主場對住幾乎篤定降班嘅葉士域治 (Ipswich Town)，竟然只能夠勉強迫和 2:2，車路士喺爭奪下季歐聯資格嘅關鍵直路上面，就咁樣將主動權斷送咗俾人，呢個賽果除咗「失望」，可能仲要加多份「憤怒」！
成場波就好似坐過山車咁，開局明明係我哋撳住砌，瘋狂圍攻，點知自己一堆機會把握唔到，反而俾對手兩下簡單反擊就領先夠兩粒，半場噓聲四起絕對合理。換邊後雖然亡羊補牢，靠住對手烏龍波同後備入替嘅辛祖一腳世界波追平，但係埋門機會一籮籮最終都係贏唔返，眼白白送走咗兩分。
呢場關鍵失分，無疑令車仔爭五之路蒙上極大陰影，俾返晒機會後面嘅追兵。更令人沮喪嘅係，呢場波再次血淋淋咁暴露咗球隊成季嘅縮影——空有控球同數據優勢，但門前把握力欠奉，後防又時不時自爆。究竟呢啲老問題幾時先有得解決？
下文我哋就嚟深入拆解下今場波嘅戰術數據、點評個別球員表現，睇下呢場令人「谷鬼氣」嘅和波，究竟衰啲咩。
賽後點評：
又係呢味野，贏形勢輸結果： 睇返今場嘅數據統計，可能會令車迷更加「谷氣」。全場接近 74% 嘅控球率、88% 嘅場區傾斜度 (Field Tilt) 、多達 34 次射門、19 次禁區內攻門、創造出高達 3.42 嘅預期入球 (xG)——呢啲數據完全係「撳住砌」嘅表現。但結果呢？只係靠一個烏龍波同辛祖嘅個人表演追和 2:2。呢個「贏形勢、輸結果」嘅劇本，今季我哋睇得仲少咩？
把握力災難，浪費黃金機會嘅英超「一哥」： 數據唔會呃人：空有數據優勢，但把握力再次成為致命傷。事實上，根據統計，車仔今場 4 次「黃金機會」(Big Chances) 全部錯失，令我哋不幸咁成為今季英超「浪費最多黃金機會」嘅球隊 (Most Big Chances Missed in PL)。由開波積臣中柱，到之後馬杜基、高維爾嘅機會，再到尾段彭馬、安素的射門被對面門將神救，一次又一次嘅門前失機。
豆腐渣防線？兩下反擊失兩球： 進攻便秘嘅同時，後防又再次自爆。上半場被對手嘅 1.46 xG 換到兩球，絕對係災難級。第一個失球，安斯素 (Enciso) 輕鬆擺脫我哋幾個防守球員攝前柱篤入；第二球莊遜 (Johnson) 更加係喺後柱無人看管下頂入。馬蛇賽後話失第一球後「失去信心」、「無堅持短傳」，呢啲或者係原因之一，但防線接連失誤、集中力不足，恐怕先係主因。
半場變陣，修正上半場的戰術實驗： 部分球迷對「怪陣」嘅質疑，或者可以從馬蛇嘅戰術意圖去理解。上半場，佢似乎想透過壓前防線、增加中場人數，為前線創造更多機會。結構上，利用 阿達拉比奧尤 留後形成類似三中堅嘅佈局，再配合古古尼亞 (Cucurella) 大膽前插，支援中前場。半場數據上，呢個部署確實換嚟極高控球率 (75.6%) 同唔少射門 (15次)。但實際效果呢？破密集仍然乏力，更嚴重嘅係空中對抗完全捱打 (上半場 2-13)，顯示呢個「實驗」可能顧此失彼，未能有效轉化成入球威脅之餘，防守亦有隱患。半場落後兩球，馬蛇果斷修正：換入正宗攻擊型右閘古斯度 (Gusto) 取代阿達拉比奧尤，將查洛巴 (Chalobah) 移回中路。呢個變動明顯係想進一步加強攻擊力，推古古同新上場嘅古斯度更上前，利用兩閘加兩翼闊度衝擊對手。效果係即時嘅——18秒追近一球，下半場空中對抗亦回復正常 (13-11)，整體攻勢亦更見凌厲，為之後追平奠定基礎。
換邊反撲靠辛祖，可惜臨尾香： 換邊後，18 秒就靠對手烏龍追近係好快，亦點燃咗反撲嘅希望。之後換入辛祖，佢亦不負所託射入世界波追平，尾段亦製造咗唔少機會。但除咗辛祖嘅靈光一閃，球隊整體嘅進攻套路係咪真係有明顯改善？面對葉士域治嘅頑抗同佢哋門將 彭馬 嘅超水準發揮 (8 次撲救，+1.24 Goals Prevented)，我哋最終都係無力反勝。
狀態跌入谷底？近15場聯賽敲響警鐘： 或者有人會話，和波啫，使唔使咁愁？但將呢場波放喺近期表現嚟睇，就真係笑唔出。計埋今場，我哋近 15 場英超聯賽，竟然只係排喺第 14 位，得失球差仲要係 -1！ 喺非護級球隊入面，只係得曼聯、韋斯咸同熱刺比我哋更差。呢個數字，足以證明今場嘅失分並非偶然，而係球隊近期積弱嘅真實反映。
個別表現：
山齊士 (Robert Sánchez)：小丑山齊士，又係你……
❌ 失球：2
❌ 入球阻止： -0.66
❌ 長傳成功率：10 (2) (20%)
⭕️ 面對預計入球 (xGOT faced)：1.34
⭕️ 撲救：2
今場山齊士嘅表現，數據再次印證咗球迷嘅擔憂。面對 1.34 嘅預計門框範圍內失球 (xGOT faced)，最終失咗兩球，導致佢嘅「阻止失球」數據 (Goals Prevented) 係負數 (-0.66)，客觀反映佢未能救出按射門質素嚟講應該救到嘅波。失球責任固然唔能夠完全歸咎於佢，但作為最後一關，佢嘅表現低於預期係不爭事實。除咗撲救，佢嘅腳下功夫都已經講到口臭，長傳成功率只得可憐嘅兩成，對於需要由後場組織嘅馬蛇體系嚟講，呢個無疑係一個弱點，亦限制咗球隊快速反擊嘅可能性。甚至佢作為門將係咪可以有其他方面做得更好？例如出聲提醒古古身後有鬼、或者改善出迎時間限制對手射門角度等等？
辛祖 (Jadon Sancho)：世界波救主，高效替補顯功架
⭕️ 入球：1
⭕️ 預計入球 (xGOT): 0.81
❌ xG ： 0.05
⭕️ 創造機會：3
⭕️ 傳球成功率：11 (10) (91%)
⭕️ 向前推進傳球 (PrgP): 3
❌ 嘗試過人 (成功)：1 (0) (0%)
❌ 對抗成功率：3 (0) (0%)
馬蛇 67 分鐘用佢換走馬杜基，當時唔少球迷 (可能包括我) 都 R 晒頭，覺得換走咗場上最有威脅嘅球員，同自殺無分別，但後備上陣嘅辛祖，絕對係今場車路士嘅亮點。佢嗰腳世界波技驚四座，數據上更加體現出佢嘅射術：明明係一個入球機會唔高嘅位置 (xG 0.05)，但射門嘅質量極高 (xGOT 0.81)，角度、力度都無懈可擊。
除咗入波，短短 20 幾分鐘內，佢仲創造咗 3 次入球機會，效率驚人。有趣嘅係，佢今場嘅決定性影響主要嚟自傳球同射門，反而喺個人盤扭同地面對抗方面冇乜表現 (1次過人失敗、3次對抗全敗)。無論如何，佢嘅上陣確實改變咗戰局，係車仔能夠喺攻擊便秘下搶返一分嘅關鍵人物。呢種改變戰局嘅表現，先係大家想喺佢身上睇到嘅嘢！
彭馬 (Cole Palmer)：創造力冠絕歐洲，埋門觸覺尚待回魂
⭕️ 助攻：1
⭕️ 創造機會：4
⭕️ 創造射門機會：16 (全場最高)
⭕️ 傳入進攻三區：10
⭕️ 向前推進傳球 (PrgP): 19 (全場最高)❌ 射門 (命中)：6 (1)
❌ 地面對抗成功率：6 (1) (17%)
❌ 嘗試過人 (成功)：4 (1) (25%)
作為球隊嘅進攻核心，彭馬今場喺組織串連方面依然交足功課：全場 16 次射門機會創造 (SCA) 冠絕全場，向前推進傳球 (PrgP) 多達 19 次，傳咗 10 球入進攻三區，傳球成功率亦高達 91%、關鍵傳球 4 次，仲送出 1 個助攻。放眼歐洲五大聯賽，佢今季累積嘅射門機會創造總數 (175次) 更加係冠絕群雄，甚至拋離第二位嘅般奴費南迪斯 (156次)，足以證明佢持續穩定輸出嘅頂級創造力。
但係，光環之下嘅陰影亦同樣明顯。問題出喺佢嘅臨門一腳同埋對抗上面。全場 6 次射門，只得 1 次命中目標， 4 次俾人封阻，17% 嘅命中率對佢嚟講絕對係唔合格。尾段嗰腳本身可以絕殺嘅靚射，亦都被對方門將神勇救出，似乎近排嘅「入球荒」仲未完全過去。
另外，佢今場喺身體對抗上亦都輸得好慘，8 次同對手爭奪只贏得 1 次，地面同空中爭頂兩者都處於下風，過人成功率亦偏低。呢啲數據可能解釋咗點解佢今場雖然仍然活躍，但整體威脅性似乎比平時低，可能係被對手重點招呼，或者喺身體對抗下影響咗發揮。總括嚟講，彭馬嘅大腦同創造力依然係度，但要重拾射門鞋同埋搵方法喺激烈對抗下保持高效，係佢需要面對嘅課題。
積臣 (Nicolas Jackson)：中柱 + 浪費機會 = 常態？
❌ 入球：0
❌ 預計入球 (xG)：0.39
❌ 錯失黃金機會: 1
❌ 射門 (命中)： 5 (0)
❌ 嘗試過人 (成功)：0 (0)⭕️ 中柱：1
積臣今場嘅表現，可以話係車路士鋒線困境嘅縮影。開波早段中柱或者可以歸咎於運氣，但全場 5 次射門，竟然連一次中目標都冇 (xGOT = 0.00)，仲要錯失一次黃金機會，呢個表現實在令人失望。佢嘅 0.39 xG 證明球隊或者佢自己係創造到一定嘅機會，可惜埋門果下就連考驗下對方門將都做唔到。
除咗把握力，佢今場喺創造機會 (0次) 同地面對抗 (成功率20%) 方面都冇乜貢獻。雖然跑動可能有戰術價值，例如拉扯開對方的防線製造空間，但持續嘅失機表現，真係令人懷疑佢係咪適合做車仔嘅主力，86 分鐘被換走算係合情合理 (不過換成安宮古就有少少難接受咁解)。
高維爾 (Levi Colwill - 兵長)：攻強守弱？對抗數據響警號
⭕️ 傳球：80/86 (93%)
⭕️ 創造機會：2
⭕️ 向前推進傳球: 12
⭕️ 射門 (命中)：4 (1)
❌ 對抗失敗：8 (全場最多)
❌ 地面對抗成功率：6 (2) (33%)
❌ 犯規：4
⭕️ 空中對抗成功率：8 (4) (50%)
「兵長」高維爾今場數據好壞參半。好嘅方面，佢喺後場傳控非常穩定 (93%成功率)，傳球入進攻三區次數亦多 (12次)，甚至喺進攻端都有貢獻，一次黃金頭槌機會 (xGOT 0.50) 差啲就入波。但壞的方面係，佢嘅防守數據令人擔憂：全場輸咗 8 次對抗係全隊最多，地面防守尤其掙扎 (成功率僅 33%)，仲有 4 次犯規。
雖然空中對抗有 50% 成功率，但考慮到兩個失球同上半場空中劣勢，佢作為防線核心嘅一對一防守能力同穩定性似乎仲未達到令人放心嘅水平。攻守兩端嘅落差，係佢需要盡快改善嘅地方。
作為中堅的必然正選，高維爾係咪可以做得更好去指揮防線？兩個失球，特別係第二球後柱漏頂，佢同細查嘅防守組合係咪有溝通問題或者判斷失誤？對一個被寄予厚望嘅年輕中堅嚟講，今場嘅防守表現似乎仲係要球隊「交更多學費」。
總結：
一場對住幾乎篤定降班嘅葉士域治、主場作戰、形勢大好之下嘅和波，最終可能係斷送我哋爭奪下季歐聯入場券嘅致命傷。痛失呢兩分之後，我哋喺聯賽榜嘅位置岌岌可危，爭五形勢由主動變為極度被動。考慮到球隊近期嘅低迷狀態，加上餘下賽程唔少硬仗，想後來居上重奪前五席位？恐怕需要奇蹟，仲要祈求競爭對手不斷失分先得。
又一次期望換嚟失望，呢隊年輕嘅車路士，似乎仲未學識點樣穩定咁贏啲應該要贏嘅波、彭馬的表現仍然持續低迷未見起色。究竟係馬蛇嘅戰術未能有效發揮、定係球員嘅執行力同心理質素未夠班？呢個問題嘅答案，可能直接決定我哋下季到底係踢歐聯、歐霸定係歐協聯... 睇怕，各位車迷，都係要繼續「捱」落去，睇下季尾會唔會有驚喜 (或者驚嚇) 啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
成場波就好似坐過山車咁，開局明明係我哋撳住砌，瘋狂圍攻，點知自己一堆機會把握唔到，反而俾對手兩下簡單反擊就領先夠兩粒，半場噓聲四起絕對合理。換邊後雖然亡羊補牢，靠住對手烏龍波同後備入替嘅辛祖一腳世界波追平，但係埋門機會一籮籮最終都係贏唔返，眼白白送走咗兩分。
呢場關鍵失分，無疑令車仔爭五之路蒙上極大陰影，俾返晒機會後面嘅追兵。更令人沮喪嘅係，呢場波再次血淋淋咁暴露咗球隊成季嘅縮影——空有控球同數據優勢，但門前把握力欠奉，後防又時不時自爆。究竟呢啲老問題幾時先有得解決？
下文我哋就嚟深入拆解下今場波嘅戰術數據、點評個別球員表現，睇下呢場令人「谷鬼氣」嘅和波，究竟衰啲咩。
賽後點評：
又係呢味野，贏形勢輸結果： 睇返今場嘅數據統計，可能會令車迷更加「谷氣」。全場接近 74% 嘅控球率、88% 嘅場區傾斜度 (Field Tilt) 、多達 34 次射門、19 次禁區內攻門、創造出高達 3.42 嘅預期入球 (xG)——呢啲數據完全係「撳住砌」嘅表現。但結果呢？只係靠一個烏龍波同辛祖嘅個人表演追和 2:2。呢個「贏形勢、輸結果」嘅劇本，今季我哋睇得仲少咩？
把握力災難，浪費黃金機會嘅英超「一哥」： 數據唔會呃人：空有數據優勢，但把握力再次成為致命傷。事實上，根據統計，車仔今場 4 次「黃金機會」(Big Chances) 全部錯失，令我哋不幸咁成為今季英超「浪費最多黃金機會」嘅球隊 (Most Big Chances Missed in PL)。由開波積臣中柱，到之後馬杜基、高維爾嘅機會，再到尾段彭馬、安素的射門被對面門將神救，一次又一次嘅門前失機。
豆腐渣防線？兩下反擊失兩球： 進攻便秘嘅同時，後防又再次自爆。上半場被對手嘅 1.46 xG 換到兩球，絕對係災難級。第一個失球，安斯素 (Enciso) 輕鬆擺脫我哋幾個防守球員攝前柱篤入；第二球莊遜 (Johnson) 更加係喺後柱無人看管下頂入。馬蛇賽後話失第一球後「失去信心」、「無堅持短傳」，呢啲或者係原因之一，但防線接連失誤、集中力不足，恐怕先係主因。
半場變陣，修正上半場的戰術實驗： 部分球迷對「怪陣」嘅質疑，或者可以從馬蛇嘅戰術意圖去理解。上半場，佢似乎想透過壓前防線、增加中場人數，為前線創造更多機會。結構上，利用 阿達拉比奧尤 留後形成類似三中堅嘅佈局，再配合古古尼亞 (Cucurella) 大膽前插，支援中前場。半場數據上，呢個部署確實換嚟極高控球率 (75.6%) 同唔少射門 (15次)。但實際效果呢？破密集仍然乏力，更嚴重嘅係空中對抗完全捱打 (上半場 2-13)，顯示呢個「實驗」可能顧此失彼，未能有效轉化成入球威脅之餘，防守亦有隱患。半場落後兩球，馬蛇果斷修正：換入正宗攻擊型右閘古斯度 (Gusto) 取代阿達拉比奧尤，將查洛巴 (Chalobah) 移回中路。呢個變動明顯係想進一步加強攻擊力，推古古同新上場嘅古斯度更上前，利用兩閘加兩翼闊度衝擊對手。效果係即時嘅——18秒追近一球，下半場空中對抗亦回復正常 (13-11)，整體攻勢亦更見凌厲，為之後追平奠定基礎。
換邊反撲靠辛祖，可惜臨尾香： 換邊後，18 秒就靠對手烏龍追近係好快，亦點燃咗反撲嘅希望。之後換入辛祖，佢亦不負所託射入世界波追平，尾段亦製造咗唔少機會。但除咗辛祖嘅靈光一閃，球隊整體嘅進攻套路係咪真係有明顯改善？面對葉士域治嘅頑抗同佢哋門將 彭馬 嘅超水準發揮 (8 次撲救，+1.24 Goals Prevented)，我哋最終都係無力反勝。
狀態跌入谷底？近15場聯賽敲響警鐘： 或者有人會話，和波啫，使唔使咁愁？但將呢場波放喺近期表現嚟睇，就真係笑唔出。計埋今場，我哋近 15 場英超聯賽，竟然只係排喺第 14 位，得失球差仲要係 -1！ 喺非護級球隊入面，只係得曼聯、韋斯咸同熱刺比我哋更差。呢個數字，足以證明今場嘅失分並非偶然，而係球隊近期積弱嘅真實反映。
個別表現：
山齊士 (Robert Sánchez)：小丑山齊士，又係你……
❌ 失球：2
❌ 入球阻止： -0.66
❌ 長傳成功率：10 (2) (20%)
⭕️ 面對預計入球 (xGOT faced)：1.34
⭕️ 撲救：2
今場山齊士嘅表現，數據再次印證咗球迷嘅擔憂。面對 1.34 嘅預計門框範圍內失球 (xGOT faced)，最終失咗兩球，導致佢嘅「阻止失球」數據 (Goals Prevented) 係負數 (-0.66)，客觀反映佢未能救出按射門質素嚟講應該救到嘅波。失球責任固然唔能夠完全歸咎於佢，但作為最後一關，佢嘅表現低於預期係不爭事實。除咗撲救，佢嘅腳下功夫都已經講到口臭，長傳成功率只得可憐嘅兩成，對於需要由後場組織嘅馬蛇體系嚟講，呢個無疑係一個弱點，亦限制咗球隊快速反擊嘅可能性。甚至佢作為門將係咪可以有其他方面做得更好？例如出聲提醒古古身後有鬼、或者改善出迎時間限制對手射門角度等等？
辛祖 (Jadon Sancho)：世界波救主，高效替補顯功架
⭕️ 入球：1
⭕️ 預計入球 (xGOT): 0.81
❌ xG ： 0.05
⭕️ 創造機會：3
⭕️ 傳球成功率：11 (10) (91%)
⭕️ 向前推進傳球 (PrgP): 3
❌ 嘗試過人 (成功)：1 (0) (0%)
❌ 對抗成功率：3 (0) (0%)
馬蛇 67 分鐘用佢換走馬杜基，當時唔少球迷 (可能包括我) 都 R 晒頭，覺得換走咗場上最有威脅嘅球員，同自殺無分別，但後備上陣嘅辛祖，絕對係今場車路士嘅亮點。佢嗰腳世界波技驚四座，數據上更加體現出佢嘅射術：明明係一個入球機會唔高嘅位置 (xG 0.05)，但射門嘅質量極高 (xGOT 0.81)，角度、力度都無懈可擊。
除咗入波，短短 20 幾分鐘內，佢仲創造咗 3 次入球機會，效率驚人。有趣嘅係，佢今場嘅決定性影響主要嚟自傳球同射門，反而喺個人盤扭同地面對抗方面冇乜表現 (1次過人失敗、3次對抗全敗)。無論如何，佢嘅上陣確實改變咗戰局，係車仔能夠喺攻擊便秘下搶返一分嘅關鍵人物。呢種改變戰局嘅表現，先係大家想喺佢身上睇到嘅嘢！
彭馬 (Cole Palmer)：創造力冠絕歐洲，埋門觸覺尚待回魂
⭕️ 助攻：1
⭕️ 創造機會：4
⭕️ 創造射門機會：16 (全場最高)
⭕️ 傳入進攻三區：10
⭕️ 向前推進傳球 (PrgP): 19 (全場最高)❌ 射門 (命中)：6 (1)
❌ 地面對抗成功率：6 (1) (17%)
❌ 嘗試過人 (成功)：4 (1) (25%)
作為球隊嘅進攻核心，彭馬今場喺組織串連方面依然交足功課：全場 16 次射門機會創造 (SCA) 冠絕全場，向前推進傳球 (PrgP) 多達 19 次，傳咗 10 球入進攻三區，傳球成功率亦高達 91%、關鍵傳球 4 次，仲送出 1 個助攻。放眼歐洲五大聯賽，佢今季累積嘅射門機會創造總數 (175次) 更加係冠絕群雄，甚至拋離第二位嘅般奴費南迪斯 (156次)，足以證明佢持續穩定輸出嘅頂級創造力。
但係，光環之下嘅陰影亦同樣明顯。問題出喺佢嘅臨門一腳同埋對抗上面。全場 6 次射門，只得 1 次命中目標， 4 次俾人封阻，17% 嘅命中率對佢嚟講絕對係唔合格。尾段嗰腳本身可以絕殺嘅靚射，亦都被對方門將神勇救出，似乎近排嘅「入球荒」仲未完全過去。
另外，佢今場喺身體對抗上亦都輸得好慘，8 次同對手爭奪只贏得 1 次，地面同空中爭頂兩者都處於下風，過人成功率亦偏低。呢啲數據可能解釋咗點解佢今場雖然仍然活躍，但整體威脅性似乎比平時低，可能係被對手重點招呼，或者喺身體對抗下影響咗發揮。總括嚟講，彭馬嘅大腦同創造力依然係度，但要重拾射門鞋同埋搵方法喺激烈對抗下保持高效，係佢需要面對嘅課題。
積臣 (Nicolas Jackson)：中柱 + 浪費機會 = 常態？
❌ 入球：0
❌ 預計入球 (xG)：0.39
❌ 錯失黃金機會: 1
❌ 射門 (命中)： 5 (0)
❌ 嘗試過人 (成功)：0 (0)⭕️ 中柱：1
積臣今場嘅表現，可以話係車路士鋒線困境嘅縮影。開波早段中柱或者可以歸咎於運氣，但全場 5 次射門，竟然連一次中目標都冇 (xGOT = 0.00)，仲要錯失一次黃金機會，呢個表現實在令人失望。佢嘅 0.39 xG 證明球隊或者佢自己係創造到一定嘅機會，可惜埋門果下就連考驗下對方門將都做唔到。
除咗把握力，佢今場喺創造機會 (0次) 同地面對抗 (成功率20%) 方面都冇乜貢獻。雖然跑動可能有戰術價值，例如拉扯開對方的防線製造空間，但持續嘅失機表現，真係令人懷疑佢係咪適合做車仔嘅主力，86 分鐘被換走算係合情合理 (不過換成安宮古就有少少難接受咁解)。
高維爾 (Levi Colwill - 兵長)：攻強守弱？對抗數據響警號
⭕️ 傳球：80/86 (93%)
⭕️ 創造機會：2
⭕️ 向前推進傳球: 12
⭕️ 射門 (命中)：4 (1)
❌ 對抗失敗：8 (全場最多)
❌ 地面對抗成功率：6 (2) (33%)
❌ 犯規：4
⭕️ 空中對抗成功率：8 (4) (50%)
「兵長」高維爾今場數據好壞參半。好嘅方面，佢喺後場傳控非常穩定 (93%成功率)，傳球入進攻三區次數亦多 (12次)，甚至喺進攻端都有貢獻，一次黃金頭槌機會 (xGOT 0.50) 差啲就入波。但壞的方面係，佢嘅防守數據令人擔憂：全場輸咗 8 次對抗係全隊最多，地面防守尤其掙扎 (成功率僅 33%)，仲有 4 次犯規。
雖然空中對抗有 50% 成功率，但考慮到兩個失球同上半場空中劣勢，佢作為防線核心嘅一對一防守能力同穩定性似乎仲未達到令人放心嘅水平。攻守兩端嘅落差，係佢需要盡快改善嘅地方。
作為中堅的必然正選，高維爾係咪可以做得更好去指揮防線？兩個失球，特別係第二球後柱漏頂，佢同細查嘅防守組合係咪有溝通問題或者判斷失誤？對一個被寄予厚望嘅年輕中堅嚟講，今場嘅防守表現似乎仲係要球隊「交更多學費」。
總結：
一場對住幾乎篤定降班嘅葉士域治、主場作戰、形勢大好之下嘅和波，最終可能係斷送我哋爭奪下季歐聯入場券嘅致命傷。痛失呢兩分之後，我哋喺聯賽榜嘅位置岌岌可危，爭五形勢由主動變為極度被動。考慮到球隊近期嘅低迷狀態，加上餘下賽程唔少硬仗，想後來居上重奪前五席位？恐怕需要奇蹟，仲要祈求競爭對手不斷失分先得。
又一次期望換嚟失望，呢隊年輕嘅車路士，似乎仲未學識點樣穩定咁贏啲應該要贏嘅波、彭馬的表現仍然持續低迷未見起色。究竟係馬蛇嘅戰術未能有效發揮、定係球員嘅執行力同心理質素未夠班？呢個問題嘅答案，可能直接決定我哋下季到底係踢歐聯、歐霸定係歐協聯... 睇怕，各位車迷，都係要繼續「捱」落去，睇下季尾會唔會有驚喜 (或者驚嚇) 啦。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊