對大部分球迷嚟講，三月係一個平淡嘅月份，轉會通常唔會係呢個時候出現，頂多都只係轉會傳聞，一般球會都係等到暑假轉會窗先有動靜。但係車路士今次偏偏唔走尋常路，選擇喺三月提前完成咗兩筆總價高達£62M嘅轉會，分別簽入士砵亭嘅20歲防中Dário Essugo同17歲翼鋒Geovany Quenda，其中Essugo今年夏天會正式加盟，而Quenda就要去到2026年先正式到隊。
《The Athletic》報導指出，今次車仔咁急住出手，最大嘅原因就係激烈嘅競爭。據報導話，曼聯同其他英超前列球會已經展開咗對Quenda嘅爭奪戰，而Essugo更加吸引到5至6隊球隊嘅關注。車路士唔想再重蹈之前錯失好球員嘅覆轍，提前鎖定目標係最好嘅做法。
球會內部人士亦透露，提早完成交易並唔係一時興起，更係車路士未來整體轉會策略嘅重要一環。球隊希望喺六月底前搞掂絕大部分嘅轉入同轉出工作，尤其今年特別需要簽入一名前鋒同一名慣用右腳嘅翼鋒，務求盡快確立陣容應付來季嘅英超、國內盃賽同歐洲賽事。
提早完成轉會仲可以避免球員加盟太遲而影響融入球隊嘅速度。最明顯嘅例子就係Caicedo，2023年車路士以£115M嘅破紀錄轉會費簽入佢，但由於八月中旬開季之後先正式加盟，令佢需要更長嘅適應期，對球員同球隊嚟講都係一種損失。
球會亦希望避免去夏「炸彈部隊」嘅情況重演。當時因為太多球員未能及時離隊，對球隊內部造成唔少干擾，令新任教練馬蛇相當頭痛。今年車路士已經提前著手，透過出售或者外借盡快處理呢啲問題球員，為新加盟球員騰出空間同資金。現時車路士需要處理嘅球員名單包括：
Axel Disasi（外借到維拉，未有進一步消息）
Ben Chilwell（外借合約無買斷條款）
Carney Chukwuemeka（外借多蒙特，有35M買斷條款但多蒙特已表明唔會啟動）
Raheem Sterling（阿仙奴已表明季尾將會送返車路士）
Armando Broja（外借到愛華頓，但傷患不斷）
Kepa Arrizabalaga（傳聞將以6M正式加盟般茅）
今年夏天車路士更加會參與世界冠軍球會盃（Club World Cup），首戰將喺6月16日舉行，如果晉級決賽更要打到7月13日。英超比賽則喺8月16日開鑼，留俾球隊備戰嘅時間實在好緊湊 (當然，作為車迷我就好有信心隊波入唔到決賽)。所以球會內部將呢個比賽當成季前熱身賽，希望新加盟球員即使未能正式上場，都可以透過呢段時間盡快融入球隊戰術同文化。
從長遠角度嚟睇，車路士明確表示提早轉會唔會係一次性事件，而係未來每年嘅常態。球會已經做好充分嘅前期準備，未來每季都會愈嚟愈早完成轉會計劃，為球隊建立更穩定嘅陣容同更充裕嘅準備時間。
Blue Co. 繼超長約之後，今次又嘗試打破歐洲列強的轉會窗限制，到底其他球會都會跟風咁玩定係繼續保留傳統呢？而車仔係咪真係能夠係6月16日之前完成前鋒同翼鋒嘅重要轉會，呢啲就要時間證明啦。
文章來源：https://www.nytimes.com/athletic/6221841/2025/03/23/chelsea-transfer-business-march-why/
========================================
Facebook Page已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
《The Athletic》報導指出，今次車仔咁急住出手，最大嘅原因就係激烈嘅競爭。據報導話，曼聯同其他英超前列球會已經展開咗對Quenda嘅爭奪戰，而Essugo更加吸引到5至6隊球隊嘅關注。車路士唔想再重蹈之前錯失好球員嘅覆轍，提前鎖定目標係最好嘅做法。
球會內部人士亦透露，提早完成交易並唔係一時興起，更係車路士未來整體轉會策略嘅重要一環。球隊希望喺六月底前搞掂絕大部分嘅轉入同轉出工作，尤其今年特別需要簽入一名前鋒同一名慣用右腳嘅翼鋒，務求盡快確立陣容應付來季嘅英超、國內盃賽同歐洲賽事。
提早完成轉會仲可以避免球員加盟太遲而影響融入球隊嘅速度。最明顯嘅例子就係Caicedo，2023年車路士以£115M嘅破紀錄轉會費簽入佢，但由於八月中旬開季之後先正式加盟，令佢需要更長嘅適應期，對球員同球隊嚟講都係一種損失。
球會亦希望避免去夏「炸彈部隊」嘅情況重演。當時因為太多球員未能及時離隊，對球隊內部造成唔少干擾，令新任教練馬蛇相當頭痛。今年車路士已經提前著手，透過出售或者外借盡快處理呢啲問題球員，為新加盟球員騰出空間同資金。現時車路士需要處理嘅球員名單包括：
Axel Disasi（外借到維拉，未有進一步消息）
Ben Chilwell（外借合約無買斷條款）
Carney Chukwuemeka（外借多蒙特，有35M買斷條款但多蒙特已表明唔會啟動）
Raheem Sterling（阿仙奴已表明季尾將會送返車路士）
Armando Broja（外借到愛華頓，但傷患不斷）
Kepa Arrizabalaga（傳聞將以6M正式加盟般茅）
今年夏天車路士更加會參與世界冠軍球會盃（Club World Cup），首戰將喺6月16日舉行，如果晉級決賽更要打到7月13日。英超比賽則喺8月16日開鑼，留俾球隊備戰嘅時間實在好緊湊 (當然，作為車迷我就好有信心隊波入唔到決賽)。所以球會內部將呢個比賽當成季前熱身賽，希望新加盟球員即使未能正式上場，都可以透過呢段時間盡快融入球隊戰術同文化。
從長遠角度嚟睇，車路士明確表示提早轉會唔會係一次性事件，而係未來每年嘅常態。球會已經做好充分嘅前期準備，未來每季都會愈嚟愈早完成轉會計劃，為球隊建立更穩定嘅陣容同更充裕嘅準備時間。
Blue Co. 繼超長約之後，今次又嘗試打破歐洲列強的轉會窗限制，到底其他球會都會跟風咁玩定係繼續保留傳統呢？而車仔係咪真係能夠係6月16日之前完成前鋒同翼鋒嘅重要轉會，呢啲就要時間證明啦。
文章來源：https://www.nytimes.com/athletic/6221841/2025/03/23/chelsea-transfer-business-march-why/
========================================
Facebook Page已經開咗啦！如果鍾意我的文章可以入黎按個讚！⭕️ 車迷狗up天地 ❌
https://www.facebook.com/profile.php?id=61566593983419
請按此登錄後留言。未成為會員? 立即註冊