車路士近期可謂處於水深火熱之中，上場聯賽輸左俾阿仙奴，賽前排係英超第六，3月入波又少球隊士氣又低落。呢場對住同市死敵熱刺嘅比賽，對車路士嚟講絕對係一場唔可以再輸嘅「谷底反彈戰」。好在車路士喺呢場關鍵戰役中，憑住安素·費南迪斯 (Enzo Fernández) 嘅頭槌建功，以 1:0 小勝熱刺，成功喺聯賽重返勝軌。
呢場比賽嘅焦點除咗安素嘅入球之外，球證嘅判決亦引起唔少爭議。卡些度 (Moisés Caicedo) 嘅入球被判無效，而熱刺球員沙亞 (Pape Sarr) 後備上陣後射入嘅入球，最終亦因為 VAR 判罰犯規在先而被取消。呢場波真係一波三折，充滿話題性。
賽後點評：
1) 呢場車路士對熱刺嘅倫敦打吡，除咗比數接近之外，場面上都鬥得相當激烈。車路士喺控球率上稍微佔優（50.8% 對 49.2%），製造出嘅攻勢亦都略勝一籌，全場錄得 11 次射門，其中 5 次中目標，而熱刺就只有 8 次射門，2 次中目標。數據上，車路士嘅 xG 為 1.71，高於熱刺嘅 1.41，反映車路士喺進攻上嘅威脅的確比較大。
2) 熱刺喺比賽中都並非完全捱打，佢哋喺運動戰中嘅禁區進入次數 (Deep Entries) 仲多過車路士（16 次 對 14 次），顯示佢哋都曾經對車路士嘅防線造成一定嘅壓力。
3) 尤其值得一提嘅係傷癒復出的前鋒 積臣 (Nicolas Jackson)，佢唔單止在前線衝鋒陷陣，仲頻頻回撤到中場參與防守，利用佢嘅跑動拉開熱刺防線之間嘅空間，為隊友創造更多進攻機會。雖然車路士創造出唔少攻勢，但喺門前把握機會嘅能力仍然有待提高，唔止積臣一個，其餘隊友都未能將攻勢轉化為更多入球，呢一點喺之後嘅比賽需要改善。
4) 進攻核心彭馬 (Cole Palmer) 喺前場嘅穿針引線亦都功不可沒，因為有積臣係最前線拉扯製造空間的關係，俾到彭馬有更多位置利用個人技術同傳球為隊友創造機會，今場亦係左路搵到空間出波，獲得一個助攻。
5) 車路士今場喺高位防守方面做得相當出色，前場球員積極壓迫，令熱刺難以組織有效攻勢，全場迫搶下熱刺出現多次失誤，成功將比賽節奏控制喺自己手中。數據上，車路士嘅防守壓迫高度 (Defensive Action Height) 為 52.2，高於熱刺嘅 42.8，PPDA (Passes allowed Per Defensive Action) 為 10.6，低於熱刺嘅 12.2。呢兩個數據都顯示車路士喺前場嘅壓迫更加積極，反搶效率更高。
6) 但防守方面都唔係一面倒的好，一如以往地車路士喺後防有時會出現短暫嘅鬆懈，越接近比賽尾聲就越有集中力不足的問題，俾對手有機可乘，呢場波熱刺嘅禁區內威脅 (Deep Entries) 次數比車路士多，就係一個警號，後防球員需要保持更高嘅專注度。
個別表現：
卡些度 (Moisés Caicedo)：
憑一己之力破壞左熱刺的中場組織。
⭕️ 長傳：100% (5/5)
⭕️ 攔截：100% (4/4)
⭕️ 地面對抗：89% (8/9)*
⭕️ 傳球：90% (37/41)⭕️ 最後攔截：1
卡些度今場繼續坐鎮車路士中場中路，負責球隊嘅防守重任。佢喺防守端交出左十分搶眼嘅表現，多次成功截斷熱刺嘅進攻組織，為後防提供可靠保障。成場波，卡些度嘅防守覆蓋範圍極廣，甚至一個人就可以完全控制晒成條左路通道，無論係對方嘅地波組織定長傳轉移，都好難逃過佢嘅追截。
比起防守端嘅貢獻，最令車迷既遺憾又可惜嘅，莫過於佢喺禁區內嗰下精彩遠射。只可惜隊友越位在先，入球被吹無效。之後見到卡些度受傷倒地嗰一刻，相信唔少車迷心都離一離，驚呢位場上核心出事。
論全場表現，我甚至會揀卡些度做今場最佳球員，唔知你又點睇呢？
安素·費南迪斯 (Enzo Fernández)：
一錘定音嘅中場指揮官
⭕️ 入球：1
⭕️ 預期入球 (xG)：0.58
⭕️ 傳球成功率：91% (41/45)
⭕️ 觸球次數：61
⭕️ 傳入進攻三區：8*
⭕️ 前傳：6
⭕️ 射門機會創造：3
安素今場波嘅表現絕對係值回票價，佢嘅入球為球隊鎖定勝局，證明佢喺關鍵時刻嘅把握能力。除咗入波之外，安素喺中場嘅組織同控制節奏方面都做得好好，佢嘅傳球成功率高達 91%，幫助球隊牢牢控制住中場，保證球隊嘅攻守轉換順暢。佢全場 61 次觸球，亦都係全隊中前場中最高，充分體現佢喺球隊進攻體系中嘅核心作用。賽後，馬蛇 (Enzo Maresca) 都對安素嘅表現讚不絕口，認為佢再次出現在正確嘅位置，而隊友高維爾亦都稱讚安素嘅入球，認為球迷可能未有給予佢足夠嘅讚揚。
辛祖 (Jadon Sancho)：
盤扭華麗卻難掩決策缺陷
⭕️ 傳入禁區：3
⭕️ 帶入禁區：4
⭕️ 接應前傳：9
⭕️ 奪回控球：5
⭕️ 射門機會創造：2
❌ 嘗試過人：2 (0)
辛祖今場獲領隊委以重任，正選上陣。賽前部署顯示，辛祖被視為利用熱刺防線高企，喺左路透過個人盤扭同跑動去創造機會嘅重要棋子。
佢喺今場比賽嘅表現的確帶嚟唔錯嘅平衡性。上半場觸球次數唔少，亦多次透過盤扭內切製造威脅，更曾經喺半場結束前差啲為車路士取得入球，可惜被熱刺門將維卡里奧（Vicario）精彩撲出。但另一方面，辛祖受到最大嘅質疑就係決策能力。雖然佢盤扭同跑位質素唔錯，但喺最後關鍵時刻，往往無法作出最好嘅判斷。特別係當球隊進行快速反擊的時候佢經常停低控球或者向內線盤帶，反而錯失咗攻門嘅好時機。
最後辛祖喺第 68 分鐘被馬杜基（Madueke）換走。主場球迷喺佢退場時送上溫暖嘅掌聲，證明雖然佢未能完全滿足大家嘅期待，但依然有人欣賞佢嘅努力同貢獻。
積臣 (Nicolas Jackson)：
入唔入波都無所謂，隊友得益最大嘅影子英雄
⭕️ 傳球成功：11 (8)
⭕️ 控失：3
❌ 觸球數：23
❌ 嘗試過人：3 (0)
積臣今場正選回歸，即刻令車路士嘅進攻踢法提升一個層次。雖然數據上佢表現一般，觸球只有23次，過人3次全部失敗，但佢最重要嘅價值從來唔係睇數據就能理解。僅開賽一分鐘，佢就靠速度完全撕破熱刺防線，可惜最後埋門一腳真係唔爭氣，被對方門將同後衛合力化解。
積臣嘅威脅，唔單係喺個人嘅攻門機會，而係對手必須時刻留意佢嘅加速前插，防線被迫後退，自然拉開同中場嘅距離，令其他車路士隊友享受到更多嘅推進空間同埋傳送選項。正如領隊賽後所講：「有Nico係度果陣，我哋係一支唔同嘅球隊」。數據未必顯示到積臣嘅真正價值，但相信每一個睇過呢場比賽嘅車迷都知道，有冇佢喺度，真係完全係兩回事。
Cole Palmer (高爾·彭馬)：
所以，其實彭馬需要的係積臣嗎？
⭕️ 助攻：1
⭕️ 攔截成功：3
⭕️ 清波：2
⭕️ 射門機會創造：3*⭕️ 帶入進攻三區：4*
彭馬傷癒復出即刻為車仔進攻帶來質變，上半場佢就已經多次展現靈活走位同精準嘅傳球，其中一次完美嘅傳中更差啲幫助辛祖先開紀錄，可惜被熱刺門將神勇抬出。下半場一開始，彭馬又透過一次禁區內嘅轉身射門再次威脅熱刺球門；而僅僅數分鐘之後，佢終於係左路送出致勝嘅助攻，助安素費南迪斯頂入全場唯一入球，同時成功打破自己長達四個月嘅助攻荒。
事實上，彭馬全場一直係車仔進攻嘅關鍵節點：自由地於中場同禁區之間游走，不斷尋找機會撕開對手防線。領隊喺賽後亦毫不吝嗇地稱讚彭馬：「即使彭馬無入球或助攻，佢嘅場上表現都係頂級，佢可能係球隊中最好嘅球員。」呢句說話絕非恭維，而係因為球隊嘅進攻流暢度同埋創造力，的確隨住佢嘅回歸而大幅提升。有積臣拉開防線嘅彭馬，表現明顯比以往更加銳利。所以，一個有趣嘅問題係：彭馬真正需要嘅其實係積臣嗎？
總結：
呢場對熱刺嘅勝仗，對車路士而言唔單止係三分咁簡單，更加係一場重拾信心同士氣嘅關鍵戰役。無論係卡些度嘅攔截、安素嘅致勝入球，定係彭馬傷癒後嘅傳導與創造力，都顯示出球隊漸漸重拾正軌嘅可能性。而積臣同辛祖嘅上陣亦提醒大家：即使數據未必亮眼，有啲球員嘅作用係肉眼先睇得出。
不過，贏一場波唔代表解決晒所有問題。如果想喺聯賽爭歐洲席位，呢支年輕嘅車路士，仍然要不斷證明自己，特別係之後的幾場大戰，對森林對紐卡素對曼城同對利物浦至少要贏兩場。
你又點睇車仔今場嘅表現？你覺得邊個球員最值得一讚？留言分享你嘅睇法啦！
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
呢場比賽嘅焦點除咗安素嘅入球之外，球證嘅判決亦引起唔少爭議。卡些度 (Moisés Caicedo) 嘅入球被判無效，而熱刺球員沙亞 (Pape Sarr) 後備上陣後射入嘅入球，最終亦因為 VAR 判罰犯規在先而被取消。呢場波真係一波三折，充滿話題性。
賽後點評：
1) 呢場車路士對熱刺嘅倫敦打吡，除咗比數接近之外，場面上都鬥得相當激烈。車路士喺控球率上稍微佔優（50.8% 對 49.2%），製造出嘅攻勢亦都略勝一籌，全場錄得 11 次射門，其中 5 次中目標，而熱刺就只有 8 次射門，2 次中目標。數據上，車路士嘅 xG 為 1.71，高於熱刺嘅 1.41，反映車路士喺進攻上嘅威脅的確比較大。
2) 熱刺喺比賽中都並非完全捱打，佢哋喺運動戰中嘅禁區進入次數 (Deep Entries) 仲多過車路士（16 次 對 14 次），顯示佢哋都曾經對車路士嘅防線造成一定嘅壓力。
3) 尤其值得一提嘅係傷癒復出的前鋒 積臣 (Nicolas Jackson)，佢唔單止在前線衝鋒陷陣，仲頻頻回撤到中場參與防守，利用佢嘅跑動拉開熱刺防線之間嘅空間，為隊友創造更多進攻機會。雖然車路士創造出唔少攻勢，但喺門前把握機會嘅能力仍然有待提高，唔止積臣一個，其餘隊友都未能將攻勢轉化為更多入球，呢一點喺之後嘅比賽需要改善。
4) 進攻核心彭馬 (Cole Palmer) 喺前場嘅穿針引線亦都功不可沒，因為有積臣係最前線拉扯製造空間的關係，俾到彭馬有更多位置利用個人技術同傳球為隊友創造機會，今場亦係左路搵到空間出波，獲得一個助攻。
5) 車路士今場喺高位防守方面做得相當出色，前場球員積極壓迫，令熱刺難以組織有效攻勢，全場迫搶下熱刺出現多次失誤，成功將比賽節奏控制喺自己手中。數據上，車路士嘅防守壓迫高度 (Defensive Action Height) 為 52.2，高於熱刺嘅 42.8，PPDA (Passes allowed Per Defensive Action) 為 10.6，低於熱刺嘅 12.2。呢兩個數據都顯示車路士喺前場嘅壓迫更加積極，反搶效率更高。
6) 但防守方面都唔係一面倒的好，一如以往地車路士喺後防有時會出現短暫嘅鬆懈，越接近比賽尾聲就越有集中力不足的問題，俾對手有機可乘，呢場波熱刺嘅禁區內威脅 (Deep Entries) 次數比車路士多，就係一個警號，後防球員需要保持更高嘅專注度。
個別表現：
卡些度 (Moisés Caicedo)：
憑一己之力破壞左熱刺的中場組織。
⭕️ 長傳：100% (5/5)
⭕️ 攔截：100% (4/4)
⭕️ 地面對抗：89% (8/9)*
⭕️ 傳球：90% (37/41)⭕️ 最後攔截：1
卡些度今場繼續坐鎮車路士中場中路，負責球隊嘅防守重任。佢喺防守端交出左十分搶眼嘅表現，多次成功截斷熱刺嘅進攻組織，為後防提供可靠保障。成場波，卡些度嘅防守覆蓋範圍極廣，甚至一個人就可以完全控制晒成條左路通道，無論係對方嘅地波組織定長傳轉移，都好難逃過佢嘅追截。
比起防守端嘅貢獻，最令車迷既遺憾又可惜嘅，莫過於佢喺禁區內嗰下精彩遠射。只可惜隊友越位在先，入球被吹無效。之後見到卡些度受傷倒地嗰一刻，相信唔少車迷心都離一離，驚呢位場上核心出事。
論全場表現，我甚至會揀卡些度做今場最佳球員，唔知你又點睇呢？
安素·費南迪斯 (Enzo Fernández)：
一錘定音嘅中場指揮官
⭕️ 入球：1
⭕️ 預期入球 (xG)：0.58
⭕️ 傳球成功率：91% (41/45)
⭕️ 觸球次數：61
⭕️ 傳入進攻三區：8*
⭕️ 前傳：6
⭕️ 射門機會創造：3
安素今場波嘅表現絕對係值回票價，佢嘅入球為球隊鎖定勝局，證明佢喺關鍵時刻嘅把握能力。除咗入波之外，安素喺中場嘅組織同控制節奏方面都做得好好，佢嘅傳球成功率高達 91%，幫助球隊牢牢控制住中場，保證球隊嘅攻守轉換順暢。佢全場 61 次觸球，亦都係全隊中前場中最高，充分體現佢喺球隊進攻體系中嘅核心作用。賽後，馬蛇 (Enzo Maresca) 都對安素嘅表現讚不絕口，認為佢再次出現在正確嘅位置，而隊友高維爾亦都稱讚安素嘅入球，認為球迷可能未有給予佢足夠嘅讚揚。
辛祖 (Jadon Sancho)：
盤扭華麗卻難掩決策缺陷
⭕️ 傳入禁區：3
⭕️ 帶入禁區：4
⭕️ 接應前傳：9
⭕️ 奪回控球：5
⭕️ 射門機會創造：2
❌ 嘗試過人：2 (0)
辛祖今場獲領隊委以重任，正選上陣。賽前部署顯示，辛祖被視為利用熱刺防線高企，喺左路透過個人盤扭同跑動去創造機會嘅重要棋子。
佢喺今場比賽嘅表現的確帶嚟唔錯嘅平衡性。上半場觸球次數唔少，亦多次透過盤扭內切製造威脅，更曾經喺半場結束前差啲為車路士取得入球，可惜被熱刺門將維卡里奧（Vicario）精彩撲出。但另一方面，辛祖受到最大嘅質疑就係決策能力。雖然佢盤扭同跑位質素唔錯，但喺最後關鍵時刻，往往無法作出最好嘅判斷。特別係當球隊進行快速反擊的時候佢經常停低控球或者向內線盤帶，反而錯失咗攻門嘅好時機。
最後辛祖喺第 68 分鐘被馬杜基（Madueke）換走。主場球迷喺佢退場時送上溫暖嘅掌聲，證明雖然佢未能完全滿足大家嘅期待，但依然有人欣賞佢嘅努力同貢獻。
積臣 (Nicolas Jackson)：
入唔入波都無所謂，隊友得益最大嘅影子英雄
⭕️ 傳球成功：11 (8)
⭕️ 控失：3
❌ 觸球數：23
❌ 嘗試過人：3 (0)
積臣今場正選回歸，即刻令車路士嘅進攻踢法提升一個層次。雖然數據上佢表現一般，觸球只有23次，過人3次全部失敗，但佢最重要嘅價值從來唔係睇數據就能理解。僅開賽一分鐘，佢就靠速度完全撕破熱刺防線，可惜最後埋門一腳真係唔爭氣，被對方門將同後衛合力化解。
積臣嘅威脅，唔單係喺個人嘅攻門機會，而係對手必須時刻留意佢嘅加速前插，防線被迫後退，自然拉開同中場嘅距離，令其他車路士隊友享受到更多嘅推進空間同埋傳送選項。正如領隊賽後所講：「有Nico係度果陣，我哋係一支唔同嘅球隊」。數據未必顯示到積臣嘅真正價值，但相信每一個睇過呢場比賽嘅車迷都知道，有冇佢喺度，真係完全係兩回事。
Cole Palmer (高爾·彭馬)：
所以，其實彭馬需要的係積臣嗎？
⭕️ 助攻：1
⭕️ 攔截成功：3
⭕️ 清波：2
⭕️ 射門機會創造：3*⭕️ 帶入進攻三區：4*
彭馬傷癒復出即刻為車仔進攻帶來質變，上半場佢就已經多次展現靈活走位同精準嘅傳球，其中一次完美嘅傳中更差啲幫助辛祖先開紀錄，可惜被熱刺門將神勇抬出。下半場一開始，彭馬又透過一次禁區內嘅轉身射門再次威脅熱刺球門；而僅僅數分鐘之後，佢終於係左路送出致勝嘅助攻，助安素費南迪斯頂入全場唯一入球，同時成功打破自己長達四個月嘅助攻荒。
事實上，彭馬全場一直係車仔進攻嘅關鍵節點：自由地於中場同禁區之間游走，不斷尋找機會撕開對手防線。領隊喺賽後亦毫不吝嗇地稱讚彭馬：「即使彭馬無入球或助攻，佢嘅場上表現都係頂級，佢可能係球隊中最好嘅球員。」呢句說話絕非恭維，而係因為球隊嘅進攻流暢度同埋創造力，的確隨住佢嘅回歸而大幅提升。有積臣拉開防線嘅彭馬，表現明顯比以往更加銳利。所以，一個有趣嘅問題係：彭馬真正需要嘅其實係積臣嗎？
總結：
呢場對熱刺嘅勝仗，對車路士而言唔單止係三分咁簡單，更加係一場重拾信心同士氣嘅關鍵戰役。無論係卡些度嘅攔截、安素嘅致勝入球，定係彭馬傷癒後嘅傳導與創造力，都顯示出球隊漸漸重拾正軌嘅可能性。而積臣同辛祖嘅上陣亦提醒大家：即使數據未必亮眼，有啲球員嘅作用係肉眼先睇得出。
不過，贏一場波唔代表解決晒所有問題。如果想喺聯賽爭歐洲席位，呢支年輕嘅車路士，仍然要不斷證明自己，特別係之後的幾場大戰，對森林對紐卡素對曼城同對利物浦至少要贏兩場。
你又點睇車仔今場嘅表現？你覺得邊個球員最值得一讚？留言分享你嘅睇法啦！
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊