提起「二安」艾斯特禾·韋利安 (Estêvão Willian)，可能好多車迷同我一樣，第一時間諗起嘅都係啲好「行」嘅標籤：巴西超新星、接近六千萬鎊嘅天價、又一個「新尼馬」、「地上最強 U18」等等。傳媒吹奏到天花龍鳳 (雖然數據睇落真係幾嚇人) 。但係最近，呢位仲未正式登陸倫敦嘅 18 歲仔，喺 The Players' Tribune 親筆寫咗封信俾佢爹哋媽咪，字裡行間，爆咗好多佢風光背後嘅辛酸史，俾我哋呢班花生友一個機會，去睇下呢個億萬身價嘅「妖人」標籤底下，到底係一個點樣嘅後生仔。
老老實實，睇完成封信，我都有啲動容。所以趁住周中無比賽，我想撇開啲冰冷嘅數據同球場上嘅分析 (之前長文講過，唔重提啦)，用我的感覺，試下跟住佢嘅自白，同大家一齊重新認識下呢位未來可能喺史丹福橋發光發熱嘅森巴小妖。佢點樣由一個巴西窮鄉僻壤嘅內向細路，孭住全家嘅寄望，經歷過冇啖好食、冇屋住嘅日子，捱過地獄式嘅「試煉」，最終踏上呢條可能改變家族命運嘅史丹福橋之路？呢啲成長嘅「密碼」同背後嘅淚水，可能先係理解佢嚟到車仔之後，到底會一飛衝天定係又一個「水貨」嘅關鍵鎖匙。
為咗個仔，你可以去到幾盡？ 一家人的「豪賭」
老實講，睇到二安寫佢父母為咗佢個足球夢，做咗幾大犧牲，真係幾驚訝。試諗下，一個八歲細路話想踢波，有幾多父母真係會辭晒份工、賣埋間屋、離開自己熟悉嘅地方，同個仔由搬去幾百公里外嘅地方重新發展先？二安嘅老豆本身係個牧師，原先喺鄉下建立咗自己嘅教會同社區，呢個唔係單純打份工，算係一份理想同一份心血。然而，佢為咗個成功率低到接近零嘅足球夢（佢自己都話 0.0000001%），就咁「賭上全家嘅未來」，呢份決心真係唔係人人做得到。
而二安形容當時搬屋嗰種「連根拔起」嘅過程，真係睇到有啲心酸。一家人揸住架舊貨車，塞晒啲衫褲就上路，成程車餓住個肚，到埗嘅第一餐，竟然係兩仔爺分一份佢地形容為「史上最難食」嘅細 Pizza… 所謂窮到燶，可能就係咁樣。之後仲要經歷過差啲俾業主趕走、冇屋住嘅徬徨日子。對一個細路嚟講可能感受冇咁深，但對佢父母嚟講，嗰種由本身穩穩定定，到擔驚受怕、朝不保夕嘅情況，壓力有幾大真係唔敢想像。每日睇住父母「日哦夜哦求神拜佛」，一個八、九歲嘅細路，點會唔明？呢種瞓身支持，背後要孭幾重嘅嘢，真係唔簡單。
上天嘅試煉：馬屎、惡狗與地獄球場
正所謂天將降大任於斯人也，必先苦其心志，餓其體膚。二安細個練波嘅球場，有牛有馬，踩中馬屎係家常便飯；屋企隻洛威拿又惡過英超後衛，佢形容就係「雲迪克咁款」，成日都俾佢追，細細個已經要同 VVD 單挑。仲要喺啲粗暴到出名、對手叫「毒販隊」嘅爛地比賽，老豆做球證永遠都係「Play on！」，搞到佢喊住問老豆係咪盲嘅。佢老豆反而笑住話：「我係幫你練緊 EQ，遲啲你會明㗎。」(係，因為你好快就會去球證出名盲嘅英超比賽)。
可能真係整定嘅，佢個名「Estêvão」係巴西本身就有「皇冠」嘅意思。佢阿爸仲分享咗個故仔，話二安出世前，有個女仔同佢講上帝會賜佢一個仔，個仔會為佢帶嚟好多喜樂，仲會幫佢建立教會，「為佢加冕」。呢個近乎預言嘅故事，或者就係支撐住佢哋全家捱過最艱難時刻嘅信念。但反過嚟諗，孭住「皇冠」呢個名，同埋「上帝嘅禮物」呢個身份，對一個十幾歲嘅後生仔嚟講，壓力又會唔會太大呢？
「天賦係慾望」— 苦練打造的森巴舞步
二安喺信入面好坦白，話佢老豆成日笑佢冇尼馬嗰種天賦（呢句公道），但佢真正嘅天賦，似乎係嗰份對勝利同進步嘅「慾望」。呢點真係好值得欣賞。佢唔係齋靠天才波食糊，而係明知自己唔係 Top Tier 嘅 Talent，就靠後天努力搭救。
佢憶述細個練完波，仲要同老豆去嗰個有牛有馬嘅草地「加操」，練射門、練傳球，左右腳都要練到熟，練到太陽落山睇唔到個波先肯走。佢老豆話齋：「好多人想行我哋條路，但唔想著我哋對鞋。」呢種刻苦，先係佢能夠喺人才濟濟嘅巴西球壇脫穎而出嘅關鍵。之前我哋分析過佢招「Stop-motion dribbling」點解咁屈機 ，睇完佢呢封信，或者可以理解多少少——嗰種假動作、變速、再爆發，可能就係佢千錘百鍊，將勤補拙嘅成果。
當然，努力都要有回報嘅。佢仲提到十歲左右得到 Nike 贊助，仲好搞笑咁問老豆係咪真係有免費 boot 著仲要有錢收。嗰種童真背後，其實反映咗呢份贊助對佢哋家庭嚟講，唔單止係一份榮譽，更加係實實在在嘅幫助——終於可以交租，終於可以自己食一份 Pizza 唔使兩個人分、仲分分鐘有芝心添。上帝，或者真係聽到佢哋嘅禱告都唔定。
「點解揀車仔？」— 藍圖、壓力與承諾
「好多人問我點解揀車路士，但佢哋唔明車路士有幾想要我、對我潛力有幾大信心、佢哋俾我哋睇嘅計劃係點。」二安呢句說話，相信好多車迷睇到都會打個冷震。係囉，我哋近年買埋咁多「妖人」，尤其係南美兵，成功例子好似唔多（諗起安祖山度士個工作證，諗起柏艾斯去夜總會，安素離婚，一堆巴西兵變成現金卷），二安嘅選擇，係咪真係明智？
從佢嘅角度睇，車路士打動佢嘅唔單止係錢（實唔關錢事啦笑死），更加係嗰份「誠意」同埋個「Project」。呢個 Project 係乜？我哋外人當然唔知細節，但肯定同近年球會瘋狂投資年輕球員、建立衛星網絡（例如史堡）嘅策略有關。可能車仔真係畫咗個好靚嘅藍圖俾佢睇，應承會重點栽培佢，俾佢機會成為未來核心。對一個啱啱成年、準備衝出巴西嘅後生仔嚟講，呢種「被重視」、「被需要」嘅感覺，可能真係千金難買。
理想還理想，現實嘅挑戰肯定唔細。佢自己都講到明，目標係要成為「車路士史上最偉大嘅巴西球員」。喂大佬，呢個目標一啲都唔嘢少喎！諗下拉美利斯、奧斯卡、韋利安、大衛雷斯呢啲前輩，要超越佢哋，二安要付出幾多努力？孭住天價轉會費，嚟到競爭激烈、體力化嘅英超，仲要喺一支重建緊、戰績未必穩定嘅車路士，佢要面對嘅壓力肯定係前所未有咁大。佢頂唔頂得順？佢喺巴西嗰種「慾望」，能唔能夠幫佢喺倫敦嘅鎂光燈下繼續燃燒？呢啲都係疑問。
總結：淚水鋪成嘅路
睇完二安呢封充滿真情嘅家書，再諗返佢喺球場上嘅表現，感覺就好似將塊拼圖砌得更完整。原來呢位被捧到上天嘅「新尼馬」，背後有咁多辛酸同掙扎。佢嘅足球路，唔單止係靠天份，更加係靠住家人嘅無私奉獻、個人「打不死」嘅意志，同埋一份近乎執念嘅「慾望」所鋪成。
未來幾個月，佢仲會留喺彭美拉斯踢埋世冠盃，然後先會正式登陸史丹福橋。呢段時間對佢嚟講好重要，希望佢可以繼續進步，好好裝備自己。嚟到英超，挑戰肯定更大，身體對抗、比賽節奏、戰術要求都同巴甲完全唔同。佢能唔能夠好似佢老豆話齋，用佢嘅「品格」去克服困難？佢嗰份「慾望」又夠唔夠佢喺壓力煲一樣嘅英超生存落去？
冇人有水晶球，冇人知答案。但起碼，睇完佢嘅故事，我哋知道呢個唔係一個嬌生慣養嘅天才，而係一個捱過苦、P過K、但仍然選擇企返起身繼續向前衝嘅後生仔。或者，就係呢份由爛 Pizza、惡狗、甚至馬屎堆砌出嚟嘅經歷，先至係佢挑戰英超嘅最大本錢。
醬汁：https://www.theplayerstribune.com/estevao-palmeiras-brazil-soccer-english
(唔知幾多年無寫過感動系文字嘅小編P.Cech)
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
老老實實，睇完成封信，我都有啲動容。所以趁住周中無比賽，我想撇開啲冰冷嘅數據同球場上嘅分析 (之前長文講過，唔重提啦)，用我的感覺，試下跟住佢嘅自白，同大家一齊重新認識下呢位未來可能喺史丹福橋發光發熱嘅森巴小妖。佢點樣由一個巴西窮鄉僻壤嘅內向細路，孭住全家嘅寄望，經歷過冇啖好食、冇屋住嘅日子，捱過地獄式嘅「試煉」，最終踏上呢條可能改變家族命運嘅史丹福橋之路？呢啲成長嘅「密碼」同背後嘅淚水，可能先係理解佢嚟到車仔之後，到底會一飛衝天定係又一個「水貨」嘅關鍵鎖匙。
為咗個仔，你可以去到幾盡？ 一家人的「豪賭」
老實講，睇到二安寫佢父母為咗佢個足球夢，做咗幾大犧牲，真係幾驚訝。試諗下，一個八歲細路話想踢波，有幾多父母真係會辭晒份工、賣埋間屋、離開自己熟悉嘅地方，同個仔由搬去幾百公里外嘅地方重新發展先？二安嘅老豆本身係個牧師，原先喺鄉下建立咗自己嘅教會同社區，呢個唔係單純打份工，算係一份理想同一份心血。然而，佢為咗個成功率低到接近零嘅足球夢（佢自己都話 0.0000001%），就咁「賭上全家嘅未來」，呢份決心真係唔係人人做得到。
而二安形容當時搬屋嗰種「連根拔起」嘅過程，真係睇到有啲心酸。一家人揸住架舊貨車，塞晒啲衫褲就上路，成程車餓住個肚，到埗嘅第一餐，竟然係兩仔爺分一份佢地形容為「史上最難食」嘅細 Pizza… 所謂窮到燶，可能就係咁樣。之後仲要經歷過差啲俾業主趕走、冇屋住嘅徬徨日子。對一個細路嚟講可能感受冇咁深，但對佢父母嚟講，嗰種由本身穩穩定定，到擔驚受怕、朝不保夕嘅情況，壓力有幾大真係唔敢想像。每日睇住父母「日哦夜哦求神拜佛」，一個八、九歲嘅細路，點會唔明？呢種瞓身支持，背後要孭幾重嘅嘢，真係唔簡單。
上天嘅試煉：馬屎、惡狗與地獄球場
正所謂天將降大任於斯人也，必先苦其心志，餓其體膚。二安細個練波嘅球場，有牛有馬，踩中馬屎係家常便飯；屋企隻洛威拿又惡過英超後衛，佢形容就係「雲迪克咁款」，成日都俾佢追，細細個已經要同 VVD 單挑。仲要喺啲粗暴到出名、對手叫「毒販隊」嘅爛地比賽，老豆做球證永遠都係「Play on！」，搞到佢喊住問老豆係咪盲嘅。佢老豆反而笑住話：「我係幫你練緊 EQ，遲啲你會明㗎。」(係，因為你好快就會去球證出名盲嘅英超比賽)。
可能真係整定嘅，佢個名「Estêvão」係巴西本身就有「皇冠」嘅意思。佢阿爸仲分享咗個故仔，話二安出世前，有個女仔同佢講上帝會賜佢一個仔，個仔會為佢帶嚟好多喜樂，仲會幫佢建立教會，「為佢加冕」。呢個近乎預言嘅故事，或者就係支撐住佢哋全家捱過最艱難時刻嘅信念。但反過嚟諗，孭住「皇冠」呢個名，同埋「上帝嘅禮物」呢個身份，對一個十幾歲嘅後生仔嚟講，壓力又會唔會太大呢？
「天賦係慾望」— 苦練打造的森巴舞步
二安喺信入面好坦白，話佢老豆成日笑佢冇尼馬嗰種天賦（呢句公道），但佢真正嘅天賦，似乎係嗰份對勝利同進步嘅「慾望」。呢點真係好值得欣賞。佢唔係齋靠天才波食糊，而係明知自己唔係 Top Tier 嘅 Talent，就靠後天努力搭救。
佢憶述細個練完波，仲要同老豆去嗰個有牛有馬嘅草地「加操」，練射門、練傳球，左右腳都要練到熟，練到太陽落山睇唔到個波先肯走。佢老豆話齋：「好多人想行我哋條路，但唔想著我哋對鞋。」呢種刻苦，先係佢能夠喺人才濟濟嘅巴西球壇脫穎而出嘅關鍵。之前我哋分析過佢招「Stop-motion dribbling」點解咁屈機 ，睇完佢呢封信，或者可以理解多少少——嗰種假動作、變速、再爆發，可能就係佢千錘百鍊，將勤補拙嘅成果。
當然，努力都要有回報嘅。佢仲提到十歲左右得到 Nike 贊助，仲好搞笑咁問老豆係咪真係有免費 boot 著仲要有錢收。嗰種童真背後，其實反映咗呢份贊助對佢哋家庭嚟講，唔單止係一份榮譽，更加係實實在在嘅幫助——終於可以交租，終於可以自己食一份 Pizza 唔使兩個人分、仲分分鐘有芝心添。上帝，或者真係聽到佢哋嘅禱告都唔定。
「點解揀車仔？」— 藍圖、壓力與承諾
「好多人問我點解揀車路士，但佢哋唔明車路士有幾想要我、對我潛力有幾大信心、佢哋俾我哋睇嘅計劃係點。」二安呢句說話，相信好多車迷睇到都會打個冷震。係囉，我哋近年買埋咁多「妖人」，尤其係南美兵，成功例子好似唔多（諗起安祖山度士個工作證，諗起柏艾斯去夜總會，安素離婚，一堆巴西兵變成現金卷），二安嘅選擇，係咪真係明智？
從佢嘅角度睇，車路士打動佢嘅唔單止係錢（實唔關錢事啦笑死），更加係嗰份「誠意」同埋個「Project」。呢個 Project 係乜？我哋外人當然唔知細節，但肯定同近年球會瘋狂投資年輕球員、建立衛星網絡（例如史堡）嘅策略有關。可能車仔真係畫咗個好靚嘅藍圖俾佢睇，應承會重點栽培佢，俾佢機會成為未來核心。對一個啱啱成年、準備衝出巴西嘅後生仔嚟講，呢種「被重視」、「被需要」嘅感覺，可能真係千金難買。
理想還理想，現實嘅挑戰肯定唔細。佢自己都講到明，目標係要成為「車路士史上最偉大嘅巴西球員」。喂大佬，呢個目標一啲都唔嘢少喎！諗下拉美利斯、奧斯卡、韋利安、大衛雷斯呢啲前輩，要超越佢哋，二安要付出幾多努力？孭住天價轉會費，嚟到競爭激烈、體力化嘅英超，仲要喺一支重建緊、戰績未必穩定嘅車路士，佢要面對嘅壓力肯定係前所未有咁大。佢頂唔頂得順？佢喺巴西嗰種「慾望」，能唔能夠幫佢喺倫敦嘅鎂光燈下繼續燃燒？呢啲都係疑問。
總結：淚水鋪成嘅路
睇完二安呢封充滿真情嘅家書，再諗返佢喺球場上嘅表現，感覺就好似將塊拼圖砌得更完整。原來呢位被捧到上天嘅「新尼馬」，背後有咁多辛酸同掙扎。佢嘅足球路，唔單止係靠天份，更加係靠住家人嘅無私奉獻、個人「打不死」嘅意志，同埋一份近乎執念嘅「慾望」所鋪成。
未來幾個月，佢仲會留喺彭美拉斯踢埋世冠盃，然後先會正式登陸史丹福橋。呢段時間對佢嚟講好重要，希望佢可以繼續進步，好好裝備自己。嚟到英超，挑戰肯定更大，身體對抗、比賽節奏、戰術要求都同巴甲完全唔同。佢能唔能夠好似佢老豆話齋，用佢嘅「品格」去克服困難？佢嗰份「慾望」又夠唔夠佢喺壓力煲一樣嘅英超生存落去？
冇人有水晶球，冇人知答案。但起碼，睇完佢嘅故事，我哋知道呢個唔係一個嬌生慣養嘅天才，而係一個捱過苦、P過K、但仍然選擇企返起身繼續向前衝嘅後生仔。或者，就係呢份由爛 Pizza、惡狗、甚至馬屎堆砌出嚟嘅經歷，先至係佢挑戰英超嘅最大本錢。
醬汁：https://www.theplayerstribune.com/estevao-palmeiras-brazil-soccer-english
(唔知幾多年無寫過感動系文字嘅小編P.Cech)
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊