黎到季尾，車路士公佈左佢地今年的財政狀況，雖然季初不停有球迷話車路士用左唔知幾多千億簽人，但你點都估唔到車仔今年居然會錄得 £128.4m 的稅前盈利，同去年 £90.1m 虧損形成強烈對比。反正都講開數字，呢篇文就同大家講下 清湖 (Clearlake Capital) 同 牙Todd (Todd Boehly) 係點做到。
油王爸爸都救唔到！FFP 同 PSR 唔係咁易過骨
要理解點解車仔可以錄得鉅額盈利，首先要了解兩個關鍵規則：PSR (Profit and Sustainability Rules) 同 FFP (Financial Fair Play)。
1️⃣ PSR (盈利與持續性規則)：
— 由英超 (Premier League) 訂立，規定球會 3 年內虧損唔可以超過 £105m
— 某啲「可扣除成本」唔會計入 PSR，例如：基建投資、青訓開支同女子隊發展
— 出售資產可計入PSR之中
2️⃣ FFP (財政公平法案)：
— 由歐洲足協 (UEFA) 訂立，針對參加歐洲賽事的球會
— 要求球會 3 年內達到「收支平衡」，虧損唔可以超過 €60m
— FFP 唔接受 自家資產交易作為合規手段，但商業收益就會正常計入
理論上，「有錢油王爸爸」(例如曼城背後嘅財團) 係可以向球會注資，但因為 PSR 同 FFP 有明確限制，唔係有錢就可以解決一切，除非用喺 基建、青訓、女子隊發展，否則都唔會被計入 PSR 同 FFP 嘅合規範圍。甚至有可能會好似曼城咁被控告虛報贊助收入、隱瞞財務數據等等。
今年車仔居然有盈餘？秘密係左手交右手！
講返車仔今年點樣「有錢剩」，一個關鍵字：內部資產交易。雖然車仔未能踢歐聯，收入少左唔少，但透過出售資產加上賣人補數，令球會喺 2024 年錄得 £128.4m 嘅稅前盈利。而呢筆盈利，主要係來自四個大的部份：
💸 1️⃣ 賣囡！出售女子隊俾自己
上年，Chelsea Women (CFCW) 賣咗俾球會母公司 BlueCo 22 Midco Ltd，估計交易價值高達 £150m。由於 BlueCo 22 同車仔都係屬於 Todd Boehly 同 Clearlake Capital 控制，呢個「自己賣俾自己」嘅交易引起唔少爭議，但根據 英超 PSR 嘅規則，資產出售可以計入收入，錄得 £198.7m 嘅資產處置利潤，成功令球會盈利大增。但問題係， 過到PSR過唔到 FFP ，FFP 唔接受自家資產交易，如果車仔下季重返歐洲賽，呢筆收入將無法計入 FFP 計算範圍。
⚽️ 2️⃣ 將青訓變黃金，再減低工資支出
車仔喺 2024 財年透過出售球員錄得 £152.5m 嘅利潤，當中包括 曼聯簽走美臣·蒙特 (Mason Mount)、多蒙特簽走伊恩·馬臣 (Ian Maatsen)、阿仙奴買入夏維斯 (Kai Havertz) 等等。出售青訓球員，因為唔需要攤分轉會費，所以會成為 純利潤 計入帳目，直接幫助車仔平衡 PSR。
加上高列巴尼 (Kalidou Koulibaly)、文迪 (Édouard Mendy)、簡迪 (N'Golo Kanté) 等人離隊，大大減輕左工資負擔。成功透過「球員出售 + 長約攤分轉會費」的策略，令車仔帳面數字有顯著改善。
除左直接出售，車仔單係透過外借就成功獲得超過 £30m 的進帳，令車仔嘅收入來源更加多元化。
🏨3️⃣ 出售酒店：真正的左手交右手
車仔亦將史丹福橋旁邊嘅 Millennium Hotel 同 Copthorne Hotel 以 £76.5m 售予 BlueCo 22 Properties Ltd，同樣屬於 Boehly 旗下嘅公司。呢單交易至為關鍵，直接幫車仔大幅減少財政虧損，令球會合規於 PSR 規定之內，但同樣，呢筆交易喺 FFP 之下係唔被接受嘅。
📊 4️⃣ 其他收入來源：商業發展唔停手
雖然車仔呢兩季冇得踢歐聯，少左唔少比賽日同轉播收入，但係商業發展方面，球會絕對冇停過手，甚至有幾個明顯嘅增長點，成功彌補部分收入差距。
第一個係非比賽日收入，史丹福橋 (Stamford Bridge) 雖然面臨擴建同搬遷問題，但現有場館依然係吸金重地。球會積極推動 場館導覽 (Stadium tours)、球衣銷售、商品紀念品銷售 等非比賽日收入，創下歷史新高。
單係去年，場館導覽人數增長超過 18%，大量海外球迷特意飛去倫敦朝聖，加上球衣銷量受新簽約球星影響 (例如 彭馬，彭馬，同彭馬等等)，直接帶動商品收入持續上升。非比賽日收入大幅增加，為球會帶來額外 £80.1m 收入。
第二樣係商業贊助同合作。雖然車仔近年成績波動，但係喺品牌價值方面依然保持強勢，甚至吸引唔少全球品牌合作。例如上年，Infinite Athlete 取代 3 成為新球衣贊助商，合同金額高達 £50m 一年，加上球衣供應商 Nike 繼續履行長期合作協議，確保球會每年有穩定嘅商業收入。2024 年商業收入增長至 £225.3m，比上一年提升 12%。更重要係，就算車仔係今年未搵到心口的贊助商，仍然係呢方面錄得盈利，多少證明左老闆們的財技有幾精湛。
總結：
或者好多人會唔鍾意新老闆的呢d財技做法。不過比起油王時代的枱底交易，至少而家行得正企得正。考慮到之後仲有機會要起球場，加上 FFP 同 PSR 雙重夾攻，車仔今個夏天恐怕都無咁多空間去簽人，希望我地可以放得出用唔上的球員，俾少少空間簽人啦。
========================================
Facebook Page 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
油王爸爸都救唔到！FFP 同 PSR 唔係咁易過骨
要理解點解車仔可以錄得鉅額盈利，首先要了解兩個關鍵規則：PSR (Profit and Sustainability Rules) 同 FFP (Financial Fair Play)。
1️⃣ PSR (盈利與持續性規則)：
— 由英超 (Premier League) 訂立，規定球會 3 年內虧損唔可以超過 £105m
— 某啲「可扣除成本」唔會計入 PSR，例如：基建投資、青訓開支同女子隊發展
— 出售資產可計入PSR之中
2️⃣ FFP (財政公平法案)：
— 由歐洲足協 (UEFA) 訂立，針對參加歐洲賽事的球會
— 要求球會 3 年內達到「收支平衡」，虧損唔可以超過 €60m
— FFP 唔接受 自家資產交易作為合規手段，但商業收益就會正常計入
理論上，「有錢油王爸爸」(例如曼城背後嘅財團) 係可以向球會注資，但因為 PSR 同 FFP 有明確限制，唔係有錢就可以解決一切，除非用喺 基建、青訓、女子隊發展，否則都唔會被計入 PSR 同 FFP 嘅合規範圍。甚至有可能會好似曼城咁被控告虛報贊助收入、隱瞞財務數據等等。
今年車仔居然有盈餘？秘密係左手交右手！
講返車仔今年點樣「有錢剩」，一個關鍵字：內部資產交易。雖然車仔未能踢歐聯，收入少左唔少，但透過出售資產加上賣人補數，令球會喺 2024 年錄得 £128.4m 嘅稅前盈利。而呢筆盈利，主要係來自四個大的部份：
💸 1️⃣ 賣囡！出售女子隊俾自己
上年，Chelsea Women (CFCW) 賣咗俾球會母公司 BlueCo 22 Midco Ltd，估計交易價值高達 £150m。由於 BlueCo 22 同車仔都係屬於 Todd Boehly 同 Clearlake Capital 控制，呢個「自己賣俾自己」嘅交易引起唔少爭議，但根據 英超 PSR 嘅規則，資產出售可以計入收入，錄得 £198.7m 嘅資產處置利潤，成功令球會盈利大增。但問題係， 過到PSR過唔到 FFP ，FFP 唔接受自家資產交易，如果車仔下季重返歐洲賽，呢筆收入將無法計入 FFP 計算範圍。
⚽️ 2️⃣ 將青訓變黃金，再減低工資支出
車仔喺 2024 財年透過出售球員錄得 £152.5m 嘅利潤，當中包括 曼聯簽走美臣·蒙特 (Mason Mount)、多蒙特簽走伊恩·馬臣 (Ian Maatsen)、阿仙奴買入夏維斯 (Kai Havertz) 等等。出售青訓球員，因為唔需要攤分轉會費，所以會成為 純利潤 計入帳目，直接幫助車仔平衡 PSR。
加上高列巴尼 (Kalidou Koulibaly)、文迪 (Édouard Mendy)、簡迪 (N'Golo Kanté) 等人離隊，大大減輕左工資負擔。成功透過「球員出售 + 長約攤分轉會費」的策略，令車仔帳面數字有顯著改善。
除左直接出售，車仔單係透過外借就成功獲得超過 £30m 的進帳，令車仔嘅收入來源更加多元化。
🏨3️⃣ 出售酒店：真正的左手交右手
車仔亦將史丹福橋旁邊嘅 Millennium Hotel 同 Copthorne Hotel 以 £76.5m 售予 BlueCo 22 Properties Ltd，同樣屬於 Boehly 旗下嘅公司。呢單交易至為關鍵，直接幫車仔大幅減少財政虧損，令球會合規於 PSR 規定之內，但同樣，呢筆交易喺 FFP 之下係唔被接受嘅。
📊 4️⃣ 其他收入來源：商業發展唔停手
雖然車仔呢兩季冇得踢歐聯，少左唔少比賽日同轉播收入，但係商業發展方面，球會絕對冇停過手，甚至有幾個明顯嘅增長點，成功彌補部分收入差距。
第一個係非比賽日收入，史丹福橋 (Stamford Bridge) 雖然面臨擴建同搬遷問題，但現有場館依然係吸金重地。球會積極推動 場館導覽 (Stadium tours)、球衣銷售、商品紀念品銷售 等非比賽日收入，創下歷史新高。
單係去年，場館導覽人數增長超過 18%，大量海外球迷特意飛去倫敦朝聖，加上球衣銷量受新簽約球星影響 (例如 彭馬，彭馬，同彭馬等等)，直接帶動商品收入持續上升。非比賽日收入大幅增加，為球會帶來額外 £80.1m 收入。
第二樣係商業贊助同合作。雖然車仔近年成績波動，但係喺品牌價值方面依然保持強勢，甚至吸引唔少全球品牌合作。例如上年，Infinite Athlete 取代 3 成為新球衣贊助商，合同金額高達 £50m 一年，加上球衣供應商 Nike 繼續履行長期合作協議，確保球會每年有穩定嘅商業收入。2024 年商業收入增長至 £225.3m，比上一年提升 12%。更重要係，就算車仔係今年未搵到心口的贊助商，仍然係呢方面錄得盈利，多少證明左老闆們的財技有幾精湛。
總結：
或者好多人會唔鍾意新老闆的呢d財技做法。不過比起油王時代的枱底交易，至少而家行得正企得正。考慮到之後仲有機會要起球場，加上 FFP 同 PSR 雙重夾攻，車仔今個夏天恐怕都無咁多空間去簽人，希望我地可以放得出用唔上的球員，俾少少空間簽人啦。
========================================
Facebook Page 已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊