車仔一隊比 U21 輕鬆炒 3:0 嘅新聞，相信唔少球迷都見到，但其中最矚目嘅，相信非入兩球嘅 Donnell McNeilly (麥里尼) 莫屬。呢位 18 歲前鋒喺上年 (2023-2024 球季) 各級賽事中表現驚人，今季更被不少車迷寄予厚望，甚至有人話佢係「杜奧巴 2.0 (Didier Drogba)」。不過，麥里尼到底係咩來頭？佢又係咪真係有資格成為車仔未來的前鋒希望？
💥 上季數據驚人：全隊最勁射手
麥里尼 2023-2024 球季喺各級賽事狂轟 27 球，無論係 U18、U21 定係其他盃賽都入晒波，佢嘅入球數甚至比一隊主力球員 彭馬 (Cole Palmer) 、女子隊 羅倫·占士 (Lauren James) 同 U21 前鋒 Ronnie Stutter 都要高。
雖然有人話，將 U18 或 U21 嘅入球數同一隊主力比較有啲唔公平，但唔可以否認，麥里尼比起同年的球員更加有射門的觸覺。由 U12 開始一路上升，已經喺各個級別都係射手榜 No.1 。2021-22 球季佢係 U16 嘅神射手，2022-23 球季攞埋 U18 神射手。上季佢升上 U21，仲要係各級球隊之中入波最多嘅球員，成為全車路士各級別球員嘅射手王，呢個數字無論點睇都值得欣賞。
⚽️ 特質：杜奧巴接班人？
話麥里尼有「杜奧巴 2.0」嘅影子，絕對唔係無根無據。佢 身形健碩、衝擊力強，擅長 回身護波同單對單製造威脅，而且佢左右腳都有一定準繩度，禁區內射門冷靜果斷。
根據教練團形容，喺訓練賽時，隊友永遠都想喺麥里尼嗰邊，唔想做佢對手，因為佢既能 hold 住對手、又識背身做波、射門功夫一流，幾乎係攻擊核心。
麥里尼自細就視杜奧巴為偶像，佢模仿杜奧巴嘅踢法，喺禁區內尋找機會、製造空間，甚至回後參與防守。唔單止咁，佢仲會主動研究自己嘅比賽片段，同時又會學習 Haaland、Bernardo Silva 呢類頂級射手嘅走位同進攻意識。
🏆 2024/25 新季升上 U21：依然保持高效
來到 2024/25 球季，麥里尼正式升上 U21，並喺 EFL Trophy 對 Bromley 嘅比賽中開齋，之後對富咸 (Fulham)、阿仙奴 (Arsenal)、森林 (Nottingham Forest) 嘅比賽入波連連。
其中最精彩嘅表現，莫過於 2025 年 1 月對森林嘅 Premier League 2 比賽，麥里尼單場梅開二度，幫助球隊由落後 0:2 到反勝 4:2，帶領 U21 完成戲劇性逆轉。
目前，麥里尼喺 U21 累積已經入左 11 球 加 2 助攻，無論係聯賽、EFL Trophy 定係 PL2，佢都交出穩定表現。
位唔易爭 續約問題要解決
雖然麥里尼成績亮眼，但要真正踏上史丹福橋球場的草皮，難度一啲都唔細。
車仔近年已經大手筆簽入 Deivid Washington (£13.7m + add-ons)、Jimmy-Jay Morgan (£3m)，仲有今年正式加盟嘅 Dujuan Richards。再加上同齡前鋒 Ronnie Stutter，唔講一隊，只係 U21 前場已經競爭激烈。
根據 《每日郵報 (The Daily Mail)》 報導，雖然車仔已經向麥里尼提供左一份新合同，但截至 2025 年 3 月底，佢仍然 未有簽字落實續約。如果幾個月內未有突破性進展，麥里尼有可能喺今個夏天自由身離開，結束自 U12 加盟車路士以來的青春歲月。
令人疑惑嘅係，雖然麥里尼一直表現出色，但佢 從未獲得一隊上陣機會，就連喺歐協聯嘅比賽，其他青訓球員如 泰基佐治 (Tyrique George) 同 艾殊邦 (Josh Acheampong) 都已經獲得機會甚至升上一隊，但麥里尼卻未曾獲得任何上陣機會。
馬蛇 (Enzo Maresca) 亦唔係唔認識呢位小將，2024 年 9 月，麥里尼已經多次參與一隊訓練，但即使佢一直默默努力，卻仍未有機會係史丹福橋亮相。
更諷刺嘅係，連 Shim Mheuka 呢位17 歲小將都入選左歐協聯的比賽名單，但麥里尼卻繼續被冷落，難怪麥里尼會唔高興。目前多間球會已經對麥里尼虎視眈眈，尤其係一啲希望補強前鋒線嘅球隊。一旦車仔未能留住呢位潛力射手，隨時會引發一場爭奪戰。
麥里尼，杜奧巴 2.0 定係下一個沙拿？
麥里尼係唔係真係「杜奧巴 2.0」，目前仲言之尚早。但以佢嘅 入球能力、身體素質、勤奮態度同求知精神，確實有潛力成為未來車仔鋒線上嘅重要拼圖。
當然，簽唔簽紙唔係單方面的事，車仔方面已經表達出誠意開出合約，接下來可能要睇麥里尼自己點樣揀。
========================================
Facebook Page 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
💥 上季數據驚人：全隊最勁射手
麥里尼 2023-2024 球季喺各級賽事狂轟 27 球，無論係 U18、U21 定係其他盃賽都入晒波，佢嘅入球數甚至比一隊主力球員 彭馬 (Cole Palmer) 、女子隊 羅倫·占士 (Lauren James) 同 U21 前鋒 Ronnie Stutter 都要高。
雖然有人話，將 U18 或 U21 嘅入球數同一隊主力比較有啲唔公平，但唔可以否認，麥里尼比起同年的球員更加有射門的觸覺。由 U12 開始一路上升，已經喺各個級別都係射手榜 No.1 。2021-22 球季佢係 U16 嘅神射手，2022-23 球季攞埋 U18 神射手。上季佢升上 U21，仲要係各級球隊之中入波最多嘅球員，成為全車路士各級別球員嘅射手王，呢個數字無論點睇都值得欣賞。
⚽️ 特質：杜奧巴接班人？
話麥里尼有「杜奧巴 2.0」嘅影子，絕對唔係無根無據。佢 身形健碩、衝擊力強，擅長 回身護波同單對單製造威脅，而且佢左右腳都有一定準繩度，禁區內射門冷靜果斷。
根據教練團形容，喺訓練賽時，隊友永遠都想喺麥里尼嗰邊，唔想做佢對手，因為佢既能 hold 住對手、又識背身做波、射門功夫一流，幾乎係攻擊核心。
麥里尼自細就視杜奧巴為偶像，佢模仿杜奧巴嘅踢法，喺禁區內尋找機會、製造空間，甚至回後參與防守。唔單止咁，佢仲會主動研究自己嘅比賽片段，同時又會學習 Haaland、Bernardo Silva 呢類頂級射手嘅走位同進攻意識。
🏆 2024/25 新季升上 U21：依然保持高效
來到 2024/25 球季，麥里尼正式升上 U21，並喺 EFL Trophy 對 Bromley 嘅比賽中開齋，之後對富咸 (Fulham)、阿仙奴 (Arsenal)、森林 (Nottingham Forest) 嘅比賽入波連連。
其中最精彩嘅表現，莫過於 2025 年 1 月對森林嘅 Premier League 2 比賽，麥里尼單場梅開二度，幫助球隊由落後 0:2 到反勝 4:2，帶領 U21 完成戲劇性逆轉。
目前，麥里尼喺 U21 累積已經入左 11 球 加 2 助攻，無論係聯賽、EFL Trophy 定係 PL2，佢都交出穩定表現。
位唔易爭 續約問題要解決
雖然麥里尼成績亮眼，但要真正踏上史丹福橋球場的草皮，難度一啲都唔細。
車仔近年已經大手筆簽入 Deivid Washington (£13.7m + add-ons)、Jimmy-Jay Morgan (£3m)，仲有今年正式加盟嘅 Dujuan Richards。再加上同齡前鋒 Ronnie Stutter，唔講一隊，只係 U21 前場已經競爭激烈。
根據 《每日郵報 (The Daily Mail)》 報導，雖然車仔已經向麥里尼提供左一份新合同，但截至 2025 年 3 月底，佢仍然 未有簽字落實續約。如果幾個月內未有突破性進展，麥里尼有可能喺今個夏天自由身離開，結束自 U12 加盟車路士以來的青春歲月。
令人疑惑嘅係，雖然麥里尼一直表現出色，但佢 從未獲得一隊上陣機會，就連喺歐協聯嘅比賽，其他青訓球員如 泰基佐治 (Tyrique George) 同 艾殊邦 (Josh Acheampong) 都已經獲得機會甚至升上一隊，但麥里尼卻未曾獲得任何上陣機會。
馬蛇 (Enzo Maresca) 亦唔係唔認識呢位小將，2024 年 9 月，麥里尼已經多次參與一隊訓練，但即使佢一直默默努力，卻仍未有機會係史丹福橋亮相。
更諷刺嘅係，連 Shim Mheuka 呢位17 歲小將都入選左歐協聯的比賽名單，但麥里尼卻繼續被冷落，難怪麥里尼會唔高興。目前多間球會已經對麥里尼虎視眈眈，尤其係一啲希望補強前鋒線嘅球隊。一旦車仔未能留住呢位潛力射手，隨時會引發一場爭奪戰。
麥里尼，杜奧巴 2.0 定係下一個沙拿？
麥里尼係唔係真係「杜奧巴 2.0」，目前仲言之尚早。但以佢嘅 入球能力、身體素質、勤奮態度同求知精神，確實有潛力成為未來車仔鋒線上嘅重要拼圖。
當然，簽唔簽紙唔係單方面的事，車仔方面已經表達出誠意開出合約，接下來可能要睇麥里尼自己點樣揀。
========================================
Facebook Page 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊