最近有位睇咗曼聯好多年嘅老友滿面愁容咁問我：「占占（Sir Ratcliffe) 入主之後，成日話要執靚盤數，但曼聯今季踢到咁，收入肯定大縮水啦，但又唔知佢哋實際條數點，仲有幾多Budget可以買人，艾莫廉想變革都難啦…」
老友嘅擔憂，絕對係大部分曼聯球迷嘅心聲。2024-25球季對於曼迷嚟講，簡直係一場史詩級嘅災難——聯賽最終只係排第16位，歐霸決賽飲恨輸波，直接導致下個球季連歐洲賽資格都冇，真正意義上嘅「四大皆空」。新帥艾莫廉接手呢個「爛攤子」，甚至一度自嘲球隊可能係「曼聯史上最差嘅隊伍」，個球季嘅表現真係可以用衰到貼地嚟形容，球迷睇到心都灰。
冇冠軍、冇歐戰，對於曼聯呢間曾經嘅班霸嚟講，無疑係一首沉重嘅悲歌。喺呢片愁雲慘霧背後，球會嘅財政狀況究竟有幾惡劣？新股東入主後，係咪真係有能力「執靚盤數」？最重要嘅係，喺即將來臨嘅夏季轉會窗，曼聯個荷包仲有幾多銀彈可以用？艾莫廉又可以點樣喺呢個困局下「執藥」救亡？今次嘅「球壇風向室」，我哋就一齊深入探討下呢啲問題，揭開曼聯今夏轉會資金背後嘅真相。
第一章：盤數點解咁肉酸？——失歐聯、孭重債、管理層「自爆」
曼聯盤數搞到今時今日咁「肉酸」，絕對唔係一朝一夕嘅事。球迷見到嘅戰績插水，只係冰山一角，背後嘅財務問題先至係真正嘅「計時炸彈」。
首當其衝嘅，梗係今季失落歐聯資格嘅直接後果。單單係冇得踢歐聯，就傳聞令曼聯即時收少近七千萬英鎊嘅獎金收入 ，呢筆錢對於任何一間球會嚟講都唔係小數目。雪上加霜嘅係，連波衫贊助商Adidas都要因為曼聯冇得喺頂級歐洲賽事亮相，而啟動合約中嘅懲罰條款，令球會再唔見一千萬英鎊 。一季冇歐聯踢，夾埋就唔見咗八千萬，真係「未開飯先打爛幾個碗」。
除咗即時嘅收入損失，「格拉沙家族」年代留低嘅歷史遺禍，更加係長期困擾曼聯嘅「吸血鬼」。當年格拉沙家族用槓桿收購方式買入曼聯，將大量債務轉嫁到球會身上 。結果就係，球會過去十幾年，單單係為呢啲債務支付嘅利息、股息同各種管理費用，加加埋埋已經超過十億英鎊 。呢筆天文數字嘅支出，本應用喺球隊發展同買人，而家就白白流入債主同前老闆嘅荷包，嚴重削弱咗球會嘅財政實力。最新嘅股權變動，雖然有新資金注入，但對龐大嘅債務嚟講，似乎亦都未見到即時嘅「鬆綁」跡象。
屋漏偏逢連夜雨，球會管理層近年喺人事變動上嘅「蝦碌」操作，亦都令本已緊張嘅財政雪上加霜。好似體育總監艾殊禾夫單嘢，短時間內請佢又炒佢，就花費咗超過四百萬英鎊 。前主帥坦夏嘅分手費亦都高達過千萬英鎊 ，而現任主帥艾莫廉嘅挖角費用，同樣係千萬級別 。呢啲管理層嘅「自爆式」支出，一筆一筆都係真金白銀，令球迷睇到都喊出嚟，感嘆點解可以咁樣倒啲錢落鹹水海。
第二章：收入迷霧與「EBITDA」化粧術——盤數真係差到貼地？
曼聯呢個金漆招牌，曾經係全球足球界嘅「印鈔機」，長期霸佔住英格蘭球會收入榜嘅龍頭大哥位置。但花無百日紅，近年曼聯嘅「吸金」能力明顯大不如前，甚至俾同市宿敵曼城「爬過頭」。單睇上個財政年度，曼城嘅總收入已經拋離曼聯超過五千萬英鎊，尤其係商業收入方面，差距更加明顯。
雖然曼聯最新嘅中期財務報告（2024年7月至12月）可能顯示整體收入數字表面上「企得穩」，但魔鬼在細節，當中嘅廣播收入因為冇得踢歐聯已經大縮水，長遠落去，個差距只會越拉越闊。
面對盤數唔靚仔，球會管理層自然有佢哋嘅「化粧技巧」。其中一樣近年曼聯好鍾意拎出嚟講嘅，就係所謂嘅「調整後EBITDA」（Earnings Before Interest, Tax, Depreciation and Amortisation，即扣除利息、稅項、折舊同攤銷前盈利）。球會成日強調呢個數字好靚仔，例如預計今個財政年度可以去到一億五千萬英鎊上下。
但股神巴菲特都寸過佢哋，話齋講EBITDA靚就好似讚間屋好靚，但樓上個大窿就當睇唔到。以上個財政年度為例，曼聯嘅「調整後EBITDA」雖然有成接近一億五千萬，但實際計返盤數，稅前虧損竟然都超過一億三千萬英鎊，中間個差額成兩億幾！點解會咁？因為呢個「調整後EBITDA」撇除咗好多重大開支，好似球員嘅攤銷費用咁。曼聯每年喺球員攤銷呢個項目嘅支出，分分鐘都超過兩億英鎊。你話齋睇個「化粧後」嘅數字，盤數又點會唔「靚仔」呢？但球迷睇到呢啲，都只會覺得係「數字遊戲」，實際蝕緊幾多，大家心裡有數。
第三章：PSR加UEFA雙重夾擊——曼聯個「荷包」到底有幾乾？
講完盤數嘅歷史問題同埋收入上嘅樽頸，我哋就要睇下兩座直接影響曼聯今個夏天點使錢嘅大山：英超嘅「盈利及可持續性規則」(PSR) 同埋歐洲足協 (UEFA) 嘅財政公平條例。呢兩套規矩，講到尾就係唔畀球會無上限咁燒錢蝕本，搞到好似「軍備競賽」咁，最終拖垮成個足球生態。
英超PSR規定，球會喺三年周期內嘅總虧損唔可以超過一億零五百萬英鎊，當中仲有啲豁免條款（例如基建、女子隊、青訓開支等）。至於UEFA嘅規矩就更加辣，佢哋個「足球盈利」規則，三年內嘅虧損上限係六千萬歐元，就算你財政狀況「良好」，最多都只係每年加多一千萬歐元嘅寬限。
有傳媒分析過，曼聯上個財政年度（2023-24）喺PSR計算下嘅虧損大約係四千幾萬英鎊，如果UEFA唔當佢哋財政狀況「良好」（考慮到佢哋嘅借貸情況，呢個可能性唔細），咁佢哋喺UEFA兩年過渡期嘅六千萬歐元虧損上限下，今個財政年度（2024-25）可以再蝕嘅空間就非常非常有限，可能只係得返幾百萬英鎊嘅「罅隙」！呢個解釋咗點解佢哋就算想大使都唔敢亂嚟，一個唔覺意，好似愛華頓、森林咁畀人扣分就喊都無謂。舊年曼聯已經因為衰咗UEFA之前嘅收支平衡規定，畀人罰咗三十萬歐元，算係一個警號。
更攞命嘅係，曼聯仲有一大筆舊債未清。截至舊年年底，曼聯仲爭落其他球會嘅轉會費分期付款，淨額竟然高達三億英鎊，當中超過一億六千萬要喺今年底前找數！呢筆數，帳面計只有我哋車路士高過曼聯。老闆占占都公開呻過，呢啲都係前朝嘅蘇州屎，但佢哋都要硬食。咁多錢要拎嚟還舊數，你話仲有幾多「閒錢」可以用嚟買新球員呢？個「荷包」有幾乾，真係有數得計。
第四章：夏季轉會窗銀彈大解構——£100M背後嘅「節衣縮食」與「賣仔」傳聞
好啦，講完前面咁多曼聯盤數七國咁亂——由格拉沙年代舊債好似雪球咁越滾越大、管理層換人換到燒銀紙咁款、球會整體收入追唔上支出，再到英超PSR同UEFA財政公平條例好似兩座大山咁壓住——相信大家最關心嘅，始終都係「咁曼聯今個夏天仲有冇錢買人？」呢個問題。
綜合各路消息同埋佢哋水深火熱嘅財政狀況，傳聞中曼聯喺今個夏天轉會窗嘅初始可動用資金，大約就係一億英鎊 (£100M) 左右。但係，呢個數字絕對唔能夠單獨拎出嚟睇。我哋必須要理解，呢一億英鎊好可能已經係球會進行咗一輪，甚至計劃進行更多內部開支削減（例如之前報道過嘅裁員計劃），以及更重要嘅係，可能已經預設咗需要透過出售球員——當中甚至可能包括具潛力嘅自家青訓產品——嚟「回血」甚至「創造」出嚟嘅一部分。換句話講，呢一億可能只係個「基本盤」，要再加碼，就要睇佢哋「清貨」嘅成績嘞。
一億「基本盤」點樣使？目標人物逐個睇
唔理佢地有無成功賣人都好，消息都話曼聯仲有錢去追逐佢哋頭兩號嘅進攻目標：狼隊嘅古查（Matheus Cunha）同埋葉士域治嘅小將迪納普（Liam Delap）。古查嘅解約金盛惠六千二百五十萬英鎊(£62.5M)，而迪納普解約金亦要三千萬英鎊(£30M)。單單呢兩位仁兄，加埋已經超過九千萬，幾乎用晒嗰一億「基本盤」！睇嚟艾莫廉要買其他人，真係要諗諗計。
「賣血」求生，邊個係下一個「犧牲品」？
要再有錢使，曼聯就必須要成功「清貨」。外借緊嘅「三寶」——拉舒福特、安東尼同辛祖——已經被標籤為「待售品」，球會希望可以從佢哋身上套現到接近一億英鎊。而自家青訓嘅加拿祖（Alejandro Garnacho）亦都被標價六千萬，據聞車路士同拿玻里都有意。除此之外，卡斯米路、甚至上季先加盟嘅賀隆（Rasmus Højlund）都可能被放上貨架。連隊長般奴費南迪斯都開到聲，話如果球會想賣走佢套現，佢都會理解。睇嚟曼聯今夏嘅「大清洗」勢在必行，「親生仔」都未必有情講。
「清貨」難度有幾高？「蟹貨」定「搶手貨」？
同唔少AV一樣，封面好吸引，內容好難頂，理想同現實永遠都有一段距離。曼聯想賣嗰班球員，好多都唔係啲咩搶手貨。特別係外借嗰幾位，一係狀態持續低迷，一係就人工高到嚇死人，其他球會就算有興趣都未必食得起。要成功將呢啲蟹貨賣得出，仲要賣到好價錢，難度絕對唔細。如果最終清貨成績唔理想，額外嘅目標就好可能只係鏡花水月。
艾莫廉嘅「購物清單」仲有啲咩？中場「肌肉化」大計
除咗前鋒線，據聞艾莫廉亦都好想增強中場嘅實力，特別係想引入更多「速度、力量同埋運動能力」兼備嘅球員。佢覺得現有嘅中場組合，喺身體對抗上好多時都畀對手食住。但要買到啱心水嘅筋肉人，又係一筆唔細嘅開支，睇嚟真係要成功賣到人先有得諗。
結論：夏日大執位——捱過呢關，或者仲有彎轉？
老友，睇完成篇分析，相信你個心都沉咗一半。曼聯今時今日嘅困境，真係冰封三尺非一日之寒。盤數肉酸，買人又要就住就住，仲要睇下賣唔賣到人回血，新帥艾莫廉想大展拳腳都難。呢個夏天嘅大執位，對球迷嚟講肯定係百感交集。
不過，換個角度諗，刮骨療毒雖然痛，但可能係曼聯要走出困局嘅必經之路。以前嗰種使錢唔眨眼但又冇成績嘅日子，大家都睇到厭啦。而家新股東入主，似乎真係的起心肝想由根本解決問題，即使過程會好漫長，甚至要犧牲一兩季嘅成績，但長痛不如短痛。
作為球迷，我哋可以做嘅，或者就係調整下期望，畀多啲耐性。呢條重建之路肯定崎嶇，但捱得過呢個「勒緊褲頭」嘅陣痛期，清走啲「壞賬」，建立返一個健康啲嘅財政同營運模式，未來或者仲有機會見到曼聯重新振作嘅一日嘅。一齊「戴定頭盔」，睇下佢哋點樣拆解呢個困局啦！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
老友嘅擔憂，絕對係大部分曼聯球迷嘅心聲。2024-25球季對於曼迷嚟講，簡直係一場史詩級嘅災難——聯賽最終只係排第16位，歐霸決賽飲恨輸波，直接導致下個球季連歐洲賽資格都冇，真正意義上嘅「四大皆空」。新帥艾莫廉接手呢個「爛攤子」，甚至一度自嘲球隊可能係「曼聯史上最差嘅隊伍」，個球季嘅表現真係可以用衰到貼地嚟形容，球迷睇到心都灰。
冇冠軍、冇歐戰，對於曼聯呢間曾經嘅班霸嚟講，無疑係一首沉重嘅悲歌。喺呢片愁雲慘霧背後，球會嘅財政狀況究竟有幾惡劣？新股東入主後，係咪真係有能力「執靚盤數」？最重要嘅係，喺即將來臨嘅夏季轉會窗，曼聯個荷包仲有幾多銀彈可以用？艾莫廉又可以點樣喺呢個困局下「執藥」救亡？今次嘅「球壇風向室」，我哋就一齊深入探討下呢啲問題，揭開曼聯今夏轉會資金背後嘅真相。
第一章：盤數點解咁肉酸？——失歐聯、孭重債、管理層「自爆」
曼聯盤數搞到今時今日咁「肉酸」，絕對唔係一朝一夕嘅事。球迷見到嘅戰績插水，只係冰山一角，背後嘅財務問題先至係真正嘅「計時炸彈」。
首當其衝嘅，梗係今季失落歐聯資格嘅直接後果。單單係冇得踢歐聯，就傳聞令曼聯即時收少近七千萬英鎊嘅獎金收入 ，呢筆錢對於任何一間球會嚟講都唔係小數目。雪上加霜嘅係，連波衫贊助商Adidas都要因為曼聯冇得喺頂級歐洲賽事亮相，而啟動合約中嘅懲罰條款，令球會再唔見一千萬英鎊 。一季冇歐聯踢，夾埋就唔見咗八千萬，真係「未開飯先打爛幾個碗」。
除咗即時嘅收入損失，「格拉沙家族」年代留低嘅歷史遺禍，更加係長期困擾曼聯嘅「吸血鬼」。當年格拉沙家族用槓桿收購方式買入曼聯，將大量債務轉嫁到球會身上 。結果就係，球會過去十幾年，單單係為呢啲債務支付嘅利息、股息同各種管理費用，加加埋埋已經超過十億英鎊 。呢筆天文數字嘅支出，本應用喺球隊發展同買人，而家就白白流入債主同前老闆嘅荷包，嚴重削弱咗球會嘅財政實力。最新嘅股權變動，雖然有新資金注入，但對龐大嘅債務嚟講，似乎亦都未見到即時嘅「鬆綁」跡象。
屋漏偏逢連夜雨，球會管理層近年喺人事變動上嘅「蝦碌」操作，亦都令本已緊張嘅財政雪上加霜。好似體育總監艾殊禾夫單嘢，短時間內請佢又炒佢，就花費咗超過四百萬英鎊 。前主帥坦夏嘅分手費亦都高達過千萬英鎊 ，而現任主帥艾莫廉嘅挖角費用，同樣係千萬級別 。呢啲管理層嘅「自爆式」支出，一筆一筆都係真金白銀，令球迷睇到都喊出嚟，感嘆點解可以咁樣倒啲錢落鹹水海。
第二章：收入迷霧與「EBITDA」化粧術——盤數真係差到貼地？
曼聯呢個金漆招牌，曾經係全球足球界嘅「印鈔機」，長期霸佔住英格蘭球會收入榜嘅龍頭大哥位置。但花無百日紅，近年曼聯嘅「吸金」能力明顯大不如前，甚至俾同市宿敵曼城「爬過頭」。單睇上個財政年度，曼城嘅總收入已經拋離曼聯超過五千萬英鎊，尤其係商業收入方面，差距更加明顯。
雖然曼聯最新嘅中期財務報告（2024年7月至12月）可能顯示整體收入數字表面上「企得穩」，但魔鬼在細節，當中嘅廣播收入因為冇得踢歐聯已經大縮水，長遠落去，個差距只會越拉越闊。
面對盤數唔靚仔，球會管理層自然有佢哋嘅「化粧技巧」。其中一樣近年曼聯好鍾意拎出嚟講嘅，就係所謂嘅「調整後EBITDA」（Earnings Before Interest, Tax, Depreciation and Amortisation，即扣除利息、稅項、折舊同攤銷前盈利）。球會成日強調呢個數字好靚仔，例如預計今個財政年度可以去到一億五千萬英鎊上下。
但股神巴菲特都寸過佢哋，話齋講EBITDA靚就好似讚間屋好靚，但樓上個大窿就當睇唔到。以上個財政年度為例，曼聯嘅「調整後EBITDA」雖然有成接近一億五千萬，但實際計返盤數，稅前虧損竟然都超過一億三千萬英鎊，中間個差額成兩億幾！點解會咁？因為呢個「調整後EBITDA」撇除咗好多重大開支，好似球員嘅攤銷費用咁。曼聯每年喺球員攤銷呢個項目嘅支出，分分鐘都超過兩億英鎊。你話齋睇個「化粧後」嘅數字，盤數又點會唔「靚仔」呢？但球迷睇到呢啲，都只會覺得係「數字遊戲」，實際蝕緊幾多，大家心裡有數。
第三章：PSR加UEFA雙重夾擊——曼聯個「荷包」到底有幾乾？
講完盤數嘅歷史問題同埋收入上嘅樽頸，我哋就要睇下兩座直接影響曼聯今個夏天點使錢嘅大山：英超嘅「盈利及可持續性規則」(PSR) 同埋歐洲足協 (UEFA) 嘅財政公平條例。呢兩套規矩，講到尾就係唔畀球會無上限咁燒錢蝕本，搞到好似「軍備競賽」咁，最終拖垮成個足球生態。
英超PSR規定，球會喺三年周期內嘅總虧損唔可以超過一億零五百萬英鎊，當中仲有啲豁免條款（例如基建、女子隊、青訓開支等）。至於UEFA嘅規矩就更加辣，佢哋個「足球盈利」規則，三年內嘅虧損上限係六千萬歐元，就算你財政狀況「良好」，最多都只係每年加多一千萬歐元嘅寬限。
有傳媒分析過，曼聯上個財政年度（2023-24）喺PSR計算下嘅虧損大約係四千幾萬英鎊，如果UEFA唔當佢哋財政狀況「良好」（考慮到佢哋嘅借貸情況，呢個可能性唔細），咁佢哋喺UEFA兩年過渡期嘅六千萬歐元虧損上限下，今個財政年度（2024-25）可以再蝕嘅空間就非常非常有限，可能只係得返幾百萬英鎊嘅「罅隙」！呢個解釋咗點解佢哋就算想大使都唔敢亂嚟，一個唔覺意，好似愛華頓、森林咁畀人扣分就喊都無謂。舊年曼聯已經因為衰咗UEFA之前嘅收支平衡規定，畀人罰咗三十萬歐元，算係一個警號。
更攞命嘅係，曼聯仲有一大筆舊債未清。截至舊年年底，曼聯仲爭落其他球會嘅轉會費分期付款，淨額竟然高達三億英鎊，當中超過一億六千萬要喺今年底前找數！呢筆數，帳面計只有我哋車路士高過曼聯。老闆占占都公開呻過，呢啲都係前朝嘅蘇州屎，但佢哋都要硬食。咁多錢要拎嚟還舊數，你話仲有幾多「閒錢」可以用嚟買新球員呢？個「荷包」有幾乾，真係有數得計。
第四章：夏季轉會窗銀彈大解構——£100M背後嘅「節衣縮食」與「賣仔」傳聞
好啦，講完前面咁多曼聯盤數七國咁亂——由格拉沙年代舊債好似雪球咁越滾越大、管理層換人換到燒銀紙咁款、球會整體收入追唔上支出，再到英超PSR同UEFA財政公平條例好似兩座大山咁壓住——相信大家最關心嘅，始終都係「咁曼聯今個夏天仲有冇錢買人？」呢個問題。
綜合各路消息同埋佢哋水深火熱嘅財政狀況，傳聞中曼聯喺今個夏天轉會窗嘅初始可動用資金，大約就係一億英鎊 (£100M) 左右。但係，呢個數字絕對唔能夠單獨拎出嚟睇。我哋必須要理解，呢一億英鎊好可能已經係球會進行咗一輪，甚至計劃進行更多內部開支削減（例如之前報道過嘅裁員計劃），以及更重要嘅係，可能已經預設咗需要透過出售球員——當中甚至可能包括具潛力嘅自家青訓產品——嚟「回血」甚至「創造」出嚟嘅一部分。換句話講，呢一億可能只係個「基本盤」，要再加碼，就要睇佢哋「清貨」嘅成績嘞。
一億「基本盤」點樣使？目標人物逐個睇
唔理佢地有無成功賣人都好，消息都話曼聯仲有錢去追逐佢哋頭兩號嘅進攻目標：狼隊嘅古查（Matheus Cunha）同埋葉士域治嘅小將迪納普（Liam Delap）。古查嘅解約金盛惠六千二百五十萬英鎊(£62.5M)，而迪納普解約金亦要三千萬英鎊(£30M)。單單呢兩位仁兄，加埋已經超過九千萬，幾乎用晒嗰一億「基本盤」！睇嚟艾莫廉要買其他人，真係要諗諗計。
「賣血」求生，邊個係下一個「犧牲品」？
要再有錢使，曼聯就必須要成功「清貨」。外借緊嘅「三寶」——拉舒福特、安東尼同辛祖——已經被標籤為「待售品」，球會希望可以從佢哋身上套現到接近一億英鎊。而自家青訓嘅加拿祖（Alejandro Garnacho）亦都被標價六千萬，據聞車路士同拿玻里都有意。除此之外，卡斯米路、甚至上季先加盟嘅賀隆（Rasmus Højlund）都可能被放上貨架。連隊長般奴費南迪斯都開到聲，話如果球會想賣走佢套現，佢都會理解。睇嚟曼聯今夏嘅「大清洗」勢在必行，「親生仔」都未必有情講。
「清貨」難度有幾高？「蟹貨」定「搶手貨」？
同唔少AV一樣，封面好吸引，內容好難頂，理想同現實永遠都有一段距離。曼聯想賣嗰班球員，好多都唔係啲咩搶手貨。特別係外借嗰幾位，一係狀態持續低迷，一係就人工高到嚇死人，其他球會就算有興趣都未必食得起。要成功將呢啲蟹貨賣得出，仲要賣到好價錢，難度絕對唔細。如果最終清貨成績唔理想，額外嘅目標就好可能只係鏡花水月。
艾莫廉嘅「購物清單」仲有啲咩？中場「肌肉化」大計
除咗前鋒線，據聞艾莫廉亦都好想增強中場嘅實力，特別係想引入更多「速度、力量同埋運動能力」兼備嘅球員。佢覺得現有嘅中場組合，喺身體對抗上好多時都畀對手食住。但要買到啱心水嘅筋肉人，又係一筆唔細嘅開支，睇嚟真係要成功賣到人先有得諗。
結論：夏日大執位——捱過呢關，或者仲有彎轉？
老友，睇完成篇分析，相信你個心都沉咗一半。曼聯今時今日嘅困境，真係冰封三尺非一日之寒。盤數肉酸，買人又要就住就住，仲要睇下賣唔賣到人回血，新帥艾莫廉想大展拳腳都難。呢個夏天嘅大執位，對球迷嚟講肯定係百感交集。
不過，換個角度諗，刮骨療毒雖然痛，但可能係曼聯要走出困局嘅必經之路。以前嗰種使錢唔眨眼但又冇成績嘅日子，大家都睇到厭啦。而家新股東入主，似乎真係的起心肝想由根本解決問題，即使過程會好漫長，甚至要犧牲一兩季嘅成績，但長痛不如短痛。
作為球迷，我哋可以做嘅，或者就係調整下期望，畀多啲耐性。呢條重建之路肯定崎嶇，但捱得過呢個「勒緊褲頭」嘅陣痛期，清走啲「壞賬」，建立返一個健康啲嘅財政同營運模式，未來或者仲有機會見到曼聯重新振作嘅一日嘅。一齊「戴定頭盔」，睇下佢哋點樣拆解呢個困局啦！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊