隨住對富咸嘅驚險反勝，車路士喺聯賽榜勉強企喺第六位，僅僅以1分之差落後於第五嘅曼城同壓住第七嘅阿士東維拉，爭奪下季歐聯資格嘅鬥爭進入白熱化階段。喺聯賽只剩返最後五輪嘅情況下，每一分都變得至關重要。所以不如就寫下黎緊五場的對手。講到預計，當然唔少得香港球迷最愛嘅易食指數，今次用埋舊文去望下我哋有冇本錢去衝擊前五嘅目標呢？
對手：愛華頓 (主)
易食指數： ★ ★ ★ ☆ ☆ (已經係我地對手中最易踢果隊……)
諗返起今季首循環作客拖肥，我哋喺風雨之下同對手踢成 0:0 互交白卷。嗰場波踢得非常辛苦，暴露出唔少問題：例如兩閘錯配（古斯度踢左閘、迪西斯踢右閘）導致邊路進攻癱瘓；中場喺對方嘅體力化壓迫下運轉唔暢順；當時拖肥領隊戴治嘅密集防守同埋「超技術」嘅不斷犯規（全場 20 次），我哋亦都搵唔到有效嘅破解方法，最終攻門乏力，係果輪少有冇波入嘅比賽。
今次返到主場史丹福橋，形勢理應有所不同。愛華頓目前排緊第 13，似乎無欲無求，狀態亦都一般 (近5場1勝1和3負)。不過莫耶斯嘅球隊出名硬淨，之前的西咸都係咁，預計作客會繼續用穩守嘅低位/中位防守，依靠身體對抗同死球製造威脅。我哋需要展現出比上次交手時更好嘅進攻套路變化同耐性，利用主場優勢盡早施壓，如果能夠複製對富咸下半場嗰種前場壓迫強度，相信可以限制佢哋嘅反擊。
關鍵： 進攻三區決策速度 + 把握力。
面對可能排出嘅鐵桶陣，關鍵在於提升中前場喺狹小空間嘅決策速度同配合，避免陷入無謂嘅邊路傳中或者遠射。需要邊路球員（例如尼圖/馬杜基）更果斷嘅 1v1 突破或者同隊友撞牆配合，而唔係等到對方佈好防線先嚟料。 中路彭馬/安素要 加快傳球節奏，甚至可能要嘗試更多風險直傳去撕破防線，拉維亞嘅身體對抗亦可能係武器。最重要係前場球員必須提升把握力，將創造出嚟嘅機會轉化成入球，唔能夠再重蹈上次得勢不得分嘅覆轍。早段入波尤其重要。
對手：利物浦 (主)
易食指數： ☆ ☆ ☆ ☆ ☆ (五星級難度，攞到分當贏)
諗返起今季首循環作客晏菲路，我哋以 1:2 輸波而回，場波清楚顯示咗我哋同真正頂級強隊之間嘅差距。雖然控球率佔優 (全場接近 60%)，但係攻入 final third 嘅效率低下，更加致命嘅係因為兩次後防線嘅個人犯錯而失波 (一次十二碼，一次走漏人)。積臣雖然把握到難得嘅機會入咗一球，但整體仍然表現掙扎；彭馬被重點招呼難以發揮；兩翼亦都未能有效撕破對方防線。利物浦用一個高效嘅 Mid Block 策略就成功限制咗我哋大部分嘅攻勢。
今次返到主場，對手利物浦為咗爭奪英超冠軍肯定寸土必爭，雖然話佢地只要贏埋下場比賽就會確定奪冠，但戰意同狀態都無容置疑 (近 5 場 4 勝，排緊榜首)。史諾 嗰套戰術體系同高普一脈相承，都係強調前場壓迫同極速攻守轉換。佢哋最攞命嘅武器，就係迫到你後場犯錯然後幾秒內就完成攻門，就算我哋喺主場有球迷撐腰，首先要諗嘅係點樣頂住佢哋開波嗰廿分鐘嘅搶攻，避免好似上次咁早早就失守。
關鍵： 避開中場壓迫陷阱 + 反擊時嘅質素。
最最最重要嘅係 後防線必須打醒十二分精神，做到零犯錯，絕對唔可以再好似上次作客咁輕易送禮。中後場出波一定要快同準，減少無意義的U型橫傳，多啲搵安全嘅直線或者斜線。中場嘅安素同卡些度，今場嘅走位範圍可能要更大，多啲拉邊或者返後啲接應，甚至要學識喺俾人黐身壓迫下快速一腳出波，避開對手喺中路布落嘅陷阱。彭馬嘅角色好關鍵，佢需要更頻繁回撤到中場線附近攞波，作為一個可靠嘅疏理點，將個波由受壓區轉移出去。
進攻上，旨意好似對弱隊咁長時間圍攻係不切實際。我哋最大嘅機會嚟自轉守為攻嗰一下。一旦喺中後場斷到波，第一時間就要搵前面嘅快馬，例如積臣或者尼圖（甚至係佐治仔），直接衝擊雲迪克同佢拍檔（可能係干拿迪？）之間嘅空位或者身後。呢啲反擊機會唔會多，所以把握力係重中之重，上次作客我哋唔係冇機會，但積臣幾次處理都令人嘆晒氣。今場如果仲係咁「敗家」，就算後防守得再好都係嘥氣。能夠喺呢啲位做到嘢，偷到一分甚至偷到雞，先至算係真正嘅「超額完成」。單靠死守，好難頂足九十分鐘。
對手：紐卡素 (客)
易食指數： ☆ ☆ ☆ ☆ ☆ (五星級難度，作客搶分極難)
今季同紐卡素已經交手兩次，聯賽主場靠積臣同彭馬入波贏 2:1，但聯賽盃第四圈作客就因為大幅輪換、排出「B隊」而輸 0:2 被淘汰。兩場波反差幾大：主場贏波嗰次，我哋調整咗戰術（例如用占士踢左閘），中場控制力尚可，前線球員亦把握到機會；但盃賽作客輸波就完全暴露咗後備深度不足、球員錯配（例如霍爾踢右翼、迪西斯踢右閘）、以及 B 隊球員喺壓力下容易犯錯嘅問題。
今次輪到我哋喺聯賽作客聖占士公園，形勢肯定比上次盃賽更加嚴峻。紐卡素排緊第 4，只領先我哋 2 分，係爭奪歐聯資格嘅直接競爭對手。佢哋近況極佳 (近5場4勝)，主場威力出名強勁，球迷氣氛熾熱，戰意肯定高昂。呢場波嘅勝負，對最終排名有決定性影響，絕對係一場「六分波」，Howe 嘅紐卡素肯定想一腳伸開我哋。考慮到我哋今季作客蟲嘅表現 (尤其係對住前列份子)，呢場波嘅實際難度，可能真係仲高過喺主場打利物浦。
關鍵： 抵禦主場氣勢衝擊 + 中場對抗與控制。
作客紐卡素，頭 15-20 分鐘頂唔頂得住對手靠主場氣勢嘅瘋狂衝擊係第一關。後防線必須極度集中，唔可以再發生好似聯賽盃作客嗰場咁，俾人一個簡單直線或者過頭波就打穿嘅低級失誤。兩閘亦要睇緊人，特別係要應付邊路嘅速度同突破，唔可以輕易對手有咁大量嘅空間傳中或者內切。
其次係 中場對抗必須夠硬淨，紐卡素中場身體質素好、攔截力強，我哋嘅中腰 卡些度 同 安素 今場一定要交足功課，唔單止要喺身體對抗、爭 second ball 上面頂得住，仲要諗辦法喺佢哋嘅壓迫下護到個波、轉到個波。可能馬蛇要考慮加埋拉維亞 (Roméo Lavia) 去增強中場硬度。點樣限制住般奴基馬雷斯嘅調度同傳送，將會係我哋能唔能夠搶到中場主導權嘅關鍵。如果中場再好似盃賽咁失控，我哋就好可能要重覆被圍攻嘅局面。能夠喺呢度全身而退攞到一分已經算係唔錯嘅結果。
進攻方面，預計機會唔會多，更加要珍惜。同對利記一樣需要靠彭馬回撤攞波做串連，前場嘅積臣、馬杜基、尼圖等快馬要時刻準備好打反擊，利用紐卡素壓上助攻後留低嘅空檔。喺呢個地獄主場，能夠守到一分已經係可以接受嘅賽果，想贏波？除非超水準發揮再加少少運氣啦。
對手：曼聯 (主)
易食指數： ★ ★ ☆ ☆ ☆ (牌面唔難食，但對曼聯永遠有暗湧)
首循環作客奧脫福，我哋同曼聯踢成 1:1 平手，場波被我形容為「最弱的矛盾對決」—— 我哋防守漏水對佢哋把握力差，最終結果亦都「唔負眾望」打和收場。當時我哋再次用占士踢左閘去限制對方翼鋒，但犧牲咗邊路進攻；雖然數據上勢均力敵，最後靠卡些度嘅世界波追和，但整體進攻未算流暢，防守亦都有甩漏（科芬拿犯錯輸十二碼）。
今次返到主場，對手曼聯已經換咗由士砵亭嚟嘅阿莫林（Rúben Amorim）執教。佢哋今季表現算係災難級，長期喺聯賽中下游掙扎，近況更加係慘不忍睹，阿莫林自己都開到聲，話餘下賽程會俾機會班後生仔，擺明有啲半放棄嘅感覺。無論實力、近況定數據，望落我哋都應該佔優。但係世事就係咁奇妙，曼聯對我哋車路士，就好似食咗藥咁，班友（尤其係加拿祖、明奈呢啲後生仔）間中就會「爆 Seed」，踢場佢哋自己都估唔到嘅好波，專門做攔路虎。所以，就算有主場之利，數據上佔優少少咁多，都絕對唔可以老定，一放鬆就隨時出事。
關鍵： 保持戰術紀律 + 提升門前效率。
對住曼聯呢種一時踢到曉飛、一時踢到pat………嘅對手，我哋自己首先要企穩陣腳。後防線一定要打醒十二分精神，唔可以再有上次科芬拿嗰種「送大禮」式犯錯，特別係要睇緊加拿祖呢類速度快、走位靈活嘅球員，唔好俾佢哋有空間「偷雞」。中場方面，要控制好比賽節奏，用我哋相對成熟嘅傳控（希望啦）同經驗，去應付對方可能派出嘅「青春風暴」，唔好墮入佢哋嗰種大開大合、搏腳嘅節奏。
最重要係進攻端。預計我哋會有唔少控球權同製造到機會，呢個時候就考驗把握力喇。唔可以再好似以前咁，N 咁多個機會先入到一球。前場班攻擊手，無論係彭馬、積臣、馬杜基定其他人，都要更珍惜機會，射門要更果斷、更準繩，把握到機會就要盡早「收佢哋工」，拉開比數。如果又係領先一球就縮後踢，諗住穩守，以曼聯嘅神經刀特性，加上我哋今季條防線成日「臨尾香」嘅紀錄，俾人追和甚至反cup都絕對唔出奇。呢場波，贏唔贏到，好大程度就睇我哋自己生唔生性，識唔識得有效率咁解決戰鬥。唔該，唔好再和啦！
對手：諾定咸森林 (客)
易食指數： ☆ ☆ ☆ ☆ ☆ (五星級難度，煞科戰生死鬥)
諗返今季首循環喺史丹福橋，我哋對住森林嗰場波真係嘔血。明明數據上我哋全面佔優 (控球接近七成，xG 過 2.0)，但就係對住人哋條密集防線束手無策，死都攻唔入。反而仲要因為一次角球防守漏咗人，畀人哋先開紀錄。雖然之後靠馬杜基追返平，甚至對面踢少個，我哋喺人數佔優下都贏唔到，最終只係 1:1 握手言和。呢場波完全暴露咗我哋面對鐵桶陣時，進攻板斧極度有限，而且死球攻防兩端都係災難級嘅老問題。
今次作客 City Ground，重要性同壓力都係幾何級數提升。呢鋪真係「Go Big or Go Home」。森林排緊第三，領先我哋三分，呢場波基本上就決定咗邊隊可以直接入歐聯分組賽。佢哋為咗保住呢個位，肯定會喺主場同你死纏爛打，戰意唔使懷疑。雖然話佢哋 OPTA 個 Power Ranking 排名唔算好高 (第20)，但能夠喺英超踢到臨尾排第三，尤其可能靠主場搶唔少分，絕對唔係僥倖。
關鍵： 破解鐵桶戰術 + 把握關鍵時刻。
要喺呢場生死戰攞到三分，首先就要解決首循環已經暴露咗嘅死症——點樣拆解森林嘅密集防守。馬蛇肯定要諗啲特別嘢出嚟，唔可以再係單調嘅邊路傳中，或者外圍亂咁試腳。係咪要畀彭馬更多喺禁區頂附近嘅自由度，利用佢嘅個人能力去突破或者做致命傳送？定係要靠安素更多手術刀式嘅長傳急攻轉移，去打亂佢哋嘅防守部署？增加禁區內嘅接應點、跑動穿插都好重要，唔可以畀佢哋啲中堅企定定咁舒服。
第二，踢到呢啲淘汰賽級嘅煞科戰，邊個精神力更強、更頂到壓，邊個就贏面大。所謂「決心」，唔係齋講，係要體現喺場上每一個細節：每一次回防嘅衝刺、每一次五五波嘅爭奪、每一次射門機會嘅冷靜處理。關鍵時刻，一定要有人夠膽識、夠承擔咁企出嚟，無論係一個攔到對方單刀嘅 Tackling、一個撲到必入波嘅神救，定係一個把握到僅有機會嘅入球，都可以決定成個賽季嘅努力有冇回報。上次就係死球失波，今場防守死球一定要打醒十二分精神，唔可以再喺呢啲位出錯。呢場波，真係少啲心血都頂唔順，睇下班球員爭唔爭氣啦！
總結：硬仗連場非最難，戰術失衡點樣救？
車路士最後五場聯賽嘅賽程絕對係地獄級難度，對手非富則貴，要全勝搶分幾乎冇可能。但比起對手有幾強，球迷可能更擔心馬蛇至今未能解決嘅戰術失衡問題。 為咗遷就防守平衡或者個別球員嘅不足（例如點樣最好咁用占士同古古尼亞嘅內切），似乎犧牲咗球隊嘅進攻流暢度，甚至迫使核心彭馬墮得太後，遠離危險地帶。
呢種情況導致球隊過份依賴個人「爆seed」贏波，就好似對富咸咁。一旦遇上強敵或者球員狀態回落，呢種戰術上嘅根本缺陷就會暴露無遺。所以，未來五場波真正嘅考驗，唔單止係球員嘅臨場發揮，更加係馬蛇能唔能夠搵到更好嘅戰術平衡，踢出更具整體性嘅足球。如果繼續單靠靈光一閃，要喺咁嘅賽程搶夠分衝入前五，前景實在難以樂觀。
========================================
Facebook Page已經開咗啦！如果鍾意我的文章可以入黎按個讚！
⭕️車迷狗up天地 ❌
https://www.facebook.com/profile.php?id=61566593983419
對手：愛華頓 (主)
易食指數： ★ ★ ★ ☆ ☆ (已經係我地對手中最易踢果隊……)
諗返起今季首循環作客拖肥，我哋喺風雨之下同對手踢成 0:0 互交白卷。嗰場波踢得非常辛苦，暴露出唔少問題：例如兩閘錯配（古斯度踢左閘、迪西斯踢右閘）導致邊路進攻癱瘓；中場喺對方嘅體力化壓迫下運轉唔暢順；當時拖肥領隊戴治嘅密集防守同埋「超技術」嘅不斷犯規（全場 20 次），我哋亦都搵唔到有效嘅破解方法，最終攻門乏力，係果輪少有冇波入嘅比賽。
今次返到主場史丹福橋，形勢理應有所不同。愛華頓目前排緊第 13，似乎無欲無求，狀態亦都一般 (近5場1勝1和3負)。不過莫耶斯嘅球隊出名硬淨，之前的西咸都係咁，預計作客會繼續用穩守嘅低位/中位防守，依靠身體對抗同死球製造威脅。我哋需要展現出比上次交手時更好嘅進攻套路變化同耐性，利用主場優勢盡早施壓，如果能夠複製對富咸下半場嗰種前場壓迫強度，相信可以限制佢哋嘅反擊。
關鍵： 進攻三區決策速度 + 把握力。
面對可能排出嘅鐵桶陣，關鍵在於提升中前場喺狹小空間嘅決策速度同配合，避免陷入無謂嘅邊路傳中或者遠射。需要邊路球員（例如尼圖/馬杜基）更果斷嘅 1v1 突破或者同隊友撞牆配合，而唔係等到對方佈好防線先嚟料。 中路彭馬/安素要 加快傳球節奏，甚至可能要嘗試更多風險直傳去撕破防線，拉維亞嘅身體對抗亦可能係武器。最重要係前場球員必須提升把握力，將創造出嚟嘅機會轉化成入球，唔能夠再重蹈上次得勢不得分嘅覆轍。早段入波尤其重要。
對手：利物浦 (主)
易食指數： ☆ ☆ ☆ ☆ ☆ (五星級難度，攞到分當贏)
諗返起今季首循環作客晏菲路，我哋以 1:2 輸波而回，場波清楚顯示咗我哋同真正頂級強隊之間嘅差距。雖然控球率佔優 (全場接近 60%)，但係攻入 final third 嘅效率低下，更加致命嘅係因為兩次後防線嘅個人犯錯而失波 (一次十二碼，一次走漏人)。積臣雖然把握到難得嘅機會入咗一球，但整體仍然表現掙扎；彭馬被重點招呼難以發揮；兩翼亦都未能有效撕破對方防線。利物浦用一個高效嘅 Mid Block 策略就成功限制咗我哋大部分嘅攻勢。
今次返到主場，對手利物浦為咗爭奪英超冠軍肯定寸土必爭，雖然話佢地只要贏埋下場比賽就會確定奪冠，但戰意同狀態都無容置疑 (近 5 場 4 勝，排緊榜首)。史諾 嗰套戰術體系同高普一脈相承，都係強調前場壓迫同極速攻守轉換。佢哋最攞命嘅武器，就係迫到你後場犯錯然後幾秒內就完成攻門，就算我哋喺主場有球迷撐腰，首先要諗嘅係點樣頂住佢哋開波嗰廿分鐘嘅搶攻，避免好似上次咁早早就失守。
關鍵： 避開中場壓迫陷阱 + 反擊時嘅質素。
最最最重要嘅係 後防線必須打醒十二分精神，做到零犯錯，絕對唔可以再好似上次作客咁輕易送禮。中後場出波一定要快同準，減少無意義的U型橫傳，多啲搵安全嘅直線或者斜線。中場嘅安素同卡些度，今場嘅走位範圍可能要更大，多啲拉邊或者返後啲接應，甚至要學識喺俾人黐身壓迫下快速一腳出波，避開對手喺中路布落嘅陷阱。彭馬嘅角色好關鍵，佢需要更頻繁回撤到中場線附近攞波，作為一個可靠嘅疏理點，將個波由受壓區轉移出去。
進攻上，旨意好似對弱隊咁長時間圍攻係不切實際。我哋最大嘅機會嚟自轉守為攻嗰一下。一旦喺中後場斷到波，第一時間就要搵前面嘅快馬，例如積臣或者尼圖（甚至係佐治仔），直接衝擊雲迪克同佢拍檔（可能係干拿迪？）之間嘅空位或者身後。呢啲反擊機會唔會多，所以把握力係重中之重，上次作客我哋唔係冇機會，但積臣幾次處理都令人嘆晒氣。今場如果仲係咁「敗家」，就算後防守得再好都係嘥氣。能夠喺呢啲位做到嘢，偷到一分甚至偷到雞，先至算係真正嘅「超額完成」。單靠死守，好難頂足九十分鐘。
對手：紐卡素 (客)
易食指數： ☆ ☆ ☆ ☆ ☆ (五星級難度，作客搶分極難)
今季同紐卡素已經交手兩次，聯賽主場靠積臣同彭馬入波贏 2:1，但聯賽盃第四圈作客就因為大幅輪換、排出「B隊」而輸 0:2 被淘汰。兩場波反差幾大：主場贏波嗰次，我哋調整咗戰術（例如用占士踢左閘），中場控制力尚可，前線球員亦把握到機會；但盃賽作客輸波就完全暴露咗後備深度不足、球員錯配（例如霍爾踢右翼、迪西斯踢右閘）、以及 B 隊球員喺壓力下容易犯錯嘅問題。
今次輪到我哋喺聯賽作客聖占士公園，形勢肯定比上次盃賽更加嚴峻。紐卡素排緊第 4，只領先我哋 2 分，係爭奪歐聯資格嘅直接競爭對手。佢哋近況極佳 (近5場4勝)，主場威力出名強勁，球迷氣氛熾熱，戰意肯定高昂。呢場波嘅勝負，對最終排名有決定性影響，絕對係一場「六分波」，Howe 嘅紐卡素肯定想一腳伸開我哋。考慮到我哋今季作客蟲嘅表現 (尤其係對住前列份子)，呢場波嘅實際難度，可能真係仲高過喺主場打利物浦。
關鍵： 抵禦主場氣勢衝擊 + 中場對抗與控制。
作客紐卡素，頭 15-20 分鐘頂唔頂得住對手靠主場氣勢嘅瘋狂衝擊係第一關。後防線必須極度集中，唔可以再發生好似聯賽盃作客嗰場咁，俾人一個簡單直線或者過頭波就打穿嘅低級失誤。兩閘亦要睇緊人，特別係要應付邊路嘅速度同突破，唔可以輕易對手有咁大量嘅空間傳中或者內切。
其次係 中場對抗必須夠硬淨，紐卡素中場身體質素好、攔截力強，我哋嘅中腰 卡些度 同 安素 今場一定要交足功課，唔單止要喺身體對抗、爭 second ball 上面頂得住，仲要諗辦法喺佢哋嘅壓迫下護到個波、轉到個波。可能馬蛇要考慮加埋拉維亞 (Roméo Lavia) 去增強中場硬度。點樣限制住般奴基馬雷斯嘅調度同傳送，將會係我哋能唔能夠搶到中場主導權嘅關鍵。如果中場再好似盃賽咁失控，我哋就好可能要重覆被圍攻嘅局面。能夠喺呢度全身而退攞到一分已經算係唔錯嘅結果。
進攻方面，預計機會唔會多，更加要珍惜。同對利記一樣需要靠彭馬回撤攞波做串連，前場嘅積臣、馬杜基、尼圖等快馬要時刻準備好打反擊，利用紐卡素壓上助攻後留低嘅空檔。喺呢個地獄主場，能夠守到一分已經係可以接受嘅賽果，想贏波？除非超水準發揮再加少少運氣啦。
對手：曼聯 (主)
易食指數： ★ ★ ☆ ☆ ☆ (牌面唔難食，但對曼聯永遠有暗湧)
首循環作客奧脫福，我哋同曼聯踢成 1:1 平手，場波被我形容為「最弱的矛盾對決」—— 我哋防守漏水對佢哋把握力差，最終結果亦都「唔負眾望」打和收場。當時我哋再次用占士踢左閘去限制對方翼鋒，但犧牲咗邊路進攻；雖然數據上勢均力敵，最後靠卡些度嘅世界波追和，但整體進攻未算流暢，防守亦都有甩漏（科芬拿犯錯輸十二碼）。
今次返到主場，對手曼聯已經換咗由士砵亭嚟嘅阿莫林（Rúben Amorim）執教。佢哋今季表現算係災難級，長期喺聯賽中下游掙扎，近況更加係慘不忍睹，阿莫林自己都開到聲，話餘下賽程會俾機會班後生仔，擺明有啲半放棄嘅感覺。無論實力、近況定數據，望落我哋都應該佔優。但係世事就係咁奇妙，曼聯對我哋車路士，就好似食咗藥咁，班友（尤其係加拿祖、明奈呢啲後生仔）間中就會「爆 Seed」，踢場佢哋自己都估唔到嘅好波，專門做攔路虎。所以，就算有主場之利，數據上佔優少少咁多，都絕對唔可以老定，一放鬆就隨時出事。
關鍵： 保持戰術紀律 + 提升門前效率。
對住曼聯呢種一時踢到曉飛、一時踢到pat………嘅對手，我哋自己首先要企穩陣腳。後防線一定要打醒十二分精神，唔可以再有上次科芬拿嗰種「送大禮」式犯錯，特別係要睇緊加拿祖呢類速度快、走位靈活嘅球員，唔好俾佢哋有空間「偷雞」。中場方面，要控制好比賽節奏，用我哋相對成熟嘅傳控（希望啦）同經驗，去應付對方可能派出嘅「青春風暴」，唔好墮入佢哋嗰種大開大合、搏腳嘅節奏。
最重要係進攻端。預計我哋會有唔少控球權同製造到機會，呢個時候就考驗把握力喇。唔可以再好似以前咁，N 咁多個機會先入到一球。前場班攻擊手，無論係彭馬、積臣、馬杜基定其他人，都要更珍惜機會，射門要更果斷、更準繩，把握到機會就要盡早「收佢哋工」，拉開比數。如果又係領先一球就縮後踢，諗住穩守，以曼聯嘅神經刀特性，加上我哋今季條防線成日「臨尾香」嘅紀錄，俾人追和甚至反cup都絕對唔出奇。呢場波，贏唔贏到，好大程度就睇我哋自己生唔生性，識唔識得有效率咁解決戰鬥。唔該，唔好再和啦！
對手：諾定咸森林 (客)
易食指數： ☆ ☆ ☆ ☆ ☆ (五星級難度，煞科戰生死鬥)
諗返今季首循環喺史丹福橋，我哋對住森林嗰場波真係嘔血。明明數據上我哋全面佔優 (控球接近七成，xG 過 2.0)，但就係對住人哋條密集防線束手無策，死都攻唔入。反而仲要因為一次角球防守漏咗人，畀人哋先開紀錄。雖然之後靠馬杜基追返平，甚至對面踢少個，我哋喺人數佔優下都贏唔到，最終只係 1:1 握手言和。呢場波完全暴露咗我哋面對鐵桶陣時，進攻板斧極度有限，而且死球攻防兩端都係災難級嘅老問題。
今次作客 City Ground，重要性同壓力都係幾何級數提升。呢鋪真係「Go Big or Go Home」。森林排緊第三，領先我哋三分，呢場波基本上就決定咗邊隊可以直接入歐聯分組賽。佢哋為咗保住呢個位，肯定會喺主場同你死纏爛打，戰意唔使懷疑。雖然話佢哋 OPTA 個 Power Ranking 排名唔算好高 (第20)，但能夠喺英超踢到臨尾排第三，尤其可能靠主場搶唔少分，絕對唔係僥倖。
關鍵： 破解鐵桶戰術 + 把握關鍵時刻。
要喺呢場生死戰攞到三分，首先就要解決首循環已經暴露咗嘅死症——點樣拆解森林嘅密集防守。馬蛇肯定要諗啲特別嘢出嚟，唔可以再係單調嘅邊路傳中，或者外圍亂咁試腳。係咪要畀彭馬更多喺禁區頂附近嘅自由度，利用佢嘅個人能力去突破或者做致命傳送？定係要靠安素更多手術刀式嘅長傳急攻轉移，去打亂佢哋嘅防守部署？增加禁區內嘅接應點、跑動穿插都好重要，唔可以畀佢哋啲中堅企定定咁舒服。
第二，踢到呢啲淘汰賽級嘅煞科戰，邊個精神力更強、更頂到壓，邊個就贏面大。所謂「決心」，唔係齋講，係要體現喺場上每一個細節：每一次回防嘅衝刺、每一次五五波嘅爭奪、每一次射門機會嘅冷靜處理。關鍵時刻，一定要有人夠膽識、夠承擔咁企出嚟，無論係一個攔到對方單刀嘅 Tackling、一個撲到必入波嘅神救，定係一個把握到僅有機會嘅入球，都可以決定成個賽季嘅努力有冇回報。上次就係死球失波，今場防守死球一定要打醒十二分精神，唔可以再喺呢啲位出錯。呢場波，真係少啲心血都頂唔順，睇下班球員爭唔爭氣啦！
總結：硬仗連場非最難，戰術失衡點樣救？
車路士最後五場聯賽嘅賽程絕對係地獄級難度，對手非富則貴，要全勝搶分幾乎冇可能。但比起對手有幾強，球迷可能更擔心馬蛇至今未能解決嘅戰術失衡問題。 為咗遷就防守平衡或者個別球員嘅不足（例如點樣最好咁用占士同古古尼亞嘅內切），似乎犧牲咗球隊嘅進攻流暢度，甚至迫使核心彭馬墮得太後，遠離危險地帶。
呢種情況導致球隊過份依賴個人「爆seed」贏波，就好似對富咸咁。一旦遇上強敵或者球員狀態回落，呢種戰術上嘅根本缺陷就會暴露無遺。所以，未來五場波真正嘅考驗，唔單止係球員嘅臨場發揮，更加係馬蛇能唔能夠搵到更好嘅戰術平衡，踢出更具整體性嘅足球。如果繼續單靠靈光一閃，要喺咁嘅賽程搶夠分衝入前五，前景實在難以樂觀。
========================================
Facebook Page已經開咗啦！如果鍾意我的文章可以入黎按個讚！
⭕️車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊