尋晚（5月8日）喺史丹福橋上演嘅歐協聯四強次回合，車路士喺首回合已經手握三球領先優勢嘅情況下，主場再憑迪斯貝利賀爾 (Kiernan Dewsbury-Hall) 一箭定江山，以 1:0 小勝瑞典球隊佐加頓斯，兩回合合計以 5:1 嘅總比數，輕鬆寫意咁昂然殺入月底喺波蘭Wroclaw舉行嘅決賽！
雖然最終只係一球小勝，場面亦都可能冇首回合客場大炒時咁刺激，但喺成功晉級嘅同時，能夠俾到咁多「車仔DNA」承傳者寶貴嘅大賽上陣時間，呢場波嘅意義或者仲不止於一個決賽席位。今篇報告，我哋就嚟睇下呢班小將喺輪換陣容下嘅表現，同埋車仔點樣喺相對平淡嘅戰情下，穩穩陣陣咁完成晉級任務。
賽後點評：
喺首回合已經大勝 4:1 嘅背景下，車路士今場次回合主場以 1:0 小勝佐加頓斯，總比數 5:1 輕鬆晉級歐協聯決賽。成場波嘅焦點，無疑係馬蛇點樣喺輪換之下俾機會年輕球員，同埋佢哋嘅表現。
1. 佈陣擺位：「痴線」級實驗，全隊大執位
馬蛇今場個排陣，應該嚇親唔少球迷！
第一樣係中場中路，完全無防中！由右閘嘅隊長占士，拍住左閘嘅古古尼亞去客串「雙核」！呢個操作，真係藝高人膽大，或者純粹係馬蛇求其擺就算？前面無鋒陣都一樣離奇。 由19歲嘅泰基佐治仔打頭陣客串中鋒，身後就係第一次正選、16歲嘅禾殊踢進攻中場，角色似輔鋒多啲。成條中軸線都係「客串」同「小朋友」，都咪話唔刺激！再加上艾殊邦出任左閘，古斯圖個右閘位踢到好似右翼咁，成個陣容就係一個「估你唔到」。
2. 球員取態：練兵為主，勝負平常心
由於晉級形勢極度樂觀，今場波球員嘅取態都比較放鬆。車路士方面，雖然陣容大變，但上陣嘅球員都表現積極，全場傳球成功率高達 92% (626次成功)，比對手 89% (327次成功) 要好，睇落猜傳方面又未至於完全「炒晒車」。尤其係一班「小朋友」好想喺主場球迷面前證明自己。迪斯貝利賀爾賽後亦都話，如果最終捧盃，球員同職員都值得嘉許。佐加頓斯方面，雖然作客球迷聲勢浩大，全場亦都犯規唔少 (20次 vs 車仔5次)，但球員喺場上似乎未能構成太大威脅，可能早已接受出局嘅命運。
3. 數據反映出的事實：控場練波，效率待察
全場數據（車仔 xG 1.33 vs 對手 0.52；控球率約 65%；射門 17:12；射正 5:3）清晰反映車路士嘅場面優勢。尤其係上半場（車仔 xG 0.91 vs 對手 0.28；射門 11:4），車仔完全控制戰局並取得入球。
下半場數據上雖然冇咁懸殊（車仔 xG 0.42 vs 對手 0.24；射門 6:8），但車仔依然能夠透過控球主導比賽。
迪斯貝利賀爾今場數據非常亮眼（全隊最多創造機會3次、最多射正3次、最多傳入final third 22次）。不過，全隊用 1.33 xG 先入到 1 球，當中仲有 1 次「Big Chance Missed」，把握力似乎只係一般，當然考慮到陣容嘅實驗性，呢點亦都可以理解。
值得一提嘅係，車仔全場盤帶成功次數 (9次) 遠超對手 (3次)，成功率亦較高 (56% vs 33%)，顯示年輕球員嘅活力。
4. 調動：小將輪流登場，主力真．休息
馬蛇今場嘅調動，完美體現咗佢練兵同保護主力嘅意圖。半場用米卡入替踢中場嘅古古尼亞，下半場再陸續換入查洛巴同 Genesis Antwi，俾到一眾小將寶貴嘅上陣時間，亦都確保咗例如占士呢啲需要小心管理上陣時間嘅球員得到休息。最終，大部分主力（彭馬、卡些度、積臣、安素等）都坐足全場，真正做到為聯賽留力。
5. 「問題」：主場球迷「混入」與決賽用人甜蜜的煩惱？
喺一場咁輕鬆晉級嘅比賽，要講「弱點同問題」可能比較嚴苛。不過，場外嘅小插曲值得一提：就係再次有客隊球迷成功買到主隊區域門票。至於場內，最大嘅「問題」或者係馬蛇「幸福嘅煩惱」——經過今場之後，迪斯貝利賀爾用表現證明自己；
禾殊、佐治、安特衛等小將亦都展示出潛力。到咗決賽對住實力更強嘅貝迪斯，馬蛇究竟會繼續信任呢班喺歐協聯有好表現嘅球員，定係會用返全主力陣容去搏冠軍？ 呢個將會係佢決賽前嘅一大難題。
個別表現：
Reggie Walsh (禾殊)歷史性首次正選登場！以16歲零200日之齡踢足全場，成為隊史最年輕歐洲賽正選，表現淡定自信，盡顯大將之風。
⭕️ 傳球成功率: 91% (40/44)
⭕️ 關鍵傳球 / 創造絕佳機會: 1 / 1
⭕️ 被侵犯次數: 4 (全隊最多)
⭕️ 預期助攻 (xA): 0.14
❌ 成功盤帶: 0
❌ 防守貢獻 (鏟斷+攔截+封擋+解圍): 0
❌ 地面對抗成功率: 40% (4/10)
❌ 被扭過次數: 2
今場最大嘅亮點，肯定就係見證住禾殊呢位小將創造歷史。以 16 歲之齡喺歐戰四強正選上陣仲要踢足全場，本身已經係一個了不起嘅成就。賽前鏡頭影到隊長占士都特別關照佢，球迷喺宣讀佢個名嗰陣亦都報以熱烈歡呼，場面溫馨。而禾殊喺場上亦都冇怯場，表現非常淡定。
佢嘅控傳能力值得一讚，全場傳球成功率高達 91%，而且極少失誤（Possession Lost 只有 8 次），喺中前場處理球顯得好有自信，夠膽問師兄們攞波，亦都識得用簡潔嘅傳送去串連。佢仲要創造咗一次絕佳機會 (Big Chance Created) 同埋錄得 0.14 嘅預期助攻 (xA)，顯示佢喺進攻三閘線係有能力交出威脅傳送。另外，佢全場被侵犯 4 次，係全隊最多，側面反映佢攞波時都幾令對手頭痛。馬蛇賽後讚佢「完美」適合自己體系、「令所有嘢變得容易」，睇嚟對佢嘅技術同球商非常欣賞。
當然，始終只係 16 歲，仲要係第一次踢正選，要求唔能夠太高。數據上睇，佢今場冇任何成功盤帶，亦都冇任何鏟斷、攔截等防守數據，地面對抗成功率亦都只得 40%，仲有兩次俾人扭過，顯示佢喺身體對抗同埋防守意識方面，仲有極大嘅進步空間。不過考慮到佢嘅年紀同埋今場嘅角色（偏進攻中場），呢啲都係成長中嘅必然過程。希望佢繼續成長，同時考好個試啦。
Kiernan Dewsbury-Hall (迪斯貝利賀爾)
喺一班「小朋友」中挺身而出，用一個精彩入球為球隊奠定勝局，全場表現活躍，堪稱今場嘅「老大哥」。
⭕️ 入球: 1
⭕️ 預期入球 (xG): 0.66
⭕️ 射門 (命中): 6 (3)
⭕️ 關鍵傳球: 3
⭕️ 傳入進攻三區次數: 22
⭕️ 傳球成功率: 94% (59/63)
⭕️ 成功盤帶: 2/2 (100%)
⭕️ 地面對抗成功率: 56% (5/9)
喺呢套極度年輕同埋充滿實驗味嘅陣容入面，迪斯貝利賀爾無疑係場上最具經驗嘅進攻球員之一，而佢亦都用表現證明咗自己嘅價值。上半場尾段，佢接應泰基佐治嘅妙傳，冷静扭過兩名守衛後，左腳乖巧咁彈射中柱彈入網，呢個入球充分展現咗佢嘅技術同埋門前嘅冷靜，亦都係佢今季歐協聯嘅第 4 個入球，效率相當唔錯。
數據上睇，佢今場嘅表現非常全面。全隊最多嘅 3 次關鍵傳球、3 次射門中目標（總共6次射門亦係最多）、以及多達 22 次傳入進攻三區，都顯示咗佢係前場進攻嘅主要發動機同埋威脅點。高達 94% 嘅傳球成功率同埋 2 次盤帶全部成功，亦都證明佢處理球嘅穩定性同效率。佢喺地面對抗方面亦都唔輸蝕，贏到超過一半嘅地面对決。
雖然下半場佢都有一次近門頭槌頂失嘅機會（不過可能越位在先），但瑕不掩瑜。喺呢場相對平淡、以練兵為主嘅比賽中，迪斯貝利賀爾成功肩負起帶領一班小將嘅責任，用一個關鍵入球同埋全場活躍嘅表現，為自己爭取決賽正選席位打下重要基礎。賽後佢亦都表示渴望贏得錦標，呢份決心值得嘉許。
Tyrique George (泰基佐治)
今場先客串中鋒再移任翼鋒，踢足全場表現勤力，交出一次技驚四座嘅助攻，但整體對抗同埋埋門把握力仍有待提升。
⭕️ 助攻: 1
⭕️ 預期助攻 (xA): 0.32
⭕️ 關鍵傳球: 2
⭕️ 傳球成功率: 92% (22/24)
❌ 預期入球 (xG): 0.43
❌ 錯失絕佳機會: 1
❌ 成功盤帶: 25% (1/4)
❌ 地面對抗成功率: 37.5% (3/8)
❌ 空中對抗成功率: 0% (0/3)
19 歲嘅泰基佐治今場獲得正選機會，仲要先客串中鋒，下半場再移返去比較熟悉嘅左翼位置，並且踢足全場，呢個對年輕球員嚟講係好好嘅鍛鍊。佢全場表現非常活躍，最亮眼嘅時刻莫過於上半場助攻迪斯貝利賀爾嗰球，一次非常瀟灑嘅轉身傳送，盡顯佢嘅足球智慧同技術功架。
呢個助攻亦都體現喺佢 0.32 嘅預期助攻 (xA) 同埋創造咗 1 次絕佳機會 (Big Chance Created) 嘅數據上。佢嘅傳球成功率高達 92%，亦都交出 2 次關鍵傳球，喺組織串連方面做得唔錯，顯示佢喺傳接基本功上係可靠嘅。
不過，喺其他方面，佐治仔就顯示出年輕球員尚需磨練嘅地方。首先係臨門一腳嘅把握力，佢全場有 4 次射門（包括 2 次被封擋），錄得 0.43 嘅預期入球 (xG)，但未能取得入球，當中仲錯失咗一次絕佳機會。其次，佢喺個人突破方面似乎遇到唔少困難，4 次嘗試盤帶只成功 1 次。而最需要提升嘅可能係身體對抗能力，數據顯示佢嘅地面對抗成功率只得三成幾 (3/8)，空中對抗更加係 3 次全部輸晒，呢方面喺競爭激烈嘅頂級賽事會比較輸蝕。
Jadon Sancho (辛祖)獲得正選機會但表現平淡，未能喺前場製造足夠威脅，整體貢獻有限。
⭕️ 成功盤帶: 67% (2/3)
❌ 預期入球+助攻 (xG+xA): 0.02 + 0.03
❌ 關鍵傳球: 0
❌ 成功傳中: 0/4 (0%)
❌ 控球丟失次數: 17
❌ 防守貢獻: 0
辛祖今場獲得正選機會，踢咗 70 分鐘，先後打過左翼同右翼，理應係輪換陣容中可以擔起進攻責任嘅球員之一。可惜，佢今場嘅表現只能夠用「平淡」甚至「隱形」嚟形容。
雖然佢都有 2 次成功盤帶（成功率 67%），顯示個人技術仲喺度，但佢未能將呢啲突破轉化為實際威脅。數據顯示佢全場交唔出任何關鍵傳球 (Key Pass: 0)，4 次傳中全部失敗，預期入球同助攻值都係微乎其微，反映佢喺進攻三閘線嘅決策同埋傳送質素都有啲問題。更加令人擔憂嘅係，佢喺短短 70 分鐘內，竟然丟失咗 17 次控球權，呢個數字對於一個需要穩定處理球權嘅前場球員嚟講，相對係高咗啲。
防守方面，佢亦都錄得零次鏟斷同攔截，投入度似乎唔夠積極。整體嚟講，喺呢場需要有經驗球員帶領年輕隊友嘅比賽中，辛祖作為有經驗的球員嘅表現並唔合格，未能為球隊嘅進攻帶嚟足夠嘅支持同火花，反而係失誤比較多。希望佢能夠盡快調整返狀態啦。
總結：總算入咗決賽…
有驚無險，喺史丹福橋搞掂埋次回合，兩回合合計 5:1 輕取佐加頓斯，正式鎖定咗歐協聯決賽嘅一個席位。對住實力有明顯差距嘅對手，贏波晉級可以話係意料之中、亦都係最低消費，成場波或者冇乜太刺激嘅場面，但總算係穩穩陣陣完成任務，仲可以俾大部分主力休息備戰週末聯賽，算係一個理想嘅結果。
而家成功晉級決賽，對手將會係西甲嘅貝迪斯，希望球隊可以好好備戰，首先打好嚟緊幾場決定前五嘅關鍵聯賽，然後喺月尾嘅波蘭決賽夜，可以順利捧盃，為呢個跌宕起伏嘅球季，畫上一個圓滿句號！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
雖然最終只係一球小勝，場面亦都可能冇首回合客場大炒時咁刺激，但喺成功晉級嘅同時，能夠俾到咁多「車仔DNA」承傳者寶貴嘅大賽上陣時間，呢場波嘅意義或者仲不止於一個決賽席位。今篇報告，我哋就嚟睇下呢班小將喺輪換陣容下嘅表現，同埋車仔點樣喺相對平淡嘅戰情下，穩穩陣陣咁完成晉級任務。
賽後點評：
喺首回合已經大勝 4:1 嘅背景下，車路士今場次回合主場以 1:0 小勝佐加頓斯，總比數 5:1 輕鬆晉級歐協聯決賽。成場波嘅焦點，無疑係馬蛇點樣喺輪換之下俾機會年輕球員，同埋佢哋嘅表現。
1. 佈陣擺位：「痴線」級實驗，全隊大執位
馬蛇今場個排陣，應該嚇親唔少球迷！
第一樣係中場中路，完全無防中！由右閘嘅隊長占士，拍住左閘嘅古古尼亞去客串「雙核」！呢個操作，真係藝高人膽大，或者純粹係馬蛇求其擺就算？前面無鋒陣都一樣離奇。 由19歲嘅泰基佐治仔打頭陣客串中鋒，身後就係第一次正選、16歲嘅禾殊踢進攻中場，角色似輔鋒多啲。成條中軸線都係「客串」同「小朋友」，都咪話唔刺激！再加上艾殊邦出任左閘，古斯圖個右閘位踢到好似右翼咁，成個陣容就係一個「估你唔到」。
2. 球員取態：練兵為主，勝負平常心
由於晉級形勢極度樂觀，今場波球員嘅取態都比較放鬆。車路士方面，雖然陣容大變，但上陣嘅球員都表現積極，全場傳球成功率高達 92% (626次成功)，比對手 89% (327次成功) 要好，睇落猜傳方面又未至於完全「炒晒車」。尤其係一班「小朋友」好想喺主場球迷面前證明自己。迪斯貝利賀爾賽後亦都話，如果最終捧盃，球員同職員都值得嘉許。佐加頓斯方面，雖然作客球迷聲勢浩大，全場亦都犯規唔少 (20次 vs 車仔5次)，但球員喺場上似乎未能構成太大威脅，可能早已接受出局嘅命運。
3. 數據反映出的事實：控場練波，效率待察
全場數據（車仔 xG 1.33 vs 對手 0.52；控球率約 65%；射門 17:12；射正 5:3）清晰反映車路士嘅場面優勢。尤其係上半場（車仔 xG 0.91 vs 對手 0.28；射門 11:4），車仔完全控制戰局並取得入球。
下半場數據上雖然冇咁懸殊（車仔 xG 0.42 vs 對手 0.24；射門 6:8），但車仔依然能夠透過控球主導比賽。
迪斯貝利賀爾今場數據非常亮眼（全隊最多創造機會3次、最多射正3次、最多傳入final third 22次）。不過，全隊用 1.33 xG 先入到 1 球，當中仲有 1 次「Big Chance Missed」，把握力似乎只係一般，當然考慮到陣容嘅實驗性，呢點亦都可以理解。
值得一提嘅係，車仔全場盤帶成功次數 (9次) 遠超對手 (3次)，成功率亦較高 (56% vs 33%)，顯示年輕球員嘅活力。
4. 調動：小將輪流登場，主力真．休息
馬蛇今場嘅調動，完美體現咗佢練兵同保護主力嘅意圖。半場用米卡入替踢中場嘅古古尼亞，下半場再陸續換入查洛巴同 Genesis Antwi，俾到一眾小將寶貴嘅上陣時間，亦都確保咗例如占士呢啲需要小心管理上陣時間嘅球員得到休息。最終，大部分主力（彭馬、卡些度、積臣、安素等）都坐足全場，真正做到為聯賽留力。
5. 「問題」：主場球迷「混入」與決賽用人甜蜜的煩惱？
喺一場咁輕鬆晉級嘅比賽，要講「弱點同問題」可能比較嚴苛。不過，場外嘅小插曲值得一提：就係再次有客隊球迷成功買到主隊區域門票。至於場內，最大嘅「問題」或者係馬蛇「幸福嘅煩惱」——經過今場之後，迪斯貝利賀爾用表現證明自己；
禾殊、佐治、安特衛等小將亦都展示出潛力。到咗決賽對住實力更強嘅貝迪斯，馬蛇究竟會繼續信任呢班喺歐協聯有好表現嘅球員，定係會用返全主力陣容去搏冠軍？ 呢個將會係佢決賽前嘅一大難題。
個別表現：
Reggie Walsh (禾殊)歷史性首次正選登場！以16歲零200日之齡踢足全場，成為隊史最年輕歐洲賽正選，表現淡定自信，盡顯大將之風。
⭕️ 傳球成功率: 91% (40/44)
⭕️ 關鍵傳球 / 創造絕佳機會: 1 / 1
⭕️ 被侵犯次數: 4 (全隊最多)
⭕️ 預期助攻 (xA): 0.14
❌ 成功盤帶: 0
❌ 防守貢獻 (鏟斷+攔截+封擋+解圍): 0
❌ 地面對抗成功率: 40% (4/10)
❌ 被扭過次數: 2
今場最大嘅亮點，肯定就係見證住禾殊呢位小將創造歷史。以 16 歲之齡喺歐戰四強正選上陣仲要踢足全場，本身已經係一個了不起嘅成就。賽前鏡頭影到隊長占士都特別關照佢，球迷喺宣讀佢個名嗰陣亦都報以熱烈歡呼，場面溫馨。而禾殊喺場上亦都冇怯場，表現非常淡定。
佢嘅控傳能力值得一讚，全場傳球成功率高達 91%，而且極少失誤（Possession Lost 只有 8 次），喺中前場處理球顯得好有自信，夠膽問師兄們攞波，亦都識得用簡潔嘅傳送去串連。佢仲要創造咗一次絕佳機會 (Big Chance Created) 同埋錄得 0.14 嘅預期助攻 (xA)，顯示佢喺進攻三閘線係有能力交出威脅傳送。另外，佢全場被侵犯 4 次，係全隊最多，側面反映佢攞波時都幾令對手頭痛。馬蛇賽後讚佢「完美」適合自己體系、「令所有嘢變得容易」，睇嚟對佢嘅技術同球商非常欣賞。
當然，始終只係 16 歲，仲要係第一次踢正選，要求唔能夠太高。數據上睇，佢今場冇任何成功盤帶，亦都冇任何鏟斷、攔截等防守數據，地面對抗成功率亦都只得 40%，仲有兩次俾人扭過，顯示佢喺身體對抗同埋防守意識方面，仲有極大嘅進步空間。不過考慮到佢嘅年紀同埋今場嘅角色（偏進攻中場），呢啲都係成長中嘅必然過程。希望佢繼續成長，同時考好個試啦。
Kiernan Dewsbury-Hall (迪斯貝利賀爾)
喺一班「小朋友」中挺身而出，用一個精彩入球為球隊奠定勝局，全場表現活躍，堪稱今場嘅「老大哥」。
⭕️ 入球: 1
⭕️ 預期入球 (xG): 0.66
⭕️ 射門 (命中): 6 (3)
⭕️ 關鍵傳球: 3
⭕️ 傳入進攻三區次數: 22
⭕️ 傳球成功率: 94% (59/63)
⭕️ 成功盤帶: 2/2 (100%)
⭕️ 地面對抗成功率: 56% (5/9)
喺呢套極度年輕同埋充滿實驗味嘅陣容入面，迪斯貝利賀爾無疑係場上最具經驗嘅進攻球員之一，而佢亦都用表現證明咗自己嘅價值。上半場尾段，佢接應泰基佐治嘅妙傳，冷静扭過兩名守衛後，左腳乖巧咁彈射中柱彈入網，呢個入球充分展現咗佢嘅技術同埋門前嘅冷靜，亦都係佢今季歐協聯嘅第 4 個入球，效率相當唔錯。
數據上睇，佢今場嘅表現非常全面。全隊最多嘅 3 次關鍵傳球、3 次射門中目標（總共6次射門亦係最多）、以及多達 22 次傳入進攻三區，都顯示咗佢係前場進攻嘅主要發動機同埋威脅點。高達 94% 嘅傳球成功率同埋 2 次盤帶全部成功，亦都證明佢處理球嘅穩定性同效率。佢喺地面對抗方面亦都唔輸蝕，贏到超過一半嘅地面对決。
雖然下半場佢都有一次近門頭槌頂失嘅機會（不過可能越位在先），但瑕不掩瑜。喺呢場相對平淡、以練兵為主嘅比賽中，迪斯貝利賀爾成功肩負起帶領一班小將嘅責任，用一個關鍵入球同埋全場活躍嘅表現，為自己爭取決賽正選席位打下重要基礎。賽後佢亦都表示渴望贏得錦標，呢份決心值得嘉許。
Tyrique George (泰基佐治)
今場先客串中鋒再移任翼鋒，踢足全場表現勤力，交出一次技驚四座嘅助攻，但整體對抗同埋埋門把握力仍有待提升。
⭕️ 助攻: 1
⭕️ 預期助攻 (xA): 0.32
⭕️ 關鍵傳球: 2
⭕️ 傳球成功率: 92% (22/24)
❌ 預期入球 (xG): 0.43
❌ 錯失絕佳機會: 1
❌ 成功盤帶: 25% (1/4)
❌ 地面對抗成功率: 37.5% (3/8)
❌ 空中對抗成功率: 0% (0/3)
19 歲嘅泰基佐治今場獲得正選機會，仲要先客串中鋒，下半場再移返去比較熟悉嘅左翼位置，並且踢足全場，呢個對年輕球員嚟講係好好嘅鍛鍊。佢全場表現非常活躍，最亮眼嘅時刻莫過於上半場助攻迪斯貝利賀爾嗰球，一次非常瀟灑嘅轉身傳送，盡顯佢嘅足球智慧同技術功架。
呢個助攻亦都體現喺佢 0.32 嘅預期助攻 (xA) 同埋創造咗 1 次絕佳機會 (Big Chance Created) 嘅數據上。佢嘅傳球成功率高達 92%，亦都交出 2 次關鍵傳球，喺組織串連方面做得唔錯，顯示佢喺傳接基本功上係可靠嘅。
不過，喺其他方面，佐治仔就顯示出年輕球員尚需磨練嘅地方。首先係臨門一腳嘅把握力，佢全場有 4 次射門（包括 2 次被封擋），錄得 0.43 嘅預期入球 (xG)，但未能取得入球，當中仲錯失咗一次絕佳機會。其次，佢喺個人突破方面似乎遇到唔少困難，4 次嘗試盤帶只成功 1 次。而最需要提升嘅可能係身體對抗能力，數據顯示佢嘅地面對抗成功率只得三成幾 (3/8)，空中對抗更加係 3 次全部輸晒，呢方面喺競爭激烈嘅頂級賽事會比較輸蝕。
Jadon Sancho (辛祖)獲得正選機會但表現平淡，未能喺前場製造足夠威脅，整體貢獻有限。
⭕️ 成功盤帶: 67% (2/3)
❌ 預期入球+助攻 (xG+xA): 0.02 + 0.03
❌ 關鍵傳球: 0
❌ 成功傳中: 0/4 (0%)
❌ 控球丟失次數: 17
❌ 防守貢獻: 0
辛祖今場獲得正選機會，踢咗 70 分鐘，先後打過左翼同右翼，理應係輪換陣容中可以擔起進攻責任嘅球員之一。可惜，佢今場嘅表現只能夠用「平淡」甚至「隱形」嚟形容。
雖然佢都有 2 次成功盤帶（成功率 67%），顯示個人技術仲喺度，但佢未能將呢啲突破轉化為實際威脅。數據顯示佢全場交唔出任何關鍵傳球 (Key Pass: 0)，4 次傳中全部失敗，預期入球同助攻值都係微乎其微，反映佢喺進攻三閘線嘅決策同埋傳送質素都有啲問題。更加令人擔憂嘅係，佢喺短短 70 分鐘內，竟然丟失咗 17 次控球權，呢個數字對於一個需要穩定處理球權嘅前場球員嚟講，相對係高咗啲。
防守方面，佢亦都錄得零次鏟斷同攔截，投入度似乎唔夠積極。整體嚟講，喺呢場需要有經驗球員帶領年輕隊友嘅比賽中，辛祖作為有經驗的球員嘅表現並唔合格，未能為球隊嘅進攻帶嚟足夠嘅支持同火花，反而係失誤比較多。希望佢能夠盡快調整返狀態啦。
總結：總算入咗決賽…
有驚無險，喺史丹福橋搞掂埋次回合，兩回合合計 5:1 輕取佐加頓斯，正式鎖定咗歐協聯決賽嘅一個席位。對住實力有明顯差距嘅對手，贏波晉級可以話係意料之中、亦都係最低消費，成場波或者冇乜太刺激嘅場面，但總算係穩穩陣陣完成任務，仲可以俾大部分主力休息備戰週末聯賽，算係一個理想嘅結果。
而家成功晉級決賽，對手將會係西甲嘅貝迪斯，希望球隊可以好好備戰，首先打好嚟緊幾場決定前五嘅關鍵聯賽，然後喺月尾嘅波蘭決賽夜，可以順利捧盃，為呢個跌宕起伏嘅球季，畫上一個圓滿句號！
========================================
Facebook 同 Threads 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https：//www.facebook.com/profile.php?id=61566593983419
https：//www.threads.com/@hkgchedog
請按此登錄後留言。未成為會員? 立即註冊