近排球壇怨氣沖天，個個都話啲球員踢到殘、踢到傷，矛頭直指賽程太密、「足總FIFA掛住搵錢」。曼城個洛迪 (Rodri) 舊年九月先呻完比賽太多，話「唔係樣樣都係錢同市場推廣㗎嘛，都要講下質素」，點知跟手就膝頭受傷收咧，真係「開口中」咁滯，仲要佢十月先拎完金球獎咋！我哋車仔個馬蛇 (Enzo Maresca) 當時都幫口：「啲比賽多到咁，我覺得完全係錯嘅！」
一時間，球員教練個個都出嚟聲討，搞到好似球迷同球會都係「吸血鬼」，為咗睇多幾場波、賺多啲電視錢，就將班球員推去「祭旗」咁。但《金融時報》就出左篇文大膽挑機，話洛迪其實搞錯重點。球員根本冇踢多到啲乜，真正變嘅唔係比賽嘅「量」，而係比賽嘅「物理強度」！
場次多咗真係元兇？數據話你知！
話賽程密，其實唔係新鮮事。想當年球王比利17歲幫巴西捧完世界盃 (1958)，佢老細山度士為咗搵銀，1959年要比利為球會踢足82場（包括環遊世界吸金之旅），再加國家隊21場，一年過百場，真係聽到都腳軟！英格蘭頂級聯賽都要踢42場，一路到1995年先減到38場。
所謂「工作量上升搞殘球員」嘅講法，其實一直都有人質疑。運動經濟學家 Stefan Szymanski 同 Guy Wilkinson 就研究過1992至2013年英超21個球季嘅數據，包括球員休息日數、作客距離等等，分析咗超過一萬場比賽，結論係：比賽數量同球會成績根本冇直接關係！佢哋話，球隊人腳夠，教練又識輪換，根本唔會因為攰而輸波。「賽程問題好多時都係領隊同傳媒誇大嘅！」如果贏波，啲領隊就唔會提球員攰！
《金融時報》首席數據記者 John Burn-Murdoch 更加分析咗2000至2025年英超球員嘅工作量，亦都只係話頂級球隊嘅比賽場數「輕微增加」。CIES足球觀察站研究咗40個聯賽，發現上季球員平均上陣24.4場，比起2012/13球季嘅22場係多咗啲。但重點嚟喇：無論係 CIES 定 Burn-Murdoch，都冇發現球員總上陣時間有明顯增加，呢個數字由2000年到而家都冇乜點變！講到尾，FIFA 個世冠盃，CIES 話只佔全球正式比賽嘅0.01%，真係少到可以不理。
Burn-Murdoch 仲發現，英超球會嘅受傷數字同比賽場次冇乜關係，傷兵數字每個球季都唔同，就算賽程差唔多都係咁。而且，每場跑動總距離亦都冇上升。
五個換人名額唔同玩法：換人多咗，真係踢少咗？
CIES 仲預測，未來四年，就算比賽場數可能增加1.4%，球員上陣時間都唔會多。點解？「因為有五個換人名額，同埋球隊陣容越嚟越大！」呢點好關鍵。自從疫情期間將換人名額由三個加到五個之後，足球比賽就好似籃球咁，由開波到完場，隊波個樣可以完全唔同。今時今日「正選陣容」呢個概念已經冇乜意義。人多咗，自然可以分攤上陣時間。
呢啲改變，連頂級球員都受到保護。The Athletic 計過，以曼城為例，如果佢地成功殺入所有比賽決賽，洛迪一季最多可能要踢75場，加埋國家隊，可以去到85場。不過CIES都話呢啲只係極端理論情況，實際上極少球員會踢到咁盡，實際上平均每個球季只得0.31%球員會踢超過61場，另外1.8%踢51至60場。簡單嚟講，絕大部分球員都遠遠低過球員工會 Fifpro 建議嘅55場上限。再加上，而家啲運動科學、球員物理治療都好咗、交通又舒服咗、飲食睡眠指引又嚴格咗，照計體能應該更好先係。
真正嘅魔鬼細節：唔係踢幾多，係「點樣踢」！
咁究竟問題出喺邊？文章話，係「比賽強度」變咗！Burn-Murdoch 數據顯示，英超每場傳球次數自2010年以嚟增加咗20%。而每場衝刺次數 (Sprints) 自2007年起亦都差唔多持續上升，單單過去十年就多咗30%！
數據供應商Opta就發現，英格蘭踢得最高強度嘅球隊，受傷風險似乎亦都最高。例如白禮頓同曼城鍾意喺前場final third壓迫，而諾定咸森林同阿士東維拉就多數縮後。控球最好嘅曼城同阿仙奴，就最唔需要衝刺，佢哋陣式緊密，大部分時間控住個波，所以好少消耗體力去追波或者來回跑動，球員可以「喺控球時休息」。
咁邊隊踢得最辛苦？般尼茅夫同熱刺！Opta話，熱刺尤其係全英超衝刺最多、前場壓迫最狼死嘅球隊。佢哋今季爆發傷兵潮，可能就唔係咁啱得咁橋。熱刺領隊普斯迪高路 (Ange Postecoglou) 賴好運，但有證據顯示係佢哋踢法出事。熱刺特別多球員拉傷大腿後肌 (Hamstring) —— Opta話呢種傷患「最大機會同過勞有關」。熱刺陷入惡性循環：高強度導致受傷，陣容縮水，焗住其他球員搏殺，影響表現之餘又增加受傷風險。
所以，文章嘅結論好清晰：如果要講球員負荷同表現嘅關係，關鍵唔係你隊波踢幾多場，而係「點樣踢」！
數據透視——英超傷情與「強度論」嘅虛實
睇完《金融時報》話「比賽強度」先係球員受傷元兇，我哋即刻搵嚟英國網站 PhysioRoom 公佈嘅2024/25球季英超傷兵統計，睇下數據係咪真係咁講。
首先，《金融時報》點名話踢法「超高強度」嘅熱刺，喺PhysioRoom數據入面有22單傷患（排第3），都幾吻合「高強度易傷」嘅講法。不過，另一隊被重點提及嘅「跑狗型」般尼茅夫，數據顯示只得9單傷兵（排尾二，即係傷兵極少），呢個就同《金融時報》話佢哋陷入「傷兵危機」有啲出入。睇嚟，「高強度」同傷兵數字之間嘅關係，未必係一條直線咁簡單。
至於《金融時報》話可以靠控球「抖住踢」嘅球隊，例如曼城（18單傷患，排第7）同阿仙奴（27單傷患，慘成榜首），佢哋嘅傷兵數字亦都唔係特別樂觀，尤其阿仙奴仲要做咗傷病榜冠軍。呢個現象不禁令人思考：係咪「控球型」踢法背後，其實都有啲我哋睇唔到嘅體力消耗？定係正如《金融時報》都輕輕帶過，傷兵數字真係每個球季都可以好唔同，有時「黑仔」起上嚟，咩踢法都死？
整體嚟講，PhysioRoom嘅數據顯示，今季英超最常見嘅傷患頭三位係大腿後肌拉傷（47單）、普通碰撞（45單）同其他肌肉受傷（38單）。Hamstring傷患高踞榜首，似乎都側面印證咗《金融時報》提出嘅「強度」同「過勞」問題，的確係現代足球一個普遍存在嘅隱憂。但個別球隊嘅數據差異，亦都提醒我哋唔可以一概而論，影響傷兵嘅因素肯定係多方面嘅。
車迷反思區——馬蛇嘅「養生控球」真係少啲傷？
好喇，講完大圍，焦點返番嚟我哋車路士。球迷普遍有個印象，就係上季肥普（Pochettino）嗰種chur到盡嘅「跑動式搶迫」踢法，雖然有時場面夠晒激情，但觀乎成個球季，我哋啲球員體力消耗極大，傷兵情況都相當慘烈。根據BBC Sport上季（23/24球季）嘅統計，我哋車仔足足有成27次傷兵，喺英超並列第五多，損失工作日數亦都破千，絕對係「重災區」之一。
今季（24/25球季）轉由馬蛇（Maresca）執教，大打「傳控足球」，強調透過控球去控制比賽節奏。咁風格大變之後，傷兵情況有無改善呢？根據英國網站PhysioRoom今季嘅數據，我哋車路士暫時有17單傷兵，喺英超排第8。 單從總受傷次數嚟睇，由上季嘅27次減到今季嘅17次，足足少咗10單！呢個跌幅都幾顯著，似乎初步印證咗轉踢法之後，整體受傷情況係有所紓緩。 球迷一直期望馬蛇嘅傳控可以「錫身啲」，而家數據睇落，呢個「養生」效果似乎真係有啲睇頭。
不過，我哋都唔可以開心得太早。雖然總數係少咗，但PhysioRoom數據同時顯示，今季車路士嘅17單傷患入面，竟然有5單係「大腿後肌拉傷」(Hamstring)！呢個比例同埋數字，對照返《金融時報》強調Hamstring傷患同「過勞」、「高強度」嘅密切關係，我哋就唔可以掉以輕心。係咪馬蛇套戰術體系，雖然整體跑動要求可能低咗，但喺某啲特定環節，例如突如其來嘅反搶、或者喺「Box Midfield」入面某啲位置嘅高強度爆發，依然容易令球員嘅Hamstring「受罪」？
總結：過勞元兇，可能就係你隊波嘅踢法！
《金融時報》個結論係「點樣踢」比「踢幾多」更重要。呢句話對車仔嚟講，啟示就更加深遠。由肥普嘅「全民皆兵瘋狂迫搶」到馬蛇嘅「慢控在腳細膩組織」，踢法上嘅轉變的確可能帶嚟咗整體傷兵數字上嘅改善。但細節決定成敗，如果我哋嘅「傳控」未能完全避免某啲類型嘅高強度爆發，或者個別球員嘅身體未能完全適應新踢法嘅特定需求，咁Hamstring呢類「強度指標性」傷患，依然會係我哋嘅隱憂。
希望球會管理層同教練團，能夠仔細分析呢兩季傷兵數據嘅差異，唔單止睇總數，仲要深入研究傷患類型嘅變化，從而去優化訓練方法、戰術細節同醫療康復流程。目標應該係喺保持競爭力嘅同時，將傷病風險（尤其係可以預防嘅肌肉勞損）減到最低。始終，俾你揸GTR都好，人無事先可以做世界冠軍架嘛！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
一時間，球員教練個個都出嚟聲討，搞到好似球迷同球會都係「吸血鬼」，為咗睇多幾場波、賺多啲電視錢，就將班球員推去「祭旗」咁。但《金融時報》就出左篇文大膽挑機，話洛迪其實搞錯重點。球員根本冇踢多到啲乜，真正變嘅唔係比賽嘅「量」，而係比賽嘅「物理強度」！
場次多咗真係元兇？數據話你知！
話賽程密，其實唔係新鮮事。想當年球王比利17歲幫巴西捧完世界盃 (1958)，佢老細山度士為咗搵銀，1959年要比利為球會踢足82場（包括環遊世界吸金之旅），再加國家隊21場，一年過百場，真係聽到都腳軟！英格蘭頂級聯賽都要踢42場，一路到1995年先減到38場。
所謂「工作量上升搞殘球員」嘅講法，其實一直都有人質疑。運動經濟學家 Stefan Szymanski 同 Guy Wilkinson 就研究過1992至2013年英超21個球季嘅數據，包括球員休息日數、作客距離等等，分析咗超過一萬場比賽，結論係：比賽數量同球會成績根本冇直接關係！佢哋話，球隊人腳夠，教練又識輪換，根本唔會因為攰而輸波。「賽程問題好多時都係領隊同傳媒誇大嘅！」如果贏波，啲領隊就唔會提球員攰！
《金融時報》首席數據記者 John Burn-Murdoch 更加分析咗2000至2025年英超球員嘅工作量，亦都只係話頂級球隊嘅比賽場數「輕微增加」。CIES足球觀察站研究咗40個聯賽，發現上季球員平均上陣24.4場，比起2012/13球季嘅22場係多咗啲。但重點嚟喇：無論係 CIES 定 Burn-Murdoch，都冇發現球員總上陣時間有明顯增加，呢個數字由2000年到而家都冇乜點變！講到尾，FIFA 個世冠盃，CIES 話只佔全球正式比賽嘅0.01%，真係少到可以不理。
Burn-Murdoch 仲發現，英超球會嘅受傷數字同比賽場次冇乜關係，傷兵數字每個球季都唔同，就算賽程差唔多都係咁。而且，每場跑動總距離亦都冇上升。
五個換人名額唔同玩法：換人多咗，真係踢少咗？
CIES 仲預測，未來四年，就算比賽場數可能增加1.4%，球員上陣時間都唔會多。點解？「因為有五個換人名額，同埋球隊陣容越嚟越大！」呢點好關鍵。自從疫情期間將換人名額由三個加到五個之後，足球比賽就好似籃球咁，由開波到完場，隊波個樣可以完全唔同。今時今日「正選陣容」呢個概念已經冇乜意義。人多咗，自然可以分攤上陣時間。
呢啲改變，連頂級球員都受到保護。The Athletic 計過，以曼城為例，如果佢地成功殺入所有比賽決賽，洛迪一季最多可能要踢75場，加埋國家隊，可以去到85場。不過CIES都話呢啲只係極端理論情況，實際上極少球員會踢到咁盡，實際上平均每個球季只得0.31%球員會踢超過61場，另外1.8%踢51至60場。簡單嚟講，絕大部分球員都遠遠低過球員工會 Fifpro 建議嘅55場上限。再加上，而家啲運動科學、球員物理治療都好咗、交通又舒服咗、飲食睡眠指引又嚴格咗，照計體能應該更好先係。
真正嘅魔鬼細節：唔係踢幾多，係「點樣踢」！
咁究竟問題出喺邊？文章話，係「比賽強度」變咗！Burn-Murdoch 數據顯示，英超每場傳球次數自2010年以嚟增加咗20%。而每場衝刺次數 (Sprints) 自2007年起亦都差唔多持續上升，單單過去十年就多咗30%！
數據供應商Opta就發現，英格蘭踢得最高強度嘅球隊，受傷風險似乎亦都最高。例如白禮頓同曼城鍾意喺前場final third壓迫，而諾定咸森林同阿士東維拉就多數縮後。控球最好嘅曼城同阿仙奴，就最唔需要衝刺，佢哋陣式緊密，大部分時間控住個波，所以好少消耗體力去追波或者來回跑動，球員可以「喺控球時休息」。
咁邊隊踢得最辛苦？般尼茅夫同熱刺！Opta話，熱刺尤其係全英超衝刺最多、前場壓迫最狼死嘅球隊。佢哋今季爆發傷兵潮，可能就唔係咁啱得咁橋。熱刺領隊普斯迪高路 (Ange Postecoglou) 賴好運，但有證據顯示係佢哋踢法出事。熱刺特別多球員拉傷大腿後肌 (Hamstring) —— Opta話呢種傷患「最大機會同過勞有關」。熱刺陷入惡性循環：高強度導致受傷，陣容縮水，焗住其他球員搏殺，影響表現之餘又增加受傷風險。
所以，文章嘅結論好清晰：如果要講球員負荷同表現嘅關係，關鍵唔係你隊波踢幾多場，而係「點樣踢」！
數據透視——英超傷情與「強度論」嘅虛實
睇完《金融時報》話「比賽強度」先係球員受傷元兇，我哋即刻搵嚟英國網站 PhysioRoom 公佈嘅2024/25球季英超傷兵統計，睇下數據係咪真係咁講。
首先，《金融時報》點名話踢法「超高強度」嘅熱刺，喺PhysioRoom數據入面有22單傷患（排第3），都幾吻合「高強度易傷」嘅講法。不過，另一隊被重點提及嘅「跑狗型」般尼茅夫，數據顯示只得9單傷兵（排尾二，即係傷兵極少），呢個就同《金融時報》話佢哋陷入「傷兵危機」有啲出入。睇嚟，「高強度」同傷兵數字之間嘅關係，未必係一條直線咁簡單。
至於《金融時報》話可以靠控球「抖住踢」嘅球隊，例如曼城（18單傷患，排第7）同阿仙奴（27單傷患，慘成榜首），佢哋嘅傷兵數字亦都唔係特別樂觀，尤其阿仙奴仲要做咗傷病榜冠軍。呢個現象不禁令人思考：係咪「控球型」踢法背後，其實都有啲我哋睇唔到嘅體力消耗？定係正如《金融時報》都輕輕帶過，傷兵數字真係每個球季都可以好唔同，有時「黑仔」起上嚟，咩踢法都死？
整體嚟講，PhysioRoom嘅數據顯示，今季英超最常見嘅傷患頭三位係大腿後肌拉傷（47單）、普通碰撞（45單）同其他肌肉受傷（38單）。Hamstring傷患高踞榜首，似乎都側面印證咗《金融時報》提出嘅「強度」同「過勞」問題，的確係現代足球一個普遍存在嘅隱憂。但個別球隊嘅數據差異，亦都提醒我哋唔可以一概而論，影響傷兵嘅因素肯定係多方面嘅。
車迷反思區——馬蛇嘅「養生控球」真係少啲傷？
好喇，講完大圍，焦點返番嚟我哋車路士。球迷普遍有個印象，就係上季肥普（Pochettino）嗰種chur到盡嘅「跑動式搶迫」踢法，雖然有時場面夠晒激情，但觀乎成個球季，我哋啲球員體力消耗極大，傷兵情況都相當慘烈。根據BBC Sport上季（23/24球季）嘅統計，我哋車仔足足有成27次傷兵，喺英超並列第五多，損失工作日數亦都破千，絕對係「重災區」之一。
今季（24/25球季）轉由馬蛇（Maresca）執教，大打「傳控足球」，強調透過控球去控制比賽節奏。咁風格大變之後，傷兵情況有無改善呢？根據英國網站PhysioRoom今季嘅數據，我哋車路士暫時有17單傷兵，喺英超排第8。 單從總受傷次數嚟睇，由上季嘅27次減到今季嘅17次，足足少咗10單！呢個跌幅都幾顯著，似乎初步印證咗轉踢法之後，整體受傷情況係有所紓緩。 球迷一直期望馬蛇嘅傳控可以「錫身啲」，而家數據睇落，呢個「養生」效果似乎真係有啲睇頭。
不過，我哋都唔可以開心得太早。雖然總數係少咗，但PhysioRoom數據同時顯示，今季車路士嘅17單傷患入面，竟然有5單係「大腿後肌拉傷」(Hamstring)！呢個比例同埋數字，對照返《金融時報》強調Hamstring傷患同「過勞」、「高強度」嘅密切關係，我哋就唔可以掉以輕心。係咪馬蛇套戰術體系，雖然整體跑動要求可能低咗，但喺某啲特定環節，例如突如其來嘅反搶、或者喺「Box Midfield」入面某啲位置嘅高強度爆發，依然容易令球員嘅Hamstring「受罪」？
總結：過勞元兇，可能就係你隊波嘅踢法！
《金融時報》個結論係「點樣踢」比「踢幾多」更重要。呢句話對車仔嚟講，啟示就更加深遠。由肥普嘅「全民皆兵瘋狂迫搶」到馬蛇嘅「慢控在腳細膩組織」，踢法上嘅轉變的確可能帶嚟咗整體傷兵數字上嘅改善。但細節決定成敗，如果我哋嘅「傳控」未能完全避免某啲類型嘅高強度爆發，或者個別球員嘅身體未能完全適應新踢法嘅特定需求，咁Hamstring呢類「強度指標性」傷患，依然會係我哋嘅隱憂。
希望球會管理層同教練團，能夠仔細分析呢兩季傷兵數據嘅差異，唔單止睇總數，仲要深入研究傷患類型嘅變化，從而去優化訓練方法、戰術細節同醫療康復流程。目標應該係喺保持競爭力嘅同時，將傷病風險（尤其係可以預防嘅肌肉勞損）減到最低。始終，俾你揸GTR都好，人無事先可以做世界冠軍架嘛！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊