六月中旬，歐洲各大聯賽塵埃落定，球迷嘅目光自然轉向夏季轉會窗。但對於我哋車路士嚟講，今個夏天嘅操作，似乎有啲雷聲大雨點小。雖然有簽入戴納同買左艾素高，但其餘位置上的補強實質性嘅進展並唔多。從各種傳聞睇嚟，球會今夏嘅策略更似一場「慢火煎魚 (slow burn)」，好多潛在嘅交易都環環相扣，牽一髮而動全身。
要理解呢盤棋點樣捉，我哋必須要先拆解球隊目前面對嘅幾個核心難題。究竟龍門位置發生緊咩事？鋒線重組係咪真係卡住咗？而傳聞中嘅「大清洗」又涉及邊啲人？今日一齊輕鬆少少，搞清楚呢啲問題之後，管理層嘅夏窗策略藍圖或者就清晰可見。
門將位置的風暴：柏祖域的「攤牌」與球會的兩難
講到龍門，我哋今個夏天嘅花生都幾多。本來以為上季外借表現神勇嘅柏祖域 (Đorđe Petrović) 會返車仔坐穩一號門將，點知轉會窗一開，佢就直接同球會「攤牌」，為管理層帶嚟今夏第一個大難題。
據報，柏祖域認為自己已經係一號門將嘅水平，仲同球會講，如果要佢留低，就要保證佢係必然正選。佢甚至提到，已經有其他球會接觸緊佢經理人。車路士方面就覺得，冇人係必然正選，希望佢留低為位置奮鬥。結果呢？就係柏祖域要求唔好將佢列入世界冠軍球會盃嘅名單，因為佢好大機會只會係二號或三號門將，冇咩上陣時間。
佢攤牌就搞到大家好尷尬。一邊係一個有自信、亦都證明過自己嘅龍門，另一邊係想維持良性競爭嘅球會。更複雜嘅係，傳聞球會內部仲未確定柏祖域係咪馬蛇體系下嘅理想人選。仲有個小道消息就話，柏祖域同球會之間有個君子協定，如果有球會出價25m就要放行。
呢件事亦都反映出球會更宏觀嘅門將策略檢討。據聞，管理層對外借年輕門將（例如Penders）變得好謹慎，驚會重蹈當年高圖爾斯（Thibaut Courtois）嘅覆轍——外借馬體會三季後，同球會嘅連繫感都冇晒。而之前傳過嘅大牌目標，例如米蘭嘅邁治蘭（Mike Maignan），亦都被告知「呢個章節已經完結」。
簡單講，龍門呢個位，睇落好似好穩陣，但其實暗藏風暴。究竟係滿足柏祖域嘅要求俾個正選位佢？定係搵一個更適合馬蛇風格嘅龍門？抑或係提拔買返黎唧青訓？呢個三難嘅局面，將會係管理層今夏第一個要拆解嘅炸彈。
鋒線重組的「骨牌效應」：誰來誰走？
講完龍門，就到另一個我哋車迷R晒頭嘅位置——前鋒線。上季我哋嘅入球能力有幾令人失望，相信都唔使我再多講。大家都期望緊，管理層今個夏天可以帶嚟一個真正嘅「答案」。而好消息係，球會似乎真係有一個清晰嘅引援藍圖。
據報，管理層嘅目標已經畫晒公仔畫出腸：佢哋想要多一個可以配合主力中鋒嘅「多功能前鋒」，同埋一個新嘅「左翼」。目標人物亦都好明確，基頓斯 (Gittens) 係球會「絕對想要」嘅頭號目標，談判一直都喺度進行緊。如果失敗，仲有摩根·羅渣士 (Morgan Rodgers) 同 加拿祖 (Garnacho) 做後備方案 (Cech：唔要得唔得)。另外，之前傳過嘅伊基迪基 (Ekitike) 同埋祖奧·柏度 (Joao Pedro) 都仲喺觀察名單上面。
咁問題就嚟喇。成個鋒線引援計劃，就好似一副骨牌咁，而第一塊牌，就係要先「清貨」。消息指，任何新前鋒嘅加盟，都取決於我哋能唔能夠成功處理好菲力斯 (Felix) 同安宮古 (Nkunku) 嘅去留問題。呢個亦都解釋咗點解成件事會係一場「慢火煎魚 (slow burn)」的表演。
清貨嘅難度一啲都唔細。就好似菲力斯，據聞賓菲加 (Benfica) 係車路士同佢本人嘅「最大希望」，意味住佢嘅市場非常有限。至於史達寧 (Sterling)，因為人工問題加上球員的要求，要賣走佢更加係非常困難，球會同佢本人仲傾緊點樣解決。
喺呢個「塞車」嘅情況下，除非突然有球會為積臣 (Jackson) 開出一個「巨額報價」，否則我哋新球季嘅鋒線組合，好可能繼續係積臣加埋新人戴納 (Delap)撐場。我哋鋒線嘅未來，可能唔係取決於我哋嘅球探搵到幾好嘅球員，而係取決於我哋嘅管理層，有冇能力將啲「二手」甚至「三手」貨成功賣走。
後防的「左傾」與中場的「大清洗」
搞掂前面龍門同鋒線兩個「大頭佛」，我哋再睇下中後場嘅情況。相比起前場，後防線嘅引援目標似乎更集中同清晰，就係「向左走」——據報，球會更有興趣為左路而非右路增兵。目標人物亦都唔係秘密，愛華頓嘅班夫韋治 (Jarrad Branthwaite) 係心儀對象，不過轉會費可能係一大障礙；另外，阿積士嘅哈圖 (Jorrel Hato) 亦都再次被提及。
引援方向清晰，但更大嘅難題，同樣在於「清貨」。我哋中後場嘅「待售清單」長到有啲誇張：
後防線： 迪西斯 (Axel Disasi) 被指「好大機會」下季唔會喺度，為咗避免蝕本，外借可能性較高。巴迪亞舒尼 (Benoît Badiashile) 嘅情況係一半一半。查洛巴 (Trevoh Chalobah) 雖然冇被積極兜售，但上陣時間冇保證，而拿玻里對佢有「真正嘅興趣」。維加 (Veiga) 因為無辦法取得中堅上陣機會睇嚟亦都會走人。
中場線： 傳聞就話 KDH (Kiernan Dewsbury-Hall) 係「100%會離開」。卓古美卡 (Carney Chukwuemeka) 亦都「好大機會」下季唔會為車路士上陣，但由於其他球會出價未達我哋嘅估值，可能傾向外借。
翼鋒： 馬杜基 (Noni Madueke) 雖然唔係被掛牌出售，但有其他球會對佢有興趣，而我哋亦都願意聽取報價。
將呢啲潛在離隊嘅球員加埋一齊，幾乎可以組成半隊波。呢場「大清洗」嘅規模，正正係我哋今個夏天第三個，亦都可能係最艱鉅嘅難題。要成功將呢班球員賣走或者外借，唔單止可以為新援騰出位置同薪資空間，更重要嘅係為咗應付日益收緊嘅財政公平條例(PSR)。
轉會窗壓力猶在
球會盤棋究竟想點捉，藍圖我哋大概都估到一二。但最終能唔能夠順利執行，將理論變成現實，就要睇管理層嘅功力喇。佢哋嘅挑戰，唔單止係要同其他球會喺談判桌上角力，仲要處理好隊內球員嘅人心同未來規劃。
我哋作為球迷，似乎唯一可以做嘅，就係繼續「食花生」，耐心啲等多陣，睇下到轉會窗關閉嗰日，我哋手上份成績表會係點。究竟係成功瘦身、煥然一新，定係再次「雷聲大雨點小」，將問題留到下一個冬天？答案，只能拭目以待。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419https：//www.threads.com/@hkgchedog
要理解呢盤棋點樣捉，我哋必須要先拆解球隊目前面對嘅幾個核心難題。究竟龍門位置發生緊咩事？鋒線重組係咪真係卡住咗？而傳聞中嘅「大清洗」又涉及邊啲人？今日一齊輕鬆少少，搞清楚呢啲問題之後，管理層嘅夏窗策略藍圖或者就清晰可見。
門將位置的風暴：柏祖域的「攤牌」與球會的兩難
講到龍門，我哋今個夏天嘅花生都幾多。本來以為上季外借表現神勇嘅柏祖域 (Đorđe Petrović) 會返車仔坐穩一號門將，點知轉會窗一開，佢就直接同球會「攤牌」，為管理層帶嚟今夏第一個大難題。
據報，柏祖域認為自己已經係一號門將嘅水平，仲同球會講，如果要佢留低，就要保證佢係必然正選。佢甚至提到，已經有其他球會接觸緊佢經理人。車路士方面就覺得，冇人係必然正選，希望佢留低為位置奮鬥。結果呢？就係柏祖域要求唔好將佢列入世界冠軍球會盃嘅名單，因為佢好大機會只會係二號或三號門將，冇咩上陣時間。
佢攤牌就搞到大家好尷尬。一邊係一個有自信、亦都證明過自己嘅龍門，另一邊係想維持良性競爭嘅球會。更複雜嘅係，傳聞球會內部仲未確定柏祖域係咪馬蛇體系下嘅理想人選。仲有個小道消息就話，柏祖域同球會之間有個君子協定，如果有球會出價25m就要放行。
呢件事亦都反映出球會更宏觀嘅門將策略檢討。據聞，管理層對外借年輕門將（例如Penders）變得好謹慎，驚會重蹈當年高圖爾斯（Thibaut Courtois）嘅覆轍——外借馬體會三季後，同球會嘅連繫感都冇晒。而之前傳過嘅大牌目標，例如米蘭嘅邁治蘭（Mike Maignan），亦都被告知「呢個章節已經完結」。
簡單講，龍門呢個位，睇落好似好穩陣，但其實暗藏風暴。究竟係滿足柏祖域嘅要求俾個正選位佢？定係搵一個更適合馬蛇風格嘅龍門？抑或係提拔買返黎唧青訓？呢個三難嘅局面，將會係管理層今夏第一個要拆解嘅炸彈。
鋒線重組的「骨牌效應」：誰來誰走？
講完龍門，就到另一個我哋車迷R晒頭嘅位置——前鋒線。上季我哋嘅入球能力有幾令人失望，相信都唔使我再多講。大家都期望緊，管理層今個夏天可以帶嚟一個真正嘅「答案」。而好消息係，球會似乎真係有一個清晰嘅引援藍圖。
據報，管理層嘅目標已經畫晒公仔畫出腸：佢哋想要多一個可以配合主力中鋒嘅「多功能前鋒」，同埋一個新嘅「左翼」。目標人物亦都好明確，基頓斯 (Gittens) 係球會「絕對想要」嘅頭號目標，談判一直都喺度進行緊。如果失敗，仲有摩根·羅渣士 (Morgan Rodgers) 同 加拿祖 (Garnacho) 做後備方案 (Cech：唔要得唔得)。另外，之前傳過嘅伊基迪基 (Ekitike) 同埋祖奧·柏度 (Joao Pedro) 都仲喺觀察名單上面。
咁問題就嚟喇。成個鋒線引援計劃，就好似一副骨牌咁，而第一塊牌，就係要先「清貨」。消息指，任何新前鋒嘅加盟，都取決於我哋能唔能夠成功處理好菲力斯 (Felix) 同安宮古 (Nkunku) 嘅去留問題。呢個亦都解釋咗點解成件事會係一場「慢火煎魚 (slow burn)」的表演。
清貨嘅難度一啲都唔細。就好似菲力斯，據聞賓菲加 (Benfica) 係車路士同佢本人嘅「最大希望」，意味住佢嘅市場非常有限。至於史達寧 (Sterling)，因為人工問題加上球員的要求，要賣走佢更加係非常困難，球會同佢本人仲傾緊點樣解決。
喺呢個「塞車」嘅情況下，除非突然有球會為積臣 (Jackson) 開出一個「巨額報價」，否則我哋新球季嘅鋒線組合，好可能繼續係積臣加埋新人戴納 (Delap)撐場。我哋鋒線嘅未來，可能唔係取決於我哋嘅球探搵到幾好嘅球員，而係取決於我哋嘅管理層，有冇能力將啲「二手」甚至「三手」貨成功賣走。
後防的「左傾」與中場的「大清洗」
搞掂前面龍門同鋒線兩個「大頭佛」，我哋再睇下中後場嘅情況。相比起前場，後防線嘅引援目標似乎更集中同清晰，就係「向左走」——據報，球會更有興趣為左路而非右路增兵。目標人物亦都唔係秘密，愛華頓嘅班夫韋治 (Jarrad Branthwaite) 係心儀對象，不過轉會費可能係一大障礙；另外，阿積士嘅哈圖 (Jorrel Hato) 亦都再次被提及。
引援方向清晰，但更大嘅難題，同樣在於「清貨」。我哋中後場嘅「待售清單」長到有啲誇張：
後防線： 迪西斯 (Axel Disasi) 被指「好大機會」下季唔會喺度，為咗避免蝕本，外借可能性較高。巴迪亞舒尼 (Benoît Badiashile) 嘅情況係一半一半。查洛巴 (Trevoh Chalobah) 雖然冇被積極兜售，但上陣時間冇保證，而拿玻里對佢有「真正嘅興趣」。維加 (Veiga) 因為無辦法取得中堅上陣機會睇嚟亦都會走人。
中場線： 傳聞就話 KDH (Kiernan Dewsbury-Hall) 係「100%會離開」。卓古美卡 (Carney Chukwuemeka) 亦都「好大機會」下季唔會為車路士上陣，但由於其他球會出價未達我哋嘅估值，可能傾向外借。
翼鋒： 馬杜基 (Noni Madueke) 雖然唔係被掛牌出售，但有其他球會對佢有興趣，而我哋亦都願意聽取報價。
將呢啲潛在離隊嘅球員加埋一齊，幾乎可以組成半隊波。呢場「大清洗」嘅規模，正正係我哋今個夏天第三個，亦都可能係最艱鉅嘅難題。要成功將呢班球員賣走或者外借，唔單止可以為新援騰出位置同薪資空間，更重要嘅係為咗應付日益收緊嘅財政公平條例(PSR)。
轉會窗壓力猶在
球會盤棋究竟想點捉，藍圖我哋大概都估到一二。但最終能唔能夠順利執行，將理論變成現實，就要睇管理層嘅功力喇。佢哋嘅挑戰，唔單止係要同其他球會喺談判桌上角力，仲要處理好隊內球員嘅人心同未來規劃。
我哋作為球迷，似乎唯一可以做嘅，就係繼續「食花生」，耐心啲等多陣，睇下到轉會窗關閉嗰日，我哋手上份成績表會係點。究竟係成功瘦身、煥然一新，定係再次「雷聲大雨點小」，將問題留到下一個冬天？答案，只能拭目以待。
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419https：//www.threads.com/@hkgchedog
請按此登錄後留言。未成為會員? 立即註冊