘅「歐洲之巔」標準去睇全世界。
用呢個邏輯，係咪等於話，任何贏唔到歐聯嘅球隊，甚至係英超排中下游嘅球隊，都係垃圾，唔值得我哋認真對待？咁樣睇波，未免Too Simple Too Naive。
所以，我哋今次討論嘅重點，唔係要證明「巴甲勁過皇馬」，而係要搞清楚一個更實際嘅問題：巴甲嘅頂級球隊，例如我哋下一場嘅對手彭美拉斯，佢哋嘅實力，究竟去到邊個水平？佢哋係咪真係弱到，可以俾我哋喺一個重要嘅國際大賽淘汰賽階段，輕輕鬆鬆出副選就搞得掂？
我相信，當我哋睇完下面嘅分析，答案會非常清晰。
拆解實力：點解我哋要認真對待巴甲冠軍？
要反駁副選論，我哋就要從幾個層面，去理解今時今日嘅巴甲頂級球隊，已經進化成一種點樣嘅「怪物」。
論點一：財政鴻溝下的「賣人求存」
要理解巴甲，首先要理解佢哋嘅財政。根據專業財經報告，即使係創紀錄嘅一年，巴甲前20名球會嘅總收入，加埋都仲少過皇家馬德里一間球會。喺呢個巨大嘅財政鴻溝下，佢哋形成咗一套同我哋完全唔同嘅生存法則。
最核心嘅法則，就係要賣仔求存。數據顯示，巴甲球員轉會佔佢哋總收入高達22%，係僅次於電視轉播權(36%)嘅命脈。對我哋歐洲球隊嚟講，賣人係調整陣容嘅選項，財政上我哋有更大嘅比例來自己商業交易或者係比賽日收入；但對巴甲球隊嚟講，賣人係維持球會運作嘅必需品。
論點二：壓力催生嘅「天才加工廠」
正正係因為呢種「唔賣人就冇飯開」嘅壓力，反而迫使巴甲球會成為全球最頂級嘅天才加工廠。為咗確保年年都有靚貨可以賣俾歐洲豪門，佢哋必須不斷投資青訓，而且夠膽死將啲16、17歲嘅𡃁仔，好似安迪歷（Endrick）同我哋嘅二安（Estevão）咁，直接擺上頂級聯賽嘅舞台。呢個就係佢哋人才源源不絕嘅秘密。
論點三：地獄級嘅實戰試煉場
而呢啲天才少年，並唔係喺溫室成長。巴甲聯賽本身，就係一個殘酷嘅地獄級試煉場。佢哋形成咗一個「天才少年 vs 歐洲老將」嘅獨特生態，唔少歐洲踢波嘅南美球員都會選擇巴甲作為球員生涯嘅終點，最近嘅例子包括咗施華、佐真奴。試諗下，一個俾球會推出嚟想一球成名嘅17歲前鋒，第一季踢甲級聯賽就要直接面對一個40歲、贏過歐聯、踢法極之穩陣嘅前車路士中堅。呢種實戰磨練，令佢哋嘅年輕球員極度早熟，而且非常「爛打」。
聯賽嘅強度亦都反映喺數據上。好似明尼路體育會，每90分鐘可以創造多達30次射門機會（SCA），幾支強隊嘅呢項數據都維持喺24次以上。喺一個節奏咁快、攻防轉換咁多嘅環境下成長，球員嘅抗壓性自然非同凡響。
論點四：進化中的「混合體」戰術
有咗呢班戰鬥力強、經驗豐富嘅球員做基礎，最後再蓋上一層戰術升級，就係佢哋而家咁得人驚嘅原因。
係差唔多廿年之前，巴甲的確無乜幾多外籍教頭。但自從葡萄牙教練佐治·捷西斯 (Jorge Jesus) 喺2019年率領法林明高橫掃巴甲之後，彭美拉斯都有樣學樣請來艾保·費利拿 (Abel Ferreira) 帶領彭美拉斯在2022年和2023年蟬聯冠軍。呢股「外教潮」喺2023賽季達到了頂峰，聯賽中一度有多達11名外籍主教練，佔據咗超過巴甲半壁江山（55%），將歐洲嘅高強度壓迫、紀律性防守帶咗入去。佢哋唔再係單純嘅森巴足球，而係「歐洲大腦 + 南美身體」嘅混合體。
回歸現實：我哋對彭美拉斯嘅隱憂
好，分析完巴甲嘅特點，我哋就望返自己。有球迷話：「八強唞唞，四強再出。」呢句說話，放喺今場對彭美拉斯嘅比賽，可以話係有少少輕視對方。
首先，我哋要面對嘅，係一支點樣嘅球隊？千祈唔好以為所有巴甲球隊都係同一種踢法。數據顯示，由葡萄牙名帥費利拉帶領嘅彭美拉斯，並唔係一支好似法林明高咁追求極致控球嘅球隊（賽季平均控球率約50%），反而踢法更直接、更講求效率同壓迫。
佢哋嘅成功壓迫同攔截搶斷數據，都係巴甲聯賽中名列前茅，印證咗外界對佢哋「前場壓迫極具侵略性」嘅評價。佢哋就係一支會用體力同紀律性，不斷消磨你意志嘅球隊。
然後，我哋再睇下自己嘅陣容。上一場對賓菲加嘅鬧劇，最大嘅代價就係我哋嘅防守核心卡些度因為攞牌而要喺呢場8強戰停賽。
試想像一下，喺我哋冇咗卡些度中場掃蕩嘅情況下，要面對一支咁爛打、體力化、而且戰術紀律極強嘅對手，我哋條中場線將會承受幾大嘅壓力？頂上嘅可能係大傷初癒、連90分鐘都踢唔足嘅拉維亞，或者係仲需要時間適應車仔戰術同成長嘅艾素高。到時仲有冇本錢去講「出副選」？答案，不言而喻。
總結：輕視，係失敗嘅開端
好，講咗咁耐，返到我哋最開頭嘅問題：「巴甲球隊，真係咁勁？」我嘅答案係：絕對係。但呢個「勁」法，同我哋平時理解嘅有啲唔同。
如果你話「勁」就係講銀彈、講燒錢，要好似我哋或者曼城咁，可以留得住啲超級巨星，咁巴甲冇得比，亦都唔使比。佢哋根本就唔係玩緊同一個財力嘅遊戲。
但如果我哋換個角度去睇「勁」呢個字：
佢哋嗰種好似細菌繁殖咁嘅天才生產線，全世界冇一個地方夠佢嚟；
佢哋內部嗰種地獄級嘅競爭強度、近年俾班歐洲教頭「升級」過嘅戰術水平；
仲有佢哋三番四次喺世界舞台上，證明自己夠膽同任何歐洲冠軍鍊過（甚至贏埋，好似2012年果隊歐洲之恥車路士咁）；
由呢幾個角度睇，巴甲就毫無疑問，係歐洲五大聯賽之外，地球上其中一個最有實力、最有睇頭嘅聯賽。
所以，唔好再單純咁叫佢做球星搖籃咁簡單。佢更加係一個戰術嘅煉蠱壼、一個冠軍球員嘅畢業試。任何能夠喺嗰度生存到嘅人，都絕非善類。輕視對手，往往係失敗嘅開端。希望我哋嘅球員同教練，能夠以最認真嘅態度去準備呢場8強戰。因為我哋要面對嘅，唔係一支可以出副選應付嘅球隊，而係一個真正嘅冠軍級對手。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
呢種睇法，我理解嗰種源於對歐洲足球嘅自信，但恕我直言，喺今時今日呢種觀點可能有少少過時同危險都唔定。尤其係喺我哋下一場8強戰，就要喺冇咗卡些度（Moises Caicedo）嘅情況下，硬撼應屆巴甲冠軍彭美拉斯。喺呢個節骨眼上，任何輕視，都可能要付出沉重代價。
所以喺呢度，我想用啲實際嘅例子同數據，同大家一齊做個「深度遊」，睇下今時今日嘅巴甲，到底進化成點樣嘅「怪物」，點解我哋絕對冇輕敵嘅本錢。
釐清概念：歐洲中心論嘅盲點
喺我哋深入拆解之前，有樣嘢要先講清楚同大方承認：冇錯，如果你將巴甲嘅球隊，拎去同歐洲最頂級嗰三、四隊超級巨艦：皇馬、曼城、拜仁呢啲級數嘅球隊去比較，無論係財力、球員身價定係陣容深度，巴甲球隊都一定有差距。呢個係客觀事實，冇得拗。
但問題就係呢度。有啲球迷之所以覺得可以「出副選都贏」，就係因為佢哋不自覺地用咗呢種「非黑即白」嘅「歐洲之巔」標準去睇全世界。
用呢個邏輯，係咪等於話，任何贏唔到歐聯嘅球隊，甚至係英超排中下游嘅球隊，都係垃圾，唔值得我哋認真對待？咁樣睇波，未免Too Simple Too Naive。
所以，我哋今次討論嘅重點，唔係要證明「巴甲勁過皇馬」，而係要搞清楚一個更實際嘅問題：巴甲嘅頂級球隊，例如我哋下一場嘅對手彭美拉斯，佢哋嘅實力，究竟去到邊個水平？佢哋係咪真係弱到，可以俾我哋喺一個重要嘅國際大賽淘汰賽階段，輕輕鬆鬆出副選就搞得掂？
我相信，當我哋睇完下面嘅分析，答案會非常清晰。
拆解實力：點解我哋要認真對待巴甲冠軍？
要反駁副選論，我哋就要從幾個層面，去理解今時今日嘅巴甲頂級球隊，已經進化成一種點樣嘅「怪物」。
論點一：財政鴻溝下的「賣人求存」
要理解巴甲，首先要理解佢哋嘅財政。根據專業財經報告，即使係創紀錄嘅一年，巴甲前20名球會嘅總收入，加埋都仲少過皇家馬德里一間球會。喺呢個巨大嘅財政鴻溝下，佢哋形成咗一套同我哋完全唔同嘅生存法則。
最核心嘅法則，就係要賣仔求存。數據顯示，巴甲球員轉會佔佢哋總收入高達22%，係僅次於電視轉播權(36%)嘅命脈。對我哋歐洲球隊嚟講，賣人係調整陣容嘅選項，財政上我哋有更大嘅比例來自己商業交易或者係比賽日收入；但對巴甲球隊嚟講，賣人係維持球會運作嘅必需品。
論點二：壓力催生嘅「天才加工廠」
正正係因為呢種「唔賣人就冇飯開」嘅壓力，反而迫使巴甲球會成為全球最頂級嘅天才加工廠。為咗確保年年都有靚貨可以賣俾歐洲豪門，佢哋必須不斷投資青訓，而且夠膽死將啲16、17歲嘅𡃁仔，好似安迪歷（Endrick）同我哋嘅二安（Estevão）咁，直接擺上頂級聯賽嘅舞台。呢個就係佢哋人才源源不絕嘅秘密。
論點三：地獄級嘅實戰試煉場
而呢啲天才少年，並唔係喺溫室成長。巴甲聯賽本身，就係一個殘酷嘅地獄級試煉場。佢哋形成咗一個「天才少年 vs 歐洲老將」嘅獨特生態，唔少歐洲踢波嘅南美球員都會選擇巴甲作為球員生涯嘅終點，最近嘅例子包括咗施華、佐真奴。試諗下，一個俾球會推出嚟想一球成名嘅17歲前鋒，第一季踢甲級聯賽就要直接面對一個40歲、贏過歐聯、踢法極之穩陣嘅前車路士中堅。呢種實戰磨練，令佢哋嘅年輕球員極度早熟，而且非常「爛打」。
聯賽嘅強度亦都反映喺數據上。好似明尼路體育會，每90分鐘可以創造多達30次射門機會（SCA），幾支強隊嘅呢項數據都維持喺24次以上。喺一個節奏咁快、攻防轉換咁多嘅環境下成長，球員嘅抗壓性自然非同凡響。
論點四：進化中的「混合體」戰術
有咗呢班戰鬥力強、經驗豐富嘅球員做基礎，最後再蓋上一層戰術升級，就係佢哋而家咁得人驚嘅原因。
係差唔多廿年之前，巴甲的確無乜幾多外籍教頭。但自從葡萄牙教練佐治·捷西斯 (Jorge Jesus) 喺2019年率領法林明高橫掃巴甲之後，彭美拉斯都有樣學樣請來艾保·費利拿 (Abel Ferreira) 帶領彭美拉斯在2022年和2023年蟬聯冠軍。呢股「外教潮」喺2023賽季達到了頂峰，聯賽中一度有多達11名外籍主教練，佔據咗超過巴甲半壁江山（55%），將歐洲嘅高強度壓迫、紀律性防守帶咗入去。佢哋唔再係單純嘅森巴足球，而係「歐洲大腦 + 南美身體」嘅混合體。
回歸現實：我哋對彭美拉斯嘅隱憂
好，分析完巴甲嘅特點，我哋就望返自己。有球迷話：「八強唞唞，四強再出。」呢句說話，放喺今場對彭美拉斯嘅比賽，可以話係有少少輕視對方。
首先，我哋要面對嘅，係一支點樣嘅球隊？千祈唔好以為所有巴甲球隊都係同一種踢法。數據顯示，由葡萄牙名帥費利拉帶領嘅彭美拉斯，並唔係一支好似法林明高咁追求極致控球嘅球隊（賽季平均控球率約50%），反而踢法更直接、更講求效率同壓迫。
佢哋嘅成功壓迫同攔截搶斷數據，都係巴甲聯賽中名列前茅，印證咗外界對佢哋「前場壓迫極具侵略性」嘅評價。佢哋就係一支會用體力同紀律性，不斷消磨你意志嘅球隊。
然後，我哋再睇下自己嘅陣容。上一場對賓菲加嘅鬧劇，最大嘅代價就係我哋嘅防守核心卡些度因為攞牌而要喺呢場8強戰停賽。
試想像一下，喺我哋冇咗卡些度中場掃蕩嘅情況下，要面對一支咁爛打、體力化、而且戰術紀律極強嘅對手，我哋條中場線將會承受幾大嘅壓力？頂上嘅可能係大傷初癒、連90分鐘都踢唔足嘅拉維亞，或者係仲需要時間適應車仔戰術同成長嘅艾素高。到時仲有冇本錢去講「出副選」？答案，不言而喻。
總結：輕視，係失敗嘅開端
好，講咗咁耐，返到我哋最開頭嘅問題：「巴甲球隊，真係咁勁？」我嘅答案係：絕對係。但呢個「勁」法，同我哋平時理解嘅有啲唔同。
如果你話「勁」就係講銀彈、講燒錢，要好似我哋或者曼城咁，可以留得住啲超級巨星，咁巴甲冇得比，亦都唔使比。佢哋根本就唔係玩緊同一個財力嘅遊戲。
但如果我哋換個角度去睇「勁」呢個字：
佢哋嗰種好似細菌繁殖咁嘅天才生產線，全世界冇一個地方夠佢嚟；
佢哋內部嗰種地獄級嘅競爭強度、近年俾班歐洲教頭「升級」過嘅戰術水平；
仲有佢哋三番四次喺世界舞台上，證明自己夠膽同任何歐洲冠軍鍊過（甚至贏埋，好似2012年果隊歐洲之恥車路士咁）；
由呢幾個角度睇，巴甲就毫無疑問，係歐洲五大聯賽之外，地球上其中一個最有實力、最有睇頭嘅聯賽。
所以，唔好再單純咁叫佢做球星搖籃咁簡單。佢更加係一個戰術嘅煉蠱壼、一個冠軍球員嘅畢業試。任何能夠喺嗰度生存到嘅人，都絕非善類。輕視對手，往往係失敗嘅開端。希望我哋嘅球員同教練，能夠以最認真嘅態度去準備呢場8強戰。因為我哋要面對嘅，唔係一支可以出副選應付嘅球隊，而係一個真正嘅冠軍級對手。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊