提起油王阿巴莫域治 (Roman Abramovich) 喺車路士嘅年代，相信絕大部分球迷 (包括我)第一時間諗起嘅，都係錢、獎盃、同埋一段藍軍史上最輝煌嘅歲月。由 2003 年入主到 2022 年被逼賣盤，19 年間拎咗 21 個主要錦標，包括兩次歐聯冠軍，呢份功績，冇人可以抹殺。
不過，喺慶祝勝利、懷緬光輝嘅同時，近年越來越多嘅爆料同調查，亦都揭示咗呢段「金錢足球」嘅背後，可能潛藏住唔少問題。戴返個頭盔先，呢篇文絕對唔係想否定油王帶俾車路士嘅成功同榮譽，而係想喺塵埃落定之後，嘗試用一個更全面、更批判嘅角度，去審視下嗰個年代遺留落嚟嘅一啲爭議點。或者，只有睇清風光背後嘅陰影，我哋先可以更客觀咁評價油王年代嘅真正 legacy。
油王黑暗面：盤數真係乾淨？離岸公司玩枱底交易
近年最震撼嘅爆料，莫過於係嚟自「Cyprus Confidential」嘅文件洩漏 。呢啲文件揭示咗，喺油王年代，有大量涉及球會運作嘅款項，竟然係透過阿巴莫域治個人擁有嘅離岸公司 (例如英屬處女島嘅 Conibair Holdings, Leiston Holdings, Ovington Worldwide) 支付，而冇記錄喺車路士嘅官方賬目上面 。
邊啲數有問題？例子多到嚇死你：
干地續約疑雲： 2017 年干地續約拎天價人工嗰日，油王嘅離岸公司就同干地嘅「聯繫人」Federico Pastorello 簽咗份價值 1000 萬鎊嘅協議，收購對方一間唔知做乜嘅公司七成半股權 。雖然 Pastorello 話自己唔係干地經理人，但時間點咁啱，好難唔令人懷疑 。
韋利安/伊度奧轉會疑雲： 講起韋利安 (Willian)，好多球迷印象可能仲停留喺佢由薩克達 (Shakhtar Donetsk) 加盟車仔。但事實係，佢喺 2013 年 1 月用咗成 £31.5m 天價轉會去咗俄超暴發戶安治 (Anzhi Makhachkala)，點知踢咗幾場，班主卡里莫夫 (Suleyman Kerimov) 就喺同年 8 月突然話要大幅削減開支，搞到成隊波要「大散貨」。就喺呢個混亂嘅時間點，車仔出手簽入韋利安（仲要成功截胡熱刺 ）同埋同樣由安治嚟嘅伊度奧 (Samuel Eto'o) 。
成件事最可疑嘅地方係：根據洩漏文件，就喺安治宣布「散貨」前兩個月（2013年6月），油王阿巴莫域治旗下嘅離岸公司 Leiston Holdings，同兩間由安治班主卡里莫夫家族控制嘅 BVI 公司，簽訂咗總值 2400 萬歐元嘅「球探及其他足球相關顧問」合約 。喺人哋急住賣仔套現前夕，突然俾一大筆「顧問費」？呢筆錢到底係純粹巧合，定係變相嘅枱底交易，用嚟確保可以喺散貨時執到筍貨，甚至截對手胡？呢啲操作係咪幫車仔變相繞過 FFP 俾咗更多轉會資金？據報，呢單交易嘅疑點，而家都仲係英超調查緊嘅對象之一 。
夏薩特轉會與經理人「回佣」疑雲： 夏薩特 (Eden Hazard) 喺 2012 年夏天加盟車仔，可以話係油王年代最成功嘅收購之一，呢點應該唔會有人反對。但呢單交易背後，可能都唔係咁簡單。根據《泰晤士報》最近嘅報導，當年曼聯其實差啲就簽到夏薩特，轉會費、個人條款都傾掂，但臨門一腳撻 Q，原因係夏薩特當時嘅經理人 John Bico 要求曼聯高層俾幾百萬鎊嘅「秘密回佣」(backhander)，仲要係直接由班主俾錢，用嚟繞過球會盤數同 FFP 計算。
曼聯高層認為呢種做法明顯違規，所以斷然拒絕。結果？夏薩特最後選擇咗加盟車路士。咁車仔又有冇俾呢啲「枱底數」呢？雖然冇直接證據，但之前「Cyprus Confidential」文件就踢爆咗，喺 2013 年 3 月（即係夏薩特加盟後約 9 個月），油王阿巴莫域治旗下嘅離岸公司 Leiston Holdings，同意咗支付 700 萬歐元俾 Bico 喺杜拜開嘅公司 Gulf Value FZE，名義就話係「體育研究同顧問服務費」 。一邊拒絕俾錢簽唔到人，另一邊簽到人然後就有筆神秘「顧問費」落袋… 成件事嘅巧合程度，同埋呢筆錢係咪真係純粹「顧問費」咁簡單，就好難唔令人懷疑。
暗助競爭對手？： 油王嘅公司仲曾經借出幾千萬美元俾莫斯科中央陸軍 (CSKA Moscow) 班主個仔嘅公司，而呢間公司又借錢俾 CSKA 買球員 。當年 UEFA 查過話油王冇控制 CSKA，但呢啲秘密錢銀往來，又點會冇利益衝突嫌疑 ？
秘密資助反 FFP 訴訟： 最諷刺嘅係，喺檯底可能用緊秘密款項繞過 FFP 嘅同時，油王嘅 Leiston Holdings 喺 2014 年仲秘密出咗 10 萬鎊資助比利時律師 Jean-Louis Dupont 去打官司，試圖推翻 FFP 規則本身 ！雖然最後失敗咗，但呢種操作真係 R 晒頭。
以上呢堆離岸操作嘅核心問題係乜？就係可能違反咗歐洲足協 (UEFA) 同英超嘅財政公平競賽 (FFP/PSR) 規則 。呢啲規則原意係限制球會亂咁燒錢，要求支出同收入掛鉤。但如果球會嘅實際開支（例如經理人佣金、甚至部分轉會費）透過班主嘅私人公司支付，冇入球會盤數，咁咪可以人為地壓低賬面支出，變相令自己可以喺轉會市場上比對手使更多錢，贏在起跑線 ？
呢啲「走數」行為，正正就係專家所講嘅「財務興奮劑」(financial doping)，所以新班主保利同清湖資本上任後，自己發現盤數唔對路，主動向各大足球機構「自首」 。舊年 UEFA 就已經因為咁罰咗車仔 860 萬鎊 ，但英超同英足總嘅調查仲進行緊 ，未來會唔會有更嚴重嘅處罰（例如扣分），真係冇人知 。所以話，如果車仔突然俾人扣分，可能係要多謝油王爸爸都唔定。
有錢唔係大晒！亂使亂買嘅反面教材
油王年代俾人最深印象嘅，除咗獎盃，肯定就係「使錢唔眨眼」。19 年使咗超過 20 億鎊買人，數字驚人。當然，當中唔少係經典收購，好似杜奧巴、施治、夏薩特、簡迪、A 高等等，都係物超所值，成為球隊捧盃嘅基石。
但同時，失敗嘅「水貨」收購，數量同金額可能仲驚人！睇返球會嗰個「收購」名單，真係睇到心都痛埋：
核彈頭舒夫真高 (Shevchenko)： 當年 AC 米蘭神鋒，嚟到車仔變咗跛腳虎，接近 4000 萬鎊掉落鹹水海，相信好多人同我一樣搖頭嘆息。
王子托利斯 (Torres)： 利記時勁到曉飛，嚟到車仔變「單刀橫傳」，令人最印象深刻只有對曼聯果下世紀空龍。當年用破記錄嘅 5000 幾萬鎊買返嚟，雖然都有歐聯入波，但整體表現完全唔值。
回家嘅盧卡古 (Lukaku)： 1 億 1300 萬買返嚟，唔夠兩個月就話自己掛住國米引起關公災難，然後一直都甩唔到手，最後先成功賣去拿玻里。
最貴門將基柏 (Kepa)： 因為續約古圖斯唔成功，俾佢低價去左皇馬，硬住頭皮用 7200 萬鎊買返嚟，表現災難級，仲要試過拒絕被換走，俾人笑佢係領隊笑到今時今日都仲未甩到手。
仲有啲你可能唔係好記得但一樣燒錢嘅： 飲水哥真禾特 (Drinkwater)、摩納哥水貨巴卡約高 (Bakayoko)、越位王莫拉達 (Morata)、個名完全唔記得點打嘅迪積洛保積 (Djilobodji) 等等等等…(個 list 長到呢…)。
呢啲天價水貨，唔單止係浪費金錢，更加反映咗油王年代喺轉會策略上嘅混亂同短視。好多時似乎係為買而買，或者係油王自己鍾意就買，未必有考慮到球員係咪適合球隊體系、領隊需唔需要。干地係二年講明要補強球隊的防線同翼衛，最後得到都係唔如意的結果。呢種事並唔係只有一次，更多係買完返嚟唔啱用，又高薪綁死，賣又賣唔走，借又借唔出，最後變咗負資產。
呢種「有錢就任性」嘅操作，雖然間中會撞到好嘢，但長遠嚟講，絕對唔係一個健康嘅建隊模式。對比家陣新班主強調數據分析、長約攤分成本嘅做法（雖然一樣俾人鬧爆），起碼睇落有個（可能錯嘅）計劃，而唔係油王年代嗰種「睇心情買人」嘅感覺。
贏在當下，輸咗未來？長遠規劃的缺失
油王年代拎獎盃拎到手軟，但風光背後，係咪犧牲咗球會一啲更長遠嘅發展？睇返轉頭，有兩大問題特別明顯。
第一，講下史丹福橋。 講到口臭，個球場容量得嗰 4 萬多少少，喺英超排第十一，呢個硬件問題油王年代講咗十幾年都冇實際進展。結果係點？我哋嘅比賽日收入原地踏步咗十幾年！2011/12 歐聯奪冠嗰季賺 £77.7m，到咗 2023/24 球季都只係 £80.1m，十幾年先多嗰 £2.4m，更大部份只係來自門票漲價。你睇下隔離阿仙奴同熱刺，起咗新球場之後，唔止坐多啲人，仲可以搞靚啲設施收貴啲，人哋場均每個球迷身上賺到 £89/£84，我哋先得嗰 £63。
唔單止比賽日收入俾人拋離，連帶商業收入都俾熱刺連續三年爬過頭。人哋有新場搞演唱會、搞 NFL，瓣數多多，我哋就仲係守住個舊場。呢種基建上嘅落後，直接限制咗球會自身「造血」能力，變相要更加依賴老闆泵水或者賣人去維持開支。當年油王係咪太過專注買球星贏即時錦標，而忽略咗呢啲影響深遠嘅基建投資？
第二，青訓同球員買賣策略。 冇錯，油王年代的的確確掟咗唔少錢落 Cobham，青訓系統亦都出產過好多好嘢。但係咪真係有長遠規劃咁將青訓融入一隊核心？定係好多時都係當「豬仔」咁養，有需要的時候又係出市場買即食球員？
或者好多人會話：你而家新老闆先係最鍾意賣青訓果個呀。的確，曼治、加拉加到伊恩馬臣，新老闆的確透過青訓賺左唔少。不過唔好忘記嘅係，車路士賣青訓咁多年以黎都毫無改變。賣阿巴咸 (Tammy Abraham) 去 羅馬、賣托姆利 (Fikayo Tomori)去 AC米蘭，賣古希 (Marc Guéhi) 去 水晶宮，賣基摩亞 (Billy Gilmour) 去 白禮頓，要數落去仲可以有更多更多，例如細查個哥哥 尼敦查路拜 (Nathaniel Chalobah)、麥伊治蘭 (McEachran)、赫切臣 (Sam Hutchinson)等等。油王年代傾向更加「即食」，雖然青訓培育嘅部份做得唔錯，搜羅咗大量有潛力的球員加入青訓團隊，更加曾經為我地禁轉會的一年帶來「青春風暴」，但由青年梯隊晉升去一隊的通道仍然欠奉。
以上兩件事黎睇，油王年代嘅成功，好多時係靠非凡嘅財力去實現短期目標。但喺球場擴建、青訓晉升呢啲需要長遠眼光同耐性嘅領域，似乎就相對失色。呢種「贏咗今日先算」嘅模式，可能就係點解新班主接手之後，發現盤數雖然靠賣人執靚咗，但球會嘅基礎收入同設施其實冇乜大進步，仲要面對一大堆 FFP/PSR 問題嘅原因。
自己友玩晒？瑪蓮娜同董事們嘅角色
除咗盤數同買人策略，油王年代嘅管理層結構同運作模式，亦都充滿神秘色彩，甚至俾人有「用人唯親」、「自己友玩晒」嘅感覺。
權力核心明顯係油王本人，但實際執行者，就係佢嘅左右手—— 大名鼎鼎嘅 瑪蓮娜 (Marina Granovskaia)。呢位由油王私人助理做起，最後爬到上 CEO、「足球界最強勢女人」嘅位置，權力有幾大唔使多講。轉會談判、球員續約，好多時都係佢一手包辦。但最近嘅文件洩漏就令人質疑，佢嘅角色係咪真係咁「專業」？
文件顯示，瑪蓮娜似乎知道甚至有份處理部分油王透過離岸公司進行嘅秘密交易。例如，佢嘅通訊地址收到過涉及夏薩特經理人 Bico 同球探 De Visser 嘅離岸公司付款協議副本。更誇張嘅係，佢本人似乎都直接受益。文件顯示，油王嘅離岸公司 Ovington Worldwide 曾經向瑪蓮娜提供總值 1250 萬鎊嘅貸款，其中至少 750 萬鎊係用嚟買佢喺富咸區嘅豪宅，之後仲有文件顯示呢筆債務可能會被豁免！另外，Ovington 喺 2010 到 2019 年間，仲以「財務、稅務、法律盡職審查」嘅名義，支付咗至少 163 萬鎊俾瑪蓮娜。呢啲錢係咪變相嘅「檯底人工」？有冇如實申報？呢啲問題都令佢嘅角色蒙上一層陰影。
除咗瑪蓮娜，當時嘅主席布魯斯·巴克 (Bruce Buck) 嘅角色亦值得商榷。佢本身係美國律師行 Skadden 嘅合夥人，而呢間律師行長期擔任車路士同油王嘅法律代表，甚至有文件顯示 Skadden 可能為油王用嚟進行秘密支付嘅離岸公司 Leiston Holdings 提供過服務。一個同時係球會主席、班主御用律師行合夥人、仲要做埋英超委員會成員嘅人，當中嘅潛在利益衝突同監管問題，真係諗起都驚。
再加上，油王喺被制裁前夕，將旗下公司 Ervington Investment Limited 嘅控制權，緊急轉移俾另一位長期擔任車仔董事嘅親信 Eugene Tenenbaum。呢啲操作，都加深咗外界對於油王年代，球會係咪由一個關係密切、外人難以窺探嘅小圈子所操控嘅疑慮。
總結：榮譽與爭議並存的複雜遺產
油王年代，無疑係車路士歷史上最成功嘅篇章。佢嘅投入徹底改變咗球會嘅命運，帶嚟無數獎盃同輝煌時刻，呢點冇車迷會否認，甚至係我都一樣係油王時代上車，被呢隊藍色球隊的熱血踢法吸引。
但風光背後，亦確實埋藏住唔少問題同爭議。近年浮出水面嘅秘密交易疑雲、潛在嘅 FFP/PSR 違規風險 ，再加上過往轉會市場上嘅天價水貨、長遠規劃嘅不足 ，同埋核心管理層嘅不透明操作，都構成咗油王 Legacy 複雜而充滿矛盾嘅另一面。
新班主嘅自首，雖然可能令球會面臨處罰，但都算係為過去嘅混亂劃上一條界線，嘗試走向更規範化嘅管理。至於點樣評價油王阿巴莫域治呢位改變咗車路士甚至英超格局嘅人物？或者，最公道嘅講法係：佢係一個帶來極致成功嘅老闆，但同時，佢嘅管治方式亦遺留下唔少需要後人處理嘅手尾同埋反思嘅空間。佢嘅功過，恐怕仲要等時間同埋未來更多嘅資訊去證明。
來源：https://www.occrp.org/en/project/cyprus-confidential/billionaire-roman-abramovichs-company-set-up-fake-superyacht-chartering-scheme-in-apparent-attempt-to-evade-millions-in-taxes
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
不過，喺慶祝勝利、懷緬光輝嘅同時，近年越來越多嘅爆料同調查，亦都揭示咗呢段「金錢足球」嘅背後，可能潛藏住唔少問題。戴返個頭盔先，呢篇文絕對唔係想否定油王帶俾車路士嘅成功同榮譽，而係想喺塵埃落定之後，嘗試用一個更全面、更批判嘅角度，去審視下嗰個年代遺留落嚟嘅一啲爭議點。或者，只有睇清風光背後嘅陰影，我哋先可以更客觀咁評價油王年代嘅真正 legacy。
油王黑暗面：盤數真係乾淨？離岸公司玩枱底交易
近年最震撼嘅爆料，莫過於係嚟自「Cyprus Confidential」嘅文件洩漏 。呢啲文件揭示咗，喺油王年代，有大量涉及球會運作嘅款項，竟然係透過阿巴莫域治個人擁有嘅離岸公司 (例如英屬處女島嘅 Conibair Holdings, Leiston Holdings, Ovington Worldwide) 支付，而冇記錄喺車路士嘅官方賬目上面 。
邊啲數有問題？例子多到嚇死你：
干地續約疑雲： 2017 年干地續約拎天價人工嗰日，油王嘅離岸公司就同干地嘅「聯繫人」Federico Pastorello 簽咗份價值 1000 萬鎊嘅協議，收購對方一間唔知做乜嘅公司七成半股權 。雖然 Pastorello 話自己唔係干地經理人，但時間點咁啱，好難唔令人懷疑 。
韋利安/伊度奧轉會疑雲： 講起韋利安 (Willian)，好多球迷印象可能仲停留喺佢由薩克達 (Shakhtar Donetsk) 加盟車仔。但事實係，佢喺 2013 年 1 月用咗成 £31.5m 天價轉會去咗俄超暴發戶安治 (Anzhi Makhachkala)，點知踢咗幾場，班主卡里莫夫 (Suleyman Kerimov) 就喺同年 8 月突然話要大幅削減開支，搞到成隊波要「大散貨」。就喺呢個混亂嘅時間點，車仔出手簽入韋利安（仲要成功截胡熱刺 ）同埋同樣由安治嚟嘅伊度奧 (Samuel Eto'o) 。
成件事最可疑嘅地方係：根據洩漏文件，就喺安治宣布「散貨」前兩個月（2013年6月），油王阿巴莫域治旗下嘅離岸公司 Leiston Holdings，同兩間由安治班主卡里莫夫家族控制嘅 BVI 公司，簽訂咗總值 2400 萬歐元嘅「球探及其他足球相關顧問」合約 。喺人哋急住賣仔套現前夕，突然俾一大筆「顧問費」？呢筆錢到底係純粹巧合，定係變相嘅枱底交易，用嚟確保可以喺散貨時執到筍貨，甚至截對手胡？呢啲操作係咪幫車仔變相繞過 FFP 俾咗更多轉會資金？據報，呢單交易嘅疑點，而家都仲係英超調查緊嘅對象之一 。
夏薩特轉會與經理人「回佣」疑雲： 夏薩特 (Eden Hazard) 喺 2012 年夏天加盟車仔，可以話係油王年代最成功嘅收購之一，呢點應該唔會有人反對。但呢單交易背後，可能都唔係咁簡單。根據《泰晤士報》最近嘅報導，當年曼聯其實差啲就簽到夏薩特，轉會費、個人條款都傾掂，但臨門一腳撻 Q，原因係夏薩特當時嘅經理人 John Bico 要求曼聯高層俾幾百萬鎊嘅「秘密回佣」(backhander)，仲要係直接由班主俾錢，用嚟繞過球會盤數同 FFP 計算。
曼聯高層認為呢種做法明顯違規，所以斷然拒絕。結果？夏薩特最後選擇咗加盟車路士。咁車仔又有冇俾呢啲「枱底數」呢？雖然冇直接證據，但之前「Cyprus Confidential」文件就踢爆咗，喺 2013 年 3 月（即係夏薩特加盟後約 9 個月），油王阿巴莫域治旗下嘅離岸公司 Leiston Holdings，同意咗支付 700 萬歐元俾 Bico 喺杜拜開嘅公司 Gulf Value FZE，名義就話係「體育研究同顧問服務費」 。一邊拒絕俾錢簽唔到人，另一邊簽到人然後就有筆神秘「顧問費」落袋… 成件事嘅巧合程度，同埋呢筆錢係咪真係純粹「顧問費」咁簡單，就好難唔令人懷疑。
暗助競爭對手？： 油王嘅公司仲曾經借出幾千萬美元俾莫斯科中央陸軍 (CSKA Moscow) 班主個仔嘅公司，而呢間公司又借錢俾 CSKA 買球員 。當年 UEFA 查過話油王冇控制 CSKA，但呢啲秘密錢銀往來，又點會冇利益衝突嫌疑 ？
秘密資助反 FFP 訴訟： 最諷刺嘅係，喺檯底可能用緊秘密款項繞過 FFP 嘅同時，油王嘅 Leiston Holdings 喺 2014 年仲秘密出咗 10 萬鎊資助比利時律師 Jean-Louis Dupont 去打官司，試圖推翻 FFP 規則本身 ！雖然最後失敗咗，但呢種操作真係 R 晒頭。
以上呢堆離岸操作嘅核心問題係乜？就係可能違反咗歐洲足協 (UEFA) 同英超嘅財政公平競賽 (FFP/PSR) 規則 。呢啲規則原意係限制球會亂咁燒錢，要求支出同收入掛鉤。但如果球會嘅實際開支（例如經理人佣金、甚至部分轉會費）透過班主嘅私人公司支付，冇入球會盤數，咁咪可以人為地壓低賬面支出，變相令自己可以喺轉會市場上比對手使更多錢，贏在起跑線 ？
呢啲「走數」行為，正正就係專家所講嘅「財務興奮劑」(financial doping)，所以新班主保利同清湖資本上任後，自己發現盤數唔對路，主動向各大足球機構「自首」 。舊年 UEFA 就已經因為咁罰咗車仔 860 萬鎊 ，但英超同英足總嘅調查仲進行緊 ，未來會唔會有更嚴重嘅處罰（例如扣分），真係冇人知 。所以話，如果車仔突然俾人扣分，可能係要多謝油王爸爸都唔定。
有錢唔係大晒！亂使亂買嘅反面教材
油王年代俾人最深印象嘅，除咗獎盃，肯定就係「使錢唔眨眼」。19 年使咗超過 20 億鎊買人，數字驚人。當然，當中唔少係經典收購，好似杜奧巴、施治、夏薩特、簡迪、A 高等等，都係物超所值，成為球隊捧盃嘅基石。
但同時，失敗嘅「水貨」收購，數量同金額可能仲驚人！睇返球會嗰個「收購」名單，真係睇到心都痛埋：
核彈頭舒夫真高 (Shevchenko)： 當年 AC 米蘭神鋒，嚟到車仔變咗跛腳虎，接近 4000 萬鎊掉落鹹水海，相信好多人同我一樣搖頭嘆息。
王子托利斯 (Torres)： 利記時勁到曉飛，嚟到車仔變「單刀橫傳」，令人最印象深刻只有對曼聯果下世紀空龍。當年用破記錄嘅 5000 幾萬鎊買返嚟，雖然都有歐聯入波，但整體表現完全唔值。
回家嘅盧卡古 (Lukaku)： 1 億 1300 萬買返嚟，唔夠兩個月就話自己掛住國米引起關公災難，然後一直都甩唔到手，最後先成功賣去拿玻里。
最貴門將基柏 (Kepa)： 因為續約古圖斯唔成功，俾佢低價去左皇馬，硬住頭皮用 7200 萬鎊買返嚟，表現災難級，仲要試過拒絕被換走，俾人笑佢係領隊笑到今時今日都仲未甩到手。
仲有啲你可能唔係好記得但一樣燒錢嘅： 飲水哥真禾特 (Drinkwater)、摩納哥水貨巴卡約高 (Bakayoko)、越位王莫拉達 (Morata)、個名完全唔記得點打嘅迪積洛保積 (Djilobodji) 等等等等…(個 list 長到呢…)。
呢啲天價水貨，唔單止係浪費金錢，更加反映咗油王年代喺轉會策略上嘅混亂同短視。好多時似乎係為買而買，或者係油王自己鍾意就買，未必有考慮到球員係咪適合球隊體系、領隊需唔需要。干地係二年講明要補強球隊的防線同翼衛，最後得到都係唔如意的結果。呢種事並唔係只有一次，更多係買完返嚟唔啱用，又高薪綁死，賣又賣唔走，借又借唔出，最後變咗負資產。
呢種「有錢就任性」嘅操作，雖然間中會撞到好嘢，但長遠嚟講，絕對唔係一個健康嘅建隊模式。對比家陣新班主強調數據分析、長約攤分成本嘅做法（雖然一樣俾人鬧爆），起碼睇落有個（可能錯嘅）計劃，而唔係油王年代嗰種「睇心情買人」嘅感覺。
贏在當下，輸咗未來？長遠規劃的缺失
油王年代拎獎盃拎到手軟，但風光背後，係咪犧牲咗球會一啲更長遠嘅發展？睇返轉頭，有兩大問題特別明顯。
第一，講下史丹福橋。 講到口臭，個球場容量得嗰 4 萬多少少，喺英超排第十一，呢個硬件問題油王年代講咗十幾年都冇實際進展。結果係點？我哋嘅比賽日收入原地踏步咗十幾年！2011/12 歐聯奪冠嗰季賺 £77.7m，到咗 2023/24 球季都只係 £80.1m，十幾年先多嗰 £2.4m，更大部份只係來自門票漲價。你睇下隔離阿仙奴同熱刺，起咗新球場之後，唔止坐多啲人，仲可以搞靚啲設施收貴啲，人哋場均每個球迷身上賺到 £89/£84，我哋先得嗰 £63。
唔單止比賽日收入俾人拋離，連帶商業收入都俾熱刺連續三年爬過頭。人哋有新場搞演唱會、搞 NFL，瓣數多多，我哋就仲係守住個舊場。呢種基建上嘅落後，直接限制咗球會自身「造血」能力，變相要更加依賴老闆泵水或者賣人去維持開支。當年油王係咪太過專注買球星贏即時錦標，而忽略咗呢啲影響深遠嘅基建投資？
第二，青訓同球員買賣策略。 冇錯，油王年代的的確確掟咗唔少錢落 Cobham，青訓系統亦都出產過好多好嘢。但係咪真係有長遠規劃咁將青訓融入一隊核心？定係好多時都係當「豬仔」咁養，有需要的時候又係出市場買即食球員？
或者好多人會話：你而家新老闆先係最鍾意賣青訓果個呀。的確，曼治、加拉加到伊恩馬臣，新老闆的確透過青訓賺左唔少。不過唔好忘記嘅係，車路士賣青訓咁多年以黎都毫無改變。賣阿巴咸 (Tammy Abraham) 去 羅馬、賣托姆利 (Fikayo Tomori)去 AC米蘭，賣古希 (Marc Guéhi) 去 水晶宮，賣基摩亞 (Billy Gilmour) 去 白禮頓，要數落去仲可以有更多更多，例如細查個哥哥 尼敦查路拜 (Nathaniel Chalobah)、麥伊治蘭 (McEachran)、赫切臣 (Sam Hutchinson)等等。油王年代傾向更加「即食」，雖然青訓培育嘅部份做得唔錯，搜羅咗大量有潛力的球員加入青訓團隊，更加曾經為我地禁轉會的一年帶來「青春風暴」，但由青年梯隊晉升去一隊的通道仍然欠奉。
以上兩件事黎睇，油王年代嘅成功，好多時係靠非凡嘅財力去實現短期目標。但喺球場擴建、青訓晉升呢啲需要長遠眼光同耐性嘅領域，似乎就相對失色。呢種「贏咗今日先算」嘅模式，可能就係點解新班主接手之後，發現盤數雖然靠賣人執靚咗，但球會嘅基礎收入同設施其實冇乜大進步，仲要面對一大堆 FFP/PSR 問題嘅原因。
自己友玩晒？瑪蓮娜同董事們嘅角色
除咗盤數同買人策略，油王年代嘅管理層結構同運作模式，亦都充滿神秘色彩，甚至俾人有「用人唯親」、「自己友玩晒」嘅感覺。
權力核心明顯係油王本人，但實際執行者，就係佢嘅左右手—— 大名鼎鼎嘅 瑪蓮娜 (Marina Granovskaia)。呢位由油王私人助理做起，最後爬到上 CEO、「足球界最強勢女人」嘅位置，權力有幾大唔使多講。轉會談判、球員續約，好多時都係佢一手包辦。但最近嘅文件洩漏就令人質疑，佢嘅角色係咪真係咁「專業」？
文件顯示，瑪蓮娜似乎知道甚至有份處理部分油王透過離岸公司進行嘅秘密交易。例如，佢嘅通訊地址收到過涉及夏薩特經理人 Bico 同球探 De Visser 嘅離岸公司付款協議副本。更誇張嘅係，佢本人似乎都直接受益。文件顯示，油王嘅離岸公司 Ovington Worldwide 曾經向瑪蓮娜提供總值 1250 萬鎊嘅貸款，其中至少 750 萬鎊係用嚟買佢喺富咸區嘅豪宅，之後仲有文件顯示呢筆債務可能會被豁免！另外，Ovington 喺 2010 到 2019 年間，仲以「財務、稅務、法律盡職審查」嘅名義，支付咗至少 163 萬鎊俾瑪蓮娜。呢啲錢係咪變相嘅「檯底人工」？有冇如實申報？呢啲問題都令佢嘅角色蒙上一層陰影。
除咗瑪蓮娜，當時嘅主席布魯斯·巴克 (Bruce Buck) 嘅角色亦值得商榷。佢本身係美國律師行 Skadden 嘅合夥人，而呢間律師行長期擔任車路士同油王嘅法律代表，甚至有文件顯示 Skadden 可能為油王用嚟進行秘密支付嘅離岸公司 Leiston Holdings 提供過服務。一個同時係球會主席、班主御用律師行合夥人、仲要做埋英超委員會成員嘅人，當中嘅潛在利益衝突同監管問題，真係諗起都驚。
再加上，油王喺被制裁前夕，將旗下公司 Ervington Investment Limited 嘅控制權，緊急轉移俾另一位長期擔任車仔董事嘅親信 Eugene Tenenbaum。呢啲操作，都加深咗外界對於油王年代，球會係咪由一個關係密切、外人難以窺探嘅小圈子所操控嘅疑慮。
總結：榮譽與爭議並存的複雜遺產
油王年代，無疑係車路士歷史上最成功嘅篇章。佢嘅投入徹底改變咗球會嘅命運，帶嚟無數獎盃同輝煌時刻，呢點冇車迷會否認，甚至係我都一樣係油王時代上車，被呢隊藍色球隊的熱血踢法吸引。
但風光背後，亦確實埋藏住唔少問題同爭議。近年浮出水面嘅秘密交易疑雲、潛在嘅 FFP/PSR 違規風險 ，再加上過往轉會市場上嘅天價水貨、長遠規劃嘅不足 ，同埋核心管理層嘅不透明操作，都構成咗油王 Legacy 複雜而充滿矛盾嘅另一面。
新班主嘅自首，雖然可能令球會面臨處罰，但都算係為過去嘅混亂劃上一條界線，嘗試走向更規範化嘅管理。至於點樣評價油王阿巴莫域治呢位改變咗車路士甚至英超格局嘅人物？或者，最公道嘅講法係：佢係一個帶來極致成功嘅老闆，但同時，佢嘅管治方式亦遺留下唔少需要後人處理嘅手尾同埋反思嘅空間。佢嘅功過，恐怕仲要等時間同埋未來更多嘅資訊去證明。
來源：https://www.occrp.org/en/project/cyprus-confidential/billionaire-roman-abramovichs-company-set-up-fake-superyacht-chartering-scheme-in-apparent-attempt-to-evade-millions-in-taxes
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊