喺歐協聯八強首回合賽事，車路士作客波蘭球隊華沙軍團 (Legia Warsaw)，雖然上半場表現一度發生「進攻便秘」的問題，但憑住下半場嘅變陣同「青春風暴」，最終以 3:0 大勝主隊，為晉級四強打下極為有利嘅基礎。
今場比賽嘅焦點，無疑落喺幾位年輕球員身上。由青訓系統一手提拔嘅 19 歲小將泰基 佐治 (Tyrique George) 攻入咗佢為一隊上陣嘅「處子球」，而傷癒復出、半場先至後備上陣嘅翼鋒馬杜基 (Noni Madueke) 更係梅開二度，成為贏波最大功臣。佢哋嘅出色表現，完美呼應咗今場嘅「青春風暴」主題。
當然，比賽過程並非一帆風順。球隊上半場受制於對手嘅密集防守，顯得老鼠拉龜，乏善可陳；下半場雖然火力全開，但亦有安宮古 (Christopher Nkunku) 射失十二碼嘅小插曲，再次反映呢位法國前鋒嘅低迷狀態。不過，瑕不掩瑜，呢場 3:0 嘅勝仗，足以令車仔帶住巨大優勢返到史丹福橋。
賽後點評：
輪換球員佈陣： 面對實力稍遜嘅華沙軍團，加上首回合係作客，領隊 馬蛇 (Enzo Maresca) 今場作出咗 5 個輪換決定，俾咗唔少球員機會。門將位置由佐真遜 (Filip Jørgensen) 把關，後防線有年輕嘅艾殊邦 (Josh Acheampong) 同 巴迪亞舒尼 (Benoît Badiashile) 擔正，前場亦都俾咗小將 佐治 正選機會，夥拍彭馬 (Cole Palmer)、辛祖 (Jadon Sancho) 同安宮古 (Christopher Nkunku)。睇得出 馬蛇 想喺歐協聯俾部分主力休息，同時考察下邊緣球員同後生仔。
煙霧瀰漫同慢熱上半場： 比賽一開始，波蘭主場嘅氣氛果然名不虛傳，煙霧瀰漫加熱烈打氣聲震耳欲聾。不過場面上，車路士好快就反客為主，控制住絕大部分嘅控球權 (上半場已經高達 74%)。面對住華沙軍團擺出嘅 龜縮 5-4-1 陣式，大幅壓縮中後場空間，車路士嘅進攻完全陷入困局，出現 「進攻便秘」 情況。球隊雖然好多時間喺對方半場搓波，但節奏過於緩慢，缺乏有效嘅穿透同變速，成個半場老鼠拉龜，只係不停喺外圍猜波，製造唔到真正有威脅嘅攻門。上半場嘅預期入球值 (xG) 只有 0.62，足以反映進攻效率有幾低，當中最有威脅嘅可能只有KDH (Kiernan Dewsbury-Hall) 幾次殺入禁區嘅嘗試，但通通未能把握。
雙面刃的「泊大巴」戰術： 有趣嘅係，華沙軍團呢個「泊大巴」戰術，雖然成功阻止咗車仔上半場嘅進攻，但同時亦都完全犧牲咗自己嘅反擊能力。佢哋全場只有 8 次射門 1 次中龍，xG 更只得 0.44。上半場對車仔龍門嘅威脅近乎零，搞到正選嘅佐真遜非常清閒，甚至得閒到可以喺龍門口淥個杯麵食住睇波。
半場變陣加強攻勢： 半場 0:0 嘅悶局，馬蛇 顯然唔收貨。佢喺下半場一開始就作出兩個關鍵調動：用馬杜基 (Noni Madueke) 入替表現平平嘅彭馬，再用高維爾 (Levi Colwill) 換走阿達拉比奧尤 (Tosin Adarabioyo)。戰術上亦有調整，佐治被推上中鋒位置，安宮古移後少少，辛祖轉去左路。
變陣效果立竿見影： 馬蛇呢個半場嘅變動效果可以話係立竿見影！下半場一開波，車路士嘅進攻節奏明顯加快，前場嘅壓迫同跑動更具威脅。開賽僅 4 分鐘就收到成效，隊長占士 (Reece James) 一腳遠射雖然被對方門將撲出，但反應最快嘅佐治喺門前成功「執雞」補射得手，攻入佢個人嘅一隊處子球，為車仔打破僵局！士氣大振嘅藍軍繼續施壓，去到 57 分鐘，再藉住對方門將一次解圍失誤，由辛祖截到波後冷靜橫傳，助攻馬杜基輕鬆射入，迅速將比分擴大到 2:0。半場嘅調整可以話係即時激活咗成隊波嘅進攻。
安宮古繼續迷失、辛祖梅開二度助攻 不過，喺形勢大好之際，亦都有令人失望嘅小插曲。 73 分鐘，KDH 衝入禁區博到十二碼，可惜負責操刀嘅安宮古再次「不負眾望」，佢嘅射門角度太正被對方門將輕易撲出，未能錦上添花，亦都反映咗佢持續低迷嘅狀態同信心危機。但車仔並冇俾呢次失機影響，僅僅 25 秒之後，再由表現活躍嘅辛祖發難，喺禁區內個人表演後再次精妙橫傳，助攻馬杜基近門輕鬆撞入，完成梅開二度，將比分鎖定為 3:0！辛祖今場交出兩次關鍵助攻，絕對係下半場嘅功臣之一，亦都令安宮古嘅迷失顯得更加礙眼。
數據總覽： 總結全場數據，車路士以 4.08 vs 0.44 嘅預期入球值 (xG)、24 vs 8 嘅射門次數、10 vs 1 嘅中目標次數，展現出壓倒性嘅優勢。雖然上半場一度因為對方嘅密集防守同自身嘅慢熱而陷入苦戰，但憑住下半場嘅強力反彈，最終都係輕鬆贏波，並且保持清白之身，喺晉級路上攞到巨大優勢。車路士下半場嘅表現同上半場判若兩隊。短短 45 分鐘就瘋狂起咗 14 次腳，其中 8 次中目標，創造出 高達 3.45 嘅預期入球值 (xG)！呢個數字遠超上半場嘅 0.62，足證 馬蛇 半場嘅變陣同換人尚算成功。
個別表現：
馬杜基 (Noni Madueke)：
半場救世主？梅開二度狀態回勇
⭕️ 入球: 2
⭕️ 預計入球 xG: 1.23
⭕️ 射門 (命中): 2 (2)
⭕️ 傳球成功率: 100% (20 / 20)
⭕️ 嘗試過人 (成功): 2 (1)
如果話上半場車路士係「進攻便秘」，咁半場入替嘅馬杜基就肯定係最強「金油條」！只係踢咗 45 分鐘，佢就用兩次極具效率嘅埋門梅開二度，而且兩次射門都中目標，預計入球值高達 1.23，把握力驚人。更加難得嘅係，佢全場 20 次傳球全部成功，錄得 100% 成功率，仲有 1 次成功過人。傷癒復出就有咁嘅表現，狀態睇嚟恢復得相當唔錯，絕對係今場最佳球員嘅有力競爭者，亦證明只要俾到機會佢，佢係有能力改變戰局。
泰基佐治 (Tyrique George)：
處子球值得紀念，信心越踢越有
⭕️ 入球: 1
⭕️ 預計入球 xG: 0.53
⭕️ 射門 (命中): 1 (1)
對 19 歲嘅佐治嚟講，呢一晚肯定畢生難忘。今場獲得正選機會，雖然上半場喺左路未算太突出，但下半場移入中路後即刻有斬獲，憑住敏銳嘅門前觸覺，執到隊長占士射門嘅「死雞」，冷靜補射入網，攻入佢為車路士一隊上陣嘅第一個入球！呢個入球對佢肯定係極大鼓舞。雖然全場數據唔算非常亮眼 (例如冇關鍵傳球)，但能夠喺重要比賽取得入球，已經係一個重要里程碑。
艾殊邦 (Josh Acheampong)：
全能表現震驚四座
⭕️ 傳球成功率: 97% (83 / 86)
⭕️ 關鍵傳球: 2
⭕️ 成功過人: 2 (2)
⭕️ 攔截: 2
⭕️ 爭頂 (成功): 1 (0)
雖然冇入波冇助攻，但艾殊邦可能先係今場最令 馬蛇 心花怒放嘅球員。馬蛇 賽後直言「愛上咗佢」，睇返數據都唔係冇原因。艾殊邦今場踢過右閘、中場、甚至可能客串過中堅，展現出驚人嘅適應力。佢 傳球成功率高達 97%，仲交出咗 2 次關鍵傳球 同 2 次成功過人，以一個 18 歲、主要踢後防嘅小將嚟講，呢個表現絕對係技驚四座。佢嘅冷靜、技術、同埋願意學習嘅態度 (馬蛇講架咋，唔係我)，前途無可限量。
安宮古 (Christopher Nkunku)：
信心危機？十二碼宴客再響警號
❌ 十二碼射失: 1
❌ 錯失大機會: 1
❌ 射門 (命中): 4 (2)
⭕️ 預計入球 xG: 1.16
⭕️ 地面對抗 (成功): 6 (4)
唉，講到安宮古，真係唔知可以講咩好。今場佢再次令人失望，最觸目嘅當然係射失嗰球十二碼，射得又慢又冇角度，俾對方門將輕鬆捉到路。雖然佢全場預計入球值高達 1.16，射門次數亦有 4 次 (2次中目標)，顯示佢其實係有走到啲入球位置，但就係把握唔到。佢冬窗果時仲話要更多正選機會，可惜換嚟嘅只係令球迷一次又一次嘅失望。馬蛇都承認佢可能缺乏信心，但如果連十二碼都射成咁，佢嘅信心危機睇怕相當嚴重。球迷對佢嘅耐性，似乎都差唔多磨滅晒。
KDH (Kiernan Dewsbury-Hall)：
勤力有餘，埋門一腳「幫對面」？
⭕️ 預計入球 xG: 0.72
⭕️ 博得十二碼: 1
❌ 錯失大機會: 1
❌ 射門 (命中): 5 (2)
⭕️ 地面對抗 (成功): 6 (5)
⭕️ 鏟斷: 2
KDH 今場絕對係非常活躍，滿場飛奔，地面對抗贏咗 5 次，仲成功博到一個十二碼。數據都睇得出佢好積極咁嘗試埋門，5 次射門換嚟 0.72 嘅xG，僅次於安宮古。但問題就係，佢啲埋門處理真係「幫咗對面唔少」。5 次射門只得 2 次中目標，仲要錯失咗一個大好機會。走位同衝勁係值得肯定嘅，但喺臨門一腳嘅冷靜同準繩度方面，真係要好好改善下，如果唔係咁多機會都變唔到入球，反而係浪費咗球隊嘅努力。
總結：
車路士去大老遠作客波蘭球隊，最終以 3:0 嘅比分凱旋，可以話係一場有驚無險、結果令人滿意嘅勝仗。呢個賽果為藍軍喺歐協聯八強首回合已經建立咗巨大優勢，幾乎可以話係「半隻腳入咗四強」，只要次回合唔好太大意，晉級形勢非常樂觀。
但大勝之下亦非全無隱憂。上半場進攻再次暴露面對「鐵桶陣」時辦法唔多、節奏緩慢嘅老問題，呢點需要 馬蛇繼續諗計解決。個別球員嘅狀態亦令人擔心：安宮古 再次交出令人失望嘅表現，射失十二碼只係佢目前低迷信心嘅一個縮影；核心彭馬今場亦都相對沉寂，半場就被換走，佢嘅入球荒似乎仲要持續一段時間；KDH 雖然活躍，但臨門一腳嘅處理亦都有待改善。
歐協聯作為車仔今季少數可以爭奪嘅錦標，同時亦係爭取下季歐霸資格嘅重要途徑，球隊必須保持穩定性同解決現有問題。接下來對葉士域治嘅聯賽，以至次回合嘅比賽，都係 馬蛇 同一眾球員需要繼續交功課嘅時候。希望今場下半場嘅「青春風暴」，可以為球隊帶嚟更多衝擊同良性競爭。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
今場比賽嘅焦點，無疑落喺幾位年輕球員身上。由青訓系統一手提拔嘅 19 歲小將泰基 佐治 (Tyrique George) 攻入咗佢為一隊上陣嘅「處子球」，而傷癒復出、半場先至後備上陣嘅翼鋒馬杜基 (Noni Madueke) 更係梅開二度，成為贏波最大功臣。佢哋嘅出色表現，完美呼應咗今場嘅「青春風暴」主題。
當然，比賽過程並非一帆風順。球隊上半場受制於對手嘅密集防守，顯得老鼠拉龜，乏善可陳；下半場雖然火力全開，但亦有安宮古 (Christopher Nkunku) 射失十二碼嘅小插曲，再次反映呢位法國前鋒嘅低迷狀態。不過，瑕不掩瑜，呢場 3:0 嘅勝仗，足以令車仔帶住巨大優勢返到史丹福橋。
賽後點評：
輪換球員佈陣： 面對實力稍遜嘅華沙軍團，加上首回合係作客，領隊 馬蛇 (Enzo Maresca) 今場作出咗 5 個輪換決定，俾咗唔少球員機會。門將位置由佐真遜 (Filip Jørgensen) 把關，後防線有年輕嘅艾殊邦 (Josh Acheampong) 同 巴迪亞舒尼 (Benoît Badiashile) 擔正，前場亦都俾咗小將 佐治 正選機會，夥拍彭馬 (Cole Palmer)、辛祖 (Jadon Sancho) 同安宮古 (Christopher Nkunku)。睇得出 馬蛇 想喺歐協聯俾部分主力休息，同時考察下邊緣球員同後生仔。
煙霧瀰漫同慢熱上半場： 比賽一開始，波蘭主場嘅氣氛果然名不虛傳，煙霧瀰漫加熱烈打氣聲震耳欲聾。不過場面上，車路士好快就反客為主，控制住絕大部分嘅控球權 (上半場已經高達 74%)。面對住華沙軍團擺出嘅 龜縮 5-4-1 陣式，大幅壓縮中後場空間，車路士嘅進攻完全陷入困局，出現 「進攻便秘」 情況。球隊雖然好多時間喺對方半場搓波，但節奏過於緩慢，缺乏有效嘅穿透同變速，成個半場老鼠拉龜，只係不停喺外圍猜波，製造唔到真正有威脅嘅攻門。上半場嘅預期入球值 (xG) 只有 0.62，足以反映進攻效率有幾低，當中最有威脅嘅可能只有KDH (Kiernan Dewsbury-Hall) 幾次殺入禁區嘅嘗試，但通通未能把握。
雙面刃的「泊大巴」戰術： 有趣嘅係，華沙軍團呢個「泊大巴」戰術，雖然成功阻止咗車仔上半場嘅進攻，但同時亦都完全犧牲咗自己嘅反擊能力。佢哋全場只有 8 次射門 1 次中龍，xG 更只得 0.44。上半場對車仔龍門嘅威脅近乎零，搞到正選嘅佐真遜非常清閒，甚至得閒到可以喺龍門口淥個杯麵食住睇波。
半場變陣加強攻勢： 半場 0:0 嘅悶局，馬蛇 顯然唔收貨。佢喺下半場一開始就作出兩個關鍵調動：用馬杜基 (Noni Madueke) 入替表現平平嘅彭馬，再用高維爾 (Levi Colwill) 換走阿達拉比奧尤 (Tosin Adarabioyo)。戰術上亦有調整，佐治被推上中鋒位置，安宮古移後少少，辛祖轉去左路。
變陣效果立竿見影： 馬蛇呢個半場嘅變動效果可以話係立竿見影！下半場一開波，車路士嘅進攻節奏明顯加快，前場嘅壓迫同跑動更具威脅。開賽僅 4 分鐘就收到成效，隊長占士 (Reece James) 一腳遠射雖然被對方門將撲出，但反應最快嘅佐治喺門前成功「執雞」補射得手，攻入佢個人嘅一隊處子球，為車仔打破僵局！士氣大振嘅藍軍繼續施壓，去到 57 分鐘，再藉住對方門將一次解圍失誤，由辛祖截到波後冷靜橫傳，助攻馬杜基輕鬆射入，迅速將比分擴大到 2:0。半場嘅調整可以話係即時激活咗成隊波嘅進攻。
安宮古繼續迷失、辛祖梅開二度助攻 不過，喺形勢大好之際，亦都有令人失望嘅小插曲。 73 分鐘，KDH 衝入禁區博到十二碼，可惜負責操刀嘅安宮古再次「不負眾望」，佢嘅射門角度太正被對方門將輕易撲出，未能錦上添花，亦都反映咗佢持續低迷嘅狀態同信心危機。但車仔並冇俾呢次失機影響，僅僅 25 秒之後，再由表現活躍嘅辛祖發難，喺禁區內個人表演後再次精妙橫傳，助攻馬杜基近門輕鬆撞入，完成梅開二度，將比分鎖定為 3:0！辛祖今場交出兩次關鍵助攻，絕對係下半場嘅功臣之一，亦都令安宮古嘅迷失顯得更加礙眼。
數據總覽： 總結全場數據，車路士以 4.08 vs 0.44 嘅預期入球值 (xG)、24 vs 8 嘅射門次數、10 vs 1 嘅中目標次數，展現出壓倒性嘅優勢。雖然上半場一度因為對方嘅密集防守同自身嘅慢熱而陷入苦戰，但憑住下半場嘅強力反彈，最終都係輕鬆贏波，並且保持清白之身，喺晉級路上攞到巨大優勢。車路士下半場嘅表現同上半場判若兩隊。短短 45 分鐘就瘋狂起咗 14 次腳，其中 8 次中目標，創造出 高達 3.45 嘅預期入球值 (xG)！呢個數字遠超上半場嘅 0.62，足證 馬蛇 半場嘅變陣同換人尚算成功。
個別表現：
馬杜基 (Noni Madueke)：
半場救世主？梅開二度狀態回勇
⭕️ 入球: 2
⭕️ 預計入球 xG: 1.23
⭕️ 射門 (命中): 2 (2)
⭕️ 傳球成功率: 100% (20 / 20)
⭕️ 嘗試過人 (成功): 2 (1)
如果話上半場車路士係「進攻便秘」，咁半場入替嘅馬杜基就肯定係最強「金油條」！只係踢咗 45 分鐘，佢就用兩次極具效率嘅埋門梅開二度，而且兩次射門都中目標，預計入球值高達 1.23，把握力驚人。更加難得嘅係，佢全場 20 次傳球全部成功，錄得 100% 成功率，仲有 1 次成功過人。傷癒復出就有咁嘅表現，狀態睇嚟恢復得相當唔錯，絕對係今場最佳球員嘅有力競爭者，亦證明只要俾到機會佢，佢係有能力改變戰局。
泰基佐治 (Tyrique George)：
處子球值得紀念，信心越踢越有
⭕️ 入球: 1
⭕️ 預計入球 xG: 0.53
⭕️ 射門 (命中): 1 (1)
對 19 歲嘅佐治嚟講，呢一晚肯定畢生難忘。今場獲得正選機會，雖然上半場喺左路未算太突出，但下半場移入中路後即刻有斬獲，憑住敏銳嘅門前觸覺，執到隊長占士射門嘅「死雞」，冷靜補射入網，攻入佢為車路士一隊上陣嘅第一個入球！呢個入球對佢肯定係極大鼓舞。雖然全場數據唔算非常亮眼 (例如冇關鍵傳球)，但能夠喺重要比賽取得入球，已經係一個重要里程碑。
艾殊邦 (Josh Acheampong)：
全能表現震驚四座
⭕️ 傳球成功率: 97% (83 / 86)
⭕️ 關鍵傳球: 2
⭕️ 成功過人: 2 (2)
⭕️ 攔截: 2
⭕️ 爭頂 (成功): 1 (0)
雖然冇入波冇助攻，但艾殊邦可能先係今場最令 馬蛇 心花怒放嘅球員。馬蛇 賽後直言「愛上咗佢」，睇返數據都唔係冇原因。艾殊邦今場踢過右閘、中場、甚至可能客串過中堅，展現出驚人嘅適應力。佢 傳球成功率高達 97%，仲交出咗 2 次關鍵傳球 同 2 次成功過人，以一個 18 歲、主要踢後防嘅小將嚟講，呢個表現絕對係技驚四座。佢嘅冷靜、技術、同埋願意學習嘅態度 (馬蛇講架咋，唔係我)，前途無可限量。
安宮古 (Christopher Nkunku)：
信心危機？十二碼宴客再響警號
❌ 十二碼射失: 1
❌ 錯失大機會: 1
❌ 射門 (命中): 4 (2)
⭕️ 預計入球 xG: 1.16
⭕️ 地面對抗 (成功): 6 (4)
唉，講到安宮古，真係唔知可以講咩好。今場佢再次令人失望，最觸目嘅當然係射失嗰球十二碼，射得又慢又冇角度，俾對方門將輕鬆捉到路。雖然佢全場預計入球值高達 1.16，射門次數亦有 4 次 (2次中目標)，顯示佢其實係有走到啲入球位置，但就係把握唔到。佢冬窗果時仲話要更多正選機會，可惜換嚟嘅只係令球迷一次又一次嘅失望。馬蛇都承認佢可能缺乏信心，但如果連十二碼都射成咁，佢嘅信心危機睇怕相當嚴重。球迷對佢嘅耐性，似乎都差唔多磨滅晒。
KDH (Kiernan Dewsbury-Hall)：
勤力有餘，埋門一腳「幫對面」？
⭕️ 預計入球 xG: 0.72
⭕️ 博得十二碼: 1
❌ 錯失大機會: 1
❌ 射門 (命中): 5 (2)
⭕️ 地面對抗 (成功): 6 (5)
⭕️ 鏟斷: 2
KDH 今場絕對係非常活躍，滿場飛奔，地面對抗贏咗 5 次，仲成功博到一個十二碼。數據都睇得出佢好積極咁嘗試埋門，5 次射門換嚟 0.72 嘅xG，僅次於安宮古。但問題就係，佢啲埋門處理真係「幫咗對面唔少」。5 次射門只得 2 次中目標，仲要錯失咗一個大好機會。走位同衝勁係值得肯定嘅，但喺臨門一腳嘅冷靜同準繩度方面，真係要好好改善下，如果唔係咁多機會都變唔到入球，反而係浪費咗球隊嘅努力。
總結：
車路士去大老遠作客波蘭球隊，最終以 3:0 嘅比分凱旋，可以話係一場有驚無險、結果令人滿意嘅勝仗。呢個賽果為藍軍喺歐協聯八強首回合已經建立咗巨大優勢，幾乎可以話係「半隻腳入咗四強」，只要次回合唔好太大意，晉級形勢非常樂觀。
但大勝之下亦非全無隱憂。上半場進攻再次暴露面對「鐵桶陣」時辦法唔多、節奏緩慢嘅老問題，呢點需要 馬蛇繼續諗計解決。個別球員嘅狀態亦令人擔心：安宮古 再次交出令人失望嘅表現，射失十二碼只係佢目前低迷信心嘅一個縮影；核心彭馬今場亦都相對沉寂，半場就被換走，佢嘅入球荒似乎仲要持續一段時間；KDH 雖然活躍，但臨門一腳嘅處理亦都有待改善。
歐協聯作為車仔今季少數可以爭奪嘅錦標，同時亦係爭取下季歐霸資格嘅重要途徑，球隊必須保持穩定性同解決現有問題。接下來對葉士域治嘅聯賽，以至次回合嘅比賽，都係 馬蛇 同一眾球員需要繼續交功課嘅時候。希望今場下半場嘅「青春風暴」，可以為球隊帶嚟更多衝擊同良性競爭。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊