諗返上季季尾，肥普 (Mauricio Pochettino) 帶隊豪取五連勝埋齋，最終第六名衝線攞到歐協聯資格，唔係曼聯搶左車仔個歐霸位，甚至而家入歐霸已經係車仔，點知季後檢討完一樣食豉椒炒魷執包袱走人。今季輪到馬蛇 (Enzo Maresca)，球隊可能又係爭緊五、六名，話就話有機會捧埋歐協聯，但近期戰績有啲掙扎，高層睇落仲係撐佢。同樣係爭歐洲賽資格，點解兩任領隊嘅待遇好似「同人唔同命」咁？咁啱 Telegraph Sport 又有篇長文分析，或者可以同大家分享下文章的睇法，睇下有咩原因可以解釋點解高層今次似乎更有耐性。
早有預算嘅「學費」：新手上路，預咗犯錯？
第一個關鍵分別，可能就係經驗。肥普嚟嗰陣，已經係有名氣、有英超同大會經驗嘅老江湖教頭。相反，車仔請馬蛇嗰陣，你知我知單眼佬都知佢係「英超新手」，未教過頂級聯賽，更加未帶過隊踢歐洲賽。文章提到，球會內部都承認，馬蛇同好多隊內嘅後生仔一樣，好多方面都仲係「學緊師」，需要時間適應同成長。
既然當初決定搵個「新手」嚟博佢潛力高，咁管理層某程度上就預咗要俾佢「交學費」，預咗佢會犯錯。只要佢學得夠快，長遠可以成長為頂級教練，咁目前嘅陣痛可能就喺管理層嘅接受範圍之內。呢種「預咗」嘅心態，可能就係馬蛇比起經驗老到嘅肥普，獲得更多容錯空間嘅原因之一。當然，亦有聲音質疑，要求一個英超新手第一季就要即刻改變踢法、大力起用後生仔、仲要穩奪歐聯資格，係咪本身就對馬蛇要求太高、期望太唔現實？
換無可換？穩定性成為關鍵考量
另一個現實啲嘅考慮，可能係「穩定性」。馬蛇已經係保利同清湖資本入主之後第三位正式主帥。如果又炒多次，意味住又要推倒重來。 Telegraph Sport 嘅文章指出，車仔其中一個問題就係不停換教練，搞到隊波積埋好多唔同風格領隊簽返嚟嘅球員。
而家球隊已經花咗唔少功夫去按照馬蛇嘅風格同需要去重塑陣容（雖然仲有啲冗員例如迪西斯、史端寧等要清走）。如果呢個時候再換帥，就算搵個風格類似嘅返嚟，好多嘢都要由頭嚟過。高層係咪真係想再經歷一次咁嘅折磨？
再加上，仲有個好現實嘅因素可能令高層投鼠忌器。篇文仲提到，今季英超一踢完，車仔就要飛去美國踢世冠盃。呢個時間咁尷尬，要喺咁短時間內炒人再請個新教練返嚟帶隊打呢個被球會視為重要（而且獎金豐厚）嘅比賽，操作上極度困難，亦都唔符合追求穩定嘅原則。呢個迫在眉睫嘅大賽，或者都變相成為馬蛇短期內嘅另一道『護身符』。結果就係，高層或者寧願「信多舖」，俾多少少時間馬蛇，睇下佢個 Project 係咪真係搞得起？喺某個時間點，管理層都需要展示對自己任命嘅信任同堅持。馬蛇自己都話，佢同球會對未來方向有共識，相信自己行緊啱嘅路。
著眼全局：非單純睇最後五場波
文章亦提到，正如上季尾五連勝都救唔到肥普，今季最後五場波嘅結果，都未必係決定馬蛇去留嘅唯一標準。管理層好可能會睇返成個球季嘅表現去評估，包括季初曾經一度有力挑戰榜首嘅走勢同成績。而且，今季球隊遇上嘅傷病問題（尤其係季中冇晒正前鋒）亦可能會被納入考慮因素。而且馬蛇喺今季亦有嘗試履行球會用後生仔嘅方針，例如上場對富咸場波，俾青訓嘅佐治（Tyrique George）機會而將安宮古（Nkunku）擺喺後備席。呢啲舉動可能都會俾管理層睇到佢嘅努力。
肥普上季冇歐戰壓力，可以專心聯賽；馬蛇今季就要兼顧多條戰線，仲要帶隊踢歐協聯，甚至有機會捧盃。雖然歐協聯可能俾人感覺次一級，但拎到獎盃始終係實際成就，亦都令管理層更難落刀。
總結：耐性有限？成績仍是硬道理
馬蛇目前睇落仲有管理層嘅支持，可能係因為球會一早預咗佢嘅經驗不足需要時間、亦都渴望尋求穩定性、再加上可能會考慮成個球季（甚至歐協聯）嘅表現而唔係單睇最後直路。但呢種耐性係咪無限？馬蛇自己都認，同過去兩年比，今季有進步，但目標肯定係想爭入前五。如果最終目標落空，就算有幾多客觀理由，高層嘅耐性仲可以維持幾耐？呢個問題，可能都要等季尾先至有答案。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
早有預算嘅「學費」：新手上路，預咗犯錯？
第一個關鍵分別，可能就係經驗。肥普嚟嗰陣，已經係有名氣、有英超同大會經驗嘅老江湖教頭。相反，車仔請馬蛇嗰陣，你知我知單眼佬都知佢係「英超新手」，未教過頂級聯賽，更加未帶過隊踢歐洲賽。文章提到，球會內部都承認，馬蛇同好多隊內嘅後生仔一樣，好多方面都仲係「學緊師」，需要時間適應同成長。
既然當初決定搵個「新手」嚟博佢潛力高，咁管理層某程度上就預咗要俾佢「交學費」，預咗佢會犯錯。只要佢學得夠快，長遠可以成長為頂級教練，咁目前嘅陣痛可能就喺管理層嘅接受範圍之內。呢種「預咗」嘅心態，可能就係馬蛇比起經驗老到嘅肥普，獲得更多容錯空間嘅原因之一。當然，亦有聲音質疑，要求一個英超新手第一季就要即刻改變踢法、大力起用後生仔、仲要穩奪歐聯資格，係咪本身就對馬蛇要求太高、期望太唔現實？
換無可換？穩定性成為關鍵考量
另一個現實啲嘅考慮，可能係「穩定性」。馬蛇已經係保利同清湖資本入主之後第三位正式主帥。如果又炒多次，意味住又要推倒重來。 Telegraph Sport 嘅文章指出，車仔其中一個問題就係不停換教練，搞到隊波積埋好多唔同風格領隊簽返嚟嘅球員。
而家球隊已經花咗唔少功夫去按照馬蛇嘅風格同需要去重塑陣容（雖然仲有啲冗員例如迪西斯、史端寧等要清走）。如果呢個時候再換帥，就算搵個風格類似嘅返嚟，好多嘢都要由頭嚟過。高層係咪真係想再經歷一次咁嘅折磨？
再加上，仲有個好現實嘅因素可能令高層投鼠忌器。篇文仲提到，今季英超一踢完，車仔就要飛去美國踢世冠盃。呢個時間咁尷尬，要喺咁短時間內炒人再請個新教練返嚟帶隊打呢個被球會視為重要（而且獎金豐厚）嘅比賽，操作上極度困難，亦都唔符合追求穩定嘅原則。呢個迫在眉睫嘅大賽，或者都變相成為馬蛇短期內嘅另一道『護身符』。結果就係，高層或者寧願「信多舖」，俾多少少時間馬蛇，睇下佢個 Project 係咪真係搞得起？喺某個時間點，管理層都需要展示對自己任命嘅信任同堅持。馬蛇自己都話，佢同球會對未來方向有共識，相信自己行緊啱嘅路。
著眼全局：非單純睇最後五場波
文章亦提到，正如上季尾五連勝都救唔到肥普，今季最後五場波嘅結果，都未必係決定馬蛇去留嘅唯一標準。管理層好可能會睇返成個球季嘅表現去評估，包括季初曾經一度有力挑戰榜首嘅走勢同成績。而且，今季球隊遇上嘅傷病問題（尤其係季中冇晒正前鋒）亦可能會被納入考慮因素。而且馬蛇喺今季亦有嘗試履行球會用後生仔嘅方針，例如上場對富咸場波，俾青訓嘅佐治（Tyrique George）機會而將安宮古（Nkunku）擺喺後備席。呢啲舉動可能都會俾管理層睇到佢嘅努力。
肥普上季冇歐戰壓力，可以專心聯賽；馬蛇今季就要兼顧多條戰線，仲要帶隊踢歐協聯，甚至有機會捧盃。雖然歐協聯可能俾人感覺次一級，但拎到獎盃始終係實際成就，亦都令管理層更難落刀。
總結：耐性有限？成績仍是硬道理
馬蛇目前睇落仲有管理層嘅支持，可能係因為球會一早預咗佢嘅經驗不足需要時間、亦都渴望尋求穩定性、再加上可能會考慮成個球季（甚至歐協聯）嘅表現而唔係單睇最後直路。但呢種耐性係咪無限？馬蛇自己都認，同過去兩年比，今季有進步，但目標肯定係想爭入前五。如果最終目標落空，就算有幾多客觀理由，高層嘅耐性仲可以維持幾耐？呢個問題，可能都要等季尾先至有答案。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊