最近兩個星期，當媒體揭露左車路士同曼聯之間關於辛祖（又稱Freedom哥）轉會條款嘅細節後，香港一眾Fans Page就開始瘋狂傳講所謂嘅「退貨條款」。
由於講到曼聯同Freedom哥又會有流量，我呢D流量戰士當然唔會坐視不理，所以就順手整理咗《The Athletic》嘅相關報導同埋Freedom哥本季喺車路士嘅實際表現數據，去睇下呢位曾經被寄予厚望嘅英格蘭翼鋒係咪真係傳聞中咁「廢」。
瘋傳的傳聞上集同失蹤的傳聞下集
根據《The Athletic》嘅報導，車路士借入Freedom哥的時候，曼聯加左強制買斷條款 — 如果車路士排名 14 以上，就要根據排名支付 £20—25M 嘅買斷費，而根據而家車路士的積分同排名，幾乎可以肯定車仔要俾足£25M 。同時曼聯亦加入咗一個比較特殊嘅條款，就係如果車路士唔打算喺季尾完成永久轉會，就要另外支付 £5M 作為補償費用。
而家市面上的Fans Page提到的野，基本上只有呢一半，甚至大部份只係聚焦於 £5M 的補償費用，完全無提及過文章的後半。《The Athletic》指車路士同Freedom哥之間而家關係良好。球會雖然有意喺未來轉會市場上再簽入翼鋒，但主因係另一位球員梅迪歷 (Mudryk) 嘅狀態不明朗，梅迪歷自從11月被捲入禁藥風波之後，一直都未有更新的進展，B血液樣本的結果遲遲未有公佈，更加令車路士下決心想搵一個翼鋒返黎，而非針對Freedom哥本人去進行轉會。
車路士主教練馬蛇喺今年一月接受訪問時都有表示對Freedom哥本季嘅整體表現感到滿意，更加話自己對佢嘅表現感到驚喜，並且認為佢嘅表現好穩定，只係喺 11 月短暫病患期間受到影響。
到目前為止 數據上的Freedom哥
之前有搬過Freedom哥的數字出黎做分析同比較，正好而家可以將今季的數字拎出黎再討論下。
先由球隊整體數據睇，車路士的中前線喺季初（2024年8月至12月）同季尾（2025年1月至3月）嘅進攻表現有明顯落差。季初期間可以話係火力驚人，每 90 分鐘嘅射門次數達到 24.58 次，關鍵傳球達 17.18 次，預期入球（xG90）更達到 3.51。
但係去到季尾呢段時間，球隊嘅射門數字下跌到每 90 分鐘 23.64 次，預期入球甚至下跌到每 90 分鐘 2.79 次，相差幾乎有 0.72 。造成呢個落差嘅主要原因係後半季球隊遭受咗嚴重嘅傷病問題，積臣、馬杜基、古爾先後傷出，加上安宮古同彭馬的啞火問題，直接影響咗球隊整體嘅攻擊節奏同效率。不幸中的大幸，係關鍵傳球則保持不變，甚至稍微提升到 18.27 次。
喺呢段球隊整體進攻表現下滑嘅時間，Freedom哥個人嘅數據反而表現穩定。當然，如果你單純聚焦係佢有無入球同助攻上，就一定會覺得佢黎呃飯食。但呢兩項關鍵數據以外，前半季Freedom哥每 90 分鐘平均射門 1.25 次，關鍵傳球 1.81 次，非十二碼預期入球 (NPxG90) 0.13，預期助攻 (xA90) 0.24；後半季數據分別係每90分鐘平均射門 0.98 次，關鍵傳球維持 1.81 次，非十二碼預期入球 (NPxG90) 0.07，預期助攻(xA90) 0.20。雖然喺射門同非十二碼預期入球上略有下跌，但整體上數據差距唔算大，證明Freedom哥喺球隊狀態不佳嘅情況下，依然保持到相對穩定嘅表現。
如果比較埋Freedom哥喺過去幾年嘅數據，佢雖然未能重現多蒙特顛峰時期每 90 分鐘 0.52 助攻嘅高效率，但係今季喺車路士每 90 分鐘交出 0.31 助攻嘅數據，相較於佢曼聯時期嘅表現（每 90 分鐘 0.11 助攻），仍然算係有明顯嘅改善。而且佢嘅推進數據同埋製造機會嘅數據（例如每 90 分鐘 3.52 次射門創造動作）亦保持穩定，顯示佢喺戰術層面上對球隊嘅作用唔可以忽視。
但當然，作為翼鋒球員，佢有責任要負起更多射門入波的責任，而呢D部份就算係Freedom哥的最大弱項，明明係多蒙特可以保持到每 90 分鐘 0.55 入球，初到曼聯亦有每 90 分鐘 0.18 入球，但今季就跌到去 90 分鐘 0.1 入球，話就話 0.08 的入球好微不足道，但餘下的賽季中的確有必要改善呢方面的問題。
小總結：
車路士球迷自己對於是否應該買斷Freedom哥一樣存在明顯嘅意見分歧。一部份人對佢近期嘅表現感到不滿，質疑佢是否適合球隊嘅戰術體系，更傾向於唔買斷佢而將資金用於其他更適合嘅球員。
然而，亦有部分球迷認為考慮到佢嘅潛力同轉會費，如果佢能喺剩餘嘅賽季中改善表現，買斷佢亦係可以接受嘅。再諗下，當初我地用水魚價 £87M 買梅迪歷，最後換來的只有一個沒完沒了的藥檢同踢極都踢唔起的烏克蘭人，£25M 買一個踢法唔同的球員，未算係一筆錯誤的交易，甚至比起尼圖的轉會費要少一半。最終嘅決定雖然取決於Freedom哥喺賽季剩餘時間嘅表現同球隊管理層整體嘅引援策略。不過我自己都傾向留用Freedom哥，話唔埋跟住落黎傷員復出，佢又會有入波都唔定呢？
========================================
Facebook Page已經開咗啦！如果鍾意我的文章可以入黎按個讚！
⭕️車迷狗up天地 ❌
https://www.facebook.com/profile.php?id=61566593983419
由於講到曼聯同Freedom哥又會有流量，我呢D流量戰士當然唔會坐視不理，所以就順手整理咗《The Athletic》嘅相關報導同埋Freedom哥本季喺車路士嘅實際表現數據，去睇下呢位曾經被寄予厚望嘅英格蘭翼鋒係咪真係傳聞中咁「廢」。
瘋傳的傳聞上集同失蹤的傳聞下集
根據《The Athletic》嘅報導，車路士借入Freedom哥的時候，曼聯加左強制買斷條款 — 如果車路士排名 14 以上，就要根據排名支付 £20—25M 嘅買斷費，而根據而家車路士的積分同排名，幾乎可以肯定車仔要俾足£25M 。同時曼聯亦加入咗一個比較特殊嘅條款，就係如果車路士唔打算喺季尾完成永久轉會，就要另外支付 £5M 作為補償費用。
而家市面上的Fans Page提到的野，基本上只有呢一半，甚至大部份只係聚焦於 £5M 的補償費用，完全無提及過文章的後半。《The Athletic》指車路士同Freedom哥之間而家關係良好。球會雖然有意喺未來轉會市場上再簽入翼鋒，但主因係另一位球員梅迪歷 (Mudryk) 嘅狀態不明朗，梅迪歷自從11月被捲入禁藥風波之後，一直都未有更新的進展，B血液樣本的結果遲遲未有公佈，更加令車路士下決心想搵一個翼鋒返黎，而非針對Freedom哥本人去進行轉會。
車路士主教練馬蛇喺今年一月接受訪問時都有表示對Freedom哥本季嘅整體表現感到滿意，更加話自己對佢嘅表現感到驚喜，並且認為佢嘅表現好穩定，只係喺 11 月短暫病患期間受到影響。
到目前為止 數據上的Freedom哥
之前有搬過Freedom哥的數字出黎做分析同比較，正好而家可以將今季的數字拎出黎再討論下。
先由球隊整體數據睇，車路士的中前線喺季初（2024年8月至12月）同季尾（2025年1月至3月）嘅進攻表現有明顯落差。季初期間可以話係火力驚人，每 90 分鐘嘅射門次數達到 24.58 次，關鍵傳球達 17.18 次，預期入球（xG90）更達到 3.51。
但係去到季尾呢段時間，球隊嘅射門數字下跌到每 90 分鐘 23.64 次，預期入球甚至下跌到每 90 分鐘 2.79 次，相差幾乎有 0.72 。造成呢個落差嘅主要原因係後半季球隊遭受咗嚴重嘅傷病問題，積臣、馬杜基、古爾先後傷出，加上安宮古同彭馬的啞火問題，直接影響咗球隊整體嘅攻擊節奏同效率。不幸中的大幸，係關鍵傳球則保持不變，甚至稍微提升到 18.27 次。
喺呢段球隊整體進攻表現下滑嘅時間，Freedom哥個人嘅數據反而表現穩定。當然，如果你單純聚焦係佢有無入球同助攻上，就一定會覺得佢黎呃飯食。但呢兩項關鍵數據以外，前半季Freedom哥每 90 分鐘平均射門 1.25 次，關鍵傳球 1.81 次，非十二碼預期入球 (NPxG90) 0.13，預期助攻 (xA90) 0.24；後半季數據分別係每90分鐘平均射門 0.98 次，關鍵傳球維持 1.81 次，非十二碼預期入球 (NPxG90) 0.07，預期助攻(xA90) 0.20。雖然喺射門同非十二碼預期入球上略有下跌，但整體上數據差距唔算大，證明Freedom哥喺球隊狀態不佳嘅情況下，依然保持到相對穩定嘅表現。
如果比較埋Freedom哥喺過去幾年嘅數據，佢雖然未能重現多蒙特顛峰時期每 90 分鐘 0.52 助攻嘅高效率，但係今季喺車路士每 90 分鐘交出 0.31 助攻嘅數據，相較於佢曼聯時期嘅表現（每 90 分鐘 0.11 助攻），仍然算係有明顯嘅改善。而且佢嘅推進數據同埋製造機會嘅數據（例如每 90 分鐘 3.52 次射門創造動作）亦保持穩定，顯示佢喺戰術層面上對球隊嘅作用唔可以忽視。
但當然，作為翼鋒球員，佢有責任要負起更多射門入波的責任，而呢D部份就算係Freedom哥的最大弱項，明明係多蒙特可以保持到每 90 分鐘 0.55 入球，初到曼聯亦有每 90 分鐘 0.18 入球，但今季就跌到去 90 分鐘 0.1 入球，話就話 0.08 的入球好微不足道，但餘下的賽季中的確有必要改善呢方面的問題。
小總結：
車路士球迷自己對於是否應該買斷Freedom哥一樣存在明顯嘅意見分歧。一部份人對佢近期嘅表現感到不滿，質疑佢是否適合球隊嘅戰術體系，更傾向於唔買斷佢而將資金用於其他更適合嘅球員。
然而，亦有部分球迷認為考慮到佢嘅潛力同轉會費，如果佢能喺剩餘嘅賽季中改善表現，買斷佢亦係可以接受嘅。再諗下，當初我地用水魚價 £87M 買梅迪歷，最後換來的只有一個沒完沒了的藥檢同踢極都踢唔起的烏克蘭人，£25M 買一個踢法唔同的球員，未算係一筆錯誤的交易，甚至比起尼圖的轉會費要少一半。最終嘅決定雖然取決於Freedom哥喺賽季剩餘時間嘅表現同球隊管理層整體嘅引援策略。不過我自己都傾向留用Freedom哥，話唔埋跟住落黎傷員復出，佢又會有入波都唔定呢？
========================================
Facebook Page已經開咗啦！如果鍾意我的文章可以入黎按個讚！
⭕️車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊