唔知大家有冇留意到，今年夏天車仔將會參加 2025 年世界冠軍球會 (Club World Cup，下稱世冠盃)，比賽會係美國舉行，而且係 32 隊制，用世界盃模式進行，包括分組賽、16 強、8 強直至決賽，全部七場比賽都係單淘汰制。
而家 FIFA 擴展左參賽隊伍，而且賽事背後仲有 1 億美元 (約 9.2 億港元) 獎金池，贏晒比賽可以攞到 1.25 億美元 (約 9700 萬英鎊)。因為呢筆獎金太吸引，所以各大歐洲豪門都視世冠盃為兵家必爭之地。
英超為左應付呢個新賽制，決定今個夏天搞兩個轉會窗，呢個先係令整個夏天更混亂嘅導火線。
呢篇文係用黎說明一下點解英超會破例搞雙轉會窗同世冠盃獎金嘅。
轉會窗問題同獎金誘惑
為左配合世冠盃賽程，同時確保轉會窗唔會超過限制的 16 星期，所以英超宣佈 2025 年夏天嘅轉會窗會拆成兩段，呢個決定可以話係史無前例。第一階段 由 6 月 1 日至 6 月 10 日，主要俾參加世冠盃嘅球隊提前簽人；第二階段 會係 6 月 16 日至 9 月 1 日，確保英超同其他歐洲聯賽同步結束。
表面睇嚟，曼城同車仔可以提早補強，但實際執行起嚟，當中有唔少時間撞期、球員合同同註冊限制等問題，搞唔好隨時亂晒大龍。
先講 6 月初正值國際賽期，部分球員會忙住踢歐國聯 (Nations League) 四強比賽，仲要連埋世界盃外圍賽的兩輪比賽，好多球員無法同時兼顧轉會同國家隊比賽的關係，所以大大增加左轉會談判的難度。
例如而家傳聞得最勁的TAA (Trent Alexander-Arnold)，消息話佢會加盟皇馬，但 6 月初要跟隨英格蘭出戰歐國聯，勢必分身不暇；另一種情況例如係 迪布尼 (Kevin De Bruyne) ，佢 6 月 30 日約滿，但比利時國家隊亦有重要賽事，相信對轉會安排將會形成阻礙。
係呢種情況下，再加上 FIFA 特別批准的 6 月 1 日至 10 日 同 6 月 27 日至 7 月 3 日 兩個額外註冊期，情況更加複雜。如果球員合同係 6 月 30 日到期，FIFA容許球員係呢個狀況下踢埋世冠盃先走，註冊、人工問題同轉會問題可能引發連鎖效應，呢啲細節會係各大球會今夏要面對的燙手山芋。
世冠的吸引之處：錢！
但係各大球會咁重視呢個比賽，除咗所謂的球會榮譽之外，當然係因為錢銀作怪啦。首先世冠盃的參賽球隊一開始就會獲得參加獎金，獎金會根據球會所在地而有所分別：
歐洲球隊 (UEFA)： 介乎 1281 萬至 3819 萬美元 (約 1178 萬至 3514 萬歐元) 之間，具體金額係根據球隊過去幾年嘅成績排名同商業影響力而定，外界估計曼城同車仔屬於最高檔次，可望攞到接近 3500 萬歐元；
南美球隊 (CONMEBOL)： 每隊 1521 萬美元 (約 1400 萬歐元)；
北美、中美及加勒比球隊 (CONCACAF)： 每隊 955 萬美元 (約 879 萬歐元)；
亞洲球隊 (AFC)： 每隊 955 萬美元 (約 879 萬歐元)；非洲球隊 (CAF)： 每隊 955 萬美元 (約 879 萬歐元)；
大洋洲球隊 (OFC)： 每隊 358 萬美元 (約 329 萬歐元)
換句話講，就算車仔真係咁低能喺世冠盃一場波都贏唔到，歐洲參賽球隊都已經穩袋幾千萬歐元獎金。此外，FIFA 仲宣布參加世冠盃嘅球隊可以按比賽表現分配額外獎金：
分組賽： 每場勝仗可得 200 萬美元 (約 184 萬歐元)，打和都有 100 萬美元 (約 92 萬歐元) 獎金，所以同組 4 隊波踢晒 3 場而又贏晒的話，車仔就可以再賺多 552 萬歐元。
入到淘汰賽就仲勁：
16 強： 750 萬美元 (約 690 萬歐元)
8 強： 1312 萬美元 (約 1207 萬歐元)
4 強： 2100 萬美元 (約 1932 萬歐元)亞軍： 3000 萬美元 (約 2760 萬歐元)
冠軍： 4000 萬美元 (約 3680 萬歐元)
如果一支球隊能夠殺入決賽，基本上已經穩袋近 1 億歐元，呢筆數係可以直接歸納入 FFP (財政公平法案) 同 PSR (盈利與持續性規則) 。曼城同車仔喺世冠盃上爭標，背後不單止係球會榮譽，更加係巨額財政回報嘅誘惑。
轉會方針同 FFP 考慮
對於車仔全體嚟講，今個夏天真係一個考驗智商同膽量嘅時刻。如果記者Fabrizio Romano的消息係真的話，今年夏天車路士至少有幾個問題要處理，包括咗：
1) 賣人套現去平衡帳目，確保 FFP 唔會出問題；2) 補強年輕有潛力嘅球員，增強陣容深度，特別係為左世冠盃而作出針對性補強。
車仔嘅收購目標已經陸續浮面，其中包括：
畢爾包 (Athletic Bilbao) 嘅翼鋒 力高 威廉斯 (Nico Williams)：解約金約 6000 萬歐元，速度快、突破力強，連巴塞都對佢虎視眈眈，但佢本人想唔想上車又係另一件事。
水晶宮 (Crystal Palace) 嘅前車青訓中堅 馬克 古希 (Marc Guéhi)：解約條款 7000 萬歐元，相信大家唔會對佢感到陌生，而家車仔陣中的中堅經驗不足，所以球會希望收購一個中堅解決後防不穩的問題，仲要因為我地係古希的合約上有 20% 二次轉會分成，實際的轉會價格可能可以壓低至 5600 萬歐元。
葉士域治 (Ipswich Town) 嘅年輕前鋒戴立 (Liam Delap)：球會叫價 4500 萬歐元。擁有強大的身體質素，又係曼城體系出身的球員，雖然今季係葉仔的表現一般，但仍然受到一眾大球會的青睞，包括利物浦，曼聯同車路士，雖然個人黎講未覺得佢可以做得比積臣出色，不過潛力黎講的確係有嘅。
出售方面，車仔的清單都長到嚇親人。大家都應該記得上年我地人滿之患勁到俾人笑Gym Room唔夠位，今年夏天，我地要出售的球員一樣好多，包括 捷維爾 (Ben Chilwell)、史達寧 (Raheem Sterling)、保贊 (Armando Broja)、艾利沙巴拿加 (Kepa Arrizabalaga)、迪西斯 (Axel Disasi) 同埋 卓古美卡 (Carney Chukwuemeka)。
仲有啲今季的收購但係一直未有上陣時間的球員，例如霍爾 (Kiernan Dewsbury-Hall) 、維加 (Renato Veiga)同菲歷斯 (João Félix)。
車仔今夏如果想再次大手筆「掃貨」，我地唔止係世冠盃中要盡量爭取好表現，有咁遠行咁遠，仲要喺買人同賣人之間搵到平衡，否則觸動 FFP 同 PSR 嘅底線，隨時搞到來季又要面對罰分、轉會限制等問題。
小總結：
得罪講句，車路士都只係掹車邊參加到世冠盃，作為車迷就唔覺得車仔可以行到幾遠…不過獎金當前，都想球員可以盡力而為，輸唔緊要，唔好輸得太難睇就得。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
而家 FIFA 擴展左參賽隊伍，而且賽事背後仲有 1 億美元 (約 9.2 億港元) 獎金池，贏晒比賽可以攞到 1.25 億美元 (約 9700 萬英鎊)。因為呢筆獎金太吸引，所以各大歐洲豪門都視世冠盃為兵家必爭之地。
英超為左應付呢個新賽制，決定今個夏天搞兩個轉會窗，呢個先係令整個夏天更混亂嘅導火線。
呢篇文係用黎說明一下點解英超會破例搞雙轉會窗同世冠盃獎金嘅。
轉會窗問題同獎金誘惑
為左配合世冠盃賽程，同時確保轉會窗唔會超過限制的 16 星期，所以英超宣佈 2025 年夏天嘅轉會窗會拆成兩段，呢個決定可以話係史無前例。第一階段 由 6 月 1 日至 6 月 10 日，主要俾參加世冠盃嘅球隊提前簽人；第二階段 會係 6 月 16 日至 9 月 1 日，確保英超同其他歐洲聯賽同步結束。
表面睇嚟，曼城同車仔可以提早補強，但實際執行起嚟，當中有唔少時間撞期、球員合同同註冊限制等問題，搞唔好隨時亂晒大龍。
先講 6 月初正值國際賽期，部分球員會忙住踢歐國聯 (Nations League) 四強比賽，仲要連埋世界盃外圍賽的兩輪比賽，好多球員無法同時兼顧轉會同國家隊比賽的關係，所以大大增加左轉會談判的難度。
例如而家傳聞得最勁的TAA (Trent Alexander-Arnold)，消息話佢會加盟皇馬，但 6 月初要跟隨英格蘭出戰歐國聯，勢必分身不暇；另一種情況例如係 迪布尼 (Kevin De Bruyne) ，佢 6 月 30 日約滿，但比利時國家隊亦有重要賽事，相信對轉會安排將會形成阻礙。
係呢種情況下，再加上 FIFA 特別批准的 6 月 1 日至 10 日 同 6 月 27 日至 7 月 3 日 兩個額外註冊期，情況更加複雜。如果球員合同係 6 月 30 日到期，FIFA容許球員係呢個狀況下踢埋世冠盃先走，註冊、人工問題同轉會問題可能引發連鎖效應，呢啲細節會係各大球會今夏要面對的燙手山芋。
世冠的吸引之處：錢！
但係各大球會咁重視呢個比賽，除咗所謂的球會榮譽之外，當然係因為錢銀作怪啦。首先世冠盃的參賽球隊一開始就會獲得參加獎金，獎金會根據球會所在地而有所分別：
歐洲球隊 (UEFA)： 介乎 1281 萬至 3819 萬美元 (約 1178 萬至 3514 萬歐元) 之間，具體金額係根據球隊過去幾年嘅成績排名同商業影響力而定，外界估計曼城同車仔屬於最高檔次，可望攞到接近 3500 萬歐元；
南美球隊 (CONMEBOL)： 每隊 1521 萬美元 (約 1400 萬歐元)；
北美、中美及加勒比球隊 (CONCACAF)： 每隊 955 萬美元 (約 879 萬歐元)；
亞洲球隊 (AFC)： 每隊 955 萬美元 (約 879 萬歐元)；非洲球隊 (CAF)： 每隊 955 萬美元 (約 879 萬歐元)；
大洋洲球隊 (OFC)： 每隊 358 萬美元 (約 329 萬歐元)
換句話講，就算車仔真係咁低能喺世冠盃一場波都贏唔到，歐洲參賽球隊都已經穩袋幾千萬歐元獎金。此外，FIFA 仲宣布參加世冠盃嘅球隊可以按比賽表現分配額外獎金：
分組賽： 每場勝仗可得 200 萬美元 (約 184 萬歐元)，打和都有 100 萬美元 (約 92 萬歐元) 獎金，所以同組 4 隊波踢晒 3 場而又贏晒的話，車仔就可以再賺多 552 萬歐元。
入到淘汰賽就仲勁：
16 強： 750 萬美元 (約 690 萬歐元)
8 強： 1312 萬美元 (約 1207 萬歐元)
4 強： 2100 萬美元 (約 1932 萬歐元)亞軍： 3000 萬美元 (約 2760 萬歐元)
冠軍： 4000 萬美元 (約 3680 萬歐元)
如果一支球隊能夠殺入決賽，基本上已經穩袋近 1 億歐元，呢筆數係可以直接歸納入 FFP (財政公平法案) 同 PSR (盈利與持續性規則) 。曼城同車仔喺世冠盃上爭標，背後不單止係球會榮譽，更加係巨額財政回報嘅誘惑。
轉會方針同 FFP 考慮
對於車仔全體嚟講，今個夏天真係一個考驗智商同膽量嘅時刻。如果記者Fabrizio Romano的消息係真的話，今年夏天車路士至少有幾個問題要處理，包括咗：
1) 賣人套現去平衡帳目，確保 FFP 唔會出問題；2) 補強年輕有潛力嘅球員，增強陣容深度，特別係為左世冠盃而作出針對性補強。
車仔嘅收購目標已經陸續浮面，其中包括：
畢爾包 (Athletic Bilbao) 嘅翼鋒 力高 威廉斯 (Nico Williams)：解約金約 6000 萬歐元，速度快、突破力強，連巴塞都對佢虎視眈眈，但佢本人想唔想上車又係另一件事。
水晶宮 (Crystal Palace) 嘅前車青訓中堅 馬克 古希 (Marc Guéhi)：解約條款 7000 萬歐元，相信大家唔會對佢感到陌生，而家車仔陣中的中堅經驗不足，所以球會希望收購一個中堅解決後防不穩的問題，仲要因為我地係古希的合約上有 20% 二次轉會分成，實際的轉會價格可能可以壓低至 5600 萬歐元。
葉士域治 (Ipswich Town) 嘅年輕前鋒戴立 (Liam Delap)：球會叫價 4500 萬歐元。擁有強大的身體質素，又係曼城體系出身的球員，雖然今季係葉仔的表現一般，但仍然受到一眾大球會的青睞，包括利物浦，曼聯同車路士，雖然個人黎講未覺得佢可以做得比積臣出色，不過潛力黎講的確係有嘅。
出售方面，車仔的清單都長到嚇親人。大家都應該記得上年我地人滿之患勁到俾人笑Gym Room唔夠位，今年夏天，我地要出售的球員一樣好多，包括 捷維爾 (Ben Chilwell)、史達寧 (Raheem Sterling)、保贊 (Armando Broja)、艾利沙巴拿加 (Kepa Arrizabalaga)、迪西斯 (Axel Disasi) 同埋 卓古美卡 (Carney Chukwuemeka)。
仲有啲今季的收購但係一直未有上陣時間的球員，例如霍爾 (Kiernan Dewsbury-Hall) 、維加 (Renato Veiga)同菲歷斯 (João Félix)。
車仔今夏如果想再次大手筆「掃貨」，我地唔止係世冠盃中要盡量爭取好表現，有咁遠行咁遠，仲要喺買人同賣人之間搵到平衡，否則觸動 FFP 同 PSR 嘅底線，隨時搞到來季又要面對罰分、轉會限制等問題。
小總結：
得罪講句，車路士都只係掹車邊參加到世冠盃，作為車迷就唔覺得車仔可以行到幾遠…不過獎金當前，都想球員可以盡力而為，輸唔緊要，唔好輸得太難睇就得。
========================================
Facebook Page已經開咗啦！如果鍾意我的文章可以入黎按個讚！
⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊